راية المسيح الموعود
الخميس، 30 ديسمبر 2021
درس القرآن و تفسير الوجه الثالث من الكهف .
درس القرآن و تفسير الوجه الثالث من الكهف .
::::::::::::::::::::::::::::::::::::::::::::
أسماء إبراهيم :
شرح لنا سيدي و حبيبي يوسف بن المسيح ﷺ أثناء جلسة التلاوة المباركة من أحكام التلاوة ؛ من أحكام النون الساكنة و التنوين , ثم قام بقراءة الوجه الثالث من أوجه سورة الكهف ، و أجاب على أسئلتنا بهذا الوجه ، و أنهى نبي الله الجلسة بأن صحح لنا تلاوتنا .
بدأ نبي الله جلسة التلاوة المباركة بقوله :
الحمد لله ، الحمد لله وحده ، الحمد لله وحده و الصلاة و السلام على محمد و من تبعه من أنبياء عهده و بعد ، لدينا اليوم الوجه الثالث من أوجه سورة الكهف ، و نبدأ بأحكام التلاوة و أرسلان :
- من أحكام النون الساكنة و التنوين :
الإدغام و حروفه مجموعة في كلمة (يرملون) أي أنه إذا أتى بعد النون الساكنة أو التنوين حرف من حروفها , و هو نوعان : إدغام بغنة و حروفه مجموعة في كلمة (ينمو) . و إدغام بغيير غنة و حروفه (ل ، ر) .
و الإخفاء الحقيقي حروفه في أوائل الكلمات من الجملة الآتية (صف ذا ثنا كم جاد شخص قد سما دُمْ طيباً زد في تقى ضع ظالماً) .
__
و ثم تابع نبي الله يوسف الثاني ﷺ الجلسة بشرح الوجه لنا فقال :
في هذا الوجه المبارك العظيم من أوجه سورة الكهف المباركة العظيمة ، يقول تعالى :
{سَيَقُولُونَ ثَلاثَةٌ رَّابِعُهُمْ كَلْبُهُمْ وَيَقُولُونَ خَمْسَةٌ سَادِسُهُمْ كَلْبُهُمْ رَجْمًا بِالْغَيْبِ وَيَقُولُونَ سَبْعَةٌ وَثَامِنُهُمْ كَلْبُهُمْ قُل رَّبِّي أَعْلَمُ بِعِدَّتِهِم مَّا يَعْلَمُهُمْ إِلاَّ قَلِيلٌ فَلا تُمَارِ فِيهِمْ إِلاَّ مِرَاء ظَاهِرًا وَلا تَسْتَفْتِ فِيهِم مِّنْهُمْ أَحَدًا} :
(سيقولون ثلاثة رابعهم كلبهم) مين اللي بيتكلم هنا؟ اللي بيتكلم هنا مش الموحدين الإبيونيين ، و لا المسيحيين المشركين ، اللي بيتكلم هنا اليهود اللي هم كانوا مجاورين للنبي ﷺ ، و إيه؟ بيزرهم/يزورهم و بيزوروه ، تمام؟ ، فكانوا بيحاولوا إيه؟ يعجزوا النبي ، بيحاولوا يشوشوا على النبي ﷺ ، و بيحقدوا على النبي الحبيب ﷺ و بيغيروا منه ، لأن هم كان نفسهم نبي آخر الزمان ، اللي هو مثيل موسى ، ييجي/يأتي منهم ، من اليهود ، لكن ربنا أكرمنا و أتى من بني إسماعيل ، من العرب ، نحمد الله عز و جل ، فدايماً كده إيه؟ دايماً كده بيحاولوا يشوشوا عليه و يسألوه أسئلة ، و هنسألك سؤال ده و لو جاوبت ، خلاص هنخش/ندخل دينك ، و ييجي النبي يجاوبهم و بعد كده يعرضوا ، يعني شوية إيه؟ متلاعبين ، خادعين ، شوية خونة ، اليهود دايماً كده الخيانة في دمهم إلا من رحم ربي ، تمام؟ ، فطبعاً ﷺ ، النبي ﷺ عارف عدد النوام السبعة كانوا كم ، و الموحدين من الإبيونيين ، الموحدين الإبيونيين اللي هم المسيحيين اليهود , المسيحيين اليهود ، اللي هم الموحدين يعني ، اللي خرج منهم الإسلام ، دول/هؤلاء إيه؟ المُخلِصين منهم هم كانوا يعرفوا عددهم كم ، كانوا متعمقين بالعلم و كان عندهم وصال من الله عز و جل ، تمام؟ ، فاليهود يقولك إيه؟ دول/هؤلاء كانوا ثلاثة و رابعهم كلبهم ، و بعضهم يقولك خمسة و سادسهم كلبهم رجماً بالغيب ، يعني إيه؟ من باب الخرص و التخرص ، إن هو إيه؟ بيتكلموا كده إيه؟ من دون علم و بدون إيه؟ دراية ، و من دون تعمق في إيه؟ الدين و في إيه؟ في علم الروح ، (و يقولون سبعة ثامنهم كلبهم) هي دي بقى إيه؟ العدد الحقيقي ، هو ده العدد الحقيقي ، خلي بالك ، و مايعرفهومش إلا قليل ، (قل ربي أعلم بعدتهم ما يعلمهم إلا قليل) مش ربنا اللي ما يعلمهم إلا قليل ، لا ، ما يعلم عدتهم إلا قليل من الناس ، اللي هم إيه؟ المُخلَصين ، اللي هم المُخلِصين ، المُخلَصين المُخلِصين ، تمام؟ أصحاب الحكمة ، اللي ربنا إداهم/أعطاهم الحكمة ، هم دول/هؤلاء القليل ، ماشي؟ اللي هم أصحاب العلم و أصحاب العرفان الإلهي ، من ضمنهم كان مين؟ إبن عباس ، ترجمان القرآن -رضي الله عنه و أرضاه- ، ابن عباس ، أنا بحب ابن عباس جداً جداً ، ابن عباس ده حبيبي ، ابن عم النبي ﷺ ، عبد الله بن عباس ، بحبه جداً لأنه قريب جداً من فهم الإمام المهدي ﷺ في كثير من ما إيه قال ، مش كله طبعاً اللي قاله ، لكن بحسه قريب مني ، قريب من الإمام المهدي في الفهم ، فأنا بحب ابن عباس جداً ، تمام؟ ، عدد أهل الكهف هم إيه؟ سبعة ، هم النوام السبعة ، معروفين خلاص ، كده عرفنا ، طبعاً اليهود سألوا النبي أسئلة تانية ، غير عدة أهل الكهف ، أسئلة تانية كثير يعني ، في روايات متعددة و اختلفت الأسئلة ، تمام؟ و لكن كان في مرة من ضمن المرات دي ، سألوا النبي ، فالنبي قال لهم بكرا/غداً ، يعني إيه؟ إنه هيسأل ربنا في الدعاء ، و عارف إن الإجابة هتجيله في الإلهام أو في الكشف أو في الرؤيا يعني ، زي ما إحنا بنعمل بفضل الله عز و جل ، بس ماقلش/لم يقل إن شاء الله ، لم يستثني ، ماعلقش المشيئة بإرادة الله ، فقال لهم غداً بس ، ماقلش إن شاء الله ، فربنا أخر عنه الوحي ، أخر عنه إجابة الإستخارة أو إجابة الدعاء تأديباً للنبي ﷺ و تربية له ، و لكي يكون إيه؟ قدوة لنا ، إحنا نتعلم من أخطاء النبي ﷺ ، تمام؟ ، فلذلك إيه؟ (قل ربي أعلم بعدتهم ما يعلمهم إلا قليل فلا تمار فيهم إلا مراء ظاهراً و لا تستفت فيهم منهم أحداً) (و لا تستفت فيهم منهم أحداً) أي في اليهود مش الإيه؟ الموحدين الإبيونيين من اليهود ، لا , يعني اليهود اللي هم كافرين بعيسى أصلاً ، و هم مش مؤمنين بعيسى و لا بأتباع عيسى ، صح؟ ، إذاً (و لا تستفت فيهم منهم أحداً) اللي هم اليهود يعني ، (فلا تمار فيهم إلا مراء ظاهراً) يعني إيه؟ ماتجادلش ، ماتجادلش مع اليهود في هذه المسائل إلا أن يأتيك عرفان إلهي ، إلا أن يأتيك وحي إلهي ، إلا أن يأتيك إيه؟ إجابة و رسالة و كتاب من الله عز و جل في هذا الأمر ، كتاب يعني رسالة ، و الرسائل أنواع طبعاً عارفينها : إشارة ، إلهام ، كشف ، رؤيا ، مشهد في الرؤيا ، مكالمة ، أنواع كثيرة جداً .
__
{وَلا تَقُولَنَّ لِشَيْءٍ إِنِّي فَاعِلٌ ذَلِكَ غَدًا}
{إِلاَّ أَن يَشَاء اللَّهُ وَاذْكُر رَّبَّكَ إِذَا نَسِيتَ وَقُلْ عَسَى أَن يَهْدِيَنِ رَبِّي لِأَقْرَبَ مِنْ هَذَا رَشَدًا} :
(و لا تقولن لشيء إني فاعل ذلك غداً إلا أن يشاء الله) لازم إيه؟ تربط معها إستثناء ، اللي هو إيه؟ تستثني بأداة إلا ، إلا أن يشاء الله ، أي إيه؟ بمشيئة الله ، أي تستثني بمشيئة الله عز و جل ، أي تربط مشيئة الله عز و جل و إرادة الله عز و جل بإجابتك إيه؟ لهؤلاء ، لما تقول لهم ، واحد مثلاً سألك ادعيلي يا نبي الله ، الأمر ده/هذا خير لي و لا/أم شر ، هأقوله إيه؟ هدعيلك ، هدعيلك أو إيه؟ هجاوبك بكرا ، مينفعش . بإذن الله أو إن شاء الله أُجيبك غداً بعد أن إيه؟ يُجيبني الله عز و جل ، كده ، لازم نتعلم الكلام ده ، لازم نتعلم القواعد دي ، دي أساسيات السؤال و الإجابة بين العبد و ربه ، و بين العبد و سائليه من المؤمنين أو من إيه؟ من المستشيرين أو من المتوقفين الباحثين عن الحقيقة ، تمام؟ ، طيب ، و لو نسيت بقى؟ (اذكر ربك إذا نسيت) إذا نسيت تقول إن شاء الله ، وقت ما تفتكر قول ، عيد/أعد تاني و قول إن شاء الله ، بإذن الله ، كذلك من معاني (نسيت) أي عصيت ، (اذكر ربك إذا نسيت) لأن الإنسان لما يعصي الله ، يكون في حالة نسيان ، في حالة نسيان ، في حالة غفلة ، تمام؟ ، (و اذكر ربك إذا نسيت) يعني استغفر الله عز و جل ، (و قل عسى أن يهدين ربي لأقرب من هذا رشداً) ربنا يرقيني في الدرجات و في معارج القبول ، في درجات الروح ، يعني عسى أن يهدينِ ، يا رب ، أسأل الله عز و جل ، هنا بقى رجاء ، هنا إيه؟ بتفهم إيه؟ إن هنا رجاء ، (و قل عسى) هنا رجاء ، مش إحنا قلنا الإنسان يعمل ما بين جناحي الخوف و الرجاء ؟ هنا بقى رجاء ، (و قل عسى أن يهدين ربي لأقرب من هذا رشداً) يعني أقرب من الحالة اللي أنا كنت عندها أو اللي عليها ، رَشداً و رُشداً ، يعني أرشدني ، يطلب الإرشاد و الرُشد من الله عز و جل ، يطلب منه الإرشاد و الرُشد و الرشاد ، الإرشاد و الرُشد و الرشاد .
