و نشر بليغ اليوسفيين هذا المنشور و قال
( آسيا ) .
===============================
بأمر من يوسف بن المسيح اقرأوا هذا المنشور
كلكم و خصوصا أحبابنا في دول المغرب العربي .
===============================
[٣١/٥ ٧:٠٢ م] آسيا: سلام الله عليكم نبي الله يوسف وجمعتكم مباركة هذه الفقرة نص الرسالة الصوتية الثانية كاملة
[٣١/٥ ٧:١٤ م] آسيا: بقي فقط الرسالة الصوتية الاولى ساجمعها مثل الرسالة الثانية
[١/٦ ١:٥٢ ص] د محمدربيع ،مصرحقيقةالوحي: أحسنت آسيا
[١/٦ ٥:٠٠ م] آسيا: صلوات الله عليك وسلامه يا روح اليوسفيين
[١/٦ ٥:٠٣ م] آسيا: السلام عليكم يا روح اليوسفيين . استمعت لسورة البقرة
لثاني مرة في الحقيقة والله ارتحت كثيرا كثيرا وانا اسمعها. والغريب في
المرة الاولى والثانية عندما اسمعها تاتيني قشعريرة وبرودة في كامل جسمي
لثواني معدودات يعني ماطول ثم تزول . في المرة الاولى قلت ربما بسبب البرد
ولكن اليوم الجو حار . ثم تحصل معي لمرات عديدة طبعا هذا لم يقلقني ولكن
تساءلت لماذا يقشعر جسمي !؟ وفي نفس الوقت أقسم بالله شعرت بلذة لدرجة لم
استطع الحركة بقيت على موضعي الذي انا فيه حتى انتهت السورة
[١/٦ ٩:١٤
م] آسيا: السلام عليكم ورحمة الله تعالى وبركاته . آآآ.....نهاركم زين
رمضانكم مبارك ان شاءالله . تصوموه بالصحة والهنا ان شاء الله .هاذ
الحكاية لرايحة نحكيها اليوم هي آآآ.... صراتلي .يعني صرات للزوج تعي
يعني حادثة . وحبيت نحكيلكم عليها . وكيفاه دعيت ربي وكيفاه استجاب ربي 😇 وكانت كاينة رؤى ومن بعد تحققت هذيك الرؤى . وهاذ الحادثة صرات ...يعني في آآآ..🤔يعني
في آآآ... 2015 في صيف 2015. آآآ.. ما بين شهر ماي إلى شهر أوت . كانت
هذي بكل( كامل) -يعني هذو الشهورا - يعني الشهور هذوا كانوا يعني عدات
شهور قاسية علينا احنا. انا وزوج تاعي. آآآ كيفاه بدات القصة ؟ آآآءء..
هي نشفى ( أتذكر) على روحي أنايا ( أنا) déjà بعد كنت أنا عرفت المسيح
عليه السلام جديد يعني معرفة جديدة. وبايعت وكنت في قمة الروحانيات 😇
و كنت قاعدة في الدار ماكنتش نخدم . آآآآ ... كنت قاعدة في الدار ونهار
كامل وأنا نقرا غير في كتب المسيح عليه السلام. يعني مانخرجش( امتنعت عن
الخروج للتنزه ) Tellement عجبني المسيح عليه السلام . دايما نقرا
الكتب تاعو . آآآءء..يعني بقيت هكا مركزة على الدعاء . يعني في هذوك ...
نشفى ( أتذكر) في هذاك العام . أنا وصلت يعني للعشق الالهي. وليت انا في
الدار هنايا وحدي وحدي نحكي مع ربي هكا .....المهم كاينين إشارات هكا
...صراولي تاني ما نقدرش نحكيهم اليوم . باه ما نطولش . المهم . أنا كما
عرفت المسيح عليه السلام . كان عندي الحماس أني -ومزال عندي الحماس يعني
باطلتش- كان عندي الحماس أني ننشر رسالة المسيح عليه السلام . وو...
كاينة وحدة جزائرية مثقفة قارية . آآآءءءء عرضتها . دعيتها تجي للدار
تاعي ، باه تشرب قهوة عندي و في نفس الوقت نبلغ رسالة المسيح عليه السلام.
