درس القرآن و تفسير الوجه الرابع من محمد .
:::::::::::::::::::::::::::::::::::
أسماء أمة البر الحسيب :
افتتح سيدي و حبيبي يوسف بن المسيح ﷺ هذه الجلسة المباركة ، و ثم قرأ أحد أبناءه الكرام من أحكام التلاوة ، و ثم قام نبي الله الحبيب بقراءة الوجه الرابع من أوجه سورة محمد ، و استمع لأسئلتنا بهذا الوجه ، و ثم شرح لنا يوسف الثاني ﷺ هذا الوجه المبارك .
بدأ نبي الله جلسة التلاوة المباركة بقوله :
الحمد لله ، الحمد لله وحده ، الحمد لله وحده و الصلاة و السلام على محمد و من تبعه من أنبياء عهده و بعد ، لدينا اليوم الوجه الرابع من أوجه سورة محمد ، و نبدأ بأحكام التلاوة و أحمد :
المدود الخاصة و تمد بمقدار حركتين ، و هي :
- مد لين مثل بيت ، خوف .
- مد عوض مثل أبدا ، أحدا
- مد بدل مثل آدم ، آزر .
- مد الفرق مثل آلله ، آلذكرين .
______
و ثم تابع نبي الله يوسف الثاني ﷺ الجلسة بشرح الوجه لنا فقال :
{وَلَوْ نَشَاء لَأَرَيْنَاكَهُمْ فَلَعَرَفْتَهُم بِسِيمَاهُمْ وَلَتَعْرِفَنَّهُمْ فِي لَحْنِ الْقَوْلِ وَاللَّهُ يَعْلَمُ أَعْمَالَكُمْ} :
يقول تعالى : (و لو نشاء لأريناكهم) يا محمد هؤلاء المنافقين الذين سوف يُخرج الله أضغانهم في وقت من الأوقات كما قال في الوجه السابق ، (و لو نشاء لأريناكهم) أي لجعلناك تعرفهم ، و هو كان يعرفهم النبي ﷺ بوحي الله ، (و لو نشاء لأريناكهم فلعرفتهم بسيماهم) أي بمظاهر وجوههم لأن ما في القلب ينطبع على الوجه ، (و لتعرفنهم في لحن القول) أي في زلات اللسان ، و كذلك في التَجمُلات و التَصنُعات و التطبيل ، (و الله يعلم أعمالكم) يعلم إسراركم و إظهاركم ، باطنكم و ظاهركم ، فهو يعلم أعمالكم ، يعلم حقيقة أعمالكم .
_____
{وَلَنَبْلُوَنَّكُمْ حَتَّى نَعْلَمَ الْمُجَاهِدِينَ مِنكُمْ وَالصَّابِرِينَ وَنَبْلُوَ أَخْبَارَكُمْ} :
(و لنبلونكم) أي نختبرنَّكم ، (حتى نعلم المجاهدين منكم و الصابرين) لكي يتميز و يظهر منكم المجاهدون و الصابرون و الأتقياء و أصحاب المعادن النقية ، (و نَبْلُوَ أخباركم) و نَبْلُوَ ذكراكم بعد موتكم ، (و لنبلونكم حتى نعلم المجاهدين منكم و الصابرين و نَبْلُوَ أخباركم) نَبْلُوَ سيرتكم و أخباركم أي نختبرها .
_____
{إِنَّ الَّذِينَ كَفَرُوا وَصَدُّوا عَن سَبِيلِ اللَّهِ وَشَاقُّوا الرَّسُولَ مِن بَعْدِ مَا تَبَيَّنَ لَهُمُ الْهُدَى لَن يَضُرُّوا اللَّهَ شَيْئًا وَسَيُحْبِطُ أَعْمَالَهُمْ} :
(إن الذين كفروا و صدوا عن سبيل الله) كفر و لم يكفر فقط بل صد عن سبيل الله و حارب دعوة النبي ، (و شاقوا الرسول) أي نازعوه ، (من بعد ما تبين لهم الهدى) من بعد ما تبين لهم طريق الهداية و الصلاح ، (لن يضروا الله شيئاً) ربنا بيهوّن/يهوّن من أمرهم ، (لن يضروا الله شيئاً) لن يُصيبوا الله و لا النبي بضرر ، (و سيُحبط أعمالهم) أعمالهم اللي عملوها صالحة ستُحبط ، ستضل عنهم ، ستذروها الرياح ، لن توزن في ميزان الخير .