__
{وَلَبِثُوا فِي كَهْفِهِمْ ثَلاثَ مِائَةٍ سِنِينَ وَازْدَادُوا تِسْعًا} :
ربنا بقى بيأكد المعلومة : (و لبثوا في كهفهم ثلاث مائة سنين و ازدادوا تسعاً) ٣٠٠ سنة شمسي ، و زادوا ٩ سنين بتوع السنوات القمرية ، يعني عشان إحنا أمة عربية ، أمة العرب ، شرفنا ربنا سبحانه و تعالى بالهجرة النبوية و بميقات القمر ، ميقات الهجرة النبوية ، اللي إحنا ماشيين عليه ، بفضل الله عز و جل ، دايماً كده النبي الحبيب ﷺ كان بيوقت و يقيس الزمان بالسنة القمرية ، اللي إحنا سمناها/أسميناها بعد كده السنة العربية أو السنة الهجرية ، الثلاث الأسماء دول/دي مترادفات لمعنى واحد ، تمام؟ ، و أنا بحب السنة القمرية ، ليه بقى؟ السنة القمرية ، الشهر فيها بيلف على كل مواسم السنة ، يعني مثلاً شهر رمضان : تلاقيه مع عبر السنين و الأزمنة بيلف على كل مواسم السنة ، مرة ربيع ، مرة خريف ، مرة شتا ، مرة صيف ، ففيه تجدد كده ، لكن السنة الشمسية ؛ الشهر هو هو كل سنة ، بمميزاته بعيوبه ، في الطقس يعني ، فلذلك السنة القمرية بتخلي الإنسان يوطن نفسه إنه يبقى إيه؟ متكيف مع كافة مواسم إيه؟ السنة ، صح كده؟ ف ده شيء جميل ، زي زيها ، زي مواقيت الصلاة كده ، مواقيت الصلاة بتتغير و بتختلف تقديماً و تأخيراً عبر إيه؟ الشهور في السنة ، صح كده؟ ، و عبر إيه؟ حركة الأرض حول الشمس ، و حركة الأرض حول نفسها ، ماشي؟ و مقدار ميلان محور الأرض ، كل دي قياسات ، بتخلي مواقيت الصلاة بتختلف ، بتزيد و بتنقص ، النهار بيزيد و ينقص ، كل ده الإنسان إيه؟ بيعمل ثابت ، إيه هو الثابت اللي بيعمله؟ الصلاة ، الثابت ده بيعمله في متغيرات تزيد أو تنقص ، كون الإنسان ثابت و بيعمل متغيرات و بيعمل الثبات بتاعه ده ضمن المتغيرات اللي حوله و مايتأثرش ، يعني مايتأثرش بالسلب ، ثابت في صلاته رغم المتغيرات الزمانية اللي حوله ، متغيرات البيئة سواء كانت بالإيجاب أو بالسلب ، ده دليل إنه هو إيه؟ صامد ضد إيه؟ كل التيارات اللي حوله ، و هو صامد قوي ، تمام؟ كالشجرة الثابتة التي جذورها ثابتة في الأرض و أوراقها باسقة إلى السماء ، فهي شجرة طيبة ، قوي ، قوي كالصخرة ، مروان يعني ، مروان : صخرة بيضاء قوية ، تمام؟ فهو ده بقى إيه؟ فايدة التقويم القمري ، و فايدة الصلاة و مواقيت الصلاة ، إن هي بتتغير أوقاتها ، لكن الصلاة ثابتة ، صح؟ ، يعني مثلاً إيه؟ نلاقي الليل نقص أوي في الصيف و زاد أوي في الشتا ، تمام؟ بنلاقي المواقيت بين الصلوات بتزيد و بتنقص ، يعني الأوقات ما بين الصلوات بتزيد و بتنقص ، كل ده بيخلينا/بيجعلنا نتوطن .. إن إحنا إيه؟ نمارس العبادة الثابتة بتاعتنا بخشوع في كافة إيه؟ مواسم إيه؟ السنة ، في كافة الفصول ، ف ده بيدينا/يُعطينا قوة و مرونة ، بيدينا/يُعطينا قوة و مرونة ، مرونة جسدية و مرونة نفسية ، مرونة جسدية و مرونة نفسية ، دي من الأسرار ، أسرار مواقيت الصلاة و أسرار السنة القمرية المباركة ، اللي إحنا إيه؟ بنوقت بها ، إحنا أمة الإسلام أمة عظيمة ، أمة وسط ، أمة قوية ، أمة عظيمة ، أمة لها أثمار عظيمة جداً ، الدجال مش عارف يعمل معها إيه؟ ، بيحاول يفكك الأسر ، بيحاول يبوظ/يفسد أخلاق المسلمين ، مش قادر لأن شريعة الإسلام ، شريعة قوية جداً جداً ، مهما بوظوا/أفسدوا في المسلمين أو مهما بوظوا/أفسدوا في أخلاق الشباب ، برضو/أيضا المسلمين إيه؟ أساسهم متين ، غير الغربيين اللي هم دلوقتي أصبحو ديانتهم ديانة وثنية ، النصاري دلوقتي و الملحدين دول/هؤلاء يُعتبروا بيرجعوا في مراجعهم كلها إلى العقيدة أو إلى التراث الوثني الروماني و اليوناني ، تمام؟ حقيقي ، هم مش عندهم ، مش على دين أصلاً توحيدي ، هم مشركين ، دلوقتي أصبحوا مجموعة من المشركين ، إلا من رحم ربي ، قلائل جداً اللي هم يعني عندهم بعض الطهارة ، لكن مش طاهرة كاملة طبعاً ، لأن الطهارة الكاملة مع محمد ﷺ ، فاهمين؟؟ المسلمين أقوياء جداً ، عقيدتهم قوية جداً ، خلوا بالكم ، و صلاة المسلمين دي عظيمة جداً ، بتنقي الإنسان و بتطهره و بتخليه ثابت و قوي و عَصيّ على الشيطان ، لما الإنسان يتمسك بالشريعة الإسلامية و بدين محمد ﷺ بيكون قوي جداً و عَصيّ على الشيطان ، أنا بقول لكم ، أنا عارف أنا بقول إيه ، أنا فاهم أنا بقول إيه ، لأني أنا عارف ، عارف ، عارف المجتمعات اللي حولنا ، بتفكر إزاي و ماشية إزاي ، و العياذ بالله ، الشيطان محتنكها ، يعني حاطط/واضع خطام في فمها و بيجرها/يسحبها وراه زي البهيمة ، و الله ، أنا بقولكو ، اللي بيتمسك بالشريعة الإسلامية و بالفرائض الإسلامية ، فيها قوة عظيمة جداً ، و بالأذكار طبعاً و القرآن ، قوة نفسية و روحية قوية جداً بتخيف إبليس نفسه ، إبليس اللعين نفسه ، الكبير ده بتاع الشياطين ، بيخاف من حاجة إسمها إخلاص و إتباع للشريعة الإسلامية و قراءة القرآن و تلاوته و تدارسه ، بيخاف جداً ، بيترعب ، عرشه بيتهز ، بيختل ، تمام؟ حقيقي ، بيجيله جِنان ، بيتجَنن من المسلمين ، اللي هم إيه؟ المتقين ، و حافظوا على إيه؟ دراستكم للقرآن و لاتباعكم للقرآن الكريم ، هو حصنكم ، حصنكم الحصين .
