درس القرآن و تفسير الوجه السادس من يوسف .
::::::::::::::::::::::::::::::::::::::::::::::::::::::::::::::::::::
أسماء إبراهيم :
شرح لنا سيدي و حبيبي يوسف بن المسيح ﷺ أثناء جلسة التلاوة المباركة من أحكام التلاوة ؛ أحكام الميم الساكنة , ثم قام بقراءة الوجه السادس من أوجه سورة يوسف ، و أجاب على أسئلتنا بهذا الوجه ، و أنهى نبي الله الحبيب الجلسة بأن صحح لنا تلاوتنا .
بدأ نبي الله جلسة التلاوة المباركة بقوله :
الحمد لله ، الحمد لله وحده ، الحمد لله وحده و الصلاة و السلام على محمد و من تبعه من أنبياء عهده و بعد ، لدينا اليوم الوجه السادس من أوجه سورة يوسف ، و نبدأ بأحكام التلاوة و أحمد
أحكام الميم الساكنة :
إدغام متماثلين صغير و هو إذا أتى بعد الميم الساكنة ميم أخرى فتدغم الميم الأولى في الثانية و تنطق ميماً واحدة .
و الإخفاء الشفوي و هو إذا أتى بعد الميم الساكنة حرف الباء و الحُكم يقع على الميم أي الاخفاء يكون على الميم .
و الإظهار الشفوي و هو إذا أتى بعد الميم الساكنة جميع الحروف إلا الميم و الباء ، و الإظهار طبعاً سكون على الميم نفسها يعني الحُكم يقع على الميم .
و بعد أحمد قال الأحكام مروان ثم رفيدة ثم أرسلان .
__
○ و ثم طلب سيدي يوسف بن المسيح ﷺ من أحمد قراءة سورة النصر ، و صحح له قراءته .
__
و ثم تابع نبي الله يوسف الثاني ﷺ الجلسة بشرح الوجه لنا فقال :
{يَا صَاحِبَيِ السِّجْنِ أَأَرْبَابٌ مُّتَفَرِّقُونَ خَيْرٌ أَمِ اللَّهُ الْوَاحِدُ الْقَهَّارُ} :
هنا يوسف النبي يُحدث صاحبيه ، إتنين من اللي كانوا مقربين له أو تعرفوا عليه داخل السجن و أصبحوا من أصحابه ، و يبدو إنه هنا إيه ، كانوا لهم فترة مع بعض ، (يا صاحبي السجن) دي صحوبية إيه؟ هي صحوبية السجن ، صحوبية الأزمات ، صحوبية الآلام ، صحوبية الضيق ، فتجد إن الصحوبيات دي تظهر المعادن ، لأن الآلام و الضيق و الكروب بتظهر المعادن ، و هم هنا لما دخل الإتنين دول السجن مع يوسف النبي ، لجأوا إليه لكي يجدوا الراحة ، طبعاً كانوا داخلين في قضية محاولة أو إشتباه ، كان مشتبه فيهم إنهم كانوا عاوزين أو في محاولة لإغتيال الملك ، ملك مصر ، فهنا يوسف يُعطيهم من مواعظه ، يقول لهم من مواعظه كما قال لهما من مواعظه في الوجه السابق ، فيقول (يا صاحبي السجن أأرباب متفرقون خير أم الله الواحد القهار) بيقولهم آلهة مصر القديمة الوثنية دي ، المتفرقة دي ، المتشتتة دي ، المبعثرة دي ، خير أم الله الواحد القهار ، إله واحد قهار عالم الغيب و الشهادة ، ربنا القهار ، مين الخير : إنك تكون عبد لإله واحد ، و لا لآلهة منتشرة متعددة متناحرة متضادة فيما بينها ، الإجابة واضحة ، يعني هو قال لهم سؤال و في ضمنه الإجابة ، (أأرباب متفرقون خير) تبقى إنت موزع نفسك على كذا إله وثني و شياطين و العياذ بالله (أما الله الواحد القهار) إله واحد بس ، قهار أي هو مسيطر ، قاهر لكل ما هو دونه من الأوثان التي يلجأ إليها البشر ، عياذاً بالله ، يبقى الله عز و جل الواحد هو يقهر ، يقهر إيه؟ المتكبرين و يقهر الطواغيت (ليُحق الحق بكلماته و لو كره الكافرون) ، فربنا سبحانه و تعالى من صفاته أنه قهار ، يقهر مين؟ يقهر كل من طغى و تجبر في الأرض بغير الحق ، ربنا يُعيد الأمور إلى نصابها ، محدش فاكر بأنه هيطغى أو هيظلم أو يتعدى ، و ربنا هيتركه ، لا ، الله سبحانه و تعالى من فوقه قاهر .
