درس القرآن و تفسير الوجه الأخير من الكهف .

 

 

درس القرآن و تفسير الوجه الأخير من الكهف .

:::::::::::::::::::::::::::::::::::::::

 

أسماء إبراهيم :

 

 شرح لنا سيدي و حبيبي يوسف بن المسيح ﷺ أثناء جلسة التلاوة المباركة من أحكام التلاوة ؛ من أحكام النون الساكنة و التنوين , ثم قام بقراءة الوجه الأخير من أوجه سورة الكهف و هو الوجه العاشر ، و أجاب على أسئلتنا بهذا الوجه ، و أنهى نبي الله  الجلسة بأن صحح لنا تلاوتنا .

بدأ نبي الله جلسة التلاوة المباركة بقوله :

الحمد لله ، الحمد لله وحده ، الحمد لله وحده و الصلاة و السلام على محمد و من تبعه من أنبياء عهده و بعد ، لدينا اليوم الوجه الأخير من أوجه سورة الكهف ، و نبدأ بأحكام التلاوة و رفيدة :

- من أحكام النون الساكنة و التنوين :

الإظهار : أي أنه إذا أتى بعد النون الساكنة أو التنوين الحروف من أوائل الكلمات (إن غاب عني حبيبي همّني خبره) , و حروف الإظهار تجعل النون الساكنة أو التنوين تُظهر كما هي .

الإقلاب : إذا أتى بعد النون الساكنة أو التنوين حرف الباء يُقلب التنوين أو النون ميماً . ثم يكون إخفائا شفويا . مثال : من بعد .

__

و ثم تابع نبي الله يوسف الثاني ﷺ الجلسة بشرح الوجه لنا فقال :

في هذا الوجه العظيم المبارك الأخير من أوجه سورة الكهف ، إبتدأ سبحانه و تعالى و قال :

{وَتَرَكْنَا بَعْضَهُمْ يَوْمَئِذٍ يَمُوجُ فِي بَعْضٍ وَنُفِخَ فِي الصُّورِ فَجَمَعْنَاهُمْ جَمْعًا} :

