درس القرآن و تفسير الوجه التاسع و الثلاثين من البقرة .

 

 

 

درس القرآن و تفسير الوجه التاسع و الثلاثين من البقرة .

::::::::::::::::::::::::::::::::::::::::::::::::::::::::::::::::::::::::::

 

أسماء أمة البر الحسيب :

 

افتتح سيدي و حبيبي يوسف بن المسيح ﷺ هذه الجلسة المباركة ، و ثم قرأ أحد أبناءه الكرام من أحكام التلاوة ، و ثم قام نبي الله الحبيب بقراءة الوجه التاسع و الثلاثين من أوجه سورة البقرة ، و استمع لأسئلتنا بهذا الوجه ، و ثم شرح لنا يوسف الثاني ﷺ هذا الوجه المبارك .


بدأ نبي الله جلسة التلاوة المباركة بقوله :


الحمد لله ، الحمد لله وحده ، الحمد لله وحده و الصلاة و السلام على محمد و من تبعه من أنبياء عهده و بعد ، لدينا اليوم درس القرآن و تفسير الوجه التاسع و الثلاثين من أوجه سورة البقرة ، و نبدأ بأحكام التلاوة و أرسلان :

* المدود الخاصة :
- مد لين ، مثل : بيت .
- مد عوض ، مثل : أبدا ، أحدا .
- مد بدل ، مثل : آدم ، آزر .
- مد الفرق ، مثل : آلله ، آلذكرين .
و جميعا تُمد بمقدار حركتين .

___

و ثم تابع نبي الله يوسف الثاني ﷺ الجلسة بشرح الوجه لنا فقال :

في هذا الوجه العظيم يرد سبحانه و تعالى على شبهات كثير من المتشككين ، كذلك يسرد لنا جانباً من تاريخ بني إسرائيل الذي أُختُلِفَ عليه ، و لمَّا علمنا أن القرآن هو الكتاب المهيمن على سائر الكتب و هو المعيار المُصحح لتاريخ أُسرِد و أُفرِد ، نقول : قال الله :

{أَلَمۡ تَرَ إِلَى ٱلۡمَلَإِ مِنۢ بَنِيٓ إِسۡرَاءِيلَ مِنۢ بَعۡدِ مُوسَىٰٓ إِذۡ قَالُواْ لِنَبِيّٖ لَّهُمُ ٱبۡعَثۡ لَنَا مَلِكٗا نُّقَاتِلۡ فِي سَبِيلِ ٱللَّهِۖ قَالَ هَلۡ عَسَيۡتُمۡ إِن كُتِبَ عَلَيۡكُمُ ٱلۡقِتَالُ أَلَّا تُقَاتِلُواْۖ قَالُواْ وَمَا لَنَآ أَلَّا نُقَاتِلَ فِي سَبِيلِ ٱللَّهِ وَقَدۡ أُخۡرِجۡنَا مِن دِيَارِنَا وَأَبۡنَآئِنَاۖ فَلَمَّا كُتِبَ عَلَيۡهِمُ ٱلۡقِتَالُ تَوَلَّوۡاْ إِلَّا قَلِيلٗا مِّنۡهُمۡۚ وَٱللَّهُ عَلِيمُۢ بِٱلظَّالِمِينَ} :