___
{مَا تَعْبُدُونَ مِن دُونِهِ إِلاَّ أَسْمَاء سَمَّيْتُمُوهَا أَنتُمْ وَآبَاؤُكُم مَّا أَنزَلَ اللَّهُ بِهَا مِن سُلْطَانٍ إِنِ الْحُكْمُ إِلاَّ لِلَّهِ أَمَرَ أَلاَّ تَعْبُدُواْ إِلاَّ إِيَّاهُ ذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لاَ يَعْلَمُونَ} :
(ما تعبدون من دونه إلا أسماء سميتموها أنتم و آباؤكم ما أنزل الله بها من سلطان) كل الآلهة اللي بتعبدوها من دون الله ، إختراعات ، إختراعات و فلسفات وثنية ، أفكار وثنية و شيطانية ، متضادة ، دليل بأنها متضادة متشاكسة متصارعة فيما بينها ، كان دايماً كده في مصر القديمة أو في أي بلد فيها عبادات وثنية أو أديان وثنية ، تلاقي دايماً كده إيه ، فيما بينهم تشاكس و تصارع ، و صراع نفوذ و صراع مصالح ما بين أصحاب المذاهب المختلفة في الوثنية ، فاهم إزاي؟ ، (ما تعبدون من دونه إلا أسماء سميتموها أنتم و آباؤكم ما أنزل الله بها من سلطان) كل دي إختراعات منكم إنتو ، مش وحي من ربنا سبحانه و تعالى على لسان الأنبياء ، (إن الحكم إلا لله) يعني الحكم ، الحاكمية لله عز و جل ، الله سبحانه و تعالى هو المعبود بحق ، هو المعبود بحق ، (أمر ألا تعبدوا إلا إياه) ربنا أمر ألا يُعبد غيره ، هو ده التوحيد : لا إله إلا الله ، لا إله إلا الله ، (ذلك الدين القيم و لكن أكثر الناس لا يعلمون) ذلك الدين القيم هو ده الدين القائم عند ربنا ، هو ده الدين المعترف به عند ربنا ، هو ده الدين المعترف به في السماوات ، و بالتالي يجب أن يكون معترف به عندكم في الأرض ، (ذلك الدين القيم) القيم أي المسيطر ، المهيمن ، القائم ، المعترف به ، (و لكن أكثر الناس لا يعلمون) أكثر الناس لا يتصلون بالله ، و لا يرومون إتصالاً بالله ، فبالتالي أكثر الناس لا يعلمون ، معندهمش العلم الإلهي ، العرفان الإلهي ، لأن هم ماطلبهوش ، لم يستعلموه ، لم يطلبوه ، لم يجهادوا كي يصلوا إلى الحقيقة ، تمام كده ، طيب .
