درس القرآن و تفسير الوجه الثالث من إبراهيم .
::::::::::::::::::::::::::::::::::::::::::::
أسماء إبراهيم :
شرح لنا سيدي و حبيبي يوسف بن المسيح ﷺ أثناء جلسة التلاوة المباركة من أحكام التلاوة ؛ من أحكام المد , ثم قام بقراءة الوجه الثالث من أوجه سورة إبراهيم ، و أجاب على أسئلتنا بهذا الوجه ، و أنهى نبي الله الحبيب الجلسة بأن صحح لنا تلاوتنا .
بدأ نبي الله جلسة التلاوة المباركة بقوله :
الحمد لله ، الحمد لله وحده ، الحمد لله وحده و الصلاة و السلام على محمد و من تبعه من أنبياء عهده و بعد ، لدينا اليوم الوجه الثالث من أوجه سورة إبراهيم ، و نبدأ بأحكام التلاوة و أحمد :
أحكام المد و نوعيه :
مد أصلي طبيعي و مد فرعي , المد الأصلي يُمد بمقدار حركتين و حروفه (الألف , الواو , الياء) , و المد الفرعي يكون بسبب الهمزة أو السكون .
أما الذي بسبب الهمزة فهو مد متصل واجب و مقداره ٤ إلى ٥ حركات , و مد منفصل جائز مقداره ٤ إلى ه حركات , و مد صلة كبرى مقداره ٤ إلى ٥ حركات جوازاً , و مد صلة صغرى مقداره حركتان وجوباً .
و بعد أحمد قال الأحكام مروان ثم رفيدة ثم أرسلان .
__
○ و ثم طلب سيدي يوسف بن المسيح ﷺ من أحمد قراءة سورة الفلق ، و صحح له قراءته .
__
و ثم تابع نبي الله يوسف الثاني ﷺ الجلسة بشرح الوجه لنا فقال :
{قَالَتْ لَهُمْ رُسُلُهُمْ إِن نَّحْنُ إِلاَّ بَشَرٌ مِّثْلُكُمْ وَلَكِنَّ اللَّهَ يَمُنُّ عَلَى مَن يَشَاء مِنْ عِبَادِهِ وَمَا كَانَ لَنَا أَن نَّأْتِيَكُم بِسُلْطَانٍ إِلاَّ بِإِذْنِ اللَّهِ وَعَلَى اللَّهِ فَلْيَتَوَكَّلِ الْمُؤْمِنُونَ} :
بداية هذا الوجه هو رد على إيه؟ إستنكار من الكفار في الوجه السابق ، عندما قالوا إيه ، قالوا للرسل إيه ، الكفار قالوا للرسل (قالوا إن إنتم إلا بشر مثلنا تريدون أن تصدونا عما كان يعبد أباؤنا فأتونا بسلطان مبين) إنتو شوية بشر زيكم زيينا ، إيه فضلكم علينا؟؟ إشمعنى إنتو؟؟ طب فرضاً إن إنتو صح و صادقين ، أعطونا كده آية مادية ، سلطان مبين؟؟ ، طب ربنا بقى رد إيه؟؟ رد على لسان الرسل ، بيحكي هنا سبحانه و تعالى على لسان الرسل ، بيدينا/يُعطينا صورة تمثيلية يعني ، بشكل عام للكلام العام لأي نبي بيقوله لقومه ، (قالت لهم رسلهم) هنا كلام عام لكل الأنبياء ، لكل الأمم ، (قالت لهم رسلهم إن نحن إلا بشر مثلكم) آآه فعلاً إحنا بشر مثلكم ، (إن نحن إلا بشر مثلكم) تأكيد يعني إن إحنا بشر مثلكم ، ده طبيعي ، إحنا بشر زيكم و جايين نعلمكم و لازم نبقى بشر زيكم عشان تقوم الحُجة عليكم ، و مايبقالكومش حجة يوم القيامة ، يقول : دول/هؤلاء كانوا ملايكة مثلاً أو كانوا ناس لهم قدرات خاصة مش زينا ، فهنقلدهم إزاي يا ربنا؟؟ ، ممكن يقولوا كده يوم القيامة ، فربنا قطع عليهم الحجة دي ، إنهم بشر زيهم زينا ، بشر عادي ، ناس عادية جداً ، بتاكل و بتشرب و تتسوق و تقضي حاجتها و كل حاجة ، طبيعي ، و يبقى عندهم بعض الثوائر النفسانية اللي بيحاولوا يسيطروا عليها ، ده طبيعي ، (إن نحن إلا بشر مثلكم) ماشي ، (و لكن الله يمن على من يشاء من عباده) ربنا بيتفضل و بيُنعم على من يختاره ، على حسب إيه؟ على حسب الحالة القلبية بتاعته ، حسب طهارة باطنه ، حسب الطهارة الداخلية ، حسب الصفاء القلبي بتاعه ، ربنا بيختاره ، لو هو بقى إيه ، شافه ، ربنا شاف الإنسان ده مستقيم في الحق ، سيف في الحق ، يقول كلمة الحق ، مُخلص ، يريد وجه الله ، حتى لو كان عنده أخطاء أو جهل ببعض الأمور ، ربنا بيصطفيه و بيعلمه بقى و بيربيه ، يبقى إيه الأساس هو إيه؟ الإخلاص القلبي و القوة في الحق ، تبقى سيف كده ، كلمة حق ، لأن النبي هو عبارة عن إيه؟ كلمة حق ، كلمة الحق دي ، كلهم كلمة حق ، ممكن ربنا يزودلهم السيف المادي لبعض الأنبياء ، و بعض الأنبياء لا ، على حسب إرادة ربنا و مُراده سبحانه و تعالى ، في المهمة النبوية دي ، في الزمان ده ، و في المكان ده ، تمام ، يبقى كل حاجة لها الأداء بتاعها ، (و لكن الله يمن على من يشاء من عباده) (يمنّ) كمان إيه من المَنّ ، المن ده نعمة عظيمة ، ربنا إداها/أعطها لبني إسرائيل ، فِطر جميل جداً ، طلع/خرج بسهولة ، ربنا رزق بني إسرائيل به عشان يتزودوا به في صحراء سيناء ، ف يمنّ من المَنّ ، كذلك (مَنّ) ميم مفاعلة ، النون نعمة مضاعفة ، المَن ، شفتوا بقى؟ ميم مفاعلة ، و المفاعلة دي ممكن تبقى بلذة إذا شكرت النعمة ، و ممكن تبقى بألم إذا إيه ، و العياذ بالله ، لم نشكر النعمة ، (مَنّ) و النون هنا مشددة ، هي نعمة مضاعفة ، شفتوا بقى (المَنّ) يعني إيه؟ ، شفتوا اللغة العربية؟ حد يعرف الكلام ده؟؟ ربنا اللي عَرَفنِي ، صح؟؟ طيب ، و ما كان لنا أن نأتيكم بسلطان إلا بإذن الله) إحنا هنا مش سحرة جايين نعمل لكم فقرات ترفيهية ، و تتبسطوا بقى ، يا سلام ، و تبقو شوية هُبل كده ، عُبط ماشيين ورا ساحر بيبسطكم بفقرات ترفيهية سخيفة زيه ، مينفعش ، النبي مش كده ، النبي مُزكي في المقام الأول ، مُزكي ، مُربي ، مُطهر ، يَخلُص و ثم يُخَلِص ، هو كده ، لأنه بشر ، (و على الله فليتوكل المؤمنون) التوكل كله على الله ، لأن المؤمن يتوكل على الله ، يعني إيه يتوكل؟ يعني يجعل الله وكيله في شؤونه ، يعني إيه؟ حسبي الله و نعم الوكيل ، ربنا حاميني و ناصرني و هو وكيلي ضد الكفار و ضد الظالمين و ضد الأشرار ، إذاً المتوكل هو إيه؟؟ هو المسلم ، يعني أسلم نفسه لله ، و فوض ربنا و وَكّله في أموره ، طبعاً هو بيقوم بالأسباب ، بس بعد كده يفوض ربنا و يوكله ، يقوله يا رب لا حول لي و لا قوة ، أنا إيه؟ ماشي طبقاً لأوامرك و مرادك يا ربي ، آآه ، بيسلم أمره لله ، يتوكل على الله ، يعني يجعل ربه أو الله سبحانه و تعالى وكيله ، وَكَلَ ، وَكَّلَ ، حد يعرف يقول الكلمة دي في أصوات الكلمات؟؟ وَكَلَ ، أَوكَل ، أَوكَلَ : الهمزة أعماق ، الواو دوي دائري منتظم ، كُل أي جميع ، جميع أمرك بدوي دائري منتظم ، بانتظام من الأعماق فوضته إلى الله أي سلمته لله ، هو ده معنى أوكل ، أو كَل ، أوكل ، تمام ، أُكِل ، يوكل وكيل .