(و تركنا بعضهم يومئذ يموج في بعض) يعني لما إتفتح باب يأجوج و مأجوج ، يعني خرجوا للعالم يعني ، بعد فتح القسطنطينية كما أخبر النبي ﷺ ، العالم بدأ يموج في بعضه بعضاً موجان شديد بسبب هذه الفتنة ، فتنة يأجوج و مأجوج اللي هم كانت بدايتهم مين؟ الإسبان ، و بعد كده إيه؟ البريطان ، و بعد كده الروس و الأمريكان ، بإختصار يعني ، و إحنا المرة اللي فاتت قلنا ٤٠٠ سنة ، ده إيه؟ اللي هو كان الأحداث فيها متفاعلة جداً ، لكن هو خروجهم كان بعد القسطنطينية ، بعد فتح القسطنطينية ، يعني تقريباً ، تقريباً ٥٠٠ سنة و شوية مثلاً ، صح؟ القسطنطينية إتفتحت سنة كم؟؟ ألف و أربعمية و تلات و خمسين/١٤٥٣ ، يعني تقريباً ٤٧٠ سنة ، أو لا ٥٧٠ سنة؟؟ ، آآه ٥٧٠ سنة تقريباً ، تمام ، و شركة الهند البريطانية طبعاً ، دي كانت بدايات قوة بريطانيا في الهند ، كانت في القرن ١٧ ، ١٦٠٠ و حاجة تقريباً ، تمام؟ المهم فربنا سبحانه و تعالى جعل السد اللي ما بين المؤمنين و يأجوج و مأجوج ، اللي هو سد دربند دكاء يعني بفعل إيه؟ تقدم حضارة الإنسان ، تمام؟ فبقى دكاء و بالتالي ماعدش له/لم يعد له أي فائدة لأنهم خلاص ماجوا في الأرض و تناسلوا و انتشروا في روسيا و سيطروا على موسكو و أوروبا ، تمام؟ ، بريطانيا و بعد كده إيه؟ أمريكا ، تمام؟؟ (و تركنا بعضهم يومئذ يموج في بعض) يعني إيه؟ موجان بقى ، ما بين القبائل دي اللي بعد كده إيه؟ تحضرت و بقت/أصبحت هي أصل الحضارة المادية ، تخيلوا ، من قمة الهمجية إلى إيه؟ إلى أصل الحضارة المادية في العصر الحديث ، و ما بين إيه؟ كافة إيه؟ الأمم الأخرى ، و كذلك يأجوج و مأجوج فيما بينهم البعض ، يعني بينهم و بين بعض يعني ، كذلك حدثت إيه؟ أمواج و تموجات كثيرة ، من ضمنها : صراع الأسبان مع البريطان ، و البريطان مع الأسبان في بداية إيه؟ فتوحات الإسبانية للأمريكتين و أستراليا ، تمام؟ كان في صراع ما بينهم ، ما بينها و بين بريطانيا ، كذلك في العصر الحديث ، صراع في الحرب العالمية الأولى و الحرب العالمية الثانية ، تمام؟؟ كل دي كانت صراعات ما بين يأجوج و مأجوج بعضهم البعض ، بالإضافة إلى صراعهم طبعاً مع الأمم الأخرى ، يبقى دي ، الأحداث دي بتدل لنا أو بتأكد لنا على نهايات العالم و قيام الساعة ، علامات قيامة الساعة الكبرى ، (و تركنا بعضهم يومئذ يموج في بعض) يعني إيه؟ فُتِحَت يأجوج و مأجوج ، فُتِحَ السد ، فتح معنوي يعني و إنتهى أثره و أصبح دكاء و أصبح يأجوج و مأجوج هم المسيطرين على الأرض ، هنا بقى دي علامة الساعة الكبرى ، يعني بعدها على طول ، بعد أوج الإرتقاء الحضاري المادي ، مابقلش/لا أقول الأخلاقي و لا الديني و لا الإيماني طبعاً ، هم عندهم تسفل أخلاقي و ديني و إيماني ، و معظمهم يا ملحدين ، يا نصارى ((إما ملحدين و إما نصارى)) ، و النصارى دينهم طبعاً مُحَرف بتحريفات وثنية هيلينية رومانية يونانية ، صح؟ حلو أوي ، ف دي أصبحت علامة كبيرة من علامات قيام الساعة الكبرى ، حلو أوي ،  و من ضمن علامات الساعة الكبرى ، اللي إحنا عارفينها إيه؟ بعث المسيح الموعود ﷺ ، صح كده؟ طيب ، و إيه؟ حمار الدجال ، و دابة الدجال اللي هي إيه؟ المواصلات الحديثة ، اللي هي بيأكل النار في بطنه و يخرج من إسته النار ، صح كده؟ طيب ، (و نفخ في الصور) ملاك المُوكَل بالنفخ في الصور اللي هو القيامة الكبرى ، ربنا موكل ملاك ينفخ في بوق كده ، ربنا سماه الصور ، تمام؟ ، علشان إيه؟ يُنهي العالم نهاية تامة ، نهاية تامة ، و تقوم القيامة الكبرى ، و يقوم الحساب و يوم الدينونة لهذا العالم ، لأن كل عالم له يوم دينونة خاص في سلسلة غييير منتهية ، لأن صفات الله أبدية أزلية لا تتعطل ، تمام؟ ، (و تركنا بعضهم يومئذ يموج في بعض و نفخ في الصور فجمعناهم جمعاً) فجمعناهم جمعاً يعني حشرناهم في يوم القيامة ، بعثناهم و ده إيه؟ الركن السادس من أركان إيه؟ أو الركن الخامس من أركان الإيمان ، إنك تؤمن بالبعث ، و تؤمن بالله و ملائكته و كتبه و رسله و اليوم الآخر/الركن الخامس ، و تؤمن بالقدر خيره و شره ، يبقى اليوم الآخر : الركن الخامس من أركان الإيمان ، إنت لازم تؤمن بالبعث ، تمام؟ ، (فجمعناهم جمعاً)  ، و كلمة حشرنا أو حاشرين أو محشور ، كلمة الحشر تأتي دايماً إيه؟ غالباً في سياق العذاب ، لأن الكافر يُحشر ، الكافر إيه؟ الكافر محشور ، يُحشر ، ربنا هيُحشره و هيُعذبه و يُعاقبه في الدنيا قبل الآخرة ، في الدنيا قبل الآخرة .
__

{وَعَرَضْنَا جَهَنَّمَ يَوْمَئِذٍ لِّلْكَافِرِينَ عَرْضًا} :