___
{يَا صَاحِبَيِ السِّجْنِ أَمَّا أَحَدُكُمَا فَيَسْقِي رَبَّهُ خَمْرًا وَأَمَّا الآخَرُ فَيُصْلَبُ فَتَأْكُلُ الطَّيْرُ مِن رَّأْسِهِ قُضِيَ الأَمْرُ الَّذِي فِيهِ تَسْتَفْتِيَانِ} :
(يا صاحبي السجن) بيكلم مين ، الإتنين ، اللي كانوا اتسجنوا معه ، اللي هو كان ساقي الملك و التاني كان خباز القصر ، (أما أحدكما فيسقي ربه خمراً) طبعاً هو كان مديلهم/أعطاهم درس في التوحيد هنا ، قبل ما يقول لهم الرؤيا ، يبقى هو إيه؟ كان يُعطيهم درس توحيد و عقيدة ، قبل ما يُعطيهم تأويل الرؤيا ، اللي ربنا مَنَّ به عليه ، (يا صاحبي السجن أما أحدكما فيسقي ربه خمراً) اللي شاف رؤيا أعصر خمراً ، هيرجع تاني لشغلته ، يبقى إيه ، ساقي الملك تاني ، خلاص؟ ده معناه ، (و أما الآخر فيُصلب فتأكل الطير من رأسه) التاني ستتم إدانته ، التاني إيه؟ هتتم إدانته ، ظلماً بقى أو حقاً ، لا ندري ، لكن هو ده كان تأويل الرؤيا ، كان ممكن يموت ظلماً ، يعني الخباز ده ، ممكن كان مات ظلم يعني ، مش شرط يكون هو إشترك في المؤامرة ، و لكن هنا إحنا بنتكلم عن تأويل الرؤيا ، (و أما الآخر فيُصلب) يصلب يعني يتعلق على خشبة ، (فتأكل الطير من رأسه) لغاية ما يموت و يتحول إلى جثة و جيفة ، تأكل الطير من رأسه ، الطيور الجارحة أو الطيور الرُمّية ، (قضي الأمر الذي فيه تستفتيان) يعني القضاء ده قضاء مُبرم ، ليس فيه رجعة ، (قضي الأمر الذي فيه تستفتيان) تستفتيان أي تستعلمان ، طيب ، حد يقدر يقولي كلمة فتوى من أصوات الكلمات إيه؟ و كلمة عجاف ، و كلمة تعبرون ، و كلمة سجن ، و كلمة صاحب ، شوف كم كلمة عندك ، كتير صح؟ طيب هنفكر فيهم لغاية ما ناخذ آخر آيتين في الوجه .
___
{وَقَالَ لِلَّذِي ظَنَّ أَنَّهُ نَاجٍ مِّنْهُمَا اذْكُرْنِي عِندَ رَبِّكَ فَأَنسَاهُ الشَّيْطَانُ ذِكْرَ رَبِّهِ فَلَبِثَ فِي السِّجْنِ بِضْعَ سِنِينَ} :
(و قال للذي ظن أنه ناج منهما) مين اللي قال؟ يوسف النبي ، ظن مين أنه ناجٍ منهما؟ اللي هو ساقي الملك يعني ، (اذكرني عند ربك) يعني إتوسطلي عند الملك عشان أخرج من السجن ده ، (فأنساه الشيطان ذكر ربه فلبث في السجن بضع سنين) ، مين (فأنساه الشيطان ذكر ربه)؟؟ هنا (فأنساه الشيطان ذكر ربه) هنا يوسف ، يوسف هنا أخطأ ، إنه تعلق بالواسطة دي ، أو بالرجل ده ، في اللحظة دي ، يعني الألم و الخوف تغلب عليه في المرحلة دي لأنه إنسان بشر ، صح؟ ، (فأنساه الشيطان ذكر ربه) فربنا قضى إنه هو يفضل قاعد بضع سنين ، تقريباً سبع سنين ، ليه؟ عشان ربنا يُتم كلمته ، يُتم كلمته ، (و قال للذي ظن أنه ناج منهما اذكرني عند ربك فأنساه الشيطان ذكر ربه فلبث في السجن بضع سنين) خلاص كده ، طيب .