لما جات عندي قاعدين هنا في الصالة هكا. وقاعدة يعني انا مابديتلهاش من
لول ( الاول) يعني انا عندي هكا منهجية أني مانبداش طووووول نمد سع
العلوم. ( العلوم الإلهية ) et après (يعني من بعد) لما يسألوني نقولهم
هذي من كتب الجماعة الاسلامية الأحمدية ونبدا نمهد باه ننشر رسالة
المسيح عليه السلام . من بعدا هي هكا قاعدة تحكي معايا نسمع دق في
الطاقة تاعنا تاااع (يعني في النافدة) في الطاقة نقولو احنايا الطاقة
نقولوا النافدة . تاع المطبخ . وأنا المطبخ تاعي ماشي مقفول يعني المطبخ
تاعي محلول على الصالة هو يعني بيت أوروبي des fois .... يعني ماشي مدايرة
مطبخ يعني عندو باب وحدو هكا . هو مفتوح على الصالة تاعي. آآآ... ومن
بعد دوّرنا ( التفتنا) أنا وإياها . لقينا......😳 واحد يدق علينا كلي قاعد يطبطب ( دقات يعني ) على النافدة. أنا وقفت رحت لقيت الغراب😳😳. لقيت الغراب من بعد وليت قلت سبحان الله !!!!الغراب كبييير. بعد أنايا خفت 😰😰😰
ماقدرتش نحل، قلت : واش بيه هذا الغراب ؟؟!! . حاب حابني نحل الطاقة .
من بعد أنايا غير حليت ، هزيت غير الستار تاع النافدة نقولوا( الريدو
احنا نقولولو ) . هزيت الستار هذاك ، و نشوف معاه وهو يشوف معايا ، وانا
نشوف معاه . صديقتي هذيك آآآ دهشت 😳 . بقات واقفة باقية ءءء... تقول: سبحان الله !!! سبحان الله !!! .وأنا قاعدة نشوف مع الغراب هداك وهو يشوف معايا . أنا خفت 😰
. أنا ما حبيتش نحل الطاقة وهو مصّر على أنو... ومزال يطبطب مزال يدق على
النافدة بالمنقار تاعو . et après (من بعد ) وليت أنايا ءءء... هبطت
الستار هذاك ، وو.. من بعد شوية راح . مشى . لما مشى أنا ماحطيت والو
في بالي . بصح جاتني حاجة .. يعني غريبة jamais صرات . أن يجي غراب يطبطب
عليا آآآ .. jamais صرات هذي . عمرها ما صرات . après (من بعد) نلقى جا
الزوج تاعي في المساء هكا . حكيتلو ، قلتلو: voilà عبد الله (هو الزوج
تاعي اسمو عبد الله) قلتلو : شوف واش صرا اليوم جا الغراب يدقدق في
النافدة. الزوج تاعي تبدل وجهو 😨😨😨
تاعو. وبعد قال لي : أسيا احنا هنايا في أوروبا آآآء.. الغراب فأل
...نقولو شؤم . يعني فآل موشي مليح . سع قلتلو أنايا: احنا هذا الشيء
تطير عندنا في الدين وانا ما نأمنش بهذا . لا أؤمن بهذا الشيء. قلتلو:
ماكاين والو . بصح في قرارة نفسي قاعدة نقول يمكن تكون كاينة رسائل هكا.
ماعلابليش ( لا أدري ) . بصح كنت خايفة لداخل. في النفس تاعي كانت لداخل،
كنت خايفة . بصح ماحبيتش نبين للزوج تاعي . مع أني أنا مؤمنة أنو
مانحبش نقول هذاك الفأل ماشي مليح ... نقول : التطير هذا احنا في الدين
تاعنا نقولو ماشي مليح. L'essentieمن بعد نسيت هذا الشيء وبعد ما مرو
يومين ولا تلات ايام كان الزوج تاعي يخدم في سُوَر البيت . يعني احنا عندنا
بيت وقاعدين نخدمولو في السور يفصل بينا وبين الجيران تاعنا. جيرانا هذوا
لقدامنا . هم نصا ... يعني ما نعرف بلاك ( ربما ) ملحدين ولا نصارى المهم
ماشي مسلمين . أنا جيراني كااااامل لدايرين بيا ، آآآ ...موش مسلمين،
يعني غير الأتراك هذو لهنايا لكن أغلبيتهم بكل ( كلهم) يا نصارى يا ملحدين .