(و عرضنا جهنم يومئذ للكافرين عرضاً) عرضناها من بعيد كده للكافرين فظنوا أنهم مواقعوها ، إفتكروا إنهم جوا/داخل النار ، مع إنهم بُعاد عنها ، شايفينها بس من بعيد ، (و عرضنا جهنم يومئذ للكافرين عرضاً) ، تمام؟ شافوا عرضها بس ، شافوا عرضها ، ليه؟ لأنها لا تطول ، تفنى ، شافوا عرضها لأنها إيه؟ آآه تفنى ، (و عرضنا جهنم يومئذ للكافرين عرضاً) كذلك (عرضا) يعني و وريناهالهم/أريناهم... كويس/جيدا ، وريناهالهم... كويس بشكل يقيني لا يشكون فيه ، و رأوا تفاصيلها قبل أن يدخلوها ، فما بالكم لو أنهم دخلوها؟؟؟ ف ده عذاب فوق العذاب و العياذ بالله ، ف ده من معاني (و عرضنا جهنم يومئذ للكافرين عرضاً) ، طيب .
__

{الَّذِينَ كَانَتْ أَعْيُنُهُمْ فِي غِطَاءٍ عَن ذِكْرِي وَكَانُوا لا يَسْتَطِيعُونَ سَمْعًا} :

(الذين كانت أعينهم في غطاء عن ذكري) كانوا في غفلة سواء بمزاجهم أو إيه؟ مجبرين على ذلك ، (الذين كانت أعينهم في غطاء عن ذكري) بصائرهم إيه؟ في عماية ، (و كانوا لا يستطيعون سمعاً) ماكانوش/لم يكونوا إيه؟ أنقياء لدرجة أنهم يتلقوا الوحي الصادق من الله عز و جل .
__

{أَفَحَسِبَ الَّذِينَ كَفَرُوا أَن يَتَّخِذُوا عِبَادِي مِن دُونِي أَوْلِيَاء إِنَّا أَعْتَدْنَا جَهَنَّمَ لِلْكَافِرِينَ نُزُلا} :

(أفحسب الذين كفروا أن يتخذوا عبادي من دوني أولياء) يعني إنتو فاكرين/تعتقدوا إن إنتو هتظلموا و هتتخذوا آلهة مزيفة في الدنيا و أنا مش هحاسبكم؟؟؟ ده كلام ربنا ، (أفحسب الذين كفروا أن يتخذوا عبادي من دوني أولياء) يعبدوا كده عيسى و أسيبهم/أتركهم؟؟؟ لا طبعاً ، (إنَّا أَعْتَدْنَا جهنم للكافرين نزلا) أَعْتَدْنَا ، أعددنا ، أعددنا بعناية ، (إنَّا أَعْتَدْنَا) من الإعتداد ، عتيدة.. جهنم عتيدة ، مخيفة ، مؤلمة ، قاهرة ، (إنَّا أَعْتَدْنَا جهنم للكافرين نزلا) هينزلوا فيها زي فندق كده ، بس إيه؟؟ فندق بيلسوع ، فندق مؤلم جداً ، فيه يُسمع صرير الأسنان ، و بيكون مليء بالخوف و الألم و الظُلمة و الموبق ، يكونوا في صحبة و العياذ بالله منها ، يشمئزون منها و يخافون منها و يتمنون زوال تلك الصُحبة و تلك الصُحبات ، بسبب أن بينهم موبق ، أي وباء قوي أو الشعور بوجود وباء قوي ، و بالتالي يريدون أن يُفروا منها ، و ما هم بفارين و ما هم بمُخرجين إلا أن يشاء الله .
__

{قُلْ هَلْ نُنَبِّئُكُمْ بِالأَخْسَرِينَ أَعْمَالا} :

(قل هل ننبئكم بالأخسرين أعمالاً) الآية اللي جاية دي خطيرة جداً و عظيمة جداً و مهيبة جداً ، (قل هل ننبئكم بالأخسرين أعمالاً) أكتر ناس خسرت في الدنيا و الآخرة ، أخسرين ، أفعلين .
__

{الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا} :