___
{وَقَالَ الْمَلِكُ إِنِّي أَرَى سَبْعَ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعَ سُنبُلاتٍ خُضْرٍ وَأُخَرَ يَابِسَاتٍ يَا أَيُّهَا الْمَلأُ أَفْتُونِي فِي رُؤْيَايَ إِن كُنتُمْ لِلرُّؤْيَا تَعْبُرُونَ} :
(و قال الملك إني أرى سبع بقرات سمان) الملك ، اللي كان ملك مصر وقتها ، (و قال الملك إني أرى سبع بقرات سمان) في الرؤيا يعني ، شاف حلم ، شاف سبع بقرات مليانة و صحتها حلوة ، (يأكلهن سبع عجاف) سبع بقرات هزيلات ضعيفات ، شكلها وحش بياكلوا السبع بقرات اللي شكلها حلو ، و شاف تاني برضو مشهد في الرؤيا (و سبع سنبلات خضر) سبع سنبلات قمح كده لونها أخضر جميل ، و شاف برضو إيه ، سبع سنبلات إيه؟؟ (و أخر يابسات) يعني سبع سنبلات أيضاً إيه ، يابسات أو عدد آخر من سنبلات يابسات مش شرط سبعة ، العكس ، تمام كده ، (يا أيها الملأ أفتوني) الملأ اللي هم الحاشية في القصر ، الذين يملأون الإيوان ، إيوان الملك ، (يا أيها الملأ أفتوني في رؤياي إن كنتم للرؤيا تعبرون) أنا شفت رؤيا أهو ، مشهد يعني من الغيب ، أفتوني فيه يعني أعطوني التأويل ، (إن كنتم للرؤيا تَعبُرون) تعبُرون لعالم الرؤيا أو لعالم الغيب ، إنتو بتَعبُرُوا له يعني ، أو تُعَبِرون ، تُعَبِرون يعني إيه؟ تأولون ، ماشي بس أصل الكلمة إيه؟ تُعَبّرون أي تنقلون مشاهد الرؤيا من عالم الغيب إلى عالم الواقع ، يعني تأولوها برضو ، (تَعبُرون) يعني إنتو عبرتم حاجز الزمان و المكان إلى المشاهد دي و فهمتوا معناها و بعد كده عَبَرتوها ، نقلتوها و نقلتوا معانيها إلى عالم الواقع بتاعنا ، هو ده معنى كلمة (تَعبُرون) ، و كلمة عَبَرَ ، عَبَر الرؤيا يعني إيه نَقَلها معه من عالم السماء إلى عالم الأرض ، نَقَلَّها ، عَبَرَها أي جعل الرؤيا تَعبر حواجز الأمثال و حواجز الرموز و حواجز الأسرار و البطون ، كل دي حواجز و حُجب ، فأنا لما أَعَبر الرؤيا و المشاهد يعني بخليها تعدي/تَعبُر يعني و تنتقل من عالم السماء الغيبي إلى العالم الأرض الواقعي ، هو ده فايدة المُأول أو المُعَبر ، إن هو مترجم ، عبارة عن مترجم ، بيعبر بالمعاني من الأسرار و الحُجب إلى الظاهر و الواقع ، بيفهمنا يعني .
- كلمة فتوى ، حد يقدر يقول كلمة فتوى من أصوات الكلمات ، هي إيه الفتوى دي ، عبارة عن إيه؟ واحد بيقول رأي في أمر و بينتشر ، صح؟ طيب خلي بالك ، فت يعني أثر بقوة ، بيقولك : فت في عضدي ، يعني أثر فيه بقوة ، فت ، فتوى أي تأثير قوي له دوي دائري منتظم ، هي دي الفتوى ، رأي يُقال في أمر أو مسألة له تأثير ، بِدَويّ دائري منتظم ، إذاً تأثير قوي هو الفت ، له دوي دائري منتظم ، ينتشر في الآفاق ، هي دي معنى الفتوى ، شوفتوا بقى اللغة العربية الإلهامية العظيمة .
- طيب ، صاحب أو صحب ، من صاحبي ، صاد وصال ، و الحاء و الباء يعني حُب ، مش هي دي الصحوبية؟؟ الأصحاب ما بينهم وصال و حُب ، صاد و حُب ، صحب ، صح و لا لأ؟ هو أنا بقول الكلام ده من عندي ، ده القرآن و اللغة العربية هي اللي بتقول عن نفسها ، القرآن و اللغة العربية الإلهامية و خصوصاً الكلمات اللي موجودة في القرآن بتعبر عن نفسها ، بتعبر عن معانيها ، هي في حد ذاتها بتتكلم ، هي كائنات حية أصلاً ، الكلمات دي من خلال أصواتها ، صحب : صاد وصال ، صح ، مش إحنا عارفين كده؟ ، و حُب ، هي دي الصحوبية ، وصال و محبة ، صح كده؟ ، مش ربنا بيقول عن الزوجة في القرآن (الصاحبة) ، الصاحبة هي المرأة التي تكون متصلة بالرجل و مُحبة له ، و هو أيضاً صاحبها ، هو متصل بها و مُحب لها ، فكلمة صاحب هنا معناها إيه؟ الوصال و المحبة . صح كده ، حلو أوي . كذلك احتياج ب الراحة ح و الصلة ص ، هي صحب .