المهم الزوج تاعي قاعد يبني في السور هذاك ، وكاين الإسمنت ، والاسمنت
هذاك يديروه بالما ويهز ، يحمل الثقل زوجي ، مع أنو الزوج تاعي الخدمة
تاعو (العمل تاعو) موشي هذا هو العمل تاعو ، هو يعمل آآ... هو يعمل
آآآ... مم . هو يعمل في ل....في ل...في الشركة تاع آآآ ...تاع الطيران
يعني يعمل في🤔🤔🤔
ماعلاباليش واش يقولوا (les pieces) ???. المهم شركة مختصة بالطيران .
المهم هو يعمل في شركة مختصة بالطيران لكن هو مغرم .مغرم بالخدمة (
بالعمل ) . يشتي ( يحب ) يخدم في الدار ، برا ( خارج البيت ) يشتي هو
يحب بزااف العمل، راح هو يهز في الإسمنت وثقيل الإسمنت هذاك .هز فوق
الطاقة تاعو . فوق طاقتو، وأنا كنت نطل عليه وقاعدة نقول ربي يستر هو يهز
بهذا ال.... يعني قاعد يهز ويخدم بهذا الهمجية ....🙁
يعني وبهذا الجهل . الله يستر وخلاص . من بعد آآآء.. ومن بعد يومين ،
ثلاث ايام ، هو راح للعمل نلقاه عيطلي في التليفون قالي : اسيا احكميلي
الموعد عند الطبيب .واحنا عندنا طبيب . 😷طبيبة
هذي ،طبيبة تاعنا تاع العائلة . اسمها madame depont . هذي الطبيبة تاع
العائلة ، الملفات تاعي وتاع الزوج تاعي بكل( كلهم) عندها . يعني هي
لتتكلف بنا، يعني كاش ما يصرانا احنا نروحو طول عندها، قال لي :أسيا احكمي
الموعد ، حكمتلو الموعد عند الطبيبة -قلتلو : واش بيك؟ قالي : ما نقدرش
رجلي توجع فيا، رجلي توجعني - حكمتلو الموعد . و احنا كيعطونا الموعد ماشي
موعد تاع يومين ولا .😔يعطونا
الموعد بِعدخمس ايام ، ست ايام.. يعني حتى تموت ألف مرة باه ( حتى) باه
يجي الموعد هذاك . المهم جا الموعد تاع الزوج تاعي ولات عطاتو- وقالها :
رجلي ما نقدرش نمشي، وسطر عندي (يعني الوجاع )🤕🤕🤕
الوجع في قدمي . آآآ قالها : اوصفيلي كاش حاجة ( أي شيء) باه يخفف عليا
هذا الوجع - عطاتو الدوا . احنا في فرنسا هنا كاين قانون انهم يبداو يمدوا
الدواء بجرعة خفيفة . مع الوقت.... مع الوقت لكان ماحبش يحبس السطر من
بعد يبداو يزيدوا في الجرعات ( يعني الجرعات لقاوية حتى الأقوى ) . راحو
مدولو آآ....الدوا . قعد سمانة ( أسبوع ) . والسطر غير باقي يزيد... .
السطر والوجاع باقي يزيد . زاد راح زدنا حكمنا موعد . زاد راح زادت عطاتو
الدوا الأقوى . يعني قاوي على الأول . زاد هو قاعد يشرب فيه زاد هو مزال
السطر غير قاعد يزيد . بقى لفترة هكا لمدة شهر ونصف هكاك ، لكن يعني
الحالة غير قاعدة تروح للأسوأ😔😔.
زوجي ولى ( أصبح) عاد ما يقدرش .. وصلت بيه عاد ما يقدرش يسوق . ( يعني
في السيارة مايسوقش ) . ولىًّ يقعد في الدار . عاد ما يقدرش يروح يخدم .