(الذين ضل سعيهم في الحياة الدنيا و هم يحسبون أنهم يحسنون صنعاً) فاكر/يعتقد إن هو/إنه بيعمل كويس و إن هو على حق ، و لكن هو على باطل و العياذ بالله ، هو ده اللي الأخسرين أعمالاً ، (قل هل ننبئكم بالأخسرين أعمالاً¤الذين ضل سعيهم في الحياة الدنيا و هم يحسبون أنهم يحسنون صنعاً) لذلك الإنسان لازم يراجع نفسه  يسأل رب الكون و يختبر إيمانه و يجدد إيمانه ، علشان يُخرج من دايرة/دائرة الآية دي (الذين ضل سعيهم في الحياة الدنيا و هم يحسبون أنهم يحسنون صنعاً) مين بقى؟؟ (قل هل ننبئكم بالأخسرين أعمالاً) ، هم دول/هؤلاء الأخسرين أعمالاً ، اللي فاكر إنه بيعمل صح و هو بيعمل غلط/خطأ ، اللي فاكر إن هو على صح و هو على غلط ، و بالتالي يجب إن الإنسان يختبر إيمانه و يبحث عن الحقيقة .
__

{أُوْلَئِكَ الَّذِينَ كَفَرُوا بِآيَاتِ رَبِّهِمْ وَلِقَائِهِ فَحَبِطَتْ أَعْمَالُهُمْ فَلا نُقِيمُ لَهُمْ يَوْمَ الْقِيَامَةِ وَزْنًا} :

(أؤلئك الذين كفروا بآيات ربهم و لقائه) ربنا بعت/بعث آيات ، مش مابعتش/لم يبعث ، لا ، ربنا بعت/بعث و بيبعت لكل إنسان آية و آيات ، لأن ربنا لا يظلم أحد ، (و لا يظلم ربك أحداً) ، (أؤلئك الذين كفروا بآيات ربهم) شافوا الآيات و كفروا بها ، شافوا الآياااات و كفروا بهاا ، (أؤلئك الذين كفروا بآيات ربهم و لقائه) اليوم الآخر ، و الحساب ، و العرض على الله عز و جل ، حصل إيه بقى لما نسوا الإيمان و نسوا الآيات؟؟؟ (فحبطت أعمالهم) ، (فحبطت أعمالهم) أعمالهم جات الأرض((إرتطمت بالأرض)؟ ، ادمرت ، ماعدش لها أي قيمة ، (فحبطت أعمالهم فلا نقيم لهم يوم القيامة وزناً) مالهومش أي قيمة ، مُحتقَرين , مُحتقَرين ، غير مُكرمين ، (فلا نقيم لهم يوم القيامة وزناً) لأن أعمالهم حبطت ، ماعندهمش حاجة يوزنوها في الميزان ، ماعندهمش حاجة يوزنوها في ميزان العدل يوم القيامة .
__

{ذَلِكَ جَزَاؤُهُمْ جَهَنَّمُ بِمَا كَفَرُوا وَاتَّخَذُوا آيَاتِي وَرُسُلِي هُزُوًا} :

(ذلك جزاؤهم جهنم بما كفروا) جزاء الكفر جهنم المتغيظة المتلهفة المشتاقة لأجساد العصاة و الكافرين ، تُعذبهم و تؤلمهم و تشويهم شَيَّا ، حتى إذا نضجت جلودهم ، بدلهم الله جلوداً غيرها ليذوقوا العذاب ، (ذلك جزاؤهم جهنم بما كفروا و اتخذوا آياتي و رسلي هزواً) كانوا دايماً بيستهزؤا و بيتريقوا على الأنبياء و المؤمنين و يستهزؤا بآيات الله عز و جل ، و لو جات/أتت آية ، يقولوا إيه؟ ما هي بآية ، و لو جات/أتت آية ، تغافلوا عنها و يتكبروا عليها ، و يُصيبهم الكبرياء ضد الأنبياء و المؤمنين و الآيات .
__

{إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلا} :