__
{قُلِ اللَّهُ أَعْلَمُ بِمَا لَبِثُوا لَهُ غَيْبُ السَّمَاوَاتِ وَالأَرْضِ أَبْصِرْ بِهِ وَأَسْمِعْ مَا لَهُم مِّن دُونِهِ مِن وَلِيٍّ وَلا يُشْرِكُ فِي حُكْمِهِ أَحَدًا} :
(و لبثوا في كهفهم ثلاث مائة سنين و ازدادوا تسعاً قل الله أعلم بما لبثوا) خلي بالك ، (قل الله أعلم بما لبثوا) يعني أعلم عاشوا أد/قد إيه بعد ما قاموا من النومة دي ، هم قاموا بعد ٣٠٩ سنة صح؟ السبعة ، صح كده؟ ، آآه ، ربنا الوحيد اللي أعلم كل واحد عاش أد/قد إيه بعدها ، لأنهم عاشوا بعدها و كل واحد مات ، ماشي؟ مانموش/لم يناموا تاني زي ما بيقولوا في الروايات و الكلام ده ، لا ، هم عاشوا ، خلاص عاشوا في أفسوس أو اللي مثلاً راح مدينة تانية أو كذا ، عاشوا حياتهم عادي ، بس كل واحد بقى إيه؟ كان له عمر باقي ، ربنا قدره له ، (قل الله أعلم بما لبثوا) أي بعد قيامهم من السبات ، (له غيب السماوات و الأرض) الغيب المطلق ده لله وحده ، لله وحده ، يُطلع عليه من ارتضى من رسول أو ولي أو مُحدَث ، يُطلعه على جزء بسيط ، لحكمة يريدها الله عز و جل ، (أبصر به و أسمع) يعني إيه؟ مدح لله عز و جل ، ربنا بيمدح نفسه ، (أبصر به و أسمع) يعني ما أبصر الله و ما أسمع الله ، أعظم به ، تمام؟ (أبصر به) ده أسلوب مدح ، (أبصر به و أسمع) يعني إيه؟ إلهنا إله بصير ، إلهنا إله سميع ، (ما لهم من دونه من ولي و لا يشرك في حكمه أحداً) (ما لهم من دونه من ولي) محدش يقدر ينصر أحد ضد ربنا ، أبداً ، ربنا هو إيه؟ الناصر و هو القاهر و هو المحيط ، (و لا يشرك في حكمه أحداً) محدش شريك مع ربنا ، ربنا إله واحد ، مالوش زي ، مالوش مثيل ، مفيش شريك معه في حكم هذا العالم .
__
{وَاتْلُ مَا أُوحِيَ إِلَيْكَ مِن كِتَابِ رَبِّكَ لا مُبَدِّلَ لِكَلِمَاتِهِ وَلَن تَجِدَ مِن دُونِهِ مُلْتَحَدًا} :
(و اتل ما أوحي إليك من كتاب ربك) قل لهم على كل الوحي اللي بديهولك/أُعطيك إياه ، ربنا بيقول له كده يعني ، قول لهم يا محمد على كل الوحي اللي إنت بتتلقاه مني ، (لا مبدل لكلماته) ده دليل إن مفيش نسخ في القرآن ، (لا مبدل لكلماته) الآية اللي تنزل ، ربنا مابيمسحهاش ، هي هي زي ما هي ، و ده طبعاً من التحريفات التي وقع فيها المشايخ إيه؟ المسلمين ، إنّ هم قالوا في نسخ في القرآن و في آيات بتمسح بعضها ، و ده غلط ، و دي فرية عظيمة جداً ، أهلكت كثير من المسلمين ، زي إيه؟ فرية حياة عيسى في السماء ، حياة مادية بجسده العنصرية ، دي فرية أهلكت كثير من المسلمين و أوقعتهم في الشرك ، (و اتل ما أوحي إليك من كتاب ربك لا مبدل لكلماته) مفيش نسخ في القرآن أي بمعنى المسح/المحو يعني ، لا ، القرآن نفسه هو بينسخ الشرائع السابقة ، ماشي ، هو ده الصح ، و الآيات اللي جت/أتت في القرآن كده ، هو ده معناها ، تمام؟ ، (و لن تجد من دون ملتحدا) مفيش حد هيقدر يحميك أد/قد ربنا ، ملتحداً أي ملجأً و موئلاً ، ملجأً و موئلاً ، الموئل اللي هو الحماية ، وائل يعني إيه؟ يطلب الحماية ، موئل أي إيه؟ موطن للحماية ، ملجأ أي إيه؟ مكان للجوء ، تمام؟ لكي نحتمي به سبحانه و تعالى ، ففروا إلى الله ، ففروا إلى الله لأنه سبحانه و تعالى هو الحامي و هو الناصر و هو المحيط و هو القاهر فوق عباده . حد عنده أي سؤال تاني؟؟ .
__
و اختتم نبي الله الجلسة المباركة بقوله المبارك :
هذا و صلِّ اللَّهم و سلم على نبينا محمد و على آله و صحبه و سلم ، سبحانك اللهم و بحمدك ، أشهد أن لا إله إلا أنت ، أستغفرك و أتوب إليك .