(أَلَمۡ تَرَ إِلَى ٱلۡمَلَإِ مِنۢ بَنِيٓ إِسۡرَاءِيلَ مِنۢ بَعۡدِ مُوسَىٰٓ إِذۡ قَالُواْ لِنَبِيّٖ لَّهُمُ ٱبۡعَثۡ لَنَا مَلِكٗا نُّقَاتِلۡ فِي سَبِيلِ ٱللَّهِۖ قَالَ هَلۡ عَسَيۡتُمۡ إِن كُتِبَ عَلَيۡكُمُ ٱلۡقِتَالُ أَلَّا تُقَاتِلُواْۖ قَالُواْ وَمَا لَنَآ أَلَّا نُقَاتِلَ فِي سَبِيلِ ٱللَّهِ وَقَدۡ أُخۡرِجۡنَا مِن دِيَارِنَا وَأَبۡنَآئِنَاۖ فَلَمَّا كُتِبَ عَلَيۡهِمُ ٱلۡقِتَالُ تَوَلَّوۡاْ إِلَّا قَلِيلٗا مِّنۡهُمۡۚ وَٱللَّهُ عَلِيمُۢ بِٱلظَّالِمِينَ) في هذه الآيات يشرح سبحانه و تعالى العديد من نفسيات و سيكولوجيات تلك القبائل المُسماة ببني إسرائيل ، تمام؟ أي أبناء يعقوب ، أسباط يعقوب ، كانوا عبارة عن قبائل بدائية موجودة في تخوم الشام و سيناء و مصر و بعضها إيه؟ على حدود العراق و لبنان و ما إلى ذلك ، كانوا متفرقين ، ربنا هنا سبحانه و تعالى بيذكر للعالم  من خلال النبي فيقول : (أَلَمۡ تَرَ) أي ألم تسمع لأننا سوف نُسمِعك الآن بالخطاب الفصل و الحُكم الصحيح في أؤلئك الناس ، (أَلَمۡ تَرَ) أي ألم تسمع ، ألم تعلم ، (إِلَى ٱلۡمَلَإِ) أي إلى عِلية القوم ، الملأ تُطلق على عِلية القوم من النبلاء و الزعماء من بني إسرائيل ، أي من بني يعقوب ، (مِنۢ بَنِيٓ إِسۡرَاءِيلَ مِنۢ بَعۡدِ مُوسَىٰٓ) بعد فترة كده إيه؟ من موسى -عليه السلام- و الخروج و التيه في سيناء و ثم عبور نهر الأردن مع يوشع بن نون و ما إلى ذلك ، بني إسرائيل كانوا مجموعة من القبائل ماكنش/لم يكن لهم دولة في بداية الأمر بعد التيه و الخروج من مصر أيام ميرينبتاح أو منفتاح ، تمام؟ اللي/الذي هو فرعون الخروج ، و كنت قد أوردت معلومات مهمة جداً في كتابة الوجه السابق عن موضوع الخروج و عن لوحة ميرينبتاح التي ذكر فيها بني إسرائيل كرد فعل على تلك الهزيمة .
(أَلَمۡ تَرَ إِلَى ٱلۡمَلَإِ مِنۢ بَنِيٓ إِسۡرَاءِيلَ مِنۢ بَعۡدِ مُوسَىٰٓ) خلاص ، يبقى إيه؟ بني إسرائيل كانوا مجموعة من القبائل فيهم زعماء و نبلاء سُموا بالملأ هاهنا ، يبقى كانوا قبائل متفرقة في أماكن شتى ، في البوادي و الحَضر و القرى و ما إلى ذلك ، ماكنش/لم يكن لهم دولة يعني ، ماكنش/لم يكن لهم مملكة ، كانوا متفرقين ، (إِذۡ قَالُواْ لِنَبِيّٖ لَّهُمُ) مين/مَن النبي ده/هذا بقى اللي/الذي ظهر فيهم و عُرِف بعلمه و وحي الله له و ظهر شأنه فيما بينهم و سمعوا عنه ؟؟ النبي صموئيل ، صمو -عليه السلام- ، و إسم صموئيل أي معناه أي إيه؟ إسم الله ،  كلمة صموئيل أي إسم الله و كذلك معناه الطفل الذي استعرته من الله ، أمه اللي/التي سمته كده ، و ده/هذا يُشابه الثقافة المصرية ، زمان/قديماً كانت الأطفال لما بتتولد و تموت ، كانت الست/السيدة بتسمي إبنها إيه؟ شحاتة ، تسميه شحاتة ، لأنها شحتاه من ربنا فربنا إيه؟ مش/لن هياخده/يأخذه هيدوهلها/سيُعطيها إياه ، عطية منه لها ، يبقى كده دايماً زمان كانوا بيسموا شحاتة ، شحاتة ، فده/فهذا يُعتبر في الثقافة المصرية إسمه إيه؟ النبي شحاتة ، خلاص؟ ، شحاتة بقى ده/هذا اللي/الذي هو صموئيل كان مين/من المعلم بتاعه؟؟ شيخ كده من مشايخ بني إسرائيل و كاهن من كهنتهم و مُقيم للشعائر من سبط لاوي ، اللي/الذي هو إيه؟ من سبط لاوي اللي/الذي هو من سلالة هارون يعني ، إسمه عالي ، الشيخ عالي ، كان هو شيخ مين/من؟ النبي صموئيل ، زي/مثل ما كان كده إيه؟ الشيخ عبد القادر الجيلاني هو شيخ مين؟ الإمام المهدي ، أحد مشايخه يعني عبر الغيب يعني و عبر التاريخ لأنه تتلمذ على كتبه و تعاليمه ، صح؟ فهكذا الإمام المهدي يُقدس هذا الشيخ و كما يُقدس ابن عربي و شمس التبريزي و هؤلاء هم من إيه؟ من أنبياء عهد محمد -عليه الصلاة و السلام- ، الشاهد من الحديث أنهم أرادوا أن يكون لهم كيان و قوة بين الأمم ، لأنهم رأوا أن العماليق الوثنيين اللي/الذين هم الفلسطينيين وقتها كانوا وثنيين يعني ، كانوا بيبطشوا بقبائل بني إسرائيل , ممكن يُخروجهم من قراهم أو أماكن الكلأ و الرعي اللي/التي كانوا بيرعوا بها ، لدرجة إن هم فترة كده سرقوا التابوت بتاعهم ، هييجي/سيأتي سيرته دلوقتي/الآن ، هنعرف يعني إيه التابوت و إيه الدلالة بتاعته ، نتكلم بالتفصيل ، فحبوا /أرادوا أن تكون لهم قيمة ما بين الأمم ، طبعاً القبائل الإسرائيلية دي/هذه عدت/مَرَّتْ في تاريخها أو عَبَرت في تاريخها بما عَبَرَت به كافة القبائل في المنطقة ، يعني تاريخ بني إسرائيل ماكنش/لم يكن توحيدي صافي ، التوحيد كان موجود بس/لكن دايما يرجعوا للشرك تاني و العياذ بالله ، فبدايات الدين اليهودي ده/هذا كان فيه آلهة كثيرة إيه؟ بيعبدوها ، متعددة إيه؟ الآلهة و معظمها كان إيه؟ مشتق من الآلهة الكنعانية أو المصرية القديمة أو العراقية القديمة ، و بعد فترة يأتي الأنبياء يرجعوهم للتوحيد تاني و بعد كده يرجعوا يشركوا بالله عز و جل تاني ، و بعد كده قدسوا إيه؟ الله كإله أكبر إيه؟ رئيس لآلهة أصغر منه و هي فترة ما نسميه بالتفريد ، عدت/مرت برضو/أيضاً على بني إسرائيل و بعد كده رجعوا للتوحيد الخالص الصحيح اللي/الذي هو الإله الواحد و ما دونه إيه؟ هم الملائكة ، يعني الآلهة الصغيرة نزلت بقت/أصبحت ملايكة و دي/هذه هي العقيدة الصحيحة ، لأن دايما كانت إيه؟ بتُبطل من خلال إيه؟ الشياطين ، و التاريخ ده/هذا متتبع و مكتوب عن علماء التاريخ ، تمام؟ يعني في كتاب إسمه إيه؟ مدخل إلى ميثولوجية التوراة للدكتور سيد القمني  ، طبعاً الدكتور سيد القمني هذا من المتشككين يعني ، يشرح فيه بدايات العقيدة إيه؟ التوراتية ، و إن إيه؟ بني إسرائيل دول/هؤلاء كانوا قبائل مشركة في الأول و بعد كده إيه؟ كان عندهم تعدد الآلهة ، و بعد كده أصبح عندهم تفريد يعني إله كبير و آلهة صغيرة ، بعد كده بقى عندهم توحيد خالص بقى إله واحد و ما دونه إيه؟ هم الملائكة ، تمام؟ ، هو بيعتقد إن الكتب أو القصص الموجودة في التوراة هي قصص مشتقة من الحضارة العراقية و الحضارة المصرية القديمة ، و هو من وجهة نظره كباحث تاريخ عنده حق لأنه فعلاً فيه قصص كثيرة تشبه قصص إيه؟ أنبياء بني إسرائيل في الحضارة المصرية القديمة و حضارة إيه؟ العراقية القديمة ، لكن أنا أرد عليه و أقول : أن هذه القصص هي قصص الأنبياء بالفعل لكنها أُرِّخت و كُتِبَت بلغة الحضارات القديمة كقصة آدم ، قصة نوح ، و قصة موسى و هكذا ، قصة الخلق ، بداية الخلق ، قصة الطوفان و قصة الحية و جنة عدن ، فهي كلها من إله واحد و التوحيد كان موجود في العراق و مصر ، و كتبت تلك القصص في ثقافات تلك الحضارات فاشتبه على علماء التاريخ أن هذه العقيدة و قصص التوراة هي مستقاة من تلك الحضارات ، تمام؟ ، لمن أراد أن يستزيد فأنا إيه؟ كاتب مُلخص لهذا الكتاب في المدونة .