(إنَّا الذين إمنوا) (إنَّ) للتأكيد ، (إنَّ) للتأكيد ، (إنَّ الذين آمنوا و عملوا الصالحات) آمنوا و عملوا الصالحات ، مش آمن ببوقه/ بفمه بس كده و يقول كلام و خلاص ، لا ، لازم يعمل ، يفعل ، يُقدم دليل إيمانه ، يُقدم دليل إيمانه ، إنك تنفذ الكلام اللي انت بتقوله ، تقول و تفعل ، مش تنسى كلامك و خلاص ، ربنا مايحبش/لا يُحب كده ، ربنا بيحب الإيمان و العمل الصالح ، (إنَّا الذين آمنوا و عملوا الصالحات كانت لهم جنات الفردوس نزلا) خلي بالك ، كانت لهم إيه؟؟؟ جنات الفردوس ، ده دليل إيه؟؟ إن الجنات متتاليات متعاقبات ، جنات الفردوس ، فردوس تلو الفردوس ، في كون تلو الكون ، فردوس تلو الفردوس ، (نُزلا) هينزلوا فيها ، واحدة ورا التانية إلى ما لا نهاية ، دول/هؤلاء مين؟؟ المحسنين ، اللي ربنا هيصطفيهم ،  الخُلَص ، الخُلَص هم اللي هينزلوا في الفردوس المتتالي إلى ما لا نهاية .
__

{خَالِدِينَ فِيهَا لا يَبْغُونَ عَنْهَا حِوَلا} :

(خالدين فيها لا يبغون عنها حولا) خالدين في الفردوس المتتالي في الجنات المتتاليات ، لا يريدون عنها تحويلا ، مش عاوزين يتحولوا عن تلك الفردوسات ، و كذلك لا يريدون أن يكون هناك بينهم و بينها حائل ، لا يريدون إيه؟ حائل بينهم و بينها ، و لا يريدون عنها تحويلا أي يتحولوا عنها ، إذاً لا يريدون أن يتحولوا عنها و لا يريدوا أن يكون بينهم و بينها حائل ، فهذا معنى حِوَلا .
__

{قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا} :

(قل لو كان البحر مداداً لكلمات ربي لنفد البحر قبل أن تنفد كلمات ربي و لو جئنا بمثله مدداً) ده تعبير مجازي ، البحر الكبير ، أي بحر كبير يعجبك في الإيه؟ في الأرض ، إملاه أو كأن المية/المياه دي حبر ، و إنت معك قلم و بتاخذ من البحر ده شوية كده و بتكتب ، الحبر يخلص ؟ ، تاخذ تاني من البحر و بتكتب ، لغاية ما البحر ده يخلص ، لا تنفذ كلمات ربي ، و لو البحر ده إتملى مرة تانية ، حد يقدر يعمل كده؟؟؟ محدش يقدر يعمل كده طبعاً يكتب من البحر ، ربنا يقدر ، إذاً ده تصوير لكلمات ربنا ، اللي هي لا تنتهي أبداً ، شفتوا التصوير المجازي ده ، إذاً البحر هو رمز كلمات الله في الوحي و في الرؤيا و في الكشوف ، (قل لو كان البحر مداداً لكلمات ربي) يعني كأن البحر ده دَواية كبيرة ، دواةٌ كبيرة من الحبر ، و إنت معك قلم بتملاه من البحر ده و تكتب ، لغاية ما يخلص الحبر ، و تقوم ماليه/تملأه تاني من البحر ، هيخلص؟؟؟ لا يمكن يخلص ، (قل لو كان البحر مداداً لكلمات ربي لنفد البحر قبل أن تنفد كلمات ربي و لو جئنا بمثله مدداً) .
__

{قُلْ إِنَّمَا أَنَا بَشَرٌ مِّثْلُكُمْ يُوحَى إِلَيَّ أَنَّمَا إِلَهُكُمْ إِلَهٌ وَاحِدٌ فَمَن كَانَ يَرْجُو لِقَاء رَبِّهِ فَلْيَعْمَلْ عَمَلا صَالِحًا وَلا يُشْرِكْ بِعِبَادَةِ رَبِّهِ أَحَدًا} :