_____
{يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَلا تُبْطِلُوا أَعْمَالَكُمْ} :
(يا أيها الذين آمنوا) نصيحة للمؤمنين متكررة متجددة كل حين : (أطيعوا الله و أطيعوا الرسول) طاعة الله و طاعة الرسول هو أمر متكرر متجدد من الله سبحانه و تعالى مع كل بعثة ، (يا أيها الذين آمنوا أطيعوا الله و أطيعوا الرسول و لا تبطلوا أعمالكم) لأن عدم طاعة النبي تُبطل الأعمال ، مهما عمل الإنسان من عمل صالح إن لم يُطع النبي بَطُلَ عمله و العياذ بالله .
_____
{إِنَّ الَّذِينَ كَفَرُوا وَصَدُّوا عَن سَبِيلِ اللَّهِ ثُمَّ مَاتُوا وَهُمْ كُفَّارٌ فَلَن يَغْفِرَ اللَّهُ لَهُمْ} :
(يا أيها الذين آمنوا أطيعوا الله و أطيعوا الرسول و لا تبطلوا أعمالكم ¤ إن الذين كفروا و صدوا عن سبيل الله) كفر و صد ، أي شاقّ النبي و حارب دعوته فصد عن سبيل الله ، (ثم ماتوا و هم كفار) أي ماتوا على هذه الحالة ، (فلن يغفر الله لهم) لن يأتيهم الغفران أبداً ، بل لابد أن يُعذبوا .
_____
{فَلا تَهِنُوا وَتَدْعُوا إِلَى السَّلْمِ وَأَنتُمُ الأَعْلَوْنَ وَاللَّهُ مَعَكُمْ وَلَن يَتِرَكُمْ أَعْمَالَكُمْ} :
(فلا تهنوا و تدعوا إلى السَّلم و أنتم الأعلون و الله معكم و لن يتركم أعمالكم) أي في حالات القتال ، في حالات النصر و القتال عندما ينتصر المسلمون لابد أن يكون لهم النصر ، (فلا تهنوا و تدعوا إلى السَّلم) أي لا تدعوا إلى السَّلم حتى تتموا النصر كاملاً ، (فلا تهنوا) أي لا تذلوا بل كونوا في عزة ، (و تدعوا إلى السَّلم) أي إلى السلام ، (و أنتم الأعلون) في حالة الإنتصار ، (و الله معكم و لن يتركم أعمالكم) لن يقطع أعمالكم الخَيَّرة و لن يبترها و لن يُبطلها بل يجبرها و يزيدها على أحسن حال و على أحسن أعمالكم .
_____
{إِنَّمَا الْحَيَاةُ الدُّنْيَا لَعِبٌ وَلَهْوٌ وَإِن تُؤْمِنُوا وَتَتَّقُوا يُؤْتِكُمْ أُجُورَكُمْ وَلا يَسْأَلْكُمْ أَمْوَالَكُمْ} :
(إنما الحياة الدنيا لعب و لهو) ربنا لخص الدنيا قال إن هي/أنها عبارة عن لعب و لهو ، حقيقة الحياة الدنيا لعب و لهو ، هكذا الكفار يلعبون و يلهون في غفلة و غمرة ، في غفلة و غمرة ، (إنما الحياة الدنيا لعب و لهو و إن تؤمنوا و تتقوا) اللي/الذي يؤمن و يتقي الله عز و جل و يتقي عذاب الله سبحانه و تعالى ، يجعل بينه و بين عذابه وقاية ، هيحصل إيه؟ (يؤتكم أجوركم) الله سبحانه و تعالى يؤتكم أجوركم أي ثوابكم كاملاً يوم القيامة ، (و لا يسألكم أموالكم) لا يسألكم أموالكم اللي إنتو/أنتم وصلتوا بها يوم القيامة ، بل بالعكس سيزيدها و يُبارك فيها و يُعطيكم المزيد على أحسن أعمالكم ، هذا معنى (يؤتكم أجوركم و لا يسألكم أموالكم) أي الأموال الأخروية يعني .