أقول : سأل بني إسرائيل و بالأخص الملأ منهم ذلك النبي صموئيل أن يبعث لهم ملك يكونوا تحت إمرته ليوحد لهم مملكة و تكون لهم حدود و قوة و مَنَعَة ضد الوثنيين من العماليق ، بعد كده من خبرة النبي بهم و بتاريخهم و تاريخ تمردهم و من فرارهم من القتال و الجهاد و من تمردهم على أنبياءهم فعاتبهم و نصحهم و قال لهم : (قَالَ هَلۡ عَسَيۡتُمۡ إِن كُتِبَ عَلَيۡكُمُ ٱلۡقِتَالُ أَلَّا تُقَاتِلُواْۖ) يعني لو أنا دلوقتي/الآن لو بأمر الله دعوته و وضع لنا ملِكاً بأمره و وحيه و أَمَرَكم بالزحف و الإصطفاف للجهاد و تكوين هذه الدولة ، هل سوف تقاتلون أم ستقولون له كما قلتم لموسى من قبل (إذهب أنت و ربك فقاتلا إنَّا هاهنا قاعدون)؟؟؟ لأنه عليم بتاريخهم ، صح كده؟ ، (قَالُواْ وَمَا لَنَآ أَلَّا نُقَاتِلَ فِي سَبِيلِ ٱللَّهِ) يعني إزاي/كيف مانقاتلش/لا نقاتل تحت الملك اللي/الذي إنت هتسميهولنا/ستُسميه لنا بأمر الله بدعاءك لله ، (وَقَدۡ أُخۡرِجۡنَا مِن دِيَارِنَا وَأَبۡنَآئِنَاۖ) يعني القبائل الوثنية تعدت على أملاكنا و قرانا ، إزاي/كيف! احنا/نحن لازم ندافع عن أنفسنا . تمام ، (فَلَمَّا كُتِبَ عَلَيۡهِمُ ٱلۡقِتَالُ تَوَلَّوۡاْ) ربنا كتب عليهم القتال تحت الملك الجديد ده/هذا لكنهم تولوا أيضاً ، (إِلَّا قَلِيلٗا مِّنۡهُمۡ) القليل دول/هؤلاء هم اللي/الذين إيه؟ قام على أيديهم ، قامت على أيديهم إيه؟ الدولة أو قام على أيديهم النصر و هنعرف النصر ده و التفاصيل دي في الوجه التالي بأمر الله تعالى( و هذا مشابه لما تفعله طائفة الحريديم اليوم من رفض التجنيد في الجيش الإسرائيلي , التاريخ يعيد نفسه ) !!! ، (وَٱللَّهُ عَلِيمُۢ بِٱلظَّالِمِينَ) لأن دايماً بني إسرائيل متمردين مشركين فهم ظالمين ، شوية/فترة توحيد و بعد كده يرجعوا للشرك تاني لإيه؟ لآلهة إيه؟ الكنعان مثلاً أو كده ، يرجعوا إيه؟ يعبدوها أو يدخلوها مع الله في شرك العبادة ، بعد كده يرجعوا يوحدوا تاني مع الأنبياء ، و بعد كده يرجعوا يشركوا تاني و هكذا ، و هو ده/هذا التاريخ اللي/الذي سجله الدكتور سيد القمني في كتابه مدخل إلى ميثولوجية التوراة ، و هو تاريخ صحيح و لكن من وجهة نظره كتاريخي كتبها , أما من وجهة نظرنا نحن كأنبياء و أتباع  للنبي ﷺ و المسيح الموعود نتحدث بضوء القرآن الكريم ، بضوء وحي الله لنا و هذا هو الحق ، لأن أياً كان , تلك المباحث هي تقوم على الظن و على الشك و على التخمين ، أما نحن فنقوم على اليقين ، و أشد اليقين هو بعث المسيح الموعود في هذا الزمان ، و أشد اليقين هو بعض أحاديث الرسول في وصف هذا الزمان فهذا يُعطينا اليقين و الإيمان المُبين .
يبقى احنا/نحن عرفنا إسم صموئيل معناه إيه؟ أي إسم الله أو الذي استعرته من الله ، يعني إيه؟ زي/مثل في الثقافة المصرية شحاتة ، عيل/طفل صغير كان بيسموه شحاتة ، كان هو النبي شحاتة بتاع/عند بني إسرائيل ، جميل ، طيب ، طبعاً أنا كنت متكلم عن صموئيل بالتفصيل في مقالة أو في مقالتين : مقالة إسمها صموئيل و عالي ، و مقالة تانية إسمها تعزيزاً لمقالة صموئيل و عالي ، و أثبتُّ فيهما أن النبي ﷺ كان من الموحدين الإبيونيين ، أثبتُ ذلك بشواهد كثيرة ، تمام؟ جميل أوي/جداً أوي أوي أوي .
___