___
{وَمَا لَنَا أَلاَّ نَتَوَكَّلَ عَلَى اللَّهِ وَقَدْ هَدَانَا سُبُلَنَا وَلَنَصْبِرَنَّ عَلَى مَا آذَيْتُمُونَا وَعَلَى اللَّهِ فَلْيَتَوَكَّلِ الْمُتَوَكِّلُونَ} :
(و ما لنا ألا نتوكل على الله و قد هدانا سبلنا) ما نتوكلش ليه على الله؟ مانوكلوهش في أمرنا ليه؟ مانفوضش أمرنا لله ليه؟ مانستسلمش لله ليه؟ ما نُسلمش لله ليه؟ ، كل ده معنى ، كل دي معاني ، (و ما لنا ألا نتوكل على الله) ليه؟ (و قد هدانا سبلنا) هدانا سبلنا ، أعطانا إيه؟ أعطانا إيه؟ النعم ، كل واحد فينا هداه للخير و للنعمة ، كذلك (و قد هدانا سبلنا) إدانا/أعطانا الإختيار التام في طرقنا اللي إحنا ماشيين فيها في الدنيا ، دي من معاني (و قد هدانا) ، (و قد هدانا سبلنا) ربنا أعطانا الإختيار التام ، ف ليه إحنا مانستسلمش له؟؟ ده المعنى ، (و لنصبرن على ما آذيتمونا) ده رد على الكفار من المؤمنين و الرسل ، هنصبر يعني هنبقى أعزاء ، لأن الصبر هو إيه؟ مفيض أو مُفاض من صفة العزيز ، تمام ، و كذلك الصبر مُفاض من صفة الصبور ، كذلك من الحليم ، كلها فيوض مختلفة لهذه الصفة ، الصبر ، إذاً الصبور هو إيه؟ حليم ، و الصبور هو إيه؟ عزيز ، عِزة ، (و لنصبرن على ما آذيتمونا) الصبر ، الصبر طيب ، و من قواعد الحكمة : الصبر ، (و على الله فليتوكل المتوكلون) مين اللي بيتوكل على الله؟؟ المسلمون ، (و على الله فليتوكل) هنا أمر و تحفيز للمؤمنين ، (و على الله فليتوكل المتوكلون) فليُسلم المسلمون ، لأن التوكل هو الإسلام التام و الإستسلام التام لله .