سع عطاتو الطبيبة قالتلو : روح دير la radio على ظهرك . كي راح دار la
radio على ظهروا لقاو بلي آآآ ....لقاو بلي عندو... ممم.... كيفاه
يسميوها ؟؟؟🤔🤔🤔ال
.... الانزلاق الغضروفي باللغة العربية . الانزلاق الغضروفي .المهم .
أووووووراحوا قالولو نزيدو نعطيوك، زادت - قالتلو كيشافت الطبيبة تاعو -
قالتلو : نزيد نعطيك الدوا لقاوي اكثر . هي تعطيلو في الدوا دايما تعطيلو
في الدوا..... دايما هكا تعطيلو في الدوا .......والنتيجة
ماكانش . والزوج تاعي سكري سكر تاعو دايما يهبط ،وخاصة في الليل أنا
نخاف لما نكونو راقدين هو دايما يهبطلو السكر في الليل . ساعات يعود يوصل
أنو يوصل للغيبوبة وانا نجري نديرلو السكر والما باه نقدر ندير باه نقدر
.....😷😷 تسما نسعفو بالسكر والما. لكن انا تاني وليت تأثرت تاني في ليامات هذوك ، وليت هو آآءءء...الحق هو ما يرقدش من السطر يبات يبكي 😭 وانا نبات تاني نبكي معاه😭 . وكي يرقد نخاف 😰 نخاف أنو يهبطلو السكر من كثرة التعب ومن الدوا . الدوا يرقد ...الدوا برقد ....😔 غير يرقدوه، بعد ولّى قالي : أسيا لازمنييي ملّ (ملل) هكا 😠
بعد قالي : أسيا لازمني نحكم الموعد عند المختص راح . -هذا الطبيب
المختص عاملو عملية على رقبتو من لورا (الوراء) كانو يديه من قبل صراولو
نفس المشكل . يديه حتى تشلوا(الشلل) قبل الزواج قبل ما يتزوج بيا صرالو هذا
المشكل ، وكانت عملية صعيييبة طبيب هذا هو لعملو هذ العملية - قالي :أسيا
لازمني هذا المختص . الطبيب المختص لعملي العملية الاولى هو للازمني نروح
عندو باه نشوفو واش يقولي ؟ راح . هو قبل ما يدير هكاك يعني آآآ.. نحكمو
احنا سع الموعد، لكن الموعد لحكمنا عند الطبيب هذا عطاوناموعد على
آآآءء... عشرين يوم . لكن الزوج تاعي الحالة غير قاعدة تسوء أكثر 😔 وزوج تاعي ماقاعدش يرقد . وضعف خلاص . مايقدرش يمشي . وقاعد يتعذب 😩😩 . وأنا قاعدة نتعذب معاه وأنا علابالك ( لعلمك) ، قلبي قلبييي مايتحملش نشوف واحد يتألم قدامي 😢
أنا برا لما نشوف الناس هكا ، مساكن فقراء نشوفهم . قلبي يوجعني عليهم .
فمابالك لما نشوف ناس أحبابي ، آآآءء.. أهلي ، آآآ ءء .. قلبي يوجعني
بزاااف، أنا لكان مت نموت بقلبي . لأَنِّي دايما نخمم بززاااف على الناس
هكا 😢نشفق عليهم😢
يغيضوني بززاااف بززااف . حنينة هكا بزاف دارني ربي هك . وهذا الشي
لحبيت نحيه بصح ما قدرتش .غير قلبي مانتحملش نشوف واحد يتعذب قدامي . وهو
كينشوفو هكاك ماعطانيش قلبي .نوض أنا تاني نبكي معاه 😭هو
يبكي وأنا نبكي معاه . ومن بعد يقولي : أسيا ...-وهو بلاك المشكل تع
الزوج تاعي هو قاعد يتمسك بالطبة . و كأنهم هم لرايحين يداويوه( قصدي
يشفوه) . هم الشفاء بيديهم هوما . وأناكنت نقول للزوج تاعي نقولو: عبد
الله مالازمش تخمم هكا . لازم تدعي ربي . لازم هو ربي وحدو . هو ليقدر
يخرجك من الحالة لراك فيها . لكن عبد الله ما ... 😔 كينقولو ربي ماعندوش اليقين . عندو اليقين في الطبة أكثر على ربي 😔لكن
أنايا كنت نقولو: عبد الله... كنت دايما نقولو : هات نقرالك نرقيلو هكا
شوية . يحس شوية بالراحة ومن بعد يرجعلو السطر هذاك، ومن بعد الطبيب هذاك
لعطاونا rendez-vous معاه بعشرين يوم قلت بزاااف . وليت دعيت ربي قلتلو
يا ربي...... يا ربي .....ياربي يقدمونا الموعد . وهم علابالك اذا عطاوك
الموعد مايغيروهش . مهما يكون، مايغيروش الموعد هذاك . وكأنهم آلهة .