{وَقَالَ لَهُمۡ نَبِيُّهُمۡ إِنَّ ٱللَّهَ قَدۡ بَعَثَ لَكُمۡ طَالُوتَ مَلِكٗاۚ قَالُوٓاْ أَنَّىٰ يَكُونُ لَهُ ٱلۡمُلۡكُ عَلَيۡنَا وَنَحۡنُ أَحَقُّ بِٱلۡمُلۡكِ مِنۡهُ وَلَمۡ يُؤۡتَ سَعَةٗ مِّنَ ٱلۡمَالِۚ قَالَ إِنَّ ٱللَّهَ ٱصۡطَفَاهُ عَلَيۡكُمۡ وَزَادَهُۥ بَسۡطَةٗ فِي ٱلۡعِلۡمِ وَٱلۡجِسۡمِۖ وَٱللَّهُ يُؤۡتِي مُلۡكَهُۥ مَن يَشَآءُۚ وَٱللَّهُ وَٰسِعٌ عَلِيمٞ} :

(وَقَالَ لَهُمۡ نَبِيُّهُمۡ) اللي/الذي هو صمويل ، (إِنَّ ٱللَّهَ قَدۡ بَعَثَ لَكُمۡ طَالُوتَ مَلِكٗاۚ) هنا بقى صمويل راح/ذهب إيه؟ دعا الله عز و جل ، بعد كده أراه في الكشف إن الشخص االي/الذي إسمه طالوت ده/هذا ، طبعاً طالوت إيه؟ صفة ، لكن إسمه الحقيقي شاويل الجبعي ، شاؤل أو شاويل الجبعي من قرية إسمها جبعة في الشام ، الراجل/الرجل ده/هذا كان إيه؟ طويل كده و عنده علم يعني عنده رقة في قلبه و وحي كده يعني ، لكنه كان فقير مش/ليس بقى من علية القوم و الملأ بقى و النبلاء ، و حصل إعتراض عليه من إيه؟ من علية بني إسرائيل أو من زعماء العشائر الإسرائيلية .
(وَقَالَ لَهُمۡ نَبِيُّهُمۡ إِنَّ ٱللَّهَ قَدۡ بَعَثَ لَكُمۡ طَالُوتَ مَلِكٗاۚ) طبعاً طالوت يعني إيه؟ الذي طالت يده على الأعداء بأمر من الله فهو طالوت ، تمام؟ ، (قَالُوٓاْ أَنَّىٰ يَكُونُ لَهُ ٱلۡمُلۡكُ عَلَيۡنَا) إزاي/كيف ده/هذا بقى اللي/الذي عاوزه/تريده علينا ملك؟!!! ، بداية التمرد أهو زي ما/مثلما تمردوا على موسى , جايين/أتو يتمردوا على صموئيل ، (قَالُوٓاْ أَنَّىٰ يَكُونُ لَهُ ٱلۡمُلۡكُ عَلَيۡنَا وَنَحۡنُ أَحَقُّ بِٱلۡمُلۡكِ مِنۡهُ) احنا/نحن زعماء و احنا/نحن ملأ و احنا/نحن نبلاء أحسن منه يعني ، (وَلَمۡ يُؤۡتَ سَعَةٗ مِّنَ ٱلۡمَالِۚ) يعني طالوت ده/هذا اللي/الذي هو شاويل الجبعي ده ماعندهوش/ليس عنده إيه؟ أموال ، ده/هذا واحد فقير ، (قَالَ إِنَّ ٱللَّهَ ٱصۡطَفَاهُ عَلَيۡكُمۡ) ربنا اختاره و اصطفاه ، و دي/هذه إرادة ربنا لازم تستمعوا إليها لأن أكيد لها حكمة ، في الوقت ده/هذا إختياره ده/هذا له حكمة ، أو كان شاويل الجبعي في الوقت ده هو إختيار الله فيجب أن نمتثل لأنه هيكون مفيد في الفترة دي ، خلاص؟ ، (قَالَ إِنَّ ٱللَّهَ ٱصۡطَفَاهُ عَلَيۡكُمۡ وَزَادَهُۥ بَسۡطَةٗ فِي ٱلۡعِلۡمِ وَٱلۡجِسۡمِ) إداله/أعطاه بَسطَة في العلم أي في الوحي و رقة القلب و العلم بالشرائع و بأسفار الأنبياء ، (و الجسم) يعني قوي ، طول بعرض كده ، (وَٱللَّهُ يُؤۡتِي مُلۡكَهُۥ مَن يَشَآءُ) إنتو/أنتم بقى لازم إيه؟؟ تستسلموا ، يبقى/يكون عندكم رضا و تسليم لأن الله يؤتي المُلك من يشاء ، (وَٱللَّهُ وَاسِعٌ عَلِيمٞ) الله واسع عليم ، ربنا واسع المعرفة مُحيط عليم ، يجب أن تمتثلوا لأمر الله عز و جل ، تمام؟ طيب .
___

