درس القرآن و تفسير الوجه الخامس من الحج .
:::::::::::::::::::::::::::::::::::::::
أسماء إبراهيم :
شرح لنا سيدي و حبيبي يوسف بن المسيح ﷺ أثناء جلسة التلاوة المباركة من أحكام التلاوة ؛ من أحكام النون الساكنة و التنوين , ثم قام بقراءة الوجه الخامس من أوجه سورة الحج ، و أجاب على أسئلتنا بهذا الوجه ، و أنهى نبي الله الجلسة بأن صحح لنا تلاوتنا .
بدأ نبي الله جلسة التلاوة المباركة بقوله :
الحمد لله ، الحمد لله وحده ، الحمد لله وحده و الصلاة و السلام على محمد و من تبعه من أنبياء عهده و بعد ، لدينا اليوم الوجه الخامس من أوجه سورة الحج ، و نبدأ بأحكام التلاوة و رفيدة :
- من أحكام النون الساكنة و التنوين :
الإظهار : أي أنه إذا أتى بعد النون الساكنة أو التنوين الحروف من أوائل الكلمات (إن غاب عني حبيبي همّني خبره) , و حروف الإظهار تجعل النون الساكنة أو التنوين تُظهر كما هي .
الإقلاب : إذا أتى بعد النون الساكنة أو التنوين حرف الباء يُقلب التنوين أو النون ميماً . ثم يكون إخفائا شفويا . مثال : من بعد .
__
و ثم تابع نبي الله يوسف الثاني ﷺ الجلسة بشرح الوجه لنا فقال :
طيب ، في هذا الوجه المبارك العظيم من سورة الحج ، يُظهر الله سبحانه و تعالى أهمية تعظيم و تقديس شعائر الله عز و جل ، شعائر الله هي العبادات و المناسك و الشرائع التي فرضها على المسلمين ، هذا بشكل عام ، و بشكل خاص هي المشاعر و المناسك و الأماكن التي يكون فيها الحج في مكة المكرمة ، سماها الله عز و جل شعائر أي أنك تستشعر عظمة الله عز و جل في تلك الأماكن , و أنّ الله سبحانه و تعالى جعل تلك الأماكن تمثلات مادية لحقائق روحية ، تمام؟ و نعلم أن الله سبحانه و تعالى أرى إبراهيم من خلال روح القدس و من خلال جبرائيل -عليه السلام- تلك الأماكن و بالخصوص جبل عرفة ، و عَرَّفَهُ ذلك المكان و أراه ، تمام؟ و كذلك سمي يوم التروية أي أنه أُرِي فيه أو أُرِي فيه إبراهيم تلك إيه؟ المشاعر و تلك الأماكن المقدسة التي كانت إيه؟ في الغيب ، كُتب لها أنها ستكون من مناسك الإسلام ، و من شعائر الإسلام ، و من شعائر دين الإسلام ، تمام؟ عند بعث نبينا محمد ﷺ ، فكانت هذه نبوءة أراها الله سبحانه و تعالى لإبراهيم في الرؤيا ليُبشره بنسله ، ليُبشره بنسله من إسماعيل -عليه السلام- ، أنها ستكون أمة عظيمة ، ستكون لهم مناسك عظيمة جداً في تلك الأماكن ، تمام؟ إن شاء الله هنشرح الحج و العمرة مع نهاية الوجه .
{ذَلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ} :
(ذلك و من يعظم شعائر الله فإنها من تقوى القلوب) ربنا بيحث على إننا نعظم تلك الأماكن المقدسة و تلك الرموز التي وضعها الله سبحانه و تعالى على لسان نبينا محمد ﷺ من شرائع الإسلام ، وضعها في شرائع الإسلام و من شرائع الإسلام ، تمام؟ و هنتعرف عليها دلوقتي .
___
{لَكُمْ فِيهَا مَنَافِعُ إِلَى أَجَلٍ مُّسَمًّى ثُمَّ مَحِلُّهَا إِلَى الْبَيْتِ الْعَتِيقِ} :
(لكم فيها منافع إلى أجل مسمى) يعني إنتم تنتفعوا في الأماكن دي و تستفيدوا من الأماكن دي في مكة ، تمام؟ (إلى أجل مسمى) لوقت محدد ، يعني لغاية إنتهاء الحج أو العمرة ، (ثم محلها إلى البيت العتيق) يعني الأماكن دي كلها موقوفة إلى إيه؟ إلى الكعبة أو موقوفة إلى المسجد الحرام ، يعني موقوفة لتلك إيه؟ الشرائع التي شرعها الله سبحانه و تعالى في دين الإسلام ، تمام؟ و ده دليل إن كل الأماكن و المنافع الموجودة في مكة ، يعني موجودة في المسجد الحرام و حولها ، تمام؟ تقريباً إيه؟ بقطر ٣٠ كيلو متر أو كده ، كلها إيه؟ موقوفة لخدمة البيت إيه؟ الحرام اللي هو المسجد المقدس أو البيت الذي بني ، الذي بناه أتباع إبراهيم -عليه السلام- و قبلته إلى الشام ، و هو الذي نسميه الكعبة ، تمام؟ البيت ده ، الشعائر اللي حولها و الأماكن المقدسة اللي حولها هي في خدمته ، تمام؟ و هي موقوفة على إيه؟ على هذا البيت ، فلا يجوز لأحد أن يبني بناءً تاماً أو أن يتملك في تلك إيه؟ المشاعر أو الأماكن المقدسة ، ده دليل أهو ، تمام؟ ، و ذكرتُ لكم في الإيه؟ في الجلسة الماضية ، حديث النبي ﷺ أنه إيه؟ أنه لا يجوز أن يُبنى أو يقتطع أو يتملك أحد في تلك الأماكن ، لأنها أماكن موقوفة للكعبة ، بل يجوز أن نقيم خيم بس/فقط مؤقتة حتى تنتهي إيه؟ مشاعر إيه؟ الحج أو العمرة ، (ثم محلها إلى البيت العتيق) يعني رجوعها ، مرجعها إلى إيه؟ إلى البيت إيه؟ العتيق ، يعني موقوفة على إيه؟ على مكة ، على الكعبة ، كعبة مكة يعني ، تمام؟ طيب .
___
{وَلِكُلِّ أُمَّةٍ جَعَلْنَا مَنسَكًا لِيَذْكُرُوا اسْمَ اللَّهِ عَلَى مَا رَزَقَهُم مِّن بَهِيمَةِ الأَنْعَامِ فَإِلَهُكُمْ إِلَهٌ وَاحِدٌ فَلَهُ أَسْلِمُوا وَبَشِّرِ الْمُخْبِتِينَ} :
(و لكل أمة جعلنا منسكاً ليذكروا اسم الله على ما رزقهم من بهيمة الأنعام) كل أمة ربنا جعل لها شرائع ، و كل أمة ربنا سبحانه و تعالى جعل لها سلوك في الطاعات و أساليب في الطاعات ، تمام؟ و كذلك كل أمة ربنا سبحانه و تعالى جعل لها أسلوب في تقديم القربات من الإيه؟ من الأضاحي ، كل أمة ربنا جعل لها أسلوب و طريقة في تقديم الهدي ، تمام؟ و القربان ، من إيه؟ من البهائم ، زي إيه؟ الشاه ، الأغنام يعني ، أو الأبقار أو الجمال ، تمام؟ طيب ، (و لكل أمة جعلنا منسكاً ليذكروا اسم الله على ما رزقهم من بهيمة الأنعام) لما الإنسان يقدم القربان ده لله عز و جل ، يفضل إيه؟أنه يُنيم القربان ده على جانبه الأيسر ، و ثم يجعل البهيمة إيه؟ تتوجه ناحية القِبلة ، ثم يُسمي و يقول بسم الله و الله أكبر و يذبح إيه؟ القربان لله عز و جل ، يبقى نايمة على جنبها الأيسر ، متوجهة للقِبلة ، إيه هي القِبلة؟ الكعبة ، تمام؟ و هي دي معنى إيه؟ (وجبت جنوبها) يعني وجب التضحية بها و إهداءها في الحج ، و هنعرف التفاصيل إيه؟ إن شاء الله ، (و لكل أمة جعلنا منسكاً ليذكروا اسم الله على ما رزقهم من بهيمة الأنعام فإلهكم إله واحد فله أسلموا) إلهنا و إله آباءنا هو إله واحد ، هو إله اليهود ، إله المسيحيين ، و هو إله المسلمين ، الذين هم إمتداد طبيعي لتلك الأمم ، فنحن أمة واحدة ، كذلك كل الأنبياء في كافة أصقاع العالم إلههم إله واحد و هو إلهنا ، و لكن الشرائع تختلف بين أمة و أخرى ، و كذلك النُسك يختلف بين أمة و أخرى ، النُسك اللي هو تقديم إيه؟ القربان من البهيمة ، تمام؟ طيب ، تقديم القربان من البهيمة و كذلك إيه بقى؟ مين اللي يطعم منها و إيه الأجزاء في البهيمة التي تحل و التي لا تحل ، دي بتختلف من شريعة إلى أخرى ، فلذلك قال تعالى : (و لكل أمة جعلنا منسكاً ليذكروا اسم الله على ما رزقهم من بهيمة الأنعام) كل أمة لها المنسك الخاص بها ، إحنا/نحن كأمة الإسلام هنقول المنسك بتاعنا ، شكله عامل إزاي ، تمام؟ و البهيمة كلها حلال ، أكلها حلال ، لكن في قربات إيه؟ المسلم ممكن يأكل منها و ممكن لأ مايأكلش ، الفقراء بس/فقط ياكلوا منها ، كل دي تفصيلات و دي اللي إحنا بنسميها إيه؟ (و لكل أمة جعلنا منسكاً) يعني لهم أسلوب خاص في الهدي أو تقديم القربان ، ماشي؟ طيب ، (فإلهكم إله واحد فله أسلموا) يعني سلموا لله عز و جل ، استسلموا لله عز و جل ، اخضعوا لله عز و جل ، (و بَشِّرِ المخبتين) بَشِّر المتواضعين الخاشعين الصابرين ، تمام؟ المخبت من إيه؟ من الأرض إذا خبت ، يعني إيه؟ الأرض التي خبت ، أي التي إيه؟ تنزل إلى الأسفل من الخضوع و الخشوع ، المخبت اللي هو إيه؟ المتواضع ، تمام؟ كذلك إيه؟ الناسك هو الطائع ، و النسك هو الطاعة ، كذلك النسك هو الذبح لله عز و جل ، تمام؟ ذبح البهيمة لله عز و جل ، قربان يعني .