_____
{إِن يَسْأَلْكُمُوهَا فَيُحْفِكُمْ تَبْخَلُوا وَيُخْرِجْ أَضْغَانَكُمْ} :
(إن يسألكموها فَيُحْفِكُمْ) يعني لما يسألكم في الدنيا فَيُحْفِكُمْ يعني يُحرجكم ، يجعلكم محرجين نتيجة سؤال الأموال في الصدقات و الزكوات و إعداد الجهاد ، (تبخلوا) المنافق يبخل في الإنفاق ، (و يُخرج أضغانكم) في تلك الأحوال تخرج الضغينة لأن حُب المال لدى المنافق أشد من حُب الخير ، و الإنسان لا يصرف المال إلا فيما هو أحب إليه من المال ، فعندما يُطلب من المنافق المال في سبيل الله هكذا يتكلم بكلام السوء فتخرج الأضغان فيُصبح أيضاً الإنفاق في سبيل الله و مواطن الإنفاق في سبيل الله من الأوقات التي تكون سبب في خروج أضغان المنافقين و بالتالي يُعرفوا للمؤمنين ، إذاً هذا حكمة من حِكم الإنفاق و مواطن الإنفاق الشرعية سواء أكانت إختيارية أو واجبة .
_____
{هَاأَنتُمْ هَؤُلاء تُدْعَوْنَ لِتُنفِقُوا فِي سَبِيلِ اللَّهِ فَمِنكُم مَّن يَبْخَلُ وَمَن يَبْخَلْ فَإِنَّمَا يَبْخَلُ عَن نَّفْسِهِ وَاللَّهُ الْغَنِيُّ وَأَنتُمُ الْفُقَرَاء وَإِن تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لا يَكُونُوا أَمْثَالَكُمْ} :
(إن يسألكموها فَيُحْفِكُمْ تَبْخَلُوا و يخرج أضغانكم ¤ هاأنتم هؤلاء تُدْعون لتنفقوا في سبيل الله) الآن تُدعون للإنفاق في سبيل الله لتنصروا النبي و دعوة النبي ، (هاأنتم هؤلاء تُدْعون لتنفقوا في سبيل الله فمنكم من يبخل) منكم المنافق اللي/الذي يبخل ، (و من يبخل فإنما يبخل عن نفسه) يبخل عن نفسه بالخير لأنه كلما أنفق كلما زادت أمواله الأخروية التي يزيدها الله و يجبرها يوم القيامة و لا يأخذها منكم و لا يسألكم أموالكم ، (هاأنتم هؤلاء تُدْعون لتنفقوا في سبيل الله فمنكم من يبخل و من يبخل فإنما يبخل عن نفسه) يبخل عن الخير الذي سوف يأتيه يوم القيامة ، (و الله الغني و أنتم الفقراء) ربنا غني مش محتاج فلوسكم/أموالكم ، لكن هو بيطلب منكم الأموال دي في سُبل الخير كي تزيدوا أعمالكم الخَيرة يوم القيامة ، (و من يبخل فإنما يبخل عن نفسه و الله الغني و أنتم الفقراء) الناس هم الفقراء إلى الله سبحانه و تعالى ، (و إن تتولوا) أي حد/أحد يتولى عن طريق النبي و عن نُصرة النبي ، النتيجة إيه؟ (يستبدل قوماً غيركم) ربنا عزيز ، اللي يتولى عن نصرة النبي ، ربنا هيُقيّض للنبي ناس تانيين ينصروه ، و رأينا ذلك بأُم أعيننا ، (و إن تتولوا يستبدل قوماً غيركم ثم لا يكونوا أمثالكم) لن يكونوا أمثال الكافرين المنافقين المُتَوَلّين عن نصرة النبي ، هذا وعد الله و الله صادق الوعد و من أصدق من الله حديثا ، حد عنده سؤال تاني؟؟ .
______
و اختتم نبي الله الجلسة المباركة بقوله المبارك :
هذا و صلِّ اللَّهم و سلم على نبينا محمد و على آله و صحبه و سلم ، سبحانك اللهم و بحمدك ، أشهد أن لا إله إلا أنت ، أستغفرك و أتوب إليك .
_______
و الحمد لله رب العالمين . و صلِّ يا ربي و سلم على أنبياءك الكرام محمد و أحمد و يوسف بن المسيح صلوات تلو صلوات طيبات مباركات ، و على أنبياء عهد محمد الآتين في مستقبل قرون السنين أجمعين . آمين .🌿💙
"و خُتمت سورة محمد ، و صلَّ الله و سلم على أنبياءه الأطهار و على من اتبع نورهم الوضاء و أطاعوا بكل صبر و حُب ، يا رباه ، ثبت قلوبنا على دينك ، آمين" .