(قل إنما أنا بشر مثلكم) آية عظيمة جداً ، بتبين/توضح إن النبي و كل نبي هو بشر من بيئة قومه ، راجل عادي بيتكلم زيهم/مثلهم و من ثقافتهم ، عادي خالص ، و شكله شكلهم ، منهم ، و ثقافته ثقافتهم ، بس جاي/يأتي مِتعَدِّل ، فيه إيه؟ طفرة حصلت له ، طفرة إيه؟؟ طفرة روحية و طفرة وجدانية و طفرة نفسية ، جعلته آدم هذا الزمان ، كل نبي هو آدم زمانه ، ربنا إصطنعه و صنعه على عينه و عَدِّله و سَوّاه و رقّاه لغاية ما وصل لدرجة إيه؟ الإصطفاء ، علشان يغيّر في الزمن بتاعه ، و يغيّر في القوم إيه؟؟ اللي بُعث فيهم ، علشان يبقى حُجة على الناس من الله عز و جل ، النبي ده بيبقى إنسان غير عادي على فكرة ، ببيقى مَرَّ بحاجات غير عادية في حياته ، بتبقى حاجات إستثنائية ، مش شرط أي إنسان يمر بيها ، بس ربنا بيديه/يُعطيه الثواب على الآلام و المعاناة اللي بيعديها/بيمر بيها كل نبي في حياته ، علشان ربنا إيه؟؟ يِعَدِله و يسويه و يرقيه و يخليه/يجعله جاهز للبعثة بتاعته و الرسالة ، هو كده ، يبقى شخص إستثنائي يعني ، مابيتكررش إلا كل إيه ، كل إيه؟؟ كل بعثة ، مع كل بعثة ربنا بيكرر التربية دي ، تمام؟؟ ، (قل إنما أنا بشر مثلكم يوحى إلي أنما إلهكم إله واحد) ربنا بيوحي بالتوحيد ، (فمن كان يرجو لقاء ربه) يُلاقي الله دون أن يخاف ، (فليعمل عملاً صالحاً و لا يشرك بعبادة ربه أحداً) العمل الصالح مقرون بالتوحيد و إيه؟ مُخَلَّص و مُطهر من أي شرك ، هو ده اللي ربنا هيقبله ، طبعاً الشرك فيه الظاهر و فيه الباطن ، فيه الكبير و في الصغير ، تمام؟ فيه العلني و فيه الخفي ، و من أعاظم الشرك إيه؟ الرياء و العياذ بالله ، الشرك الخفي ، تمام؟ ، أخوف ما أخاف عليكم ، الشرك الخفي ، أخفى من دبيب النملة السوداء على الصخرة الصماء في الليلة الظلماء ، و بالتالي الشرك القلبي أو الشرك المعنوي الخفي أو شرك الأعمال الخفي ده ، أخطر على الإنسان من الشرك الإيه؟؟ الظاهر ، لأن الشرك الظاهر اللي هو أصلاً بدأ ينتشر دلوقتي في العالم و العياذ بالله ، الناس بدأت ترجع تاني لإيه؟ لعبادة الأوثان و العياذ بالله ، و تقديس الأوثان و تقديس إيه؟ التراث الوثني و العياذ بالله ، الشيطان لا يترك البشر حتى يستزلهم خطوة خطوة ، درجة درجة ، حتى يوقعهم في الشرك الذي وقع فيه أسلافهم من كفار قريش و اليونان و الرومان ، و العياذ بالله . حد عنده أي سؤال تاني؟؟؟ .


○ و أثناء تصحيح نبي الله  يوسف الثاني ﷺ لتلاوتنا ، قال لنا :