___
{الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَالصَّابِرِينَ عَلَى مَا أَصَابَهُمْ وَالْمُقِيمِي الصَّلاةِ وَمِمَّا رَزَقْنَاهُمْ يُنفِقُونَ} :
(الذين إذا ذكر الله وجلت قلوبهم) دي إيه؟ من صفات إيه؟ المخبتين المسلمين حق الإسلام ، الذين إذا ذُكِرَ الله ، ذُكِرَ إسم الله عز و جل أو ذُكِّروا بالله عز و جل : (وجلت قلوبهم) وجلت يعني خافت ، من الوجل , الخوف ، الخشية ، الخشية مع إيه؟ مع الحب ، الخشية مع الحب هو الوجل ، يعني إيه؟ الشعور بجلال إسم الله ، وجل من أصوات الكلمات : واو : دوي دائري منتظم ، جل أي جليل ، أمر جلل ، جليل عظيم ، و جلل يعني إيه؟ أمر عظيم و كبير ، تمام؟ هذا هو معنى (الذين إذا ذكر الله وجلت قلوبهم) ، و من صفاتهم أيضاً إيه؟ (و الصابرين على ما أصابهم) أي أمر يصيبهم يصبروا عليه ، تمام؟ ، من صفاتهم إيه؟ الصبر و هو قانون إيه؟ سورة العصر (بسم الله الرحمن الرحيم ¤ و العصر ¤ إن الإنسان لفي خسر إلا الذين آمنوا و عملوا الصالحات و تواصوا بالحق و تواصوا بالصبر) ، تمام؟ إذاً أصل إيه؟الدين فيه الصبر و الإخبات ، التواضع و الخشوع ، كلها إيه؟ مترادفات و معاني تؤدي إلى طريق واحد ، تمام؟ ، (الذين إذا ذكر الله وجلت قلوبهم و الصابرين على ما أصابهم و المقيمي الصلاة) المحافظين على صلاتهم المادية الظاهرية دي ، و كذلك الصلاة الروحية بينهم و بين الله و الوصال بينهم و بين الله ، و الدعاء و الذكر بينهم و بين إيه؟ و بين الله ، (و المقيمي الصلاة و مما رزقناهم ينفقون) دايماً يتصدقون على الفقراء و المساكين ، سواء أكان بالطعام أو بالمال ، و الأفضل هو التصدق بالطعام في أمة الإسلام ، لأن النبي ﷺ حث على ذلك فقال إيه؟ : أفشوا السلام و أطعموا الطعام و صلوا بالليل و الناس نيام ، تدخلوا الجنة بسلام .
___
{وَالْبُدْنَ جَعَلْنَاهَا لَكُم مِّن شَعَائِرِ اللَّهِ لَكُمْ فِيهَا خَيْرٌ فَاذْكُرُوا اسْمَ اللَّهِ عَلَيْهَا صَوَافَّ فَإِذَا وَجَبَتْ جُنُوبُهَا فَكُلُوا مِنْهَا وَأَطْعِمُوا الْقَانِعَ وَالْمُعْتَرَّ كَذَلِكَ سَخَّرْنَاهَا لَكُمْ لَعَلَّكُمْ تَشْكُرُونَ} :
(و البدن جلعناها لكم من شعائر الله لكم فيها خير) البدن اللي هم إيه؟ الأبقار أو الأجمال ، دي تسمى البدن ، اللي هي إيه؟ بهيمة كبيرة ، سمينة ، دي بتجزيء عن سبعة أشخاص في التقديم لله عز و جل ، في القربان في الحج أو في غيرها ، سواء أكان في أضاحي العيد أو الصدقات و ما إلى ذلك ، فالبدنة اللي هي البقرة أو الجمل ، بعير يعني ، و الناقة ، تجزيء عن سبعة أشخاص ، لكن الشاه أو المعزة تُجزيء عن شخص واحد ، تمام؟ طيب ، (و البدن جلعناها لكم من شعائر الله لكم فيها خير) من شعائر الله يعني من الأمور التي تقدسون الله عز و جل من خلالها ، أي بذبحها لله عز و جل و إطعام الفقراء و المساكين ، تمام؟ إطعام الفقراء و المساكين فقط إن كانت إيه؟ كفارة أو فداء ، كفارة أو فداء ، واجب من واجبات الحج مثلاً إيه؟ المسلم لم يستطع أن يؤديها أو نسيها , و الكفارة هي تدفع بسبب محظور من محظورات الحج تم فعله ، لكن القربان اللي هو الأضحية أو الهدي في الحج يجوز للإنسان يأكل منها و يُهدي منها و أيضاً يتصدق منه و يُعطي للفقراء و المساكين ،يبقى شوفتوا التفصيلات دي ، هي دي إسمها تفصيلات المنسك ، (لكل أمة جعلنا منسكاً) يعني التفاصيل دي مش موجودة عند إيه؟ عند بني إسرائيل ، عند المسيحيين و اليهود ، عندهم تفاصيل تانية أكثر شدة ، تمام؟ لكن الإسلام أتى و يسّر ، الإسلام أتى و يسّر ، (و البدن جلعناها لكم من شعائر الله لكم فيها خير) خير كثير لأن الإطعام منها بيكون كثير، كذلك الإشتراك فيها ، لمّا سبع أشخاص ، تمام؟ يشتركوا في إيه؟ في بدنة واحدة ، هذا أدعى إلى أن يتآلفوا فيما بينهم ، يكون ما بينهم إيه؟ الألفة و الرحمة و المودة و الخير ، أحسن من لما كل واحد إيه؟ يُقدم إيه؟ شاه مثلاً لوحده ، لأ ، فهنا إجتماع ، إجتماع في النسك ، حتى ربنا سبحانه و تعالى إيه؟ زَكَّى و فَضَّلَ إيه؟ و عَظَّمَ أمر الإجتماع في النسك ، إن إحنا/نحن نجتمع في بدنة ، أفضل من إحنا/نحن كل واحد إيه؟ يضحي عن نفسه بإيه؟ بهدي واحد ، بشاه مثلاً أو بإيه؟ أو إيه؟ بمعزة ، تمام؟ طيب ، (و البدن جلعناها لكم من شعائر الله لكم فيها خير) لذلك هذا هو سبب تخصيص كلمة البدن إيه؟ من شعائر الله و أن فيها خير ، هو ده ، إجتماع المسلمين فيها ، فربنا بيحب المسلمين يبقوا مجتمعين حتى في النسك ، (فاذكروا اسم الله عليها صواف) لما تيجوا/تأتوا تذبحوها ، تُنِيموها على جانبها الأيسر و تقدموها بإستقبال القِبلة ، ثم تنحروا رقبتها ، إيه؟ تقولوا : بسم الله و الله أكبر ، هذا هو ذكر إسم الله ، بسم الله و الله أكبر ، (صواف) أي إيه؟ لها كذا معنى : صواف يعني مجتمعين على قلب رجل واحد ، بينكم ألفة و مودة و محبة ، كذلك صواف أي صافي النية ، أي موحدين تمام التوحيد و كمال التوحيد ، أي صافيين نقيين خاليين من الشرك و الأدران و الرجاسات ، هذا معنى صواف ، تمام؟ ، (فإذا وجبت جنوبها) وجبت جنوبها يعني وجب إن إنتو إيه؟ تقدموها في الحج يعني ، أو في الأضحى ، عيد الأضحى ، للمسلمين عامة يعني مش للحجاج بس/فقط ، تمام؟ ، (فكلوا منها) تاكل أهو من الهدي بتاعك عادي ، (و أطعموا القانع و المعتر) أطعموا القانع اللي هو الإنسان الفقير بس/لكن اللي مابيسألش ، متعفف ، قانع ، قنوع ، (و المعتر) الذي اعتراه إيه؟ بأس و إيه؟ و مصيبة مثلاً و فقر و ظهر عليه ذلك ، تمام؟ أو الذي إيه؟ وصل لدرجة من الفقر أنه أصبح إيه؟ عاري أو لا يجد ما يكسوه فسُمي بالمعتر ، من العُري ، إذاً المعتر من العُري أي كسوته إيه؟ ليست بمناسبة أو ليست بجيدة أو لا يجد ما يكتسي به ، كذلك المعتر الذي إعتراه ضرر و بأس و فقر ، لكن القانع اللي هو إيه؟ لديه الكفاف أو أقل من الكفاف فقانع ، و يسمى أيضاً في الإسلام المحروم ، تمام؟ اللي هو مش قادر إيه؟ يجد المصاريف أو قوت يومه و لكنه لا يسأل و يتعفف عن السؤال ، ف ده يسمى القانع ، فإحنا/نحن يجب إن إحنا/نحن ندور/نبحث عليه و نعرف مين هو ده ، فنعطيه من الهدي ، و نعطيه من الأضحية ، الهدي تسمى في الحج , هدي أو قربان ، لكن للمسلمين عامة في أيامهم ، في يوم عيد الأضحى ، يسمى إيه؟ الأضحية ، و هو ده ، و كلهم بيسموا إيه؟ النسك ، خلاص؟ ف دي كلها تسميات شرعية ، طيب ، (فإذا وجبت جنوبها فكلوا منها و أطعموا القانع و المعتر كذلك سخرناها لكم لعلكم تشكرون) ربنا سخر لكم البهايم دي عشان تتقربوا بها إلى الله عز و جل ، تمام؟و تَطعَموا منها و تُطعِموا الفقراء بأنواعهم ، (كذلك سخرناها لكم لعلكم تشكرون) و من ضمن تسخيرها لنا إيه؟ إن البدنة ممكن الإنسان يركبها ، الجمل يُركب ، و البقرة تركب في وقت الضرورة بس/فقط ، لما يكون الإنسان مجهد و مش لاقي إيه؟ مراكب ، طبعاً ده الكلام ده أيام زمان يعني ، فتركب إيه؟ للضرورة ، لأن ذلك إيه؟ كما أمر النبي ﷺ أحد الصحابة أن يفعل ذلك ، لما وجده مجهد و يسير بجوار بدنة ، فقال له اركبها ، للضرورة يعني إن كانت بقرة ، لكن الجمل كده كده يُركب عادي ، طيب ، (كذلك سخرناها لكم لعلكم تشكرون) (لعلكم) هنا تحفيز و تحبيب إيه؟ للمسلم أن يشكر الله عز و جل على نِعمه تامةً كاملةً عامةً ، تمام؟ .
___
{لَن يَنَالَ اللَّهَ لُحُومُهَا وَلا دِمَاؤُهَا وَلَكِن يَنَالُهُ التَّقْوَى مِنكُمْ كَذَلِكَ سَخَّرَهَا لَكُمْ لِتُكَبِّرُوا اللَّهَ عَلَى مَا هَدَاكُمْ وَبَشِّرِ الْمُحْسِنِينَ} :
بعد كده بيأكد ربنا سبحانه و تعالى على الحقيقة التالية : (لن ينال الله لحومها) لأن اللحوم دي لن تذهب إيه؟ يعني ربنا مش محتاج لها ، مش محتاج للحوم و لا الدماء دي ، (لن ينال الله لحومها و لا دماؤها) يعني لن تصيب الدماء دي و اللحوم دي الله عز و جل إصابة مادية يعني ، هو مش هيستفيد منها إستفادة مادية ، لأ ، هو مش عاوز كده ، (و لكن يناله التقوى منكم) هو يريد تقواكم ، يريد ظاهركم زي باطنكم ، يعني يريدكم محسنين ، يريدكم محسنين يعني في الدرجة الخامسة من الترقي الروحاني (يا أيها الذين آمنوا اتقوا الله و قولوا قولاً سديداً) ، (كذلك سخرها لكم لتكبروا الله على ما هداكم و بشر المحسنين) إذاً المحسنين هم إيه؟ أهل التقوى ، و هي دي إيه؟ الدرجة ، أقل درجة يأمر بها الله عز و جل المؤمنين حتى يخلدوا في الجنات خلود متتالي متعاقب لا ينتهي ، و دي دايماً الدرجة اللي بيحث ربنا سبحانه و تعالى إن المسلمين يصلوا إليها ، في درجات أعلى من ذلك في الترقي الروحاني ، و تكلمنا عنها قبل كده ، اللي هي الدرجة السادسة و ما يليها في السماوات السبع ، تمام؟ ، (كذلك سخرها لكم لتكبروا الله على ما هداكم) تكبروا الله أي تعظموا الله عز و جل و كذلك إيه؟ تقولوا بسم الله و الله أكبر عند التضحية بها ، سواء أكان في الحج تسمى نسك أو هدي أو قربان ، أو سواء في عيد الأضحى يسمى أضحية ، و هي قربات و قربان يتقرب به إلى الله عز و جل ،كذلك (لن ينال الله لحومها و لا دماؤها و لكن يناله التقوى منكم) الآية دي ربنا سبحانه و تعالى أوردها لينهى كفار قريش أو المشركين إن هم يضعوا دماؤهم ، يضعوا أيديهم في دماء إيه؟ الأضاحي دي و يضعوها على إيه؟ الكعبة أو يمسحوا بها الكعبة ، كانت عندهم عادة ذميمة ، فربنا نهاهم عن العادة دي فربنا بيقول لهم (لن ينال الله لحومها و لا دماؤها) يعني إنتو بتعملوا كده ليه؟ أنا مش عاوز الدماء دي و لا اللحوم دي ، و لا أنا إيه؟ أُريدها منكم إرادة مادية ، إنما أريد التقوى ، أريد التقوى منكم و الإحسان ، تمام؟ طيب .