يعني القرار بيدهم وما يكثروش معاك الكلام . يعطوك الموعد ومايكثروش معاك
الكلام خلاص . دركا (الان) ندير pauseومن بعد نزيد نكمل انشاء الله
[١/٦ ٩:٢٣ م] آسيا: آآ..... درك (الآن) نكمل . نحاول أني مانطولش .
درك نحاول كيفاه نسوطي ( أقفز) شوية على الأحداث . l'essentiel . آ
آآآ..... رحت دعيت ربي قلتلو يا ربي قدمنا هذا الموعد . ودار ( عمل) ربي
أسباب هكا . صح C'est vrai يعني آآآ....... عمل ربي سبب و قدمولي الموعد
ماشي على عشرين يوم 😇
قدم الموعد . ومن بعد رحنا انا والزوج تاعي وشاف المختص (الطبيب المختص
)la radio تاعو قالو لازمك العملية وقالو العملية نديرهالك أنا ، لكن لازم
تسنا( تنتظر) يعني تحت القائمة 😟😟الزوج
تاعي كان هو صح حاب يدير العملية . كان حاب يديرها وعند هذا الطبيب بعد .
لكن آآآ..... باه يقعد يزيد يسنا الوقت بزاااف . هو قاعد يتألم ، قاعد
يتعذب . قالو تقدر تروح للدار ودرك تسنا la convocationc,convocation كيفاه نقولوها؟؟؟🤔🤔 ... الدعوة🤔convocation
. الدعوة آآآ..... تاع يوم الموعد باه نديرلك العملية . الحق احنا روحنا
للدار وقاعدين نسناو . en même temps (يعني في نفس الوقت ) قاعدين نروحو
عند madame depont . طبيبة تاعنا باه تعطيلو الدوا.. لباه ..يزيد..( يعني
يخففلو الالم ) و باه يرقد . حتى وصلنا يعني بلاك ( ربما) la morphine 🤔 ....الدوا la morphine . لخر ( الاخير) خلاص تاع la drogue (المخدر) 😔😔 لخر خلاص تاع la drogue لكن انا كنت ضد هذا الشي كامل. لانو عمرولو كرشو بالدوا . يعني الزوج تاعي درك من ماي وهو يشرب في الدوا.. 💊في الدوا.. 💊في الدوا....💊.حتى لشهر تاع أوت وهويشرب في الدوا . يعني.... أنا jamais شفت واحد يشرب الدوا بهذيك 🙁 هنا في فرنسا علابالك يحطموا الرقم القياسي في 💊💊
يشتيو( يحبوا) يشربواالدوا بزاااف هنايا في فرنسا . المهم آآآ.... رحنا
للدار، ءءءء...وليت مممم .... وليت أنايا، آآآ...... وليت أنا ندعي بزاف
ربي . تعبت .تعبت بزاف 😓😓
. و جات عليا بزاف أنا . ولات أنا مسؤولية تاع الدار عليا . نروح نقضي
أنا (اتسوق) وماكنتش نعرف نسوق في هذاك الوقت . نروح على رجلي هكا (ماشية
) نجيب القضيان( مستلزمات البيت) في يدي . والزوج تاعي مريض لازمني نديرلو
الماكلة .....المهم . عدّات عليا شوية(قليلا) ظروف قاسية 😢
و لمدة أنا هكا (هكذا) قداه شهور هذوك . آآآ... ومن بعد قاعدين نسناو
احنا في هذاك الطبيب يعني نسناو في هذيك الورقة بفارغ الصبر وكتاه( متى)
العملية ؟ باه يديرولو العملية باه نتهناو من السطر(الوجع) هذا لقاوي
بزاف . ومن بعد وليت أنايا هزيت الزربية( مسكت السجادة) ، و دعيت ربي وليت
نبكي 😭
وليت قلتلو يا ربي ........المهم دعيتو هكا . ومن بعد كيرقدت قالي
.....قالولي : في الرؤيا عطاوني غير ثلاث إشارات قالولي : عبد الله .