==========================
لقد أرسلت
الحمد لله
=======================================
يوسف ابن المسيح الموعود عليه الصلاة والسلام :
ثم تكون خلافة على منهاج النبوة - ثم سكت ) جملة ثم سكت هنا ليست من قول الرسول بل من قول الراوي فلماذا اذن يستخدمها البعض في التدليل على وجوب و فرضية و حتمية استمرار عصمة الخلافة بعد المهدي .. شيء عجيب.. و الأعجب ان أبو بكر و عمر و عثمان و علي لم يكونوا معصومين و كانت لهم أخطائهم باعترافهم .. و الأكثر عجبا أن المهدي نفسه قال ( لا أدري ما تفعل جماعتي بعدي ) أرجو عدم الوقوع في الغلو لأنه مبدأ فتن النصارى . بل سددوا و قاربوا .. و ما كان معروفا عرفناه و ما كان منكرا أنكرناه . صدقوني و لن تندموا.........
قال تعالى { صراط الذين أنعمت عليهم } و المعلوم أنّ النعمة هنا هي نعمة الوحي و الوصال بالله . فهو دعاء لن نزل ندعوا به أبد الآبدين . فكيف يجرؤء شخص على أن يقلل من أهمية الوصال الموصوف بالنعمة . كون هذا الشخص محروم هذا لا يعطيه المبرر لكي يقلل من شأن معلوم . احذروا . و اعلموا أن مبدأ فتن النصارى كان في مرحلة الكهف قبل التمكين و تم تمام عوجهم و انحرافهم مع تمام القرن الثالث . فالحذر الحذر......
و اعلموا أنّه كما أنّ الروح لا تقتحم الجسد من الخارج في الجنين بل تتولد من داخل تلك النطفة فإنّ العصمة لا تتقاذف من خارج جسد الكهل بل تتولد في نفسه حتى يستوي فإذا رجع إلى ذي مِرّة هبطت عصمته و إذا تجاوز ذي مِرّة عاد لعصمته و استواءه , و نحن قد بايعنا على المعروف و المعروف هو كلام المهديّ و هو المفسر للقرآن و لكلام خير الأنام , فليكن ميزانكم كلامه و لتكن تبعيتكم له عمياء بلا تردد و الله على ما أقول شهيد , و لقد أخبرنا المهديّ في ضرورة الإمام عن كيفية استكشاف حال الوحي و بين ذلك في توضيح مرام و كذلك اسهب في حقيقة الوحي و بين في سيرة الأبدال كيف و جوب التزام العذر لهم في مقالاتهم حيث أنّ لهم أحوال مع الله . كل ذلك و أكثر أذكره لكم . بعون الله .
يقول يوسف ابن المسيح الموعود عليه الصلاة والسلام : الحمد لله وبعد نأخذ الآن حديث من أحاديث صحيح مسلم، كنا قد أخذنا البارح حديث إيه؟ صفة وضوء النبي صلى الله عليه وسلم صح ؟ تمام النهارده هنأخذ بعض السنن ، و بعض المستحبات في الوضوء ، وحنأخذ ايه ؟ فضل السواك تمام ؟ عارفين طبعا السواك ، باب استحباب إطالة الغره والتحجيل في الوضوء، يعني ايه بقى ؟ عن أبي هريرة أنَّ رسولَ اللَّهِ صلَّى اللَّهُ عليْهِ وسلَّمَ أتى المقبرة فقالَ : السَّلامُ عليكم دارَ قومٍ مؤمنينَ وإنَّا إن شاءَ اللَّهُ بِكم لاحقونَ ودِدْتُ أنَّا قدْ رَأَيْنا إخْوانَنا " وفي طبعا الروايه اخرى " السلام عليكم دار قوم المؤمنين أنتم السابقون ونحن اللاحقون نسأل الله لنا ولكم العافية " تمام ده دعاء دخول المقابر تمام ؟ تخش المقبره تمام ؟ أو تروح تزور الأموات مثلا تقول الدعاء ده سواء كانوا رجالا أو نساءا ، ويجوز للنساء زياره المقابر طبعا ، جائز طيب نقول ثاني عن ابي هريره أنَّ رسولَ اللَّهِ صلَّى اللَّهُ عليْهِ وسلَّمَ أتى المقبرة فقالَ : السَّلامُ عليكم دارَ قومٍ مؤمنينَ وإنَّا إن شاءَ اللَّهُ بِكم لاحقونَ " "نسأل الله لنا ولكم العافية" دي في الرواية أخرى مش موجودة في الرواية دي ، بيقول ايه: ودِدْتُ أنَّا قدْ رَأَيْنا إخْوانَنا قالوا: أوَلَسْنا إخْوانَكَ؟ يا رَسولَ اللهِ،(( هو قاعد مع الصحابة يقول إيه؟ وددت لو شفت اخواني)) قالَ: أنتُمْ أصْحابِي وإخْوانُنا الَّذِينَ لَمْ يَأْتُوا بَعْدُ (( ناس جاية بعدينا )) فقالوا: كيفَ تَعْرِفُ مَن لَمْ يَأْتِ بَعْدُ مِن أُمَّتِكَ يا رَسولَ اللهِ ؟ فقالَ: أرَأَيْتَ لو أنَّ رَجُلًا له خَيْلٌ غُرٌّ مُحَجَّلَةٌ بيْنَ ظَهْرَيْ خَيْلٍ دُهْمٍ بُهْمٍ (( يعني إيه؟ حصان أسود كامل أو بني كامل ، مش فيه حتة بيضة خالص ، وفيه أحصنة ثانية فيه غرة يعني في جبينها كده فيه إيه؟ علامات بيض ، فيه أحصنة كده اهي الأحصنة اللي فيها علامات بيضة دى هم دول /هؤلاء الايه ؟ الغر تمام ؟ غر محجلة )) ألا يَعْرِفُ خَيْلَهُ؟ قالوا: بَلَى يا رَسولَ اللهِ، قالَ: فإنَّهُمْ يَأْتُونَ غُرًّا مُحَجَّلِينَ مِنَ الوُضُوءِ، وأنا فَرَطُهُمْ علَى الحَوْضِ (( يعني علاماتهم يوم القيامة احباب رسول الله صلى الله عليه وسلم اللي هم من بعدو اللي هم من كثرة الوضوء ومن كثرة اسباغ الوضوء تمام يجي يوم القيامة كأن في وجهه غرة وفي أقدامهم وفي أيديهم غرة محجلة زي الحصان اللي فيه علامة بيضة في وجهه وفي أيديه ورجله ده إسمه إيه؟ الحصان الغر المحجل تمام ؟ طيب )) فإنَّهُمْ يَأْتُونَ غُرًّا مُحَجَّلِينَ مِنَ الوُضُوءِ، وأنا فَرَطُهُمْ علَى الحَوْضِ (( الحوض اللي هو إيه؟ حوض الكوثر ده حوض خاص بالنبي صلى الله عليه وسلم في يوم القيامة بيسقي منه إيه؟ أتباعه خلاص ؟ يسقي منه إيه؟ أتباعه، حيسقي منه ايه ؟الصحابة ، وفيه بعض الصحابة مش حيشربوا منه اللي هم خالفوا أمر النبي صلى الله عليه وسلم بعد وفاته وعصوه تمام ؟ ولم يحسنوا إلى آل بيته ، فيه بعض الصحابة لم يحسنوا إلى آل البيت معروفين في درس تاني كده بتقول إيه حصل ؟ تمام وفيه كتاب خاص بالمسيح الموعود اسمه سر الخلافة يتكلم عن موضوع الاول تمام ؟ طبعا إحنا نعتقد بكل الصحابة طبعا إيه؟ مؤمنين لكن منهم عصاة ، في بعض الصحابة عصاة عصوا النبي في حياة النبي وبعد وفاته ، وفيه الصحابة لم يحسنوا إلى آل بيت النبي صلى الله عليه وسلم تمام؟ وتابعين كذلك بعض التابعين لم يحسنوا الى آل بيت النبي صلى الله عليه وسلم طيب يقول إيه ؟ فإنَّهُمْ يَأْتُونَ غُرًّا مُحَجَّلِينَ مِنَ الوُضُوءِ، وأنا فَرَطُهُمْ علَى الحَوْضِ فَرَطُهُمْ علَى الحَوْضِ ..يشربهم فلا لَيُذادَنَّ رِجالٌ عن حَوْضِي كما يُذادُ البَعِيرُ الضَّالُّ أُنادِيهِمْ ألا هَلُمَّ فيُقالُ: إنَّهُمْ قدْ بَدَّلُوا بَعْدَكَ فأقُولُ سُحْقًا سُحْقًا.