__
{إِنَّ اللَّهَ يُدَافِعُ عَنِ الَّذِينَ آمَنُوا إِنَّ اللَّهَ لا يُحِبُّ كُلَّ خَوَّانٍ كَفُورٍ} :
هنقول آخر آية في هذا الوجه و هي مرتبطة بأول آية في الوجه التالي ، الوجه السادس من سورة الحج ، تتكلم عن إيه؟ عن القتال أو الجهاد بالسيف ، في آخر هذا الوجه ربنا سبحانه و تعالى بيكف أيدي المؤمنين في مكة عن قتال الكفار حتى يأذن لهم ، متى أذن لهم؟؟ أذن لهم بعد الهجرة إلى المدينة في غزوة بدر ، طيب ، الآية دي بتنهى المسلمين إن هم يقاتلوا قتال مادي في مكة لهدف إيه؟ يعلمه الله سبحانه و تعالى و لمصلحة المسلمين و الإسلام ، (إن الله يدافع عن الذين آمنوا إن الله لا يحب كل خوان كفور) يعني محدش يرفع سيف في مكة ، هكذا أمر الله لمصلحة الإسلام و لمصلحة الدين ، تمام؟ لأن الله أعلم ببواطن الأمور و بالغيبيات ، (إن الله يدافع عن الذين آمنوا) ماتخافوش , الله يدافع عنكم ، من أراد أن يهاجر فليهاجر ، و الصبر إيه؟ أفضل ، تمام؟ (إن الله لا يحب كل خوان كفور) كذلك الله سبحانه و تعالى لا يُحب صفات الخيانة و نقض البيعات ، تمام؟ فهذه خيانة ، فنفّر الله سبحانه و تعالى من هذه الصفات الذميمة ، فقال : (إن الله لا يحب كل خوان كفور) أي جحود ، الكفور هو الجحود الذي جحد بنعمة الله عز و جل على أيدِ الأنبياء و المحدَّثين فأصبح كفور جحود ، نسي عهد البيعة ، فهذا هو معنى (إن الله لا يحب كل خوان كفور) يعني ماتخونوش بيعة النبي ، بيحث الصحابة على الإجتماع حول النبي حتى و لو تعرضوا للإضطهاد من الكفار في مكة ، محدش إيه؟ يفك البيعة و لا إيه؟ يذهب بفعل بعيد عن أوامر النبي ﷺ ، لأن ذلك سيكون إيه؟ خيانة و جحود و كفران بالبيعة ، تمام؟ لأنه لم يؤذن بعد في القتال ، في الوجه التالي يقول تعالى : (أذن للذين يقاتلون بأنهم ظلموا و إن الله على نصرهم لقدير) الآن الآن سمح الله بالقتال لأنه إيه؟ عنده علم العد ، يعد سبحانه و تعالى عدّاً ، فإذا اكتمل ذلك العد أذن و جعل ساعة الصفر ، و جعل إيه؟ فوران التّنّور ، تمام؟ هي أوامر غيبية و أوامر باطنية ، أمور باطنية و أمور غيبية لا يعلم كنهها إلا الله عز و جل و ما عُلِّمَ منه للأنبياء ، يعني مش كل الأشياء دي تُعَلم لإيه؟ للأنبياء ، بعضها ، تمام؟ (أذن للذين يقاتلون بأنهم ظلموا و إن الله على نصرهم لقدير الذين أخرجوا من ديارهم بغير حق) ربنا هنا بقى بيدي/بيعطي الأسباب و المبررات بقى للإيه؟ للإذن بالقتال ، اللي هو بعد إيه؟ بعد الهجرة ، (الذين أخرجوا من ديارهم بغير حق إلا أن يقولوا ربنا الله) تمام؟ (و لولا دفع الناس بعضهم ببعض لهدمت صوامع و بيع و صلوات و مساجد يذكر فيها اسم الله كثيراً و لينصرن الله من ينصره إن الله لقوي عزيز) هنا بقى ربنا بيحث على القتال بعد أن إيه؟ كف أيدي المؤمنين في بطن مكة ، شوف الأمرين مختلفين إختلاف ١٨٠ درجة ، و لكن على المسلمين إيه؟ الطاعة ، في بطن مكة كُف يدك حتى لو اضطهدت ، حتى و لو كذا ، طيب ، بعد الهجرة خلاص ربنا أذن بعد نزول الآية دي ، و حث على إيه؟ تنفيذ الإذن ده ، و إدى/أعطى المبررات ، تمام؟ و كله لإيه؟ لحكمة إلهية ، تمام؟ ، نتبع إتباع طاعة و إقتداء ، تمام؟ حتى تصيبنا بركات الطاعة و الإتباع ، مجرد الإتباع له بركات ، نية الإتباع لها بركات ، بالإضافة إلى الإتباع نفسه و الفعل نفسه له بركات أيضاً عظيمة ، تمام؟ .
- طيب ، نتكلم بقى شوية عن إيه؟ مناسك الحج و العمرة ، هنقول مناسك الحج و من ضمنها هتكون إيه؟ العمرة ، لأن إيه؟ الحج تلات/٣ أنواع ، نوعين منه يبقى فيه عمرة ، تمام؟ و النوع التالت لأ ، بيكون من غير عمرة ، أنواع الحج إيه؟ تلات أنواع : إسمها إيه؟ حج التمتع ، حج إيه؟ القِران ، و حج إيه؟ المُفرد ، الكلام هيتضح مع السرد اللي أنا هأقوله ، كل ما أتكلم هنفهم إيه؟ المصطلحات دي ، تمام؟ طيب ، أول حاجة أشهر الحج إيه؟ شوال ، و ذي القعدة ، و أول عشرة أيام ، تمام؟ من ذي الحجة ، تمام؟ أو ١٣ يوم أو ١٤ يوم ، ١٣ يوم ، ١٠-١١-١٢-١٣ ، ١٣ يوم ، تمام؟ علشان لو حسبنا أيام التشريق معه ، يعني الأوقات دي تسمى إيه؟ أشهر الحج ، تمام؟ جميل أوى ، نبدأ بأول نوع من أنواع إيه؟ الحج ، إسمعه التمتع : يعني إيه؟ يعني الإنسان يذهب ينوي الحج ، يعمل العمرة و ثم يتحلل من العمرة و يفضل قاعد ، عادي جداً في المشاعر المقدسة ، يحل له كل شيء حتى يُحرم بالحج في اليوم التامن من ذي الحجة ، اللي إحنا/نحن بنسميه يوم التروية ، النوع ده من الحج إسمه إيه؟ التمتع و النوع دوت/هذا الحاج بيُقدم فيه إيه؟ القربان ، الهدي يعني ، يذبح فيه ، طيب ، الحاج المتمتع إمتى/متى يطلع؟ في ناس بتقول إيه؟ : من أول يوم إيه؟ يوم عشرة/ذو الحجة ، لكن الصحيح في أشهر الحج كلها ، يقدر يطلع/يخرج من أول يوم في شوال ، أول يوم في شوال طبعاً إيه؟ ده عيد ، عيد الفطر ، صح؟ بعدها يقدر يسافر لمكة و يُحرم و يعمل عمرة و يتحلل و يفضل قاعد لغااية يوم التروية ، يتمتع ، عادي ، طيب ، أول ما يوصل إيه؟ لحدود مكة ، لازم يقف عند إيه؟ مكان إسمه الميقات ، كل بلد لها الميقات بتاعها ، يعني مكان يُفضل إنك تُحرم به ، يُفضل إنك تُحرم من المكان دوت/هذا ، ماشي؟ يعني مثلاً : أهل مصر بيحرموا من مكان إسمه رابغ ، أهل اليمن يُحرموا من مكان إسمه يلملم ، مثلاً يعني ، أهل مكة يُحرموا من مكان إسمه التنعيم ، تمام؟ أو من بيوتهم ،في الحج من بيوتهم أو من التنعيم ، و في العمرة من التنعيم ، تمام؟ أهل نجد من مكان إسمه السيل ، تمام؟ يعني ، لما ييجي/يأتي الإنسان عند هذا الميقات ، هو دلوقتي متمتع، هيقول إيه؟ لبيك عمرةً متمتعاً بها إلى الحج ، لبيك اللَّهم عمرة متمتعاً بها إلى الحج ، يبقى كده إيه؟ أحرم ، نوى بنيته و تلفّظ بالنية ، يصلي ركعتين و يلبس الإحرام للرجال ، لكن النساء عادي ، تلبس ملابسها العادية و ماتغطيش الوجه و الكفين ، تمام؟ الراجل/الرجل يلبس إيه؟ ملابس الإحرام ، اللي هي إزار و رداء ، إزار يعني إيه؟ قماش أبيض يغطي إيه؟ الجزء السفلي منه ، تحت السرة ، و رداء ، جزء إيه؟ يُغطي أو ملابس بيضاء تغطي إيه؟ الجزء العلوي من إيه؟ من جسم الإنسان ، فوق السرة ، فيُسمى إيه؟ الإزار و الرداء ، و يكون إيه؟ من اللون الأبيض الطاهر غير المعطر ، لأن المُحرم أول ما يُحرم ، لا يجوز له أن إيه؟ يقص أظافره ، أو يحلق الشعر الزائد أو شعر رأسه ، تمام؟ و لا يجوز له أن يغطي رأسه بطاقية أو كده أو غترة ، لأ ممكن يستظل بمظلة ، لكن ماينفعش حاجة تلامس إيه؟ شعر رأسه ، و لا يجوز له إن هو إيه؟ يتطيّب ، و لا يجوز له أن ينظر لزوجته بشهوة أو أن يلمس زوجته بشهوة و لا يجوز له أن يُجامع زوجته ، مُحرم في وقت الإحرام ، خلاص؟ ، أول إيه؟ ما يُحرم ، قبل ما يُحرم إيه؟ يغتسل بقى و يقص أظافره و كده و يشيل الشعر الزائد ، تمام؟ و ممكن إيه؟ يضع بعض الطيب على جسده مباشرة بعد ما يغتسل ، تمام؟ و بعد كده يلبس ملابس الإحرام و يقول النية دي : لبيك اللَّهم عمرة متمتعاً بها إلى الحج ، خلاص ، كده بقى حُرمت عليه إيه؟ الحاجات اللي أنا قولتها و يصلي ركعتين و يتوجه إلي إيه؟ إلى المسجد الحرام ، ده في العمرة ، أول ما يوصل للمسجد الحرام إيه؟ يستلم الحجر الأسود اللي هو إيه؟ مفتاح الطواف ، الحجر الأسود ده عبارة عن نيزك إيه؟ المؤمنين و الموحدين إيه؟ وضعوه في المكان ده ، علشان يبقى علامة لبدء الطواف ، هو ليس إيه؟ حجر مقدس و لا شيء ، لأ ، هو مبارك ببركة الإسلام و مبارك بالنبي ﷺ ، هو فقط وضع ليكون إيه؟ مفتاح و علامة لبداية الطواف ، أول ما إيه؟ توصل للكعبة ، تُشير للحجر الأسود ، تمام؟ و تقول إيه؟ (بسم الله و الله أكبر) و تطوف سبع إيه؟ طوافات ، سبع إيه؟ طوافات ، عكس إيه؟ إتجاه عقارب الساعة حول الكعبة ، و تشير إلى الحجر الأسود مع كل طواف و كذلك تشير إلى الركن اليماني مع كل طواف بيدك و تقول بسم الله و الله أكبر ، و تدعو الله عز و جل ، و تعلم أنك في الطواف كأنك في الصلاة ، لا يجوز أن إيه؟ يخرج منك ما ينقض الوضوء وقت الطواف ، و هي سبع تطويفات حول إيه؟ الكعبة ، تدعو الله عز و جل ما شئت ، هي صلاة تدعو الله عز و جل فيها و تنتهي عن اللغو ، ماشي؟ ، أول ما تخلص الطواف ، خلاص ، كده إيه؟ كأنك خرجت ، سلمت من الصلاة, فعادي ، ممكن ماتبقاش على وضوء ، عادي ، ماشي؟ صلي ركعتين ، و بعد كده إيه؟ تذهب إلى إيه؟ إلى السعي ، تسعى بين جبلين الصفا و المروة ، تبدأ بالصفا و تنتهي إلى المروة ، جبلين صغيرين شرق الكعبة كده ، المسافة ما بينهما تقريباً ٤٠٠ متر بين الصفا و المروة ، تسعى ٧ مرات ، يعني إيه؟ صفا مروة ، بعد كده من المروة للصفا ، كده اتنين/٢ ، بعد كده من الصفا للمروة كده تلاتة ، من المروة للصفا كده أربعة ، بعد كده صفا مروة كده خمسة ، بعد كده مروة صفا كده ستة ، بعد كده صفا مروة كده سبعة ، فهمتوا؟ مش رايح جاي هو واحدة , لأ ، الشوط نفسه يعتبر إيه؟ سعي واحد من السبع إيه؟ سعيات ، حلو أوي ، إبتديت عند الصفا و إنتهيت عند المروة ، تقص شعرك ، تحلقه خالص أو تقصر منه عند المروة ، يبقى إنت كده تحللت من العمرة ، و النساء إيه؟ آخر ، آخر ضفيرة شعرها تأخذ جزء بسيط منها كده ، خلاص ، يبقى كده إيه؟ تحللت إيه؟ من العمرة ، يجوز اللي تحلل من العمرة ده كل شيء : إنه يلبس المخيط ، الملابس العادية ، يغطي راسه ، يتطيب ، يقص أظافره ، يساوي الشوارب بتاعته ، يشيل الشعر الزائد ، ينظر إلى زوجته بشهوة ، يلمس زوجته بشهوة و يجامع زوجته ، يجوز ، حتى لو كان في الحج للمتمتع بس/فقط ، قبل يوم تمانية/٨ ، قبل يوم التروية اللي هو يوم إيه؟ اللي هيرجع إيه؟ يُحرم فيه تاني المتمتع ، كل ده إحنا/نحن بنتكلم عن المتمتع ، و بعد كده هنقول المُقرن و المُفرد ، إيه؟ الفروق بس/فقط ، لكن هي كلها إيه؟ مناسك واحدة ، طبعاً أفضل إيه الحج؟ المُقرن لأن النبي عمل مُقرن ، فأنا إيه نفضل إن إحنا/نحن نعمل مُقرن زي النبي محمد ﷺ ، بس/لكن إحنا بنقول إيه؟ الأوسع الأول من المتمتع ، خلاص كده إيه؟ عمل العمرة المتمتع و فضل قاعد في مكة بقى ، ما بين المشاعر و المسجد الحرام ، يصلي و يعتكف براحته ، و يعيش حياته عادي جداً كأنه في بيته ، كل حاجة ، حتى ييجي/يأتي يوم تمانية/٨ اللي هو إحنا/نحن بنسميه يوم التروية ، و سُمي يوم التروية لحاجتين : زمان الحجاج كانوا بِيملوا/يملاؤا المية/الماء يرتووا من مكة ، من المسجد الحرام و ما حولها ، و ثم يذهبوا بتلك المياه إلى مِنى ، لأن مِنى مكنش فيها إيه؟ ماية/ماء ، و هنعرف سميت مِنى إزاي ، ليه؟ و هنشوف مزدلفة ، سميت مزدلفة ليه؟ و هنعرف عرفة ليه سميت بعرفة؟ ، بالتفصيل ، طيب ، أتى يوم تمانية/٨ ، المتمتع اللي هو قاعد في مكة ، عادي يُحرم من مكانه ، ممكن من المسجد الحرام أو من البيت اللي قاعد فيه ، يجوز لأنه مُحرم ، لأنه حج ، عادي ، لكن وقت العمرة ، أهل ، أهل مكة يُحرموا من منطقة إسمها التنعيم ، اللي هي حدود إيه؟ المسجد الحرام أو حدود الحرم يعني ، في المكان المُحرم ، تمام؟ الذي لا يجوز فيه قتل الصيد أو الصيد ، لا يجوز فيه قتل حمام الحرم أو صيده , و لا يجوز قطع الأشجار و النباتات فيه ، المعصية فيه مضاعفة ، و كذلك الحسنة فيه مضاعفة ، مكان مخصوص لأنه شعيرة من شعائر الله عز و جل ، مكان مقدس ، تمام؟ ورد في النبوءات عند الأنبياء السابقين و من ضمنهم إبراهيم -عليه السلام- ، خلاص ، المتمتع بقى أهو إيه؟ أحرم تاني و قال إيه؟ لبيك اللَّهم حجّاً ، خلاص ، لأن هو إعتمر خلاص ، مش إعتمر؟؟ هنا بقى هيقول إيه؟ لبيك اللَّهم حجاً ، و يقوم إيه؟ لابس الإحرام تاني ، طبعاً إيه؟ يغتسل و يضع الطِيب و يشيل/يزيل الشعر الزائد و يقص شواربه و يقص ظوافره قبل ما يقول نطق إيه؟ النطق بنية الإيه؟ الإحرام ، و يغتسل و يلبس الإيه؟ الإزار و الرداء ، اللي هي ملابس الإحرام للرجال طبعاً ، و للنساء ملابس عادية جداً بس/لكن متغطيش الوجه و لا الكفين ، و بعد كده إيه؟ يقول النية دي ، يتلفظ بها ، و بعد كده يُصلي ركعتين و خلاص ، كده دخل إيه؟ في الإحرام ، يعني حَرَّمَ على نفسه حاجات ، لا يجوز إن هو يعملها ، و إحنا/نحن عرفنا إيه هي ، خلاص ، طيب ، أول ما يُحرم كده في المسجد الحرام أو في مكة ، في البيت الحرام يلبي و يقول لبيك اللهم لبيك لبيك لا شريك لك لبيك ان الحمد و النعمة لك و الملك لا شريك لك لبيك ، يقوم إيه ، رايح/ذاهب لإيه؟ لمِنى ، يقعد في مِنى في خيمة مثلاً ، خلاص؟ طيب ، بعد ما يقعد في منى و يستمر في التلبية ، يبيت فيها ، بعد كده ، بعد صلاة الفجر ، بعد شروق شمس اليوم التاسع من ذي الحجة ، يذهب إلى مكان إسمه عرفة ، عرفة ده فيه جبل كبير جداً إسمه جبل عرفة ، فسُمي عرفة لأن جبرائيل عَرَّفَهُ لإبراهيم في الرؤيا ، و كذلك سُمي عرفة لأن فيه الناس إيه؟ يتعارفون فيما بينهم لأنه إيه؟ يكون مجمع للحجاج ، و الوقوف بعرفة من بعد شروق الشمس إلى مغيب الشمس يوم التاسع ، هو ركن الحج الأعظم ، لأن النبي ﷺ قال إيه؟ : "الحج عرفة" ، و أركان الحج إيه هي؟ الإحرام ، الوقوف بعرفة ، طواف الإفاضة اللي بيكون بعد صلاة العيد ، و السعي بين الصفا و المروة يوم العيد ، هو ده إسمها أركان الحج الأربعة ، اللي ماعملش واحدة منهم ، يبقى كده حجه باطل ، خلاص؟ حجه إيه؟ باطل ، فيجب الأربعة دول/هذه يتمه تمام التمام ، خلاص؟ طيب ، الوقوف بعرفة لكل الناس ، لكل إيه؟ الرجال و النساء ، سواء أكانت النساء على طاهرة أو على حيض أو نِفاس ، توقف في عرفة و تدعو الله عز و جل و تصلي أي تدعوا الله فقط و لا تصلي المفروضات لانه ليس عليها صلاة ، تمام؟ و الرجال و النساء غير الحيّض او النفساء يصلون الظهر و العصر إيه؟ جمع تقصير يعني نجمع الظهر و العصر و نَقصِرهم ، يعني نصلي الظهر ركعتين و العصر ركعتين ، تقديماً أو تأخيراً ، و يفضل تقديماً ، عشان يكون عندنا متسع من الوقت إيه؟ للدعاء و إيه؟ و التجهز لإيه؟ للنفرة إلى إيه؟ إلى مزدلفة ، أفضل الدعاء في عرفة إيه؟ اللَّهم إنك عفو تحب العفو فاعف عنا ، و كذلك لا إله إلا أنت سبحانك .. بسم الله و الله أكبر و لا حول و لا قوة إلا بالله ، لا إله إلا الله وحده لا شريك له ، له المُلك و له الحمد و هو على كل شيء قدير ، تمام؟ الدعاء كثير و من أفضل الأدعية اللي أنا قولتها : (اللَّهم إنت عفو تحب العفو فاعف عنا ، أو , لا إله إلا الله وحده لا شريك له ، له المُلك و له الحمد و هو على كل شيء قدير) تمام؟ خلاص ، وقفنا في عرفة ، إيه؟ ، و المُحرم طبعاً إيه؟؟ في إحرامه ، كل الحاجات المحظورة مايعملهاش ، يعني ماينفعش إيه؟ يصيد و لا يقتل طيور أو بهائم أو كده ، ماينفعش يصيد ما ينفعش يقطع شجر و نباتات ، ماينفعش يعمل إيه؟ المحظورات اللي أنا قلت عليها ، إنه يغطي راسه بشكل ملتصق يعني أو يضع طيب أو يقص أظافر أو يحف الشارب أو يزيل شعر منه بالحلاقة أو بالحك ، لا يجوز له أن ينظر إلى زوجته نظر شهوة أو يلمسها لمس شهوة أو يجامعها ، لا يجوز ، حرام ، مُحرم ، يبطل الحج إن فعل ذلك ، و كذلك لا يجوز إيه؟ اللغو و الجدال ، تمام؟ و الفسوق و العصيان ، هذا لا يجوز ، يكون الإنسان في إيه؟ في خشوع تام ، و إلا بَطَلَ حجه و العياذ بالله ، طبعاً و الحج هو الركن الخامس من أركان الإسلام و هو لمن إستطاع إليه سبيلاً ، فيه إيه؟ شرط الإستطاعة ، زي الصيام كده ، فيه شرط الإستطاعة ، خلاص؟ و لكنه إيه؟ على التراخي ، و الصيام فيه شرط الإستطاعة و فيه أيضاً فداء لمن استطاع لأنه ركن ، و كذلك من واجبات الحج التي إذا فقدت أو لم يتم أداءها يكون فيها فداء ، و هنعرف الكلام ده إيه؟ تباعاً و بالتفصيل ، تكلمنا كده عن يوم إيه؟ عرفة ، و عرفنا ليه سميت عرفة ، بعد مغيب الشمس من عرفة ، يبدأ الناس يتحركوا إلى منطقة إسمها مزدلفة ، مكان مقدس برضو في مكة ، سُمي مزدلفة ، سُمي مزدلفة ليه؟ لأن الناس شهدت يوم عرفة و هو إيه؟ يوم الحج الأكبر أو الحج عرفة ، و هو اليوم الذي تتنزل فيه رحمات الله عز و جل على المسلمين الواقفين ، و في يُعتق إيه؟ الواقفين إيه؟ من النار ، الله سبحانه و تعالى يعتقهم من النار ، تمام؟ ، ثم يذهبوا إلى منطقة إسمها مزدلفة لأنه من الإزدلاف ، لأنه إيه؟ تزلف إلى الله و تقرب إليه؟ زلفى ، و اقترب من الله و سجد على عتبات الله و خشع لله عز و جل ، فسميت تلك المنطقة بمزدلفة ، لأن الناس لسى خارجة من إيه؟ من يوم عرفة ، من الوقوف في ذلك الموقف العظيم ، فخارجة طاهرة منقاة ، رجعت كيوم ولدتها أمهاتها على إيه؟ على الفطرة ، من قُبِلَ حجه يرجع كيوم ولدته أمه على الفطرة ، ناقي منقى.... نقي منقى.... فلذلك إيه؟ سميت مزدلفة المشعر الحرام أو إيه؟ المزدلفة لأنه من التزلف و الزلفى إلى الله عز و جل ، أي التقرب , و كذلك منى سميت المشعر الحرام لانها ارض تقديم القربان و كذلك ارض رجم الشيطان ، تمام؟ طيب ، الناس بتبيت ، الحجاج يبيتوا في مزدلفى لغاية صلاة الفجر و الشروق ، في الليلة دي بيجمعوا الحصيات اللي هيرموها على رموز إيه؟ الشيطان في منى ، في منى : في تلات أماكن ، فيهم تلات شواهد على شكل مسلات كده ، رمز من رموز إيه؟ الشيطان
ترمى الشواهد دي كرمز و تعبير عن تحطيم قوى الشيطان , كرمز على كسر ارادة الشيطان و رمز الى عصيان الشيطان , اي اننا نعصي الشيطان و نخزيه .
__، تُرمى الإيه؟ الشواهد دي ، كرمز و تعبير عن إيه؟ تحطيم إيه؟ قوة الشيطان ، كرمز على إيه؟ كسر إرادة الشيطان ، تمام؟ رمز إلى إيه؟ إلى عصيان الشيطان ، إن إحنا/نحن نعصي الشيطان و نخزيه ، تمام؟ ، الحاج بيجمع إيه؟ كم حصاية؟ ، ممكن يجمع ٧ حصيات بس/فقط ، لأنه في يوم العيد ، يوم عشرة هيرمي العقبة الكبرى ، يعني رمز الشيطان الأكبر في مِنى ، بس/فقط ، بعد كده في أيام التشريق : يوم ١١ و ١٢ و ١٣ هيرمي التلاتة ورا بعض : الصغرى و الوسطى و الكبرى ، كل واحدة سبع/٧ حصيات ، ممكن يجمع الحصيات كلها من مزدلفة ، و ممكن يجمع بس/فقط بتوع العقبة إيه؟ الكبرى من مزدلفة و باقي الحصاة يجمعهم من مِنى ، كل يوم بيومه مثلاً ، طيب لو هو هيرمي العقبة الكبرى يوم العيد اللي هو يوم عشرة ، اللي هو يوم النحر ، بنسميه كده ، و هيرمي أول يوم التشريق و تاني يوم التشريق و تالت يوم التشريق ، يبقى هيجمع كم حصى؟ عدد الحصيات كم؟ يوم النحر سبعة ، أيام التشريق التلاتة إضرب تلاتة بسبعة في تلاتة ، يعني ٢١ + ٢١ + ٢١ = ٦٣ ، زائد السبعة بتوع يوم النحر يبقى كده ٧٠ حصاة ، لكل واحد ، سبعين ، و رقم سبعين ده إيه؟ دلالة إيه؟ الكثرة ، يعني كثرة رجم الشيطان ، تمام؟ كذلك سبعة دلالة الكثرة ، صح؟ و الواحد و العشرين إيه؟ من مضاعفات السبعة ، خلي بالك من الأرقام ، تمام؟ ، يبقى كده إيه؟ بات/نام في مزدلفة و طلع/خرج إيه؟ على مِنى بعد شروق الشمس ، لأ , ماطلعش على مِنى ، بعد ما إيه؟ بات/نام في مزدلفة و صلى الفجر ، يروح/يذهب بقى إيه؟ يعمل طواف الإفاضة ، طبعاً يصلي العيد و ينحر الهَدي ، يُقدم الهَدي ، تمام كده؟ و بعد كده إيه؟ يحلق شعره أو يقصر شعره ، يبقى كده تَحَلَل تَحلُل أصغر ، يحل له كل شيء : التعطر و قص الأظافر و حف الشوارب و حلق الشعر الزائد ، كل حاجة ، ما عدا أن ينظر لزوجته بشهوة أو يلمسها بشهوة أو يجامعها ، هذا لا يجوز حتى ينتهي من الحج ، بعد إيه؟ نهاية أيام التشريق ، ده بنسميه التحلل الأصغر ، بيكون فين؟ في يوم إيه؟ يوم العيد ، بعد الفجر ، بعد صلاة العيد ، تمام؟ عارفين طبعاً إيه؟ مناسك صلاة العيد طبعاً ، ينحر الهدي بتاعه في مِنى ، يُفضل في مِنى ، ممكن يأكل منه ، و يهدي منه و يُعطي إيه؟ للفقراء ، يتصدق إيه؟ على الفقراء ،و من ضمنهم القانع و المعتر ، تمام؟ جميل أوي ، بعد كده يقوم نازل إيه؟ يعمل طواف الإفاضة ، طواف الإفاضة ده إيه؟ ركن ، طبعاً و يشترط الطهارة في الطواف ، و الطواف سبعة أشواط برضو يبتدي من حجر الأسود و يطوف عكس عقارب الساعة و يدعو الله عز و جل ، و كل ما يستلم إيه؟ الحجر الأسود يقول : بسم الله و الله أكبر ، و يكون في دعاء عادي يعني ، مفيش دعاء معين يعني ، و يشترط إيه؟ الطهارة ، طيب , إفرض واحدة أحرمت عادي و دخلت عرفة و هي حائض أو نفساء ، و دخلت مزدلفة برضو حائض أو نفساء و جات/أتت في طواف الإفاضة ، و شهدت طبعاً صلاة العيد و ذبحت الهَدي أو ذُبِح عنها يعني ، و جات/أتت بقى عشان تطوف طواف الإفاضة و مش عارفة لأنها حائض أو نفساء ، و الصلاة محرمة على الحائض و النفساء ، و بالتالي الطواف هيكون مُحرم ، تعمل إيه؟ تؤجل طواف الإفاضة ده لغاية ما تنتهي من حيضها أو نفاسها ، عادي ، حتى لو كان آخر شهر ذي الحجة ، حتى لو عدت شهر ذي الحجة ، ترجع و تطوف الطواف ده ، تتم الحجة بتاعتها ، أخذتوا بالكم من الحتة دي؟؟ تفاصيل كتير بس/لكن إحنا/نحن مع الوقت كده هنفهمها ، طيب ، طبعاً في طواف سُنة ، اللي هي إيه؟ في الأول خالص طواف إحنا بنسميه طواف القدوم ، هو ده بتاع العمرة ، بتاع المتمتع هو هو بتاع الحج عادي ، يُجزيء عن العمرة بتاع المتمتع ، يُجزيء عن الحج ، تمام؟ بنسميه طواف القدوم ، إستقبال البيت بالطواف ، و كل ما استطعت إنك تستقبل الكعبة بالطواف ، إستقبله ، عادي سُنة ، بس يشترط إنك تكون على طهارة ، لكن السعي لا يشترط أن تكون إيه؟ متوضئاً يعني ، لا يشترط ، السعي لا يشترط أن يكون هناك إيه؟ وضوء ، تمام؟ طيب ، طيب ، إحنا قلنا طواف الإفاضة ده ركن لازم يتعمل ، و الحائض و النفساء ماينفعش تعمله إلا بعد لما تطهر ، فتؤجله عادي حتى بعد موسم الحج ما يخلص ، ترجع و تأديه ، طيب السعي أخباره إيه؟ اللي هو ركن يوم العيد ، تعمله؟ آآه/نعم تعمله عادي ، لأن السعي لا يشترط فيه الوضوء أو الطهارة إيه؟ المادية ، خلاص ، و عرفنا السعي إيه؟ مسافته أد/كم إيه ، ما بين الصفا و المروة ٤٠٠ متر ، بنكررها سبع مرات ، صفا مروة ، مروة صفا ، صفا مروة ، مروة صفا ، صفا مروة ، مروة صفا ، صفا مروة ، يبقى كده سبعة ، صح؟ ، خلاص ، طيب ، إحنا/نحن كده إيه؟ اليوم العاشر ، خلصنا إيه؟ طواف إيه؟ الإفاضة ، صح؟ و نرجع بقى لمِنى ، يبات/ينام بقى في مِنى تلات أيام : أول يوم التشريق ، تاني يوم التشريق ، تالت يوم التشريق ، هيعمل إيه بقى؟ طبعاً يوم العيد ، هيرمي إيه؟ رمية العقبة الكبرى في مِنى ، بعد إيه؟ بعد الفجر أو بعد صلاة العيد ، عادي يجوز ، لغاااية مغيب الشمس ، يرمي سبع مرات ، سبع إيه حصيات على رمز إيه؟ على رمز الشيطان أو على رمز الأكبر للشيطان ، تسمى جمرة العقبة الكبرى ، حلو ، ده أول يوم ، مرة واحدة ، في أول أيام التشريق هيبات/هينام في مِنى و الذبح كان فين؟ في مِنى ، لذلك سُميت مِنى من كثرة المنايا التي إيه؟ تراق فيها من البهائم و القربان و القربات ، القربات فيها كثيرة ، فالمنايا التي تنالها كثيرة ، فسُميت مِنى ، من منايا ، نوع من أنواع جموع إيه؟ منايا ، تمام؟ ، و المنية هي إيه؟ هي الموت أو مفارقة الحياة ، فتلك القربات أو تلك إيه؟ البهائم تفارق الحياة بالذبح على يد المسلمين بنسك معين و بصفة معينة و بشكل معين ، تقديماً و قرباناً لله عز و جل ، بنسميه القربان أو الهَدي ، فلذلك سُميت مِنى بمِنى ، و عرفنا عرفة سميت إيه؟ عرفنا إيه؟ علة هذا السبب ، أو علة هذه التسمية ، كذلك إيه؟ مزدلفة ، سميت مزدلفة ليه؟ ، تمام؟ ، طيب ، أول أيام التشريق هيرمي التلات عقبات أو التلات جمرات ، الجمرة الصغرى و الجمرة الوسطى ، و الجمرة إيه؟ الكبرى ، دي تلات رموز ، يعني تلات إيه؟ عمدان كده في أماكن بعيدة عن بعضها البعض ، هيرمي كل واحدة : ٢١ إيه؟ هيرمي كل واحدة سبع حصيات ، كل واحدة سبع حصيات ، تمام؟ في أول يوم و تاني يوم و تالت يوم فهكذا 21 رمية لكل منها ، سميت ليه أيام التشريق؟ لأن اللحوم فيها زمان كانت بتُشَرق ، يعني تُعرض للشمس ، بتشرط كده و تتفرد و تتعرض للشمس و تتعلق إيه؟ في الهوا كده إيه؟ بحبال أو بدُبارة عشان إيه؟ تنشف و ما تبوظش/لا تفسد .... و تبدأ الناس تخزنه طول إيه؟ أيام إيه؟ السنة ، كان من ضمن إيه؟ الأكل عند البدو زمان و الفقراء ، اللحم ده المقدد ، اللي هو المُشَرَق ، لحم الإيه؟ البارد أو المقدد ، اللي هو متنشف/مجفف في الشمس ، اللي إحنا ممكن بنسميه دلوقتي إيه؟ البسطرمة ، و كذلك الأقت اللي هو اللبن إيه؟ المجمد أو الناشف ، لبن كده عامل زي إيه؟ الحجارة بس هو لبن يعني ، لبن رايب ناشف ، بنسيمه أقت ، دي كان إيه؟ أكل الفقراء زمان أو البدو ، ده كان أسلوب من أساليب حفظ ذلك الإيه؟ الطعام ، خلاص ، يبقى اللحمة بتُشَرَق يعني إيه؟ بتنشف/تجفف و تسمى القديد ، و كذلك اللبن بإيه؟ بيُجمد و يُحفظ إيه؟ بالأسلوب ده ، اللبن الرايب إيه؟ يجفف و يصبح إيه؟ زي الحجارة كده ، و يؤكل على مدار إيه؟ السنة ، طيب ، عرفنا دلوقتي إيه؟ أول أيام التشريق هنعمل إيه ، و تاني أيام التشريق هنعمل إيه ، تالت أيام التشريق هنعمل إيه ، آخر حاجة بقى بنسميه إيه؟ طواف الوداع ، بعد ما نخلص يومين أو تلاتة ، ممكن يومين لمن تعجل الحج ، و ممكن تلات أيام التشريق لمن تأخر في الحج ، عادي ، كده صح و كده صح ، نرجع مكة و نطوف طواف إسمه؟ طواف الوداع ، سبع إيه؟ تطويفات بالبيت ، بنفس الكيفية اللي أنا قلت عليها ، بعد كده خلاص ، الإنسان يبقى كده تَحَلَل التَحَلُل أكبر أو الكامل من الحج ، يجوز له كل المتع الدنيوية ، تمام؟ ، كل ده إحنا/نحن تكلمنا عن إيه؟ الحج المتمتع ، طيب ، الحج المقرن إيه بقى فرقه عن المتمتع؟ يروح لمكان الإحرام و يقول صيغة الإحرام إيه؟ : لبيك اللَّهم حجاً و عمرة ، طيب المتمتع كان بيقول إيه؟ كان عنده إحرامين : أول حاجة لما هو رايح/ذاهب للعمرة يقول : لبيك اللَّهم عمرةً متمتعاً بها إلى الحج ، و بعد كده ، طبعاً لما خلص العمرة إيه؟ يتحلل تحلل كامل ، و بعد كده يوم تمانية : يرجع يُحرم و يقول لبيك اللَّهم حجاً و إيه؟ بيُقدم الهَدي طبعاً و إيه؟ يوم عشرة ، طيب المقرن بقى؟ لأ مابيتحللش ، أول ما يروح/يذهب يُحرم يوم تمانية أو قبل يوم تمانية يفضل مُحرم ، مايتحللش خالص ، يفضل كده قاعد ، إن شاء الله لو كان قاعد أول يوم من إيه؟ من ذي الحجة أو من قبلها ، يفضل كده مُحرم ، و يقدم الهَدي أيضاً ، يُقدم ذبيحة ، الهَدي يوم الحج ، يوم النحر يوم عشرة اللي هو يوم العيد ، بالكيفية اللي أنا قولت عليها ، لو واحد تجزيء عليه شاه ، لو بدنة تجزيء عن سبعة ، هو ده الإيه؟ إسمه إيه؟ الحج المقرن ، فرق بسيط خالص ، طيب إيه المفرد بقى؟ عادي ، هيقول : لبيك اللَّهم حجاً بس/فقط ، في أي وقت ، يوم تمانية أو قبل يوم تمانية ، يفضل مُحرم لغاية آخر يوم في الحج ، ليوم ١٣ أو ١٢ ، تمام؟ من ذي الحجة ، و لكن ليس عليه إيه؟ هَدي ، ليس عليه تقديم ذبيحة ، و ده من حكمة الإسلام ، لأن في ناس فقراء ممكن مايبقاش معها هَدي يُقدمه ، صح كده؟ و الذبح يكون في مِنى و لذلك سميت بمِنى من كثرة المنايا فيها ، خلاص؟ و إيه؟ و يأكل منه و يهدي منه ، المقرن و المتمتع طبعاً ، و إيه؟ يتصدق به على الفقراء ، لكن المفرد ليس عليه هَدي ، تمام؟ طيب ، لو واحد ترك واجب من واجبات إيه؟ الحج ، عليه إيه؟ فداء ، بيسموه دم أو فداء ، إيه هو الفداء؟ شاه ، يذبح شاه و يقدمها للفقراء فقط ، لا يجوز له أن يُهدي منها و لا يجوز له أن يأكل منها ، زي إيه مثلاً ، ترك شيء من واجبات الحج ، مثلاً زي إيه؟ اللي ماأحرمش من المكان أو الميقات اللي واجب يحرم فيه ، واحد مثلاً إيه من أهل مصر ، ما أحرمش/لم يُحرم إلا جوا/داخل مكة ، لأ ، هو أحرم آه/نعم أقام الركن كده ، يعني قال إيه؟ نية الإحرام ، سواء كانت بتمتع أو بمقرن أو بمفرد ، تمام؟ ، و لكنه إيه؟ إنتهى عن واجب الميقات ، فهنا بقى إيه؟ بيفدي ، بيفدي الواجب ده ب شاه ، يوزعها على الفقراء و المساكين ، تمام؟ تمام ، إيه تاني؟ إيه تاني؟ ترك طواف الوداع , آآه و كذلك ، لو مثلاً إيه؟ نسي و قص شاربه أو قص أظافره ، تمام؟ أو تعمد ، بيجزيء بذلك أو يفدي ذلك إيه؟ ب شاه ، طيب ، إيه الحاجات التي لا تُجزيء فيها الفدي ، يعني لا يجزيء فيها الفدي ، الفدية يعني ، إنك تترك ركن من أركان الحج ، يعني عدم الوقوف في عرفة لا يُجزءه الفداء ، عدم تلفظك بنية الإحرام لا يُجزءه الفداء ، عدم طوافك طواف الإفاضة لا يُجزءه الفداء ، عدم إيه؟ سعيك بين الصفا و المروة يوم عشرة ، يوم النحر اللي هو ده يعتبر ركن من أركان الحج ، لا يُجزءه الفداء ، أي شيء آخر يُجزءه الفداء ، تمام؟ طيب ، في حاجات إسمها كفارات ، لو واحد إيه؟ صاد أثناء الحج ، بيكفر عن ذلك بدم برضو ، طيب معهوش/ليس معه دم ، معهوش يدفع هَدي ، يعمل إيه؟ يصوم ٣ أيام في الحج ، و يكملهم إيه؟ عشرة لما إيه؟ يخلص الحج و يروح/يرجع لأهله ، طيب مش قادر يصوم؟ يُطعم ستة مساكين ، مش قادر يعمل التلاتة دول؟؟ خلاص يستغفر و يتوب ، تمام كده؟ طيب ، أرجو إن أنا أكون إيه؟ فصلت أو قلت إيه؟ أكثر أو معظم تفاصيل الحج ، لو تذكرت شيء إن شاء الله أقوله أثناء التلاوة أو في الجلسات القادمة بأمر الله تعالى ، حد عنده سؤال تاني؟؟ يالله/هيا يا رفيدة((لتقرأ الوجه المبارك)) .
○ و أثناء تصحيح نبي الله الحبيب يوسف الثاني ﷺ لتلاوتنا ، قال لنا :
- طيب ، تذكرت شيء ، إحنا/نحن قلنا طبعاً المتمتع بيتمتع بالعمرة و بعد كده إيه؟ يتحلل منها و بعد كده إيه؟ يبدأ يُحرم للحج ، في أشهر الحج طبعاً ، و يُحرم الحج يوم تمانية ، طيب المقرن؟ العمرة بتاعته فين؟ عملها إمتى/متى؟ هو طواف القدوم اللي هيعمله و السعي هو هو يُجزيء عن العمرة ، أو طواف الإفاضة ، لو هيعمل طواف الإفاضة و السعي ما بين الصفا و المروة يوم النحر اللي هو الركن ، الركنين دول/هذان يُعتبروا عمرة ، يُجزيء عن العمرة ، كأنها عمرة يعني ، يعني جمع نيتين في نية واحدة ، خلاص ، طبعاً المفرد إيه؟ بيقول حج بس/فقط علشان هو مش هيقدم هَدي ، فبالتالي لا يجوز له إلا إيه؟ أن ينوي نية الحج بس/فقط ، لأنه مش هيُقدم نحر ، هَدي يعني ، معهوش/ليس معه فلوس ، فخلاص ، تمام؟ فأصبحت نيته حج فقط ، عشان يكون مفرد و يجوز له عدم الهَدي ، تمام؟ أو عدم تقديم القربان ، يكون له هذه الرخصة فتكون نيته للحج بس/فقط ، مش هيجمع ما بين نيتي الحج و العمرة ، ممكن يعمل عمرة بعد إيه؟ ما يتحلل من الحج خالص ، يوم ١٢ أو ١٣ من ذي الحجة ، ممكن يعمل عمرة عادي ، يروح/يذهب للتنعيم ، يعمل إحرام و يرجع يعمل عمرة براحته ، خلاص؟ بعد الحج بقى ، لكن ماينفعش يقرنها بالحج أو يجمعها مع الحج ، خلاص كده؟ يالله/هيا((ليُكمل أرسلان تلاوة الوجه المبارك)) .
و اختتم نبي الله الجلسة المباركة بقوله المبارك :
هذا و صلِّ اللَّهم و سلم على نبينا محمد و على آله و صحبه و سلم ، سبحانك اللهم و بحمدك ، أشهد أن لا إله إلا أنت ، أستغفرك و أتوب إليك .
___
و الحمد لله رب العالمين . و صلِّ يا ربي و سلم على أنبياءك الكرام محمد و أحمد و يوسف بن المسيح صلوات تلو صلوات طيبات مباركات ، و على أنبياء عهد محمد الآتين في مستقبل قرون السنين أجمعين . آمين .🌿💙
============================
دعواتي لك بأن تحتويك الدنيا بالفرح في كل أمر، وأن ترعاك عين الرحمــن أبد الدهر. وأن يبارك لك الله في أهلك وفي مالك، ويرفع لك منزلتك بين خلقه ويجعل لك الخير في يومك وفي سائر أيامك إن شاء الله.
يا رب ، يا رب استجب .. آميناليوم، الساعة 7:00 ص
لقد أرسلت
رد خادم يوسف على نفسه
ياه عالجمال دا والحلاوة دي كلها وحشتني اوي يا نبي الله وحشتني اوي وكحلت عيني فرؤيتك وحليت قلبي فصورتك . يا حبيبي يا نبي الله.اليوم، الساعة 7:06 ص
لقد أرسلت
خادم يوسف
لقد أرسلت
خادم يوسف
اليوم، الساعة 7:07 ص
لقد أرسلت
خادم يوسف
اليوم، الساعة 3:34 م
لقد أرسلت
لقد قمت بالرد على خادم يوسف
خادم يوسف
لقد أرسلت
خادم يوسف
لقد أرسلت
ليست هناك تعليقات:
إرسال تعليق