____
{وَقَالَ الَّذِينَ كَفَرُواْ لِرُسُلِهِمْ لَنُخْرِجَنَّكُم مِّنْ أَرْضِنَا أَوْ لَتَعُودُنَّ فِي مِلَّتِنَا فَأَوْحَى إِلَيْهِمْ رَبُّهُمْ لَنُهْلِكَنَّ الظَّالِمِينَ} :
(و قال الذين كفروا لرسلهم) تهديد بقى من الكفار للرسل ، (لنخرجنكم من أرضنا أو لتعودن في ملتنا) هنا ده قهر بقى و عدم حرية في الإعتقاد ، لو ماسمعتوش الكلام و رجعتوا للدين بتاعنا ، دين الآباء و الأجداد و الأهواء بتاعتنا اللي إحنا زَيَنَّاها و الشيطان زينها لنا ، هنخرجكم من أرضنا ، أقل حاجة ، نطردكم أو نعزلكم عنا ، مش هنتعامل معكم ، زي ما حصل في شِعب أبي طالب مع النبي ﷺ و أم المؤمنين و أصحابه ، تلات سنين محاصرين في الجبال ، في شِعب إسمه ، شِعب أبي طالب ، وادي كده وسط الجبال ، جنب مكة ، محاصرين ، منعوا عنهم الأكل و الماية/الماء و التعامل و التزاوج و التجارة ، مجرمين كفار قريش ، و التلات السنين دول كانوا سبب في ألم و تعب السيدة خديجة و أبو طالب ، الإتنين ماتوا بعدها ، في عام الحزن ، بعد فك الحصار ، نتيجة الآلام و الشدة اللي واجهوها ، تمام ، (و قال الذين كفروا لرسلهم لنخرجنكم من أرضنا أو لتعودن في ملتنا) طبعاً (أرضنا) كمان من معانيها : قوتنا و إمدادنا و مساعدتنا ، (فأوحى إليهم) يعني أوحى إلى المؤمنين ، (فأوحى إليهم ربهم لنهلكن الظالمين) ماتخافوش ، الظالم ربنا هيهلكه .
____
{وَلَنُسْكِنَنَّكُمُ الأَرْضَ مِن بَعْدِهِمْ ذَلِكَ لِمَنْ خَافَ مَقَامِي وَخَافَ وَعِيدِ} :
و بعدين؟ (و لنسكننكم الأرض من بعدهم) إنتم اللي هيبقى لكم الغلبة الدعوية ، يعني مذهبكم هو اللي هيغلب ، كده كده هيَغلب ، لأن فيه مقومات النصر ، مع الزمان هيَغلب ، مفيش حل تاني غير المذهب بتاعكم لأن هو مذهب إلهي رباني عادل ، مذهب روحاني صادق ، هو اللي هينتصر مع الوقت ، صح كده؟ طيب ، (ذلك لمن خاف مقامي و خاف وعيد) اللي هو عَمَل حساب لمقام الله عز و جل ، و عَمَل حساب للوعيد اللي ربنا هينزله على الظالمين ، و أصبح مش ظالم ، و أصبح يتجنب الظلم ، و يُقَدر مقام الله سبحانه و تعالى ، تمام كده؟ طيب .
من ضمن معاني بقى (و لنسكننكم الأرض من بعدهم) إيه؟ قلتُ لكم إيه؟ إنتشار إيه؟ مذهب الصادقين و المؤمنين و المذهب الحق ، و إندحار مذهب الشياطين ، الخوارج ، قرن الشيطان ،اللي هم مين في العصر بتاعنا ده؟ فرقة الوهابية المجرمة الخوارج ، اللي خرجوا على الدولة العثمانية ، مجرمين خبثاء ، و أذنابهم زي الدواعش الآن ، دول/هؤلاء حلهم كما قال الرسول ﷺ : الإنامة ، السيف ، و ده اللي بيحصل فيهم ، دعوتهم خلاص ، أصبحت منبوذة في العالم ، لأنها دعوة شيطانية نجسة ، تثير الفتن و القلاقل ، تُكفر المسلمين و تَستحل دماءهم ، ف هم إيه؟ قرن الشيطان ، كما أخبر الرسول ﷺ : يخرج من نجد((نجد دي وسط الجزيرة العربية ، اللي هي منطقة الرياض و اللي حواليها)) فهم طواغيت ، نحمد الله عز و جل ، طبعاً دعائي ربنا إستجابه في مقالة : الفريسيون = الوهابيون ، ربنا إستجاب الدعاء ، و شوفوا بقى حالهم عامل إيه دلوقتي ، نحمد الله ، فهنا إيه؟ ربنا أسكنا الأرض من بعدهم يعني نَصَرَنا و نَصَر مذهبنا عليهم ، و هتشوفوا .