- كلمة سجن ، سهلة ، لها معنيين : سين و جيم لوحديها و نون لوحديها ، و كذلك سين لوحديها و جيم و نون لوحديها ، إزاي؟ حد يعرف يقول؟ ، سين تسرب خفي لطيف ، صح كده؟ ، جن مستتر ، ما هو اللي يبقى في السجن ، بيبقى إيه؟ مستتر ، و السين هو تسرب لطيف خفي ، تسرب إيه ، خفي للإستتار ، هو ده السجن أو المسجون ، صح كده؟ ، طيب ، سين و جيم لوحديهم و بعد كده نون : سج أي سجى ، (و الليل إذا سجى) غطى ، صح؟ و النون : النعمة ، لأن المسجون هو عبارة عن إيه؟ يعتبر في مقبرة الأحياء ، لأن السجن هو مقبرة الأحياء ، يبقى مُغيب ، بعيد عن العالم و منفصل عنه و يبقى في ألم ، لأنك بتبتعد عن الأحباب ، صح كده؟ ، إذاً سين جيم أي سجى ، أي غطى (و الليل إذا سجى) صح؟ ، و النون نِعَم ، أي إبتعد عن نِعَم الدنيا ، صح كده؟ .
- و إحنا قلنا إيه تاني؟؟؟ (و قال للذي ظن أنه ناج منهما اذكرني عند ربك فأنساه الشيطان ذكر ربه فلبث في السجن بضع سنين) طبعاً هل ده معناه إن ساقي الملك ماقلش للملك أو ما ذكرش؟؟ لا عادي ممكن يكون مثلاً ، قال و محدش إهتم ، قال و محدش إهتم ، صح؟ و بعد كده ساقي الملك لما جات الرؤيا دي أمام الملك و هنعرف في المشهد الجاي إن شاء الله و في الوجه القادم ، تَذكر يوسف ، فراح لجأ له ، هنعرف إن شاء الله ، يعني هنا ربنا بيقول إيه (و قال للذي ظن أنه ناج منهما اذكرني عند ربك فأنساه الشيطان ذكر ربه) في اللحظة دي يوسف تعلق بالأسباب ، فكان ده عند ربنا ، في الدرجة دي يعتبر مخالفة ، عمل مخالفة يعني ، (فلبث في السجن بضع سنين) هو ربنا أراد إنه يُسجن بضع سنين كمان ليُتم الله سبحانه و تعالى أمر كان مفعولا ، ماشي ، فمعظم الناس بيقولك إيه (فأنساه الشيطان ذكر ربه) ده ساقي الملك اللي نسي ، نسي يقول عن يوسف ، لا ، مش صحيح ، مش صحيح ، بدليل القرآن نفسه ، القرينة نفسها نقول إيه بقى (و قال للذي ظن أنه ناج منهما اذكرني عند ربك) يعني يا ساقي الملك توسطلي عند الملك عشان أخرج ، إيه اللي حصل بقى؟ فاا بسرعة (فأنساه الشيطان ذكر ربه) هنا أهو ، إنت كده يوسف أنساك الشيطان ذكر ربك ، ينفع نقول عن ساقي الملك (فأنساه الشيطان ذكر ربه) مين اللي هيتذكر؟؟ المفروض ذِكر مين ، ذِكر يوسف ، يعني هنا المفروض مين اللي هيَذكُر؟ الساقي ، هَيَذكُر مين؟ يوسف ، عند مين؟ عند الملك ، طيب (فأنساه الشيطان ذكر ربه) يعني إيه ذكر ربه ، هو الساقي كان هيذكر الله؟؟ أو هيذكر الملك؟؟ و لا هيذكر يوسف ، هيتكلم عن يوسف عند الملك فبتالي يخرجه ، فهي قرينة أهي ، فهمتوا؟؟ حد مش فاهم الحتة دي ، (فأنساه الشيطان ذكر ربه) يعني إيه ، نتيجة الخوف مثلاً أو الألم في لحظة ، تعلق بأسباب الدنيا ، فالدرجة دي تعتبر مخالفة بالنسبة للأنبياء مثلاً ، واخد بالك ، فلذلك ربنا سبحانه و تعالى عزى الإحساس ده للشيطان مش للملاك او للملائكة ، صح؟ مش الشياطين بتحاول تؤثر على البشر برضو ، و كذلك الملائكة ، ماشي ، (فلبث في السجن بضع سنين) . لو معنى النسيان كان للساقي لكانت التلاوة هكذا : فانساه الشيطان ذكره عند ربه . او فانساه الشيطان ذكر يوسف عند ربه .