الخميس .على الواحدة . (عبد الله.الخميس . على الواحدة إشارات فقط .) ونظت
انا في الصباح لما فطنت ونظت ( استيقظت )كتبت في الورقة 🗒✍
عبد الله .يوم الخميس .الواحدة تماما . كتبت الواحدة تماما كتبت واحد ،
صفر ، صفر . يعني لقيت روحي قاعدة نكتب في ورقة هكا وقاعدة نقول نخليها آية
. آية هذي . وأنا لما شفت هذي الرؤيا شفتها يوم الاثنين أو الأحد .
مانتفكرش مليح يعني الأحد أو الاثنين .لما آآآ....(هذي في شهر أوت . في
شهر أوت ) من بعد انا قلت -احنا كنّا نسناو في هذيك موعد العملية . بفارغ
الصبر أنا والزوج تاعي . كنّا نسن.... - ومن بعد وليت أنا تفاءلت😀
قلت : يمكن نهار الخميس رايحة تجيه هذي la convocation تجي تحددنا موعد
العملية باه الرجل تاعي يتهنى( يرتاح) . ومن بعد هذي يمكن يكون نمتها
بالأحد. يوم الاثنين لما فطنت وتفاءلت وبقيت نتساءل🙄
؟؟ بصح ماقلتش للزوج تاعي . خبيت الورقة هذيك خبيتها . ومن بعد
...(خبيتها يعني أخفيت الورقة هذيك) يمكن ساعات ننسى اني اتكلم مع واحد
مصري هههه 😅😅 آآآ .....ومن بعد وليت آآآ.... قاعدة نتساءل 🤔 يوم الخميس واش كاين؟ يوم الخميس 🤔
نلقى عبد الله عيطلي هو قدام الباب قالي : أسيا . رحت قالي : أرواحي (
تعالي) نلقاه عطاني la convocation يوم الاثنين . كي قريت la convocation
لقيت دارنا طبيب المختص يوم موعد العملية-احنا كنّا في شهر أوت في العشرين
هكا في العشرين تاع أوت هكا ، موعد العملية 25 أكتوبر . انا انصدمت😱 يعني يعني تصدمت 😱وليت
نقول : كيفاه !!!؟؟ يعني الزوج تاعي يقعد هكا يتألم ؟ وانا نزيد نتعذب
معاه نزيد شهرين أخرين أوت ، سبتمبر ، أكتوبر بزززااف c'est trop ، يعني
الرجل تاعي شرب بزاف الدوا وهو مريض سكري والمعدة تاعو عادت توجعو من الدوا
، عادت توجعو من الدوا . بعد وليت قلت -من بعد الحق انا تشوك(choc ) يعني
تصدمت صح - ومن بعد وليت قلت Bon لازمنا نصبروا. خلاص واش رايحين نديروا
، قالي: أسيا قالي Bon دركا 😔
يئسنا أنا والزوج تاعي يئسنا خلاص .لأنهم هم شغل القرار بيدهم هم ، وانا
كنت حاكمة في ربي ونقول أها عندي ربي انا. قلت ربي هو ليقدر يخرجنا من
الحالة هذي لرانا فيها . عبد الله كان متمسك بالطبة. عبد الله كما جاتو
la convocation ولًى يبكي ، ولى يبكي.... يبكي زي النسا. يبكي 😭 أنا كيشفتو هكاك غاضني 😢
بزاف زاد غاضني . المهم من شهر ماي واحنا قاعدين غير في الموعد مع الطبيب
والادوية وروح.. وارواح ..وروح.. وارواح .. حياتنا كل عادت في الدار غير
طبيب 😷 دوا 💊 والموعد ☎ طبيب دوا والموعد عادت حياة مملة 😓
مملة بزاف. ماكانش التغيير خلاص ، ماكانش الضحك كاين غير البكا . من بعد
آآآ ولى ...ولى الزوج تاعي قالي: احكميلي أسيا الموعد عند madame depont
باه تزيد تعطيني الأدوية💊 نزيدو نصبروا حتى لأكتوبر . أنا محكمتش ماحبيتش نحكم الموعد لأَنِي زعفت 😡
( غضبت) . قلتلو : روح ديرها خاص . روح لمصر أنايا اقترحت عليه أنو يروح
لمصر . قلتلو :روح لمصر .قلتلو: الطب متقدم تما في مصر. وزعما اتصلت
بمصريين وهو خاف 😰الزوج تاعي يخاف بزاف، آآآ... ومن بعد ماحبيتش انا نتصل راح هو اتصل☎
عطاتو الموعد يوم الخميس . عطاتو هي الموعد يوم الخميس madame depont .