  - حد يعرف كلمة حبط يعني إيه؟؟ حبط ، أيواا ، قُطع ما أحب((أجابت رفيدة بذلك)) ، أحسنتِ ، قُطع ما أحب قطعاً غليظاً ، حَب حُب ، تمام؟ أو بُغية الراحة ، إحتياج الراحة ، باء إحتياج ، الحاء راحة ، إحتياج الراحة قُطع ، أو قُطع إيه؟ قُطعت محبته أو قُطع حُبه أو قُطع ما يُحب ، فهو إيه؟ حبط أو محبط ، بيقولك مُحبط ، مُحبَط و مُحبِط ، تمام؟؟ ف دي من تصاوير القرآن العظيمة في أصوات كلمات القرآن ، صح؟؟ شفتوا بقى إن الكلمات القرآنية ما هي إلا كائنات حية تُعبر عن نفسها من خلال أصواتها و تراكيبها إيه؟؟ الصوتية ، صح؟ لأنها لغة إلهامية ، صح؟؟ زي ما قال الإمام المهدي ﷺ ، هنفكر في كلمة صور برضو ، تمام؟؟ و ذي القرنين ، نقولهم في نهاية إيه؟ الجلسة ، يالله/هيا .
  - حد برضو يعرف كلمة فردوس معناها إيه من أصوات الكلمات؟؟ أنا هأقولكو حاجة من خلالها هتستنتجوا المعنى ، اللي في الفردوس ده بيفنى؟؟ و لا بيخلد خلود أبدي ، لا ينتهي؟؟ هاا ، يخلد طبعاً ، لأن هو/لأنه مُحسن ، اللي هم بالفردوس دول/هؤلاء خلاص ، لن يكون عليهم فناء ، فردوس أي فر من دوس عجلة الفناء ، فر من دوس عجلة الفناء ، أي أنه فر من الفناء بإحسانه و بلطف الله عز و جل أن جعله من المحسنين ، فردوس ، و كلمة فردوس دي هي كلمة مُعربة ، يعني ربنا نطقها في الإيه؟؟ باللغة العربية في القرآن و أعطاها من معاني أصوات الكلمات ، أصلها كلمة برادايس ، برادايس ، فردوس ، صح؟ بتتنطق كده؟؟ تتنطق في لغات كثيرة كده ، ربنا نطقها في القرآن فردوس أي فر من دوس عجلة الفناء ، أي فر من الفناء ، لن يفنوا ، لأن الفردوس سقفها إيه؟؟ عرش الرحمن ، دي أوصاف مجازية يعني ، خلاص؟ و اللي سقفه عرش الرحمن لا يفنى ، بل يتجدد ، تمام؟؟ ، إحنا قلنا هنفكر في صور و ذي القرنين ، إيه تاني؟؟ صح؟؟ في حاجة تانية؟؟ طيب .
  - (و نفخ في الصور) صوور ، صوور ، صور لها معنيين : صور أي الصيرورة ، الصيرورة ، المستقبل ، الشيء الذي يصير إلى شيء ، (نفخ في الصور) النفخ في الصور ، ينفخ في الصور فتقوم القيامة ، الناس تصير إلى البرزخ ، كل العالم ، (و ثم نفخ فيه أخرى) (و نفخ في الصور فجمعناهم جمعاً) يعني يكونون إلى صيرورة القيامة أو يكونون قبلها إلى صيرورة البرزخ ، صور ، كل مرحلة ربنا بينفخ فيها في الصور ، بيأمر ملاك الصور إسمه إسرافيل ، إسرافيل ، بينفخ في الصور ، حاجة مجازية إحنا مانعرفهاش ، كأنه بوق يعني ، بس إيه؟ متمثل يعني ، إسمه أصلاً في حد ذاته هو إيه؟ هاا , كون في حد ذاته ، الإسم ده صيرورة ، (نفخ في الصور) ستكون هناك صيرورة ، تمام؟ كذلك صور ((من أصوات الكلمات)) : صاد إتصال ، ور : أور : النور ، أي أن الله يُنير المرحلة التالية ، يُنير فيُكَون أو فيَكُون البرزخ ، يُنير فيَكون يوم القيامة ، يُنير فتكون الحياة ، مش في الكتاب المقدس ، ربنا كان بيقول : (كانت ظلمة ، ثم قال الله : فليكن نور ، فكان نور) ، هو ده صور ، صيرورة ، كان نور ، هذا هو معنى صور , كذلك نفخ في الصور أي في صور المبعوثين , ربنا نفخ في صورتهم يعني جلبهم لليوم الآخر أو قبلها أدى ذلك بهم لعالم البرزخ و صوره الخاصة به . يالله/هيا يا أسماء .
  - لما ربنا سبحانه و تعالى قال (فإذا جاء وعد ربي جعله دكاء) وعد ، وعد هيتحقق ، يبقى هو شمعة من شمعات فيصلة على الطريق معنونة ، أقدار مبرمة ، اللي هو إيه؟؟ خروج يأجوج و مأجوج ، (و تركنا بعضهم) هاا (يومئذ يموج في بعض) حتى إسم الفعل ده جاي/يأتي من إسمهم يأجوج و مأجوج ، و إيه؟؟ و يموج في بعض ، شايفين القرآن ، وعد ، وعد الإيه؟ التموج ده و خروج يأجوج و مأجوج ، و من كل حدب ينسلون ، (و تركنا بعضهم يومئذ يموج في بعض) كل ده إيه؟ وعد ، وعد ، (فإذا جاء وعد ربي جعله دكاء و كان وعد ربي حقا) شمعة من شمعات فيصلة على الطريق معنونة ، أقدار مبرمة ، أقدار مبرمة ، إرادة ، إرادة الله سبحانه و تعالى الكونية النافذة التي لا مفر منها ، من ضمنها إيه؟؟ كانت من علامات الساعة الكبرى ، اللي هي خروج يأجوج و مأجوج و تموجهم في الأرض ، و إيه؟ ربنا سبحانه و تعالى ينظر الناس هتتعامل إزاي مع الفتنة دي ، تمام؟ ، ذو القرنين؟؟؟ أيوا قَرَّ أي إيه؟ إطمئن ، و النون نعمة ، و قرنين يعني مضاعف ، نعمة مضاعفة اللي هي الدين و الدنيا ، ذو القرنين ، دي من معاني ذو القرنين ، يا الله/هيا يا ماما .
__
و اختتم نبي الله الجلسة المباركة بقوله المبارك :