{وَقَالَ لَهُمۡ نَبِيُّهُمۡ إِنَّ ءَايَةَ مُلۡكِهِۦٓ أَن يَأۡتِيَكُمُ ٱلتَّابُوتُ فِيهِ سَكِينَةٞ مِّن رَّبِّكُمۡ وَبَقِيَّةٞ مِّمَّا تَرَكَ ءَالُ مُوسَىٰ وَءَالُ هَارُونَ تَحۡمِلُهُ ٱلۡمَلَٰائِكَةُۚ إِنَّ فِي ذَٰلِكَ لَأٓيَةٗ لَّكُمۡ إِن كُنتُم مُّؤۡمِنِينَ} :

(وَقَالَ لَهُمۡ نَبِيُّهُمۡ) هنا النبي بيحاول يطمنهم/يُطمئنهم لأن هو/لأنه خد/أخذ إشارة من الله في الرؤيا على شاويل ده/هذا عشان/حتى يطمن/يطمئن بني إسرائيل المتمردين دول/هؤلاء ، (وَقَالَ لَهُمۡ نَبِيُّهُمۡ) أي صموئيل -عليه السلام- ، (إِنَّ ءَايَةَ مُلۡكِهِ) يعني دليل إن هو ربنا اختاره ملك عليكم تسمعوا و تطيعوا له عشان/حتى يكون لكم عظة و منعة بين الأمم ، هنا بداية التأسيس لإيه؟ لمملكة بني إسرائيل اللي/التي انقسمت بعد كده ، (وَقَالَ لَهُمۡ نَبِيُّهُمۡ إِنَّ ءَايَةَ مُلۡكِهِ أَن يَأۡتِيَكُمُ ٱلتَّابُوتُ فِيهِ سَكِينَةٞ مِّن رَّبِّكُمۡ وَبَقِيَّةٞ مِّمَّا تَرَكَ ءَالُ مُوسَىٰ وَءَالُ هَارُونَ تَحۡمِلُهُ ٱلۡمَلَٰائِكَةُۚ إِنَّ فِي ذَٰلِكَ لَأٓيَةٗ لَّكُمۡ إِن كُنتُم مُّؤۡمِنِينَ) طبعاً في النزاعات القبلية ما بينهم و بين القرى الوثنية تم إيه؟ سرقة التابوت ، تابوت العهد اللي/الذي كان يُعتبر إيه؟ أثر مُقدس لدى القبائل الإسرائيلية ، هذا قول ، و قولٌ آخر إن النبي إرمييا -عليه السلام- هو الذي خبأه في كهف من كهوف جبل الهيكل ، أيّاً كان ، فربنا قال لهم أول ما تمتثلوا لأمر طالوت ربنا هيُقدر الأقدار و يُيسر التياسير  فيرجع لكم هذا التابوت , و حَدَث !!!، أول ما بايعوه على السمع و الطاعة إن هو ملك عليهم ، لم تمر عليهم عدة أيام إلا و اهتدوا لمكان التابوت ، طبعاً هنا ربنا بيدينا/يُعطينا درس غير مباشر في أهمية الأثر النبوي ، أهمية إيه؟ الأثر النبوي إنك إيه؟ تتبرك بآثار الأنبياء ، لأن الأثر النبوي بيكون له إلهام ، يعني يعطي إلهام للإيمان و يُعطي عظة و يزداد إيمانك عندما تتلمس آثار الأنبياء المادية و كذلك و المعنوية ، صح؟ التابوت ده كان فيه إيه؟؟ كان فيه الألواح ، كان فيه الألواح اللي/التي كتبها موسى في الجبل ، جبل الطور ، و كان فيه عصا موسى و بعض ملابس موسى و هارون و هكذا ، فرجع لهم الإيه؟ التابوت ده تاني ، رجع التابوت اللي/الذي حملوه مجموعة من الملائكة أي الرجال الصالحين ، كذلك معناه (تحمله) أي تؤيده و تُقدسه و تهتم لأمره الملائكة اللي/الذين هم إيه؟ المجموعة الطائعين من بني إسرائيل فسموا ملائكة ، لأن لفظ ملاك يُطلق على الإنسان الطائع كما أُطلق على يوسف (ما هذا بشر إن هذا إلا ملك كريم) من باب إيه؟ المدح يعني ، فهذا إيه؟ تأويل ، و تأويل له قرينة و هو تأويل واجب ، تمام كده؟ ، يبقى هنا عرفنا إن التابوت كان إيه؟ لحفظ النفائس ، و ليه/لماذا تابوت؟؟؟ تأثراً بالحضارة المصرية القديمة ، دايماً المصريين القدماء كانوا بحطوا/يضعوا النفائس فين/أين؟ في توابيت ، فنتيجة تأثر بني إسرائيل بالحضارات المحيطة بهم سواء أكانت المصرية أو العراقية القديمة ، جعلوا الأثر النبوي لديهم على شكل تابوت ، وضعوا فيه نفائس أنبياءهم أو آثار أنبياءهم ، خلي بالك ، الوجه ده ربنا بيوجه إلى سُنة تقديس الأثر النبوي زي ما/مثلما قلت و هو خِلاف ما فعله خوارج نجد المجرمين من طمس آثار النبوة المادية بل و إهانتها ، هؤلاء الخوارج المجرمين طمسوا آثار الأنبياء و آثار النبي ﷺ في الحجاز و هدموا بيوته و بيوت الصحابة بل و حولوا بيت خديحة لحمام عام ، هؤلاء الخبثاء الملاعين الذين أهانوا النبي ﷺ إهانةً لم يُهِنها له أحد من قبلهم ، خلاص؟ يبقى التابوت كان فيه ألواح موسى و عصا موسى و بعض من ملابس موسى و هارون ، دي/هذه آثار مادية ، صح؟؟ تدعو للإلهام و الخشوع و الذكرى و العظة و الإلتزام بالصراط المستقيم ، و هي وسيلة إلهية للتذكرة ، صح كده؟؟ .