- (و قال الملك إني أرى سبع بقرات سمان يأكلهن سبع عجاف) آآه عجاف بقى ، حد يعرف يقول عجاف من أصوات الكلمات ، لها كزا معنى : عين لوعة و لعاعة ، جاف أي جاف ، يابس كده مفيهوش إحساس ، أو يابس مفيهوش ماء ، مفيهوش نضرة ، ليس فيه نضرة ، هو ده عجاف ، صح؟ كذلك عجاف : عج ، العج اللي هو إيه؟ العاصفة الترابية ، بيسموها هناك في بلاد الحرمين عجة ، عجة يعني إيه ، عاصفة ترابية ، كانوا بيقولوا كده و أنا صغير هناك ، آف أي آفاة ، صح؟ أو تأفف ، الإتنين برضو : آفة ، أو الألف دي مد عادي و الفاء أي تأفف ، شفتو كذا معنى إزاي؟ عجاف ، أهو ده معنى كلمة عجاف ، قبيح يعني ، عين لوعة و لعاعة ، جاف أي من الجفاف ليس فيه خير ، كذلك عجاف : عجة أي عاصفة ترابية كده فيها آلام ، آف : آفات ، شفتو اللغة العربية ، أمر عظيم جداً ، لغة القرآن لغة إلهامية كما قال الإمام المهدي ﷺ .
- و ثم قال نبي الله يوسف الثاني ﷺ : طيب ، يلّا يا مروان و لو في حاجة كده هنقولها إن شاء الله في المنتصف .
• تابع نبي الله الحبيب ﷺ و قال :
خلي بالك ، هنا يوسف كان بيراعي برضو مشاعر الإتنين ، فبيقولهم (أما أحدكما) لم يقل إنت أو إنت ، فيسقي ربه خمراً ، هما بقى هيفهموا مين اللي شاف بيعصر مين ، عارف نفسه ، (أما الآخر فيصلب فتأكل الطير من رأسه) هو التاني عارف برضو مين اللي كانت الطيور بتاكل في الرؤيا ، حط عندهم الأمل أو حط عند اللي هيتصلب الأمل لآخر لحظة ، بحيث يبقى هادي نفسياً ، شايف الأسلوب ، أسلوب عظيم جداً من يوسف النبي ، صح كده؟ ، كمان اللي ظن أنه ناجٍ منهما ، اللي هو ساقي الملك ، إحنا قلنا ممكن قال و محدش إهتم ، ده إحتمال ، في إحتمال تاني ، يكون ساقي الملك خاف ليجيب سيرة حد تاني في السجن له علاقة به فيرجع السجن تاني ، فكان طالع خايف ، عاوز يحافظ على نفسه ، عادي ، أمر طبيعي ، دي نزعات بشرية ، بس كونه أن هو مفتكرش ، لا مش صحيح ، إحتمال بعيد جداً ، لأن القرآن نفسه بيقول كده (اذكرني عند ربك فأنساه الشيطان ذكر ربه) ذكر مين؟ هو المفروض فأنساه الشيطان ذكر يوسف عند ربه ، كان قال كده ربنا ، فأنساه الشيطان ذكره عند ربه مثلاً أو ذكر يوسف عند ربه أو عند الملك ، لأن المفروض اللي هيذكر/سيُذكر مين؟ يوسف ، صح؟ شوفت القرأن ، خلي بالك ، دي معاني دقيقة ، دقائق القرآن الكريم .
