درس القرآن و تفسير الوجه الخامس من هود .
:::::::::::::::::::::::::::::::::::::::::::::::::::::::::::::::::
أسماء إبراهيم :
شرح لنا سيدي و حبيبي يوسف بن المسيح ﷺ أثناء جلسة التلاوة المباركة من أحكام التلاوة ؛ من أحكام المد , ثم قام بقراءة الوجه الخامس من أوجه سورة هود ، و أجاب على أسئلتنا بهذا الوجه ، و أنهى نبي الله الحبيب الجلسة بأن استمع لتلاوتنا و صححها .
بدأ نبي الله جلسة التلاوة المباركة بقوله :
الحمد لله ، الحمد لله وحده ، الحمد لله وحده و الصلاة و السلام على محمد و من تبعه من أنبياء عهده و بعد ، لدينا اليوم الوجه الخامس من أوجه سورة هود ، و نبدأ بأحكام التلاوة و أحمد :
أحكام المد و نوعيه :
مد أصلي طبيعي و مد فرعي , المد الأصلي يُمد بمقدار حركتين و حروفه (الألف , الواو , الياء) , و المد الفرعي يكون بسبب الهمزة أو السكون .
أما الذي بسبب الهمزة فهو مد متصل واجب و مقداره ٤ إلى ٥ حركات , و مد منفصل جائز مقداره ٤ إلى ه حركات , و مد صلة كبرى مقداره ٤ إلى ٥ حركات جوازاً , و مد صلة صغرى مقداره حركتان وجوباً .
و بعد أحمد قال الأحكام مروان ثم رفيدة ثم أرسلان .
__
○ و ثم طلب سيدي يوسف بن المسيح ﷺ من أحمد قراءة سورة الناس ، و صحح له قراءته .
__
و ثم تابع نبي الله يوسف الثاني ﷺ الجلسة بشرح الوجه لنا فقال :
هنا نوح -عليه السلام- و كل نبي ، يقول لقومه :
{وَيَا قَوْمِ لا أَسْأَلُكُمْ عَلَيْهِ مَالاً إِنْ أَجْرِيَ إِلاَّ عَلَى اللَّهِ وَمَا أَنَاْ بِطَارِدِ الَّذِينَ آمَنُواْ إِنَّهُم مُّلاقُوا رَبِّهِمْ وَلَكِنِّيَ أَرَاكُمْ قَوْمًا تَجْهَلُونَ} :
(و يا قوم لا أسألكم عليه مالاً) يعني دعوتي اللي أنا ببلغها من ربنا ليكم ، مبطلبش مال مقابلها منكم (إن أجري إلا على الله) أنا بطلب الأجر من الله ، و الثواب و الرضا من الله سبحانه و تعالى ، (و ما أنا بطارد الذين آمنوا إنهم ملاقوا ربهم و لكني أراكم قوماً تجهلون) إنتو بتحاسبوني و بتعاتبوني إن حواليا مجموعة من المؤمنين ، أعينكم بتزدريهم أو شايفينهم أقل منكم في الدرجة و المرتبة الدنيوية ، أنا مقدرش أبعدهم عني عشان أرضيكم ، لو فعلت ذلك أكون ظالم ، ليه؟ لأنهم ملاقي ربهم يوم القيامة ، و ممكن يشتكوا لربنا مني ، صح؟ ، (إنهم ملاقوا ربهم و لكني أراكم قوماً تجهلون) إنتم أيها كفار جاهلين .
____
{وَيَا قَوْمِ مَن يَنصُرُنِي مِنَ اللَّهِ إِن طَرَدتُّهُمْ أَفَلاَ تَذَكَّرُونَ} :
مين اللي هيدافع عني أمام ربنا لو أنا طردت المؤمنين دول/هؤلاء ، شايف النبي ، بيعمل حساب للمؤمنين و بيقدرهم تقديراً عظيماً ، و بعد كده بِيذَّكر الكافرين و بيقولهم (أفلا تذكرون) مش تتدبروا و تعقلوا كده الكلام اللي بتقولوه .