___
{وَاسْتَفْتَحُواْ وَخَابَ كُلُّ جَبَّارٍ عَنِيدٍ} :
(و استفتحوا) مين اللي استفتح؟؟ المؤمنين ، يعني إيه استفتح؟؟ طلب الفتح من الله ، دعوة زي ما إحنا دعينا دلوقتي عليهم ، صح؟ مش كنا دعينا عليهم من كم سنة؟؟ ، (و استفتحوا) نطلب الفتح منك يا رب إنك ترفع سلطانهم من على المسلمين ، آمين ، ربنا فعل ، رينا فعل على طول ، إستجاب ، (و استفتحوا) يعني طلبوا الفتح من الله ، المؤمنين طلبوا الفتح من الله ، ده معنى استفتحوا ، و بعدين؟ (و خاب كل جبار عنيد) كل ظالم ، طاغوت ، عنيد أي قاسي النفس ، لا يخضع لكلمات الحق و للعدل ، ربنا هيجعل مصيره إيه؟ الخيبة و الخُسران ، (و خاب) ده مصير كل جبار ظالم و عنيد و متكبر ، (و خاب كل جبار عنيد) مهما انفق من أموال ، مهما شوّه من صور المؤمنين ، مهما كذب ، مهما رائا أي من الرياء ، سيخيب و سيُهزم ، هذا وعد الله ، (و خاب كل جبار عنيد) مصيره إيه؟؟ .
___
{مِّن وَرَائِهِ جَهَنَّمُ وَيُسْقَى مِن مَّاء صَدِيدٍ} :
مصيره إيه؟ (من ورائه جهنم) يعني إيه؟ جهنم قدامه/أمامه ، من ورائه دي يعني قدامه ، جاياله/آتية له ، يعني محيطة به ، مصيره ، مش إحنا قلنا حقيقة الأمر دايماً هو المصير و الخاتمة ، (من ورائه جهنم) لأن ماينفعش معه إلا جهنم ، النفوس دي ماتنفعش معها إلا جهنم ، ماينفعش معها الكلمة الطيبة ، خلاص هو مجرم خبيث ، ماينفعش معه إلا السيف ، سيف الكلمة و السيف المادي وجهنم ، (من ورائه جهنم و يسقى من ماء صديد) يشرب منين بقى؟ من صديد أهل النار ، عصارة أهل النار و صديدهم و القيح بتاعهم يعمل ماية/ماء كده ، طبعاً ده تشبيه مجازي عشان يحاول يقرب الصورة ، يقرب صورة الهوان و العذاب و الآلام التي سيلقونها في جهنم ، الماء الناتج عن صديد و قيح و عصارة أهل النار ، هي دي شرابهم ، تخيلوا بقى ، بيشربوا قذارة في جهنم ، و مضطرين مش لاقيين غيرها .