___
و الحمد لله رب العالمين . و صلِّ يا ربي و سلم على أنبياءك الكرام محمد و أحمد و يوسف بن المسيح صلوات تلو صلوات طيبات مباركات ، و على أنبياء عهد محمد الآتين في مستقبل قرون السنين أجمعين . آمين .🌿💙
و سألتُ نبي الله الحبيب يوسف الثاني ﷺ لماذا نقول (ما شاء الله ، تبارك الله) عندما نرى شيئاً جميلاً ، و كيف يحمي ذلك من العين و الحسد؟؟ ، فقال لي نبي الله : "معنى قول (ما شاء الله) إذا رأينا شيء جميل تمنع الحسد و العين ؛ أن قول ما شاء الله يفي بتجديد عهد و إقرار مع الله أي أنَّ هذا الشيء الجميل هو مشيئة الله تعالى ، فكيف لعين أو حسد أن يُزيله؟ فتلك هي فلسفة (ما شاء الله) أي الذي شاء الله أي هي مشيئة الله التي قدرت هذا الشيء الجميل و الحسن ، فَأَنَّا لشيء أن يُزيله؟ تلك هي بركة ما شاء الله لا قوة إلا بالله ."
========================
آسيا :
==============================================
Youssef Hala Mounir
الاثنين، 27 ديسمبر 2021
درس القرآن و تفسير الوجه الثاني من الكهف .
درس القرآن و تفسير الوجه الثاني من الكهف .
::::::::::::::::::::::::::::::::::::::::::::::
أسماء إبراهيم :
شرح لنا سيدي و حبيبي يوسف بن المسيح ﷺ أثناء جلسة التلاوة المباركة من أحكام التلاوة ؛ من أحكام النون الساكنة و التنوين , ثم قام بقراءة الوجه الثاني من أوجه سورة الكهف ، و أجاب على أسئلتنا بهذا الوجه ، و أنهى نبي الله الجلسة بأن صحح لنا تلاوتنا .
بدأ نبي الله جلسة التلاوة المباركة بقوله :
الحمد لله ، الحمد لله وحده ، الحمد لله وحده و الصلاة و السلام على محمد و من تبعه من أنبياءه عهده و بعد ، لدينا اليوم الوجه الثاني من أوجه سورة الكهف ، و نبدأ بأحكام التلاوة و رفيدة :
- من أحكام النون الساكنة و التنوين :
الإظهار : أي أنه إذا أتى بعد النون الساكنة أو التنوين الحروف من أوائل الكلمات (إن غاب عني حبيبي همّني خبره) , و حروف الإظهار تجعل النون الساكنة أو التنوين تُظهر كما هي .
الإقلاب : إذا أتى بعد النون الساكنة أو التنوين حرف الباء يُقلب التنوين أو النون ميماً . ثم يكون إخفائا شفويا . مثال : من بعد .
__
و ثم تابع نبي الله يوسف الثاني ﷺ الجلسة بشرح الوجه لنا فقال :
هذا الوجه المبارك العظيم من أوجه سورة الكهف ، فيه كلمات معبرة كثيرة ، تمام ، كل كلمة في معناها و في نطقها و في أصوات كلماتها ؛ معانٍ كثيرة و إشارات عظيمة .
{وَتَرَى الشَّمْسَ إِذَا طَلَعَت تَّزَاوَرُ عَن كَهْفِهِمْ ذَاتَ الْيَمِينِ وَإِذَا غَرَبَت تَّقْرِضُهُمْ ذَاتَ الشِّمَالِ وَهُمْ فِي فَجْوَةٍ مِّنْهُ ذَلِكَ مِنْ آيَاتِ اللَّهِ مَن يَهْدِ اللَّهُ فَهُوَ الْمُهْتَدِ وَمَن يُضْلِلْ فَلَن تَجِدَ لَهُ وَلِيًّا مُّرْشِدًا} :
(و ترى الشمس إذا طلعت) خطاب للنبي ﷺ و لكل نبي و لكل المؤمنين ، (و ترى الشمس إذا طلعت تَّزَاوَرُ((أو تَّزَّاوَرُ)) عن كهفهم ذات اليمين و إذا غربت تَّقْرِضُهُمْ((أو تُقْرِضُهُمْ)) ذات الشمال و هم في فجوة منه) كل الكلمات دي بتبين مكان الكهف و شكله و إتجاهه ، تمام؟ ، و حالهم عامل إيه ، تمام؟ ، الشمس لما بتطلع منين؟ بتطلع من الشرق ، صح؟ يعني الكرة الأرضية بتتحرك حول نفسها فتلاقي الشمس جات/طلعت من الشرق يعني ، ده المعنى ، (و ترى الشمس إذا طلعت) في الشروق ، وقت الشروق بقى ، تلاقيها إيه؟ (تَّزَاوَرُ عن كهفهم) تَّزَاوَرُ عن كهفهم يعني إيه؟ بتدخل على استحياء ، كأنها زيارة سريعة ، دي تَّزَاوَرُ ، تميل ميلان خفيف كده وقت الشروق بس ، و بعد كده بتختفي ، و أثناء الميلان الخفيف ده اللي أثناء الزيارات اللي على إستحياء للكهف ، صخور الكهف و تجاويفه ، بتخلي الأشعة مثلاً ممكن إيه؟ تخش/تدخل خمس دقايق و بعد كده إيه؟ تُحجب إيه؟ مثلاً دقيقتين ، و بعد كده تدخل ثلاث دقايق ، تُحجب أربع دقايق و هكذا ، في شكل متقطع يعني ، و الكهف ده فيه فجوات كبير جوا/داخل الجبل ، و في فتحتين : فتحة اللي كان أمامها الكلب ، دي اللي نقدر نطلع عليها ، نطلع الجبل مشي و إيه؟ و ندخل باب الكهف من الجهة دي ، و الفتحة التانية كانت عبارة عن إيه؟ فتحة بسيطة و لكن ناحية الجبل منحدرة إنحدار درجة ٩٠ درجة ، محدش يقدر يطلعها ، لكن الناحية اللي نقدر نطلع منها للكهف ، كانت من ناحية الوصيد ، ناحية الكلب ، و الكهف ده وفقاً للوصف القرآني ده ، كان إتجاهه شمال غربي ، فتحة الوصيد كانت إتجاهها شمال غربي ، و فتحة مطلع الشمس اللي هي منطقة الشروق ، كان إتجاهها إيه؟ جنوب شرقي ، يبقى إيه؟ فتحة الوصيد شمال غربي ، و الفتحة التانية كانت جنوب شرقي ، يعني مايل كده ، بميلان ، ربنا إيه؟ سبب لهم الكهف ده عشان يكون مناسب لفترة السبات اللي إيه؟ هيقضوها في هذا الكهف ، و الكهف ده كان عدة فجوات متصلة بإيه؟ بعرض الجبل ، تمام؟ جوا/داخل الجبل يُسمى كهف ، لكن الفتحة الصغيرة جوا/داخل الجبل نسميه غار زي غار حراء كده أو غار ثور ، لكن ده كان كهف ممتد ، أمامه فتحة قدامها/أمامها فناء من الناحية الشمالية الغربية ، دي اللي كان أمامها الكلب ، الحارس بتاعهم ربنا حطه/وضعه ، و المنطقة اللي إيه؟ اللي نستطيع إن إحنا نطلع عليها بأقدامنا عادي ، لكن الفتحة التانية اللي هي الشمس تَّزَّاوَرُ أو تَّزَاوَرُ من خلالها كانت فتحة أمامها الكهف منحدر بدرجة ٩٠ درجة يعني محدش يقدر يطلعه على الأقدام ، من باب الحماية ، ربنا سبب المكان ده من باب الحماية لهم ، طيب ، (و ترى الشمس إذا طلعت تَّزَاوَرُ عن كهفهم ذات اليمين) تمام ، إنت شايف كده الشمس بتيجي/بتأتي من ناحية اليمين ، يبقى إيه؟ الفتحة دي كانت جنوبية شرقية ، و عرفنا يعني إيه تَّزَاوَرُ و يعني إيه تَّزَّاوَرُ : تَّزَاوَرُ يعني إيه؟ على إستحياء ، تدخل على إستحياء وقت الشروق بس ، و تَّزَّاوَرُ يعني إيه؟ تنقطع و تأتي ، تنقطع و تأتي بشكل متردد ، تَّزَّاوَرُ ، تمام؟ ، بميل لأن الإزورار هو الميل أيضاً ، من معاني الإزورار أو الزَور هو الميل ، و لذلك نسمي إيه؟ البلعوم أو الفتحة اللي بنبلع منها الأكل ، بنسميها زور ، لأنه إيه؟ جاية بميلان كده ، من الفم للبلعوم بنسميه زور لأنه مائل ، تمام؟ ، طيب و إذا غربت الشمس ، الشمس إذا غربت ، جات/أتت الناحية الغربية (تَّقْرِضُهُمْ ذات الشمال) خلي بالك بقى من تَّقْرِضُهُمْ أو تُقْرِضُهُمْ ، (تَّقْرِضُهُمْ ذات الشمال) يعني الشمس ، شمس العصاري((فترة العصر)) بتدخل فترة أطول من شمس الشروق ، و شمس الظهر كده كده ما بتدخلش عشان ماتحرقهمش ، ماتجففش أجسامهم و تخلي المية/الماء اللي جواهم إيه؟ تتبخر ، لكن شمس العصاري مفيدة لهم ، بتدخل فترة طويلة ، فلذلك قال تعالى (و إذا غربت تَّقْرِضُهُمْ ذات الشمال) من إيه؟ القرض ، فلذلك (و إذا غربت تَّقْرِضُهُمْ ذات الشمال) تعطيهم قرض يعني تعطيهم عطية من إيه؟ من نورها المفيد عشان أجسامهم ماتتعفنش ، تمام؟ ، و كذلك فايدة إنّ الكهف كان له فتحتين ؛ إن الهوا فيه متجدد ، في نفس الوقت إيه؟ مايبقاش فيه تيار هوا شديد ، يبقى الهوا نقي متجدد ، و الشمس تدخل تنقي إيه؟ الأجسام ، ماتتعفنش ، تمام؟ (و إذا غربت تَّقْرِضُهُمْ ذات الشمال) الشمال إيه هنا؟ الغروب بقى ، كأنك باصص عليه ، باصص على الكهف ، يمينه الشرق و شِماله الغرب ، لكن بميلان ، في أحد الجبال المحيطة بمدينة أفسوس ، ده في غالب الروايات يعني ، طبعاً عرفنا مدينة أفسوس دي كانت موجودة فين؟ موجودة في غرب الأناضول على إيه؟ ساحل بحر إيجة ، تمام؟ ، و دي مدينة معروفة... ، (و إذا غربت تَّقْرِضُهُمْ ذات الشمال و هم في فجوة منه) فجوة منه ، فجوة من فجواته يعني ، كلمة فجوة (في فجوة منه) ده دليل إن الكهف ده ، فيه كذا فجوة متصلة ببعض ، تمام؟ من شرق الجبل إلى غربه ، لأن الكهف بيكون داخل جبل ، (ذلك من آيات الله) التصميم ده و الأسباب اللي ربنا جعلها دي ، هي من آيات الله عز و جل ، و كذلك السبات اللي دخلوا فيه هي من سنن الله و آيات الله ، بنشاهدها في الحيوانات و في الكائنات الحية ، تمام؟ ، (من يهد الله فهو المهتد) ربنا اللي بيهدي , بيهدي الذي يهتدي ، (من يهد الله فهو المهتد) أهو ، مين اللي ربنا بيهديه؟؟ اللي هو أصلاً هدى نفسه ، اللي هو أصلاً زكى نفسه ، اللي أصلاً إختار الطاعة و الإستخارة و حسن الظن ، تمام؟ ، (و من يضلل فلن تجد له ولياً مرشداً) من يضلل هو اللي ماكنش له ولي مرشد ، لم يتوجه إلى الله عز و جل بالدعاء ، لم يحسن الظن في الأولياء و الأنبياء ، لم يتق الله في المؤمنين ، (فلن تجد له ولياً مرشداً) الذي ليس له ولي مرشد يهديه الطريق بأمر الله عز و جل ، هذا هو الذي يُضله الله ، تمام كده؟ طيب .