طيب ، نقول قصة إيه التابوت ده ، التابوت دوت/هذا أول مرة كان ضاع في نزاع قبلي ما بين القبائل الوثنية و إيه؟ و بني إسرائيل أو القبائل الإسرائيلية ، خلاص؟ ماشي ، بعد كده إيه؟ رجع ، لقوه/وجدوه يعني أو انتصروا على قبيلة وثنية و بعد كده إيه؟ وجدوا التابوت ده عندهم ، أياً كان بقى رجع لهم  إزاي ؟ مانعرفش/لا نعرف ، بس/لكن احنا/نحن لنا النتيجة يعني ، بعد كده وضعوه في الهيكل بعد أن أقاموا المملكة ، أول ملك في مملكة بني إسرائيل كان مين/من؟ شاويل ده  ، شاويل الجعبي اللي/الذي طالوت يعني ، بعده كان مين/من؟؟ داوود ، بعد داوود مين/من؟ سليمان ، و سليمان عمل إيه؟ مسجد كبير لهم كده سموه الهيكل يعني ، و حط/وضع في المسجد ده/هذا إيه؟ التابوت ، و فضلوا/ظلوا بقى فترة التابوت ده إيه؟ محافظين عليه كأثر نبوي لهم ، تمام؟ و يتبركوا إيه؟ به ، حتى أتى السبي البابلي على يد نبوخذ نصّر الذي هدم الهيكل و فُقِدَ التابوت مرة أخرى بعدها و لا يعرف أحدٌ مكانه حتى الآن ، يبقى هي دي/هذه قصة التابوت ، تمام؟ طيب .
(إِنَّ فِي ذَٰلِكَ لَأٓيَةٗ) كل ده/هذا آية إن هو يبقى/يكون إيه؟ ملك بأمر من الله عز و جل و يكون له آية على مُلكه و بداية تكوين المملكة الإسرائيلية بقى ، كل دي/هذه آيات للمؤمنين ، إن كنتم مؤمنين هتتخدوا/ستتخذوا هذه العظة و العِبرة بآيات من الله عز و جل ، طبعاً هنعرف إن شاء الله في الوجه القادم إزاي/كيف حصل بقى إيه؟ حصل الإستعداد للقتال و تكوين الدولة الإسرائيلية و إيه التعليمات اللي/التي كان بيقولها طالوت مسوقاً بروح القُدس ، تمام؟ ، بعد كده إيه؟ حيثيات ظهور داوود و قتله لجالوت اللي/الذي هو أكبر كبراء العماليق ، و بعد كده إيه؟ النفسنة اللي/التي حصلت و الغيرة اللي/التي حصلت ما بينه و بين طالوت ، يعني إيه؟ طالوت غار من داوود ، بعد كده فترة كده بدأ يُطارده ، و الغيرة دي/هذه أصبحت ذنب و نتيجة الذنب ده/هذا طالوت قتل نفسه في إحدى المعارك التي خسر فيها أمام الوثنيين ، فهنا ربنا بيديلنا/يعطينا مثال عن إنسان شخص صالح ربنا اختاره بأمر من الله عز و جل نتيجة دعاء نبي و بالفعل ربنا نصره ، لكن فور أنه ابتعد عن الله و أذنب وقع إيه؟ في المحظور ، و بعد ذلك طبعاً مِسك/أمسك المملكة داوود و بعده سليمان و بعد كده أبناء سليمان و انقسمت المملكة ،  بعد إيه؟ رحبعام بن سليمان مِسك/أمسك المملكة ، طبعاً ماكنش/لم يكن حكيم مثل أبوه فإنقسمت المملكة ، قعدت فترة طويلة مئات السنين و بعد كده قضي عليها من قبل نبوخذ نصّر ، لم تقم لهم دولة منذ ذلك الحين ، تمام؟ .
طيب ، كان في كده سؤال عاوزين/نريد نعرج عليه سريعاً يعني ، طبعاً هنقول إن شاء الله بالتفاصيل قيام المملكة الإسرائيلية في الوجه القادم ، هنقولها  بالتفاصيل إن شاء الله .
بس/فقط نقول إيه؟ شُبهة من شُبَه إيه؟ المتشككين سريعاً ، بيقول لك إيه؟ إنتو/أنتم يا جماعة بتقولوا إن النبي محمد بيتلو ، يعرف يقرأ و لّا/أم مابيعرفش/لا يعرف يقرأ؟؟؟! إزاي/كيف؟ ، قال لك : يا عم عندك آيات متناقضات في القرآن زي/مثل الشبهة اللي/التي ردينا/رددنا عليها في الوجه اللي/الذي فات/سبق ، فاكرين؟ ردينا/رددنا عليها ، كانت إيه؟ حد فاكر؟ احنا/نحن جمعنا ما بين الآيات اللي/التي هي الصاعقة و الإيه؟ و عبادة العجل أيهما الأول يعني حصلت ، في النساء ترتيب و في البقرة ترتيب آخر ، و عرفناكم بقى إزاي/كيف و عَرفنا  المتشككين إنه مفيش/لا يوجد تناقض و لا حاجة ، ده/هذا سوء فهم للكلمات و للمقاصد في آيات الله عز و جل ، تمام؟ و إن الترتيب الصحيح كانت فترة أو مجموعة طلبت من موسى أن يروا الله جهرة فنسوا الأدب فأخذتهم الصاعقة يعني لعنة ، بعد كده تابوا إلى الله ، بعد كده حدثت قصة العجل ، تمام؟ .
هنا بقى المتشككين يقول لك إيه؟ في آية بتقول : (و ما كنت تتلو من قبله من كتاب و لا تَخطه بيمينك إذاً لارتاب المبطلون) هنا الكلام للنبي محمد و ده دليل إن هو ماكنش/لم يكن يعرف يقرأ و لا يكتب قبل البعثة ، قبل ما يتم الأربعين سنة يعني ، طيب ، بعد كده في آية تانية بيقول لك إيه؟ : (لم يكن الذين كفروا من أهل الكتاب و المشركين منفكين حتى تأتيهم البينة) مين/من هو البينة بقى؟؟ (رسول من الله يتلو صحف مطهرة فيها كتب  قيمة) إزاي/كيف؟؟ هنا ماكنتش/لم تكن تتلو و هنا تتلو؟؟؟ الله الله الله الله إيه الحكاية!!!!! ، و هكذا بقى ، نقول لهم : يا جماعة مفيش/لا يوجد تعارض و لا حاجة ، إنتو/أنتم بس/فقط مش فاهمين/لم تفهموا ، (و ما كنت تتلو من قبله من كتاب) أي من قبل البعثة ، من قبل البعثة ديت/هذه و بعد إيه؟ نزول القرآن ماكنتش/لم تكن تكتب ، ماكنتش/لم تكن تعرف تقرأ بعينك كده ، ممكن إنت تحفظ ، حد/أحد يقول لك كلام فتحفظه فتقوله ، تمام؟ فهي دي/هذه التلاوة ، إنت تتلو من حفظك ، في سورة البينة : (رسول من الله يتلو صحف مطهرة) يتلو يعني يقرأ مما سمع من جبريل أو من أحد من المؤمنين أو من الصالحين السابقين ، خلاص؟ أيضاً هذا لا يمنع من أن النبي ﷺ في آخر أيامه تعلم التلاوة و القراءة و الكتابة , لا مانع  ، فده/فهذا ليس هنالك تعارض فيه ، خلاص كده؟ ، فهمتوا؟؟ يبقى عرفتوا تجمعوا إزاي/كيف بين الآيتين؟؟ سهل ، إذاً التلاوة عادي إنك تقرأ من إيه؟ من حفظك ، لذلك المرتلين ، مرتلين القرآن في مصر يتلو من الذاكرة ، يقول لك واحد يقرأ من الذاكرة ، هل ده/هذا معناه أنه يقرأ من المصحف؟؟؟ لأ/لا , بل يتلو من ذاكرته ، يتلو و يُرتل ، تمام؟ .