____
{يَتَجَرَّعُهُ وَلاَ يَكَادُ يُسِيغُهُ وَيَأْتِيهِ الْمَوْتُ مِن كُلِّ مَكَانٍ وَمَا هُوَ بِمَيِّتٍ وَمِن وَرَائِهِ عَذَابٌ غَلِيظٌ} :
(يتجرعه) بيشربه كده ، بيتجرعه بالراحة يعني ،ببطء ، عشان شيء مقرف يعني ، (و لا يكاد يسيغه) يعني مش مستطعمه بس بيحاول يشرب عشان يبرد على نفسه النار ، بس مش هيحصل ، ليه بقى؟ (و يأتيه الموت) بيحس بقدوم الموت عليه و هو ألم شديد ، (و يأتيه الموت من كل مكان و ما هو بميت) ربنا مايخلهوش يموت ، يفضل يتعذب ، في آية تانية إيه (كلما نضجت جلودهم بدلناهم جلوداً غيرها ليذوقوا العذاب) طبعاً ده برضو تشبيه مجازي و بلاغي عظيم ، كأن النار بتفرتك جلدهم و بيحسوا بآلام شديدة و بعد كده خلاص ، الإحساس بيروح نتيجة أن الأعصاب ماتت ، ربنا يعملهم أعصاب جديدة و جلد جديد عشان يتعذبوا تاني ، شايفين؟ آلام شديدة ، جزاء لهم ، و جزاء كِبرهم و رياءهم و أهواءهم المجرمة الشيطانية ، (يتجرعه و لا يكاد يسيغه و يأتيه الموت من كل مكان و ما هو بميت و من ورائه عذاب غليظ) ربنا بيكرر تاني ، عذاب غليظ ، عذاب شديد ، ربنا هيصفه في آخر وجه هنا في سورة إبراهيم ، عذاب شديد جداً ، (و من ورائه) يعني مُحيط به ، مستقبله كده ، مستقبله هو العذاب الغليظ .
___
{مَّثَلُ الَّذِينَ كَفَرُواْ بِرَبِّهِمْ أَعْمَالُهُمْ كَرَمَادٍ اشْتَدَّتْ بِهِ الرِّيحُ فِي يَوْمٍ عَاصِفٍ لاَّ يَقْدِرُونَ مِمَّا كَسَبُواْ عَلَى شَيْءٍ ذَلِكَ هُوَ الضَّلالُ الْبَعِيدُ} :
(مثل الذين كفروا بربهم أعمالهم كرماد اشتدت به الريح في يوم عاصف) أي كافر ، مهما عمل من خير ، فهو مصيره إلى جهنم ، فربنا شبه الامر ده بإيه؟ أعمال الكفار زي الرماد ، و تيجي ريح في يوم ، في عاصفة شديدة ، الرماد هيفضل على حاله و لا هيطير و يتبدد؟؟ هيطير و يتبدد و يُذرى ، (لا يقدرون مما كسبوا على شيء) مش هيحوزوا أي شيء مما كسبوه ، و لا هيلاقوا أي خير في الآخرة ، (ذلك هو الضلال البعيد) إن هم إيه؟ ضلوا ، ضلوا (و يحسبون أنهم يحسنون صنعاً) ، (ذلك هو الضلال البعيد) الضلال هو التشتت . ض تشتت فظ أليم ، ل علة و سببية ، آل أي مآل و مصير ، علة التشتت الفظ الأليم ، ضلال ، بعيد يعني إيه؟ في غياهب الأماكن و الأزمان ، ضلال بعيد يعني شديد ليس له مثيل ، اللي هو إيه؟ غباء الكفار ، (ذلك هو الضلال البعيد) اللي هو إيه؟ غباء الكفار ، غبي ، الكافر ده غبي ،إنت عندك حل ، إستخير ، إستخير ربنا و إسأله بكل تواضع ، خر على عتبات الله ، خر على عتبات الله عز و جل و تذلل لله و إستغفر و اطلب منه الحقيقة ، ساعتها تبقى ذكي ، ساعتها تبقى إنسان ذكي ، إن هو إيه؟ توكل على الله و استسلم و سأله ، فربنا هيُجيب ، (أمن يُجيب المضطر إذا دعاه) ربنا يلاقي إضطرار و خوف منه كده ، بيخاف ، الكافر بيخاف أهو ، و بيسأل ربنا بصدق ، ربنا هيُجيبه ، فبقى ساعتها الكافر إيه ؟ ذكي ، طيب لو تكبر يبقى إيه؟ غبي ، فالغباء هنا ربنا عبر عنه بالضلال البعيد .