___
{وَتَحْسَبُهُمْ أَيْقَاظًا وَهُمْ رُقُودٌ وَنُقَلِّبُهُمْ ذَاتَ الْيَمِينِ وَذَاتَ الشِّمَالِ وَكَلْبُهُم بَاسِطٌ ذِرَاعَيْهِ بِالْوَصِ١يدِ لَوِ اطَّلَعْتَ عَلَيْهِمْ لَوَلَّيْتَ مِنْهُمْ فِرَارًا وَلَمُلِئْتَ مِنْهُمْ رُعْبًا} :
(و تحسبهم أيقاظاً و هم رقود) تحسبهم أيقاظاً إن هم إيه؟ في حالة نضرة ، مش حالة ميتة ، مش ميتين ، أجسامهم حية و لكن علاماتهم الحيوية منخفضة و ليست منقطعة بالكلية ، تمام؟ ، العلامات الحيوية اللي هي إيه؟ الحرارة و الضغط و النبض و النفس ، منخفضين و لكن ليست إيه؟ متلاشية بالكلية ، (و تحسبهم أيقاظاً و هم رقود و نقلبهم ذات اليمين و ذات الشمال) بنخلي الجهاز العصبي بتاعهم يخليهم إيه؟ يتقلبوا يمين و بعد كده شوية شِمال ، ليه؟ علشان ضغط أجسامهم على الأرض اللي تحتيهم مايعملش في أجسامهم حاجة إسمها necrosis..نيكروزيس اللي هو إيه؟ تعفن الخلايا ، لأن الضغط المستمر على الخلايا ، تمام؟ بيمنع الدم عنها ، بيخليها تموت ، فلما الإنسان يتقلب في النوم دي حركة إيه؟ من الجهاز العصبي ، حركة تلقائية من الجهاز العصبي ، القشرة المخية هي اللي بتحرك العضلات ، علشان الإنسان يتقلب يمين و شمال عشان العضلات أو الخلايا ماتموتش نتيجة الضغط ، بتموت من حاجة إسمها ، بنسميها في الطب necrosis..نيكروزيس تمام؟ ، (و تحسبهم أيقاظاً و هم رقود و نقلبهم ذات اليمين و ذات الشمال) كل دي أسباب ربنا سببها عشان نحافظ عليهم ، عشان نجعلهم آية من آياته سبحانه و تعالى ، (و كلبهم باسط ذراعيه بالوصيد) كلبهم إيه؟ رابض في الفناء اللي أمام الكهف ، أمام الفتحة إيه؟ الشمالية الغربية اللي نقدر نطلعلها برجلينا عادي ، تمام؟ ، (لو اطلعت عليهم لوليت منهم فراراً و لملئت منهم رعباً) ربنا حط/وضع معهم سبب الرعب ، يعني جندي من جنود ربنا اللي حطه أو اللي وضعه و اللي جعله مع النوام السبعة دول/هؤلاء إيه؟ الرعب ، بحيث محدش يقدر يقرب منهم لغاية ما تكتمل العد ، لغاية ما يكتمل العد ، تمام؟ اللي هو ٣٠٠ سنة شمسي أو ٣٠٩ سنة هجري ، (لو اطلعت عليهم لوليت منهم فراراً و لملئت منهم رعباً) طيب .
___
{وَكَذَلِكَ بَعَثْنَاهُمْ لِيَتَسَاءَلُوا بَيْنَهُمْ قَالَ قَائِلٌ مِّنْهُمْ كَمْ لَبِثْتُمْ قَالُوا لَبِثْنَا يَوْمًا أَوْ بَعْضَ يَوْمٍ قَالُوا رَبُّكُمْ أَعْلَمُ بِمَا لَبِثْتُمْ فَابْعَثُوا أَحَدَكُم بِوَرِقِكُمْ هَذِهِ إِلَى الْمَدِينَةِ فَلْيَنظُرْ أَيُّهَا أَزْكَى طَعَامًا فَلْيَأْتِكُم بِرِزْقٍ مِّنْهُ وَلْيَتَلَطَّفْ وَلا يُشْعِرَنَّ بِكُمْ أَحَدًا} :
(و كذلك بعثناهم ليتساءلوا بينهم) خلاص ، عَدَّت التلتمية و تسعة /309 سنة و قاموا من النوم ، (قال قائل منهم كم لبثتم) و إنتو قعدتوا أد/قد إيه؟ (قالوا لبثنا يوماً أو بعض يوم) تخيلوا ذلك يعني إن هم أقعدوا بس يوم أو جزء من اليوم ، (قالوا ربكم أعلم بما لبثتم فابعثوا أحدكم بورقكم هذه إلى المدينة) كان معهم شوية إيه؟ نقود فضية ، الوَرِق يُسمى إيه؟ الفضة أو الفضة تسمى بالوَرق ، نقود مسكوكة كده ، عليها إيه؟ إسم الملك بتاع المدينة ، اللي هو كان دقيانوس أو دقلديانوس... ، تمام؟ ، (قالوا ربكم أعلم بما لبثتم فابعثوا أحدكم بورقكم هذه إلى المدينة) المدينة اللي هي مدينة أفسوس ، (فلينظر أيها أزكى طعاماً) يختار لنا الطعام الأزكى ، الطاهر الموافق لشريعة التوراة لأن أفسوس كان فيها وثنيين رومان ، كانوا بياكلوا الميتة ممكن ، ممكن ياكلوا القرابين المقدمة للآلهة الوثنية ، ف دي كانت محرمة على إيه؟ على الموحدين ، تمام؟ (فلينظر أيها أزكى طعاماً) يعني طعام طاهر موافق للشريعة التوراتية ، (فليأتكم برزق منه) جزء من الطعام الطاهر ده ، لأن هم عارفين في مؤمنين قلة في المدينة ، فيروحوا يتلمسوا ، ياكلوا طعام طاهر من المؤمنين ، (و ليتلطف) يعني إيه؟ يمشي بلطف ، ما يعملش ضجيج و ما يلفتش النظر اليه ، (و لا يشعرن بكم أحداً) يعني ما يلفتش النظر لنا ، عشان لو لفت النظر لنا ، ممكن إيه؟ القوم يسوقونا إلى الملك ده دقلديانوس.... و يقوم بإيه؟ بتعذبنا أول قتلنا ، تمام؟ .