طبيبة تاعنا .رحنا زعما. عداو ليام هذوك . وصل يوم الخميس ، رحنا على
أساس انو نروحو نجيبو la morphine 💊دوا
باه يزيد يرقد. مخدر باه يزيد يرقد. باه ما يفيقش بالسطر هذاك . كي
رحنا راح بالعكازات . زوجي ولى يمشي بالعكاز . عاد يمشي بالعكاز😔 ، وما عادش يسوق . كانوا يجيو يديونا احنا باه نروحو عند الطبيب . كيشافت👀
الطبيبة تاعنا لما شافت الزوج تاعي في هذيك الحالة وقالها : راني جيت باه
ناخد الأدوية لاني درك عندي موعد يوم 25 أكتوبر .اعطينيla morphine او
اعطيني اي دوا باه ينسيني في هذا الوجع . قالتلو :مستحيل . قالتلو: درك
نعملك آآآ... ورقة ✉ تدخل الان اليوم المستشفى🏥
قالتلو . مستحيل باه... قالتلو نزيد نعطيك الأدوية قالتلو بززاااف
قالتلو c'est trop . قالتلو انا رايحة نضرك بالأدوية وانت مريض سكري يعني
مانزيدش .راحت كتبت ورقة وعطاتهالو ✉ رحنا على العاشرة صباحا . لكن انا نسيت الورقة 👆هذيك " يوم الخميس" .هي كتبت ورقة ان نروحو للمستشفى 🏥
يعني استعجالي (يعني انا نسيت الورقة هذيك و كتبتهنا على العاشرة) .
وكان الزوج تاعي متحمس انو لازم يدير العملية باه يحبس هذا السطر وكان
اوجاع مايتحملش ما يقدرش يتحملو . ومن بعد ولات راحت كتبتنا هذيك الورقة
جينا للدار .انا الحق ارتحت شوية قلت لشتها على الأقل يتهنى شوية يرتاح من
هذا السطر. لكن الزوج تاعي (لأن هذيك الرؤيا لقالولي يوم الخميس تحققت.