• و أثناء تصحيح نبي الله الحبيب يوسف الثاني ﷺ لتلاوتنا ، قال لنا :
- ليه ربنا عبر عن الدين بالملة؟ أو الطريقة بالملة؟ زي إيه قال (ملة إبراهيم) ، ملة يعني إيه؟ ملة هي التي تملأك ، تملأك ، تجعلك إيه؟ ممتلئ ، ممكن بقى تمتليء بالخير و الروح ، و ممكن عياذاً بالله تمتليء بالشر ، (ملتنا) هنا ملة الكفار ، الشيء اللي بيجعلهم في فخر و إمتلاء كده و عزة من وجهة نظرهم ، لذلك ربنا عبر عن الطريقة و الدين بالإيه؟ بالملة ، ممكن تبقى ملة إبراهيم اللي هي ملة التوحيد ، إحنا على ملة مين؟ إبراهيم ، التوحيد ، و الكفار لهم ملة ، ملة إيه؟ الشرك و الرياء و الكفر ، فلكل واحد ملة ، أي واحد له حاجة تملاه ، تملأه ، فإما أن تمتليء بالروح و الخير ، و إما أن تمتليء عياذاً بالله بالشر و الرياء .
__
و اختتم نبي الله الجلسة المباركة بقوله المبارك :
هذا و صلِّ اللَّهم و سلم على نبينا محمد و على آله و صحبه و سلم ، سبحانك اللهم و بحمدك ، أشهد أن لا إله إلا أنت ، أستغفرك و أتوب إليك .
___
و الحمد لله رب العالمين . و صلِّ يا ربي و سلم على أنبياءك الكرام محمد و أحمد و يوسف بن المسيح صلوات تلو صلوات طيبات مباركات ، و على أنبياء عهد محمد الآتين في مستقبل قرون السنين أجمعين . آمين .🌿💙
===========================
د محمد ربيع :
نعم , المسيح الموعود هو أفضل من كل الأنبياء بعد رسول الله .
========================
آسيا :
- د.محمدربيع طنطاوي-أكد الرئيس المصري عبد الفتاح السيسي أن "القضية الأهم في البلاد هي قضية الوعي بمفهومها الشامل"، داعيا إلى "إجراء إعادة صياغة لفهم المعتقد الذي نؤمن به".وفي تصريح لقناة "صدى البلد"، قال السيسي: "أتصور أن القضية الأهم هي الوعي بمفهومها الشامل، سواء الوعي بالدين، كلنا أتولدنا والمسلم مسلم بالبطاقة، ولكن علينا إعادة صياغة فهمنا للمعتقد الذي نؤمن به، عندك استعداد تمشي بمسيرة بحث في المسار ده لتصل للحقيقية". «كلنا أتولدنا المسلم مسلم وغير المسلم غير مسلم بالبطاقة، اللي هو ورثها يعني، حد يعرف إن إحنا المفروض نعيد صياغة فهمنا للمعتقد اللي إحنا مشينا عليه؟ طب كنا صغيرين مش عارفين، طب دلوقتي كبرنا، هل فكرت ولا خايف تفكر؟ خايف تفكر في المعتقد اللي إنت ماشي عليه؟ عندك استعداد تمشي مسيرة بحث في المسار ده حتى تصل للحقيقة؟».وتابع: "أتصور أن قضية الوعي بمفهومها الشامل شيء مهم، وتكلفة الإصلاح هائلة، يدفعها المصلح، ولا يمكن أن يكون المصلح محل رضى من الآخرين حيث يتحدث عكس الطبيعة ومسار الناس، والإصلاح عمل الأنبياء والرسل".١
' xlink:href='%23b'/%3e%3cuse fill='black' filter='url(%23c)' xlink:href='%23b'/%3e%3cpath fill='white' d='M10.473 4C8.275 4 8 5.824 8 5.824S7.726 4 5.528 4c-2.114 0-2.73 2.222-2.472 3.41C3.736 10.55 8 12.75 8 12.75s4.265-2.2 4.945-5.34c.257-1.188-.36-3.41-2.472-3.41'/%3e%3c/g%3e%3c/svg%3e)