- و قال ﷺ : خلي بالك ، شوف ربنا ممكن يحرك الكون كله و أسبابه ، خلي بالك أهو ، من أجل واحد مصطفى ، واحد نبيل مُجتبى ، بس كده ، يعني ربنا ممكن يكون قدر الأحداث دي سبع سنين ، و سبع سنين هنعرف التأويل إن شاء الله ، قدر الأحداث اللي في الرؤيا اللي شافها الملك دي ، من أجل خاطر عيون يوسف النبي ، عشان يخرج بس كده من السجن و يبقى متمكن في الأرض ، محدش يعرف تأويل الرؤيا إلا هو ، يبقى هنا ربنا سبب له الأسباب ، شايف ، خلي بالك لما تعلق يوسف النبي بساقي الملك ، قال له طب اذكرني عند ربك ، عند الملك إنه هو يخرجني لأني مظلوم ، هنا كده يوسف النبي حاول يستخدم سبب ضعيف ، اللي هو ساقي الملك ، آآه فربنا عشان يديله درس و يديله نعمة و يديله إحساس عظيم و خشوع عظيم ، عمل إيه ربنا؟ عمل رؤيا خاصة كاملة لملك مصر ، يوسف الوحيد اللي يعرف تأويلها ، زي دانيال لما كان عارف تأويل رؤيا ملك بابل ساعتها ، في سفر دانيال العظيم طبعاً ، بس ، حاجة بسيطة ، كلمات ، كلمات ، و فعلاً ساعتها مصر دخلت في مرحلة الجفاف ، هنعرف إن شاء الله التأويلات ، خلينا بس الوجه الجاي كل حاجة في وقتها جميل ، من أجل مين؟ واحد بس ، يوسف النبي ، إيه ده؟؟ معقولة؟؟؟ آآه موحد واحد ، لو موحد واحد في بلد هو خير عند الله كلهم ، و جماعة واحدة موحدة متصلة بالله هي خير عند الله من كافة البشر ، متستغربوش ، الإمام المهدي الحبيب ﷺ ربنا نصره و فضله على كل اللي كفروا به وكذبوه ، إيه ده؟ شوف اللي كفروا به و كذبوه أد/قد إيه؟؟؟ ملايين ، مليارات ، مع ذلك هو عند الله خير منهم ، ربنا مابيفرقش معه الأرقام و الأعداد الكتيرة ، لا ، بيفرق معه القلوب الطاهرة و الصالحة و النبيلة .
- حد يعرف يقول كلمة سنبلة من أصوات الكلمات؟؟ سنبلات أو سنبلة ، سنبل لها معنيين : السين تسرب خفي بطيء اللي هو النمو ، نمو النبات بيبقى بطيء كده و براحة ، صح؟ و نون و باء و لام : نبل ، آآه النبات دايماً كده نبيل جميل ، كذلك : سين تسرب خفي لطيف ، يعني نمو بطيء بالتدريج يعني ، بعدين؟ نون نعمة ، و بلة أي الرطوبة و البلل و الأمطار و الخضار و النضارة ، فهي بُلة ، تمام كده ، شفتوا معاني كلمة سنبلة إيه من أصوات الكلمات؟؟ ، حاجة جميلة جداً .