___
{وَلاَ أَقُولُ لَكُمْ عِندِي خَزَائِنُ اللَّهِ وَلاَ أَعْلَمُ الْغَيْبَ وَلاَ أَقُولُ إِنِّي مَلَكٌ وَلاَ أَقُولُ لِلَّذِينَ تَزْدَرِي أَعْيُنُكُمْ لَن يُؤْتِيَهُمُ اللَّهُ خَيْرًا اللَّهُ أَعْلَمُ بِمَا فِي أَنفُسِهِمْ إِنِّي إِذًا لَّمِنَ الظَّالِمِينَ} :
و بعد كده بيحدد هنا طبيعة النبي ، نوح بيحددلهم طبيعة النبي و أي نبي ، و يقول لهم (و لا أقول لكم عندي خزائن الله) أنا مش جاي بفلوس و أموال ، أنا مش جاي بدنيا ، معنديش دنيا أعطيها لكم ، (و لا أعلم الغيب) يعني لا أعلم الغيب المطلق ، أي حاجة كده غيبية في المستقبل ، قبل أن تحدث أقدر أقولها لكم ، لأنني مجرد إنسان بشر ، معرفش إلا اللي ربنا يعرفهولي في علوم الغيب فقط ، و إيه تاني طبيعة النبي ، (و لا أقول إني ملك) أنا لا أقول لكم بأني لا أُخطئ ، ممكن أسهو ، ممكن أرتكب صغيرة و أستغفر الله عز و جل ، مش سيدنا محمد ﷺ عبس في وجه عبد الله بن أم مكتوم لما أتاه و بعد كده ربنا عاتبه و قاله (عبس و تولى أن جاءه الأعمى) ، حتى سيدنا محمد ﷺ قد يُخطئ ، و قد يسهو ، و لكن يعود و يستغفر ، فما بالك ببقية الناس و بقية الأنبياء و بقية المؤمنين ، لازم نفهم ، نحط النقاط على الحروف ، إن إحنا لما نعرف الحقيقة و الطبيعة البشرية للأنبياء ، يبقى عندنا ثقة في أنفسنا ، إنه إحنا حتى الأنبياء أهو ممكن يخطؤا و ممكن يسهوا ، فبتالي إيه ، إحنا لما نسهوا و نخطئ ، يبقى عندنا أمل و رجاء عظيم جداً إن ربنا يغفر لنا و يتجاوز عن سيئاتنا ، طالما داومنا على الإستغفار .
(و لا أقول للذين تزدري أعينكم لن يؤتيهم الله خيراً) يعني مقدرش أحكم على اللي إنتو بتزدروهم من المؤمنين ، و أقول أنهم لن يؤتيهم الله خيراً و أنه سيمنع عنهم الخير ، أبداً ، مقدرش أقول حاجة زي كده ، لأن ربنا هو المتحكم في الأرزاق الروحية و المادية ، (الله أعلم بما في أنفسهم) هنا النبي كده بيقول إيه؟ أوكلتُ سرائر المؤمنين على الله عز و جل ، أنا ليا الظاهر ، (إني إذاً لمن الظالمين) لو أنا عملت عكس اللي فات ده يبقى أنا ظالم ، و كل نبي بيخاف أن يكون من الظالمين .
____
{قَالُواْ يَا نُوحُ قَدْ جَادَلْتَنَا فَأَكْثَرْتَ جِدَالَنَا فَأْتِنَا بِمَا تَعِدُنَا إِن كُنتَ مِنَ الصَّادِقِينَ} :
يعني إنت بتتكلم كتير و بتنصحنا كتير ، و إحنا زهقنا منك ، (فأتنا بما تعدنا إن كنت من الصادقين) هات يلا العذاب اللي إنت بتنذرنا بيه ، إن كنت صادق ، هنا بيستهتروا بالنبي و بيستهزؤا بيه و بيتحدوا إله النبي تحدي عظيم .
___
{قَالَ إِنَّمَا يَأْتِيكُم بِهِ اللَّهُ إِن شَاء وَمَا أَنتُم بِمُعْجِزِينَ} :
هنا فوض الأقدار و إتيان العذاب لهم بمشيئة الله عز و جل ، (و ما أنتم بمعجزين) مش هتقدروا تعجزوا ربنا ، مش هتقدروا تنتصروا و تغلبوا ربنا ، مش هتقدروا توقفوا أمام قدر الله عز و جل المُبرم .
___
{وَلاَ يَنفَعُكُمْ نُصْحِي إِنْ أَرَدتُّ أَنْ أَنصَحَ لَكُمْ إِن كَانَ اللَّهُ يُرِيدُ أَن يُغْوِيَكُمْ هُوَ رَبُّكُمْ وَإِلَيْهِ تُرْجَعُونَ} :
طالما الله سبحانه و تعالى رأى من أنفسكم الشر و الكِبر و الجدال بالباطل ، فنصحي لكم بعد الصفات دي مش هينفعكم ، إذا كان ربنا قَدَرَ قدر مُبرم أن يهلككم و يسُلككم في طريق الغواية و الضلال حتى تروا العذاب الأليم ، يبقى هنا ، إن كان الله يريد أن يغويكم تسيير نتيجة تخيير ، إنهم اختاروا طريق الضلالة و الكِبر ، (هو ربكم و إليه ترجعون) الله سبحانه و تعالى هو ربكم و رب كل شيء ، و هترجعوله تاني ، و ده تهديد مبطن لحساب يوم الدين و كذلك بالعقاب في الدنيا قبل الآخرة .