على الواحدة لازمها على الواحدة )لكن الزوج تاعي لِكان تاني متحمس انو لازم
يدير العملية لكن خاف شوية😰
خاف .وعاد يتماطل .وعاد يعني بشوية يقولي : اسيا اسناي نغسل.... اسناي
نتغدى.... أسناي ...بقى هكا تاع اسناي ....اسناي .. حتى وصلت بِنَا على
اثناش ( الثانية عشر) اثناش آآ......مشينا منا على اثناش ونصف 🕧 وأنا ناسية نسيت هذيك الورقة تاني 👆مشينا
مع بنت خوه قبل ما نوصلو للمستشفى انا سألت .آآآ..... سألت صدفة
.....(يعني صدفة برك سالت عن الساعة ) قلتلها : ايناس قداه الساعة . قالت
لي : راهي الوحدة الا عشر دقائق وانا (ناسية الورقة هذيك👆ناسيتها
)دخلنا المستشفى على الواحدة كي دخلنا المستشفى كما شافوه . شافو الملف
تاعو قالولو : ءءلازمك طول العملية مالازمش طول . مالازمش طول . سبحان
الله!!! يعني دخل بالخميس . الجمعة كان زوجي عامل العملية خلاص . يعني
العملية ناجحة وزوجي تهنا من السطر.لما خرج من البلوك ....،البلوك
ماعلابليش 🙄كيفاه يقولوها؟ منين يعملوا العمليات . لما فتح عيونو واش يقولي😇يقولي : أسيا الله كان معايا . أسيا الله كان معايا😇. عبد الله من هذيك الحادثة تيقن بوجود الله من خلال يعني .😊
يعني قالي : الله كان معايا صح . لكن أنايا في هذاك النهار لما دخل الزوج
تاعي يدير العملية ءءء... لما دخلنا المستشفىى قعدت معاه حتى المساء . هذيك
ايناس بنت خوه وسليمة مرة سلفي جينا انا وإياهم جينا في الطموبيل 🚘 انا كيعدت جاية في المساء بالخميس لعشيا (في المساء خليت الزوج تاعي تما في المستشفى ) وانا جاية معاهم تفكرت الورقة هذيك 👆قلتلهم
أرواحوا معايا .أرواحوا معايا نعتلكم برهان وآية . رحت حليت الباب، جبدت
(أخدت) الورقة قدامهم قلتلهم أقراو . قراوها يوم الخميس على الواحدة عبد
الله . يوم الخميس على الواحدة -ما كتبتش عبد الله -يوم الخميس على الواحدة
. قلتلهم هذي الحاجة كنت نسنا فيها شفتها في هذا الأسبوع وَعَبد الله
اليوم وين دخل المستشفى . ويوم الجمعة آآآ .. كان عمل العملية وخلص
وخاوتوا كانوا علابالهم بلي رايح يدير العملية يوم 25أكتوبر. لما سمعوا
اتصدموا . قالوا سبحان الله !!!!!يخي كان رايح يعمل العملية يوم 25 أكتوبر
. هو عملها في 26 أوت أو 27أوت . والحمد لله . 😇😇😇أأأ.. كانت فرحة كبيرة وانا عدا عليا ... يعني.. يعني انا زعما سوطيت (قفزت ) كاينين احداث بزاف ...وما حبيتش نطول بزاف . 🤗 وان شاء الله تعجبكم ، وهذي حاجة برك من حوايج بزااااف لصراولي يعني في حياتي . وهي عزيزة عليا بزاف هذي الدكرى 😍بززاااف عزيزة عليا❤
ومحتفظة بها وما ننساهاش طول حياتي ودايما نحكيها للناس ليحبوا يعرفوا .
أأأ..نحب نبين لهم بلي ربي كاين. نحكيلهم الحكاية هذي باه نبين لهم بلي
ربي كاين صح . بلي ربي يسمع صح . وعندنا احنا اله حي . لنعبدوه 🕋 وما نعبدو حتى واحد وما نهزوا يدينا حتى لواحد غير لله .....غير لله ....الحي وخلاص . مالا نخليكم على خير انشاء الله وصح فطوركم 😊وان شاء الله خطرة أخرى كاش ما نزيد نحكيلكم كاش نهار حكاية واحدة أخرى ان شاء الله . السلام عليكم ورحمة الله تعالى وبركاته
[١/٦ ٩:٢٥ م] آسيا: انهيت كتابة الرسالتين الصوتيتين
[١/٦ ٩:٥٦ م] د محمدربيع ،مصرحقيقةالوحي: أحسنت يا ملكة النحل آسيا الحبيبة
[١/٦
١٠:٢٦ م] د محمدربيع ،مصرحقيقةالوحي: سوف أنشر كلامك المبارك في منشور خاص
اسمه . آسيا . كلفت بليغ اليوسفيين بذلك مع كامل القداسة . حفظك الله لي و
اليوسفيين يا آسيا
ليست هناك تعليقات:
إرسال تعليق