طيب ، في آية تانية جميلة جداً : (أفمن كان على بينة من ربه) اللي/الذي هو مين/من؟؟ النبي محمد ، (و يتلوه شاهدٌ منه) مين/من يتلوه شاهدٌ منه؟؟؟ يجي/يأتي بعده ، (يتلوه) يعني يأتي بعده ، كلمة (يتلو) هنا معناها يأتي إيه؟ بعده ، مين/من هو؟؟؟ المسيح الموعود غلام أحمد القادياني-عليه الصلاة و السلام- ، طيب ، عشان/حتى نأكد القصة دي/هذه ربنا قال : (و من قبله كتاب موسى إماماً و رحمة) يعني قبله كان كتاب موسى و أتى بعده الأنبياء و عيسى ، كذلك يا محمد إنت معك القرآن و هيجي/سيأتي بعدك الأنبياء و أعظمهم من اللي/الذين هيجوا/سيأتوا بعدك ، أعظم اللي/الذين هيجيوا/يأتوا بعدك مين/من؟؟؟ الشاهد ده/هذا (يتلوه شاهد منه) من أمتك اللي/الذي هو المسيح الموعود غلام أحمد ، (و من قبله كتاب موسى إماماً و رحمة) يعني بيقارن هنا بإيه؟ بالسلسلة الموسوية يعني هيحصل فيها ،  في أمة محمد زي ما/مثلما حصل في السلسلة الموسوية ، (أؤلئك يؤمنون به) هيؤمنوا/سيؤمنوا بالمسيح الموعود وقتها ، احنا/نحن بقى أتباع الإمام المهدي آمنا به ، خلي بالك ، (و من يكفر به من الأحزاب) اللي/الذي هيكفر/سيكفر به من أحزاب المسلمين و من فِرق المسلمين خاصة يعني (فالنار موعده) ربنا هنا حذرهم و توعدهم بالنار ، (فلا تكن في مريةٍ منه) يا محمد ماتشكش/لا تشك في بعث المسيح الموعود ، هييجي/سيأتي و ده/هذا هيكون أعظم دليل على صدقك ، أعظم من القرآن نفسه ، ليه/لماذا؟؟ لأنه تجلي عملي عبر الغيب و عبر القرون ، فهييجي/فسيأتي هو أصلاً الإمام المهدي دليل على صدق القرآن فبالتالي دليل على صدق محمد ، خلي بالك ، انظر إلى عظمة المسيح الموعود ، (أؤلئك يؤمنون به و من يكفر به من الأحزاب فالنار موعده فلا تكن في مرية منه) ماتشكش/لا تشك هيحصل يعني هيحصل ، (إنه الحق من ربك) ده/هذا الحق فهيحدث هيحدث/سيحدث عشان/حتى يشعر المسلمين أو يشعر المسلمون بالإطمئنان في آخر الزمان مع  توارد الشبهات و المتشككين بقى ، هيكون/سيكون النجاة مين/من؟؟؟؟ مع الإمام المهدي الحبيب و القرآن الكريم ، هي دي/هذه النجاة الوحيدة ، (إنه الحق من ربك و لكن أكثر الناس لا يؤمنون) نبوءة من الله إن أكثر الناس هيكونوا غير مؤمنين أو ليس عندهم يقين في آخر الزمان و هو ما يحدث الآن ، إذاً العصمة مع مين/من؟؟؟ و الإعتصام مع مين/من؟؟؟؟؟ بدعوة الإمام المهدي الحبيب و القرآن الكريم بس/فقط ، تمام كده؟ .
يبقى عرفنا بقى إزاي علماء التاريخ بينظروا للميثولوجية أو للأساطير ، يعتقدون أن إيه؟ هناك أساطير إيه؟ دُست على الأديان أو دخلت في معرض الأديان من أمم سابقة و رددنا عليهم ، و أتينا بهذه الشبهة ، شبهة التلاوة و رددنا عليها و ذكرنا بعضاً من قصة بداية إنشاء المملكة الإسرائيلية و سنُكمل بأمر الله عز و جل في الوجه القادم ، حد عنده أي سؤال؟؟ .
__

و اختتم نبي الله الجلسة المباركة بقوله المبارك :


هذا و صلِّ اللَّهم و سلم على نبينا محمد و على آله و صحبه و سلم ، سبحانك اللهم و بحمدك ، أشهد أن لا إله إلا أنت ، أستغفرك و أتوب إليك ، (بسم الله الرحمن الرحيم ¤ وَالْعَصْرِ ¤ إِنَّ الإِنسَانَ لَفِي خُسْرٍ ¤ إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ) .

___


و الحمد لله رب العالمين . و صلِّ يا ربي و سلم و بارك على أنبياءك الكرام محمد و غلام أحمد و يوسف بن المسيح صلوات تلو صلوات طيبات مباركات ، و على آلهم  و صحبهم و ذرياتهم الأخيار أجمعين و على أنبياء عهد محمد الآتين في مستقبل قرون السنين أجمعين . آمين . 💙🌿

 

 =============================

 

البقرة 40

 

https://drive.google.com/file/d/1Hk-3QEH7ZlL6ckus5E4xCLor-o40hkkw/view?usp=sharing

 

 

 صلاة الجمعة 19=12=2925

https://drive.google.com/file/d/1BSfyUTrTYmetv83P3SmtudDi7FASSTja/view?usp=sharing