__
{إِنَّهُمْ إِن يَظْهَرُوا عَلَيْكُمْ يَرْجُمُوكُمْ أَوْ يُعِيدُوكُمْ فِي مِلَّتِهِمْ وَلَن تُفْلِحُوا إِذًا أَبَدًا} :
(إنهم إن يظهروا عليكم) لو عرفوا مكانكم (يرجموكم) يعني يقتلوكم من الرجم ، (أو يعيدوكم في ملتهم) يرجعوكم تاني وثنيين ، يفتنوكم في دينكم ، (و لن تفلحوا إذاً أبداً) كده مش هتفلحوا في خاتمتكم أو في يومكم الآخر , و اليوم الآخر ، (و لن تفلحوا إذاً أبداً) أي أنكم لن تفوزوا بجنة النعيم في الآخرة .
__
{وَكَذَلِكَ أَعْثَرْنَا عَلَيْهِمْ لِيَعْلَمُوا أَنَّ وَعْدَ اللَّهِ حَقٌّ وَأَنَّ السَّاعَةَ لا رَيْبَ فِيهَا إِذْ يَتَنَازَعُونَ بَيْنَهُمْ أَمْرَهُمْ فَقَالُوا ابْنُوا عَلَيْهِم بُنْيَانًا رَّبُّهُمْ أَعْلَمُ بِهِمْ قَالَ الَّذِينَ غَلَبُوا عَلَى أَمْرِهِمْ لَنَتَّخِذَنَّ عَلَيْهِم مَّسْجِدًا} :
(و كذلك أعثرنا عليهم ليعلموا أن وعد الله حق و أن الساعة لا ريب فيها) لما هو أحد النوام السبعة راح للمدينة و حاول يشتري طعام طاهر ، كان مستغرب إن الناس اللي كان يعرفهم مش موجودين ، و لما طلع/أخرج الورق اللي معه ، التاجر إستغرب لأن الوَرِق ده مسكوك من ٣٠٠ سنة ، فافتكروا/اعتقدوا إن الراجل ده لقي كنز ، فلم/جمع الناس حوله و قال إنت لقيت/وجدت كنز و لازم تورينا مكان الكنز ده ، فمن هنا اكتشفوا قصة أصحاب الكهف ، راحوا معه و شافوا إيه؟ أصحابه في الكهف ، تمام كده؟ ، (و كذلك أعثرنا عليهم) بالسبب ده يعني ، (ليعلموا أن وعد الله حق و أن الساعة لا ريب فيها) يعني البعث ، تجربة عملية عندكم أهو ، دي ناس كانت نايمة ٣٠٠ سنة ، ربنا إيه؟ أيقظهم ، ف دي مثال على البعث ، اللي يقدر يعمل كده ، مايقدرش يَخلُق أو يبعث في اليوم الآخر ، يقدر ، ف ده كان نموذج للبعث ، واخدين بالكم إزاي؟ ، (و كذلك أعثرنا عليهم ليعلموا أن وعد الله حق و أن الساعة لا ريب فيها) الساعة اللي هي إيه؟ القيامة الكبرى يعني ، (إذ يتنازعون بينهم أمرهم) طبعاً لما عرفوا بقصة أصحاب الكهف دول/هؤلاء ، كان المدينة فيها مشركين و فيها موحدين ، بس بعد ما عدت/مضت ٣٠٠ سنة ، كان الموحدين أكثر ، عدد الموحدين أكثر ، خلي بالك ، و لكن أجداد النوام السبعة دول/هؤلاء كانوا مشركين وثنيين ، ف هنا بقى حدث تنازع ما بين المؤمنين و المشركين ، مين أحق بأصحاب الكهف دول/هؤلاء ، مين أحق ببركات أصحاب الكهف دول/هؤلاء ، مين اللي هياخذ الكهف ده و يتبارك به ، خلوا بالكم ، (فقالوا ابنوا عليهم بنياناً) دول/هؤلاء المشركين ، قالوا إحنا نبني عليه إيه؟ معبد إيه؟ روماني ، و نتبارك بالنوام السبعة اللي هم من أصلابنا ، اللي هم إيه؟ دول/هؤلاء أحفادنا ، تمام؟ ، (ربهم أعلم بهم) هنا ربنا بيتكلم ، (ربهم أعلم بهم) رب المؤمنين دول/هؤلاء اللي هو الإله الحقيقي ، أعلم بهم ، (قال الذين غلبوا على أمرهم) غلبوا على أمرهم يعني إيه؟ كانوا شأنهم من شأنهم يعني موحدين زيهم ، (قال الذين غلبوا على أمرهم) يعني شأنهم شأن أهل الكهف ، كذلك (قال الذين غلبوا على أمرهم) يعني إيه؟ كانوا هم الأكثرية في المدينة وقتها ، كانوا موحدين ، (لنتخذن عليهم مسجداً) هناخذ الكهف ده ، و نعمله مكان للصلاة ، هنعمله مكان للصلاة للتبارك به ، تمام كده؟ . حد عنده سؤال تاني؟ ، إقرأ يا مروان .
○ و أثناء تصحيح نبي الله لتلاوتنا ، قال لنا :
- إذاً عرفنا (فقالوا ابنوا عليهم بنياناً) ده كلام المشركين ، (ربهم أعلم بهم) ده كلام ربنا ، (قال الذين غلبوا على أمرهم لنتخذن عليهم مسجداً) ده كلام الموحدين ، فهمتوا؟ يلا .
- طبعاً (وَلَمُلِئْتَ منهم رعباً) يعني إيه؟ اترعبت منهم مرة واحدة ، (وَلَمُلِّئْتَ) يعني اترعبت منهم مرات كثيرات متتاليات ، تمام؟ ده المعنى يعني .
__
و اختتم نبي الله الجلسة المباركة بقوله المبارك :
هذا و صلِّ اللَّهم و سلم على نبينا محمد و على آله و صحبه و سلم ، سبحانك اللهم و بحمدك ، أشهد أن لا إله إلا أنت ، أستغفرك و أتوب إليك .
___
و الحمد لله رب العالمين . و صلِّ يا ربي و سلم على أنبياءك الكرام محمد و أحمد و يوسف بن المسيح صلوات تلو صلوات طيبات مباركات ، و على أنبياء عهد محمد الآتين في مستقبل قرون السنين أجمعين . آمين .🌿💙
===========================
وداد الخير :
دعاء لك