هذا و صلِّ اللَّهم و سلم على نبينا محمد و على آله و صحبه و سلم ، سبحانك اللهم و بحمدك ، أشهد أن لا إله إلا أنت ، أستغفرك و أتوب إليك .

___

و الحمد لله رب العالمين . و صلِّ يا ربي و سلم على أنبياءك الكرام محمد و أحمد و يوسف بن المسيح صلوات تلو صلوات طيبات مباركات ، و على أنبياء عهد محمد الآتين في مستقبل قرون السنين أجمعين . آمين .🌿💙


"و خُتمت بحمد الله و فضله سورة الكهف العظيمة ، و نالت منها قلوبنا بالخيرات و العظات و البركات ، و أشارت علينا بالطاعة و الصبر و تجديد الإيمان و السؤال ، كُلٌ مِنَّا قد تعلم منها و قذف في قلبه منها نور يُثير الخشوع و الإطمئنان ، نحمد الله على يوسفنا المبارك ، نبي الزمان ، آدم زماننا و نحن به نؤمن و نُصَدِقُه بترانيم نصر الله لليوسفيين ، نحن أهل كهف زماننا ، و نحن نُعلي صوت قوة الحق ببعث يوسفنا مُخَلِصُنا ، و نحن حُجة الله على كل من سمع بدعوتنا . اللَّهم لك الحمد كما ينبغي لجلال وجهك و عظيم سلطانك ، و صلِّ يا ربي البر الحسيب و سلم على أحبابك محمد و أحمد و يوسف بن المسيح و على آلهم وصحبهم و ذريتهم أجمعين و على أنبياء عهد محمد الآتين في مستقبل قرون السنين أجمعين . آمين آمين ." 🌿🌾🌊

==========================

مفتاح الحياة

حازم :

ماشاء الله ايه الرضاء , جزاكم الله احسن الجزاء , واسبغ لكم العطاء , وبارك لنا في بعثتكم الغراء .
وجهٌ عظيم , وتفسيرٌ حكيم , بلسانِ نبيٍ كريم . قدر رأينا المفتاح بفضل الله الفتاح . والسلام على حبيبنا وطبيبنا المصلح الموعود يوسف بن المسيح عليه الصلاة والسلام اطال الله لنا في عمره وحقق له مراده .
والحمد لله رب العالمين.

 
اليوم، الساعة 5:19 م
5:19 م
لقد أرسلت
آمين يا رب العالمين , و جزاك الله عنا خير الجزاء يا حبيب اليوسفيين .

 

كهيعص

كهف / ياعين / ص

كاف هاء هي كهف

يا عين ( يا عين الحياة والحقيقة )
سيوصل ل ص وهي مرحلة الآيات والكرامات , كاف أي كافٍ يكفيك ويحميك وكافٍ أي تستغني به عن الناس ، كاف وتنبيه الهاء هو كهف الزمان وكهف المكان ,  كافٍ يحميك من العين ويعطيك عين الحياة , كهيعص هي مفتاح الحياة ,  القلم هو أبو الفنون ,  والنبوة أعظم الفنون ,  وليس معنى أن النبوة هي أعظم الفنون أنها تأتي بتكلف وتصنع بل هي موهبة وعطية من الله تزداد نضارتها عبر السنين ولا تكون إلا من خلال مفتاح الحياة كهيعص ذي الجزئين المتناوبين باستمرار , الجزء المريمي كهيع ، والجزء العيسوي ص ، جزء العفة والاعتكاف  الموصل لجزء الوصال والآيات هي حلقة متتالية ....
يوسف بن المسیح , مصر 2022/1/26 .