○ طبعاً كلمة غوى يعني إيه ، خلي بالك من أصوات الكلمات ، حد يعرف؟؟ يلا على طول كده ، إنتو بقيتو ما شاء الله محترفين في الأمر ده ، غوى ، يغويكم ، يغوي ، غوى ، غواية : الغين صح ضلال و غبش و عدم وضوح للرؤية ، وى هنا دوي دائري منتظم ، و المد بالالف مد , أو يغوي الياء تموج ، يعني تموج و مد و إمتداد و دوي دائري منتظم لفعل أو لصفة الحرف غين ، إذاً يغوي يعني إيه؟ يُضل ، من الضلال ، الغواية هي الضلال من صوت الكلمة ، صح ، ماشي كده؟؟ صح .
____
{أَمْ يَقُولُونَ افْتَرَاهُ قُلْ إِنِ افْتَرَيْتُهُ فَعَلَيَّ إِجْرَامِي وَأَنَاْ بَرِيءٌ مِّمَّا تُجْرِمُونَ} :
هنا استنكار من الله عز و جل لقول الكافرين بأن النبي إفتراه ، أي نبي يعني إفترى القول و الدعوى عن الله عز و جل بكلمات الله ، (أم يقولون افتراه) هما بيقولوا إنه كَذَبَ يعني النبي ده ؟ و هو سؤال استنكاري من رب العالمين ، (قل) بيقول لنوح و لكل نبي ، (قل إن افتريته فعلي إجرامي و أنا بريء مما تجرمون) يعني لو أنا كذاب ، يبقى ربنا هو اللي هيحاسبني أنا ، مش هيحاسبكم إنتو ، متخافوش حتى لو اتبعتوني و أنا كاذب ، ربنا مش هيحاسبكم ، لكن لو أنا صادق و إنتو كذبتوني ، ربنا هيحاسبكم على إجرامكم ، (أنا بريء مما تجرمون) النبي كده بريء من إجرام الكافرين .
___
{وَأُوحِيَ إِلَى نُوحٍ أَنَّهُ لَن يُؤْمِنَ مِن قَوْمِكَ إِلاَّ مَن قَدْ آمَنَ فَلاَ تَبْتَئِسْ بِمَا كَانُواْ يَفْعَلُونَ} :
ربنا بعث له بالوحي و الرؤى ، إنه خلاص لن يدخل في الإيمان آخرين ، يعني شاف الأغنام اللي آمنت به قليلة في الحظيرة النبوية ، و مش هيدخل حد تاني ، فربنا بيعزيه و بيقوله (فلا تبتئس بما كانوا يفعلون) متحزنش .
___
{وَاصْنَعِ الْفُلْكَ بِأَعْيُنِنَا وَوَحْيِنَا وَلاَ تُخَاطِبْنِي فِي الَّذِينَ ظَلَمُواْ إِنَّهُم مُّغْرَقُونَ} :
(بأعيننا) برعايتنا ، (و وحينا) بكلماتنا ، (و لا تخاطبني في الذين ظلموا) خلاص متستغفرش للظالمين و متشفعش ليهم عندي ، (إنهم مغرقون) هيأتيهم العذاب في الدنيا قبل الآخرة .
طبعاً الفلك هي سفينة النجاة المادية و الروحية ، الفلك سفينة النجاة المادية من الطوفان المحدود اللي هيحصل في العراق و هيغرق قوم نوح ، و كذلك هي سفينة روحية ، دعوة النبي هي إيه؟ الفُلك .
___
و اختتم نبي الله الجلسة المباركة بقوله المبارك :
هذا و صلِّ اللَّهم و سلم على نبينا محمد و على آله و صحبه و سلم ، سبحانك اللهم و بحمدك ، أشهد أن لا إله إلا أنت ، أستغفرك و أتوب إليك .
___
و الحمد لله رب العالمين . و صلِّ يا ربي و سلم على أنبياءك الكرام محمد و أحمد و يوسف بن المسيح صلوات تلو صلوات طيبات مباركات ، و على أنبياء عهد محمد الآتين في مستقبل قرون السنين أجمعين . آمين .🌿💙
=========================
جميلة محمد :
اللهم لك الحمد انت نور السموات ونور الارض ==============================
ليست هناك تعليقات:
إرسال تعليق