- خلي بالك ، (و قال للذي ظن أنه ناج منهما) مين اللي ظن؟؟ يوسف ، ظن أنه ناجٍ منهما ، يعني اللي هو خرج من السجن ده افتكر أنه هو الناجي ، طب إحنا عرفنا منين ، ما هو ممكن يكون اللي مات ده ، مات شهيد ، و مات مظلوم و ربنا سيُعطيه الفردوس أو هيطهر قلبه ، لأن يوسف النبي أعطاهم درس في التوحيد أهو ، من أول (إني تركت ملة قوم لا يؤمنون بالله و هم بالآخرة هم كافرون و اتبعت ملة آباءي ...... لغاية ...... و لكن أكثر الناس لا يعلمون) كل ده درس توحيد ، و طهر قلوبهم و صحح عقيدتهم ، و اللي مات ده ، مات مظلوم فأصبح هو الناجي ، مش شرط يكون هو ساقي الملك هو اللي نجى أو ده النجاة ، أو الخروج من السجن هو النجاة في ميزان الله عز و جل ، عشان كده ربنا عبر هنا عنها بكلمة ظن ، (و قال للذي ظن أنه ناج منهما) ظن مين ، يوسف ظن إنه إيه؟ ناجي ، كذلك ساقي الملك ظن إنه هو الناجي ، ميعرفش ، طب ممكن اللي مات و اتصلب ده ظلم ، هو اللي نجى ، أو قدره عند الله هو الأعظم ، فهمتوا ، خلوا بالكو ، كذلك (إني تركت ملة قوم لا يؤمنون بالله) في الوجه اللي فات ، هنا نقطة نظام ، يعني إيه؟ كان ممكن يوسف النبي وقتها و هو مُخالط للناس الوثنية دي ، كان دخل إلى قلبه بعض التأثر مثلاً ، صح؟ ، فلما ربنا حط نقطة نظام و دخل السجن ، قوى عوده و قوى صُلبه تاني ، تمام ، و خلاه قوي و متمسك بعقيدته الصحيحة ، بعقيدة آباءه اللي هي عقيدة التوحيد ، يعني في حد ذاته السجن ده كان مفيد ليوسف ، إنه إيه؟ قواه و قَوَى عقيدته ، صح كده ، أهو (إني تركت ملة قوم) تركتهم ، ده دليل إنه كان ممكن إيه ، حاولوا يأثروا عليه ، لكنه ثبت و إزداد ثباتاً في السجن ، صح كده؟ و بدأ يبشر كمان ، بكل قوة بدعوة التوحيد ، دعوة آباءه إبراهيم و إسحاق و يعقوب ، صح؟ ، ربنا ده عظيم و عليم ، و عليم بخفايا النفوس و مُربي جليل و جميل ، تربية ، ربنا بيربي ، خلوا بالكو ، بطرائق و بأسباب لا تخطر لكم على بال ، ليه؟ (إن ربي لطيف لما يشاء) لطيف لما يشاء ، يعني دايماً كده تصاريف ربنا عجيبة و لطيفة و خفية و غير متوقعة ، (إن ربي لطيف لما يشاء) ربنا إيه ، غير متوقع ، دايماً كده ، ماشي ، و دي من عظمته سبحانه و تعالى .
- هنعرف إن شاء الله ، بأمر الله الوجه الجاي ، إزاي إن الرؤيا دي ، رؤيا الملك فيها الحل ، بس هو مكنش عارف ، طبعاً مين اللي يعرف؟ ربنا عَرَف يوسف ، فيها الحل ، باين أهو ، أنا إن شاء الله هقولكم المرة الجاية ، تمام ، (سبع سنبلات خضر و أخرَ يابسات) أخرَ ممكن يكونوا برضو سبع يابسات و كذلك أُخر يابسات كثيرات ، شاف سنابل يابسات كثيرات ، ف ده بيوحي لحل معين ، تمام ، ماشي ، و ماقلش إن السبع سنبلات الخضر اللي هياكلهن السبع أو الأخر اليابسات ، ماقلش كده ، هو قال إيه إن الرؤيا قالت إيه ، البقرات العجاف هم بس هياكلوا إيه؟ البقرات السمان ، أصل في ناس كثير تقعد تألف في تأويل الرؤيا دي ، و تقعد تحمل القرآن معاني لم يأتي بها ، ماشي ، هنشوف إن شاء الله هذا الأمر في الوجه القادم بحول الله و قوته .
__
و اختتم نبي الله الجلسة المباركة بقوله المبارك :
هذا و صلِّ اللَّهم و سلم على نبينا محمد و على آله و صحبه و سلم ، سبحانك اللهم و بحمدك ، أشهد أن لا إله إلا أنت ، أستغفرك و أتوب إليك .
___
و الحمد لله رب العالمين . و صلِّ يا ربي و سلم على أنبياءك الكرام محمد و أحمد و يوسف بن المسيح صلوات تلو صلوات طيبات مباركات ، و على أنبياء عهد محمد الآتين في مستقبل قرون السنين أجمعين . آمين .🌿💙
=======================
آسيا :
صورة السنابل في المزهرية سنبلات يابسات هن النجاة لانهن صابرات محتفظات بعذريتهن الفطرية أمام الكنبة البيضاء