يا فلسطين ... يا فلسطين ... احنا كمان محتلين /ندوة علاء الأسواني
=================
مساء الخير وأهلا وسهلا بالندوة ، بكم في الندوة الأسبوعية، طبعا مش ممكن نتكلم عن أي موضوع غير اللي بيحصل في غزة ، يعني قلوبنا ودعمنا كاملا مع أهالينا في غزة الذين يتعرضون إلى واحدة من أسوأ المذابح منذ قرون، كل اللي ارتكبتو إسرائيل هو جرائم حرب ، من أول ما وزير الدفاع قال دول حيوانات شيء يعني مقزز جدا ، وبيوصف شعب بانو حيوانات ، وبيقول حنقطع مية والنور والكهرباء و الوقود كل دي جرائم حرب ، بالإضافة بقى لقتل المدنيين وبالإضافة لتدمير المستشفيات ، هدم البيوت على رؤوس سكانها كل دي جرائم حرب إلى أن اتضحت الصورة أن نحن أمام( genocide ) genocide يعني تطهير عرقي يعني فيه قرار متاتخذ أنو يقتل أكبر قدر من الفلسطنيين، وبيعمل أشياء أنو هو يقولهم انزلوا الجنوب عشان تبقوا في أمان، وبعدين وهم نازلين يتم قصفهم، عربيات الإسعاف بيتم قصفها كلام ده كلنا شفناه، وشيء يعني محزن جدا جدا ، واللي يمكن بيخلينا يعني عندنا الم أكبر أن إحنا اللي نقدر نعملوا لمساعدة أهالينا في غزة ، قليل جدا وحنتكلم في هذا الموضوع ، فيه شيء ايجابي وسط هذه الأحزان أن هناك تعاطف دولي مع القضية الفلسطينية غير مسبوقة ، غير مسبوقة ، في كل مكان في العالم ، يعني التركيبة بتاعة سيطرة إسرائيل على الإعلام وعلى السياسة في العالم الحقيقة بتختل وبتترنح بشدة والمعادلة بتتغير، واحنا شفنا قد إيه؟ مئات الألوف من الناس في كل مكان بتدعم القضية الفلسطينية والشعب الفلسطيني، في وسط هذه المأساة انا رأيي أنو احنا من واجبنا أنو احنا نفكر يعني مانخليش الغضب بتاعنا يمنعمنا عن التفكير، انا حاطرح ثلاث أفكار، الأفكار دي ممكن زي كل الأفكار اللي بنطرحها في الندوة ، ممكن بعض الأصدقاء يختلفون معي حولين هذه الأفكار ولكن كل ما أطلبه من حضرتكم أنو انتو تفكروا في الأفكار اللي بنطرحها، أول فكرة : هل نحن في عداء مع اليهود يعني هل نحن في عداء مع اليهود أم أم أننا نعادي سياسات إسرائيل الإجرامية؟ ربما بعض الناس تقول ده حاجة واحدة ، لاء هي مش حاجة واحدة خالص ، يعني لا يجوز أن نكون في عداء مع اليهود عموما على الإطلاق، لانو لا يجوز أن نكون في عداء مع ديانة معينة ، اليهودية دي ديانة ، اليهودية دي ديانة ، ماينفعش نبقى ضد اليهود، نبقى ضد جرائم إسرائيل، ما احناش ضد اليهود ، ما احناش ضد اليهود وطبعا ده لاسباب كثيره أولا: لا يجوز انك تبقى ضد ديانة أي ديانة، ثانيا: ان احنا بنمكن اسرائيل من الإستمرار لما نقول إحنا في عداء مع اليهود ، الحقيقة أن إسرائيل بتستعمل هذا السلاح منذ فترة طويلة ، ايه هو السلاح ؟ اللي انت لو وجهت النقد لإسرائيل وطبعا الكلام ده للعايشين في الغرب ، اللي موجودين في مصر يمكن على حماسهم ما تبقاش الصوره دي واضحة قوي، إنما كل من يعيش في الغرب أو عاش في الغرب يعلم تماما ما أقوله ، انك لو توجهت بأي نقد للسياسه الإسرائيلية فالاتهام جائز انك معادي للساميه anti-Sematic أنت يعني انت ضد اليهود مع إن أنا مش ضد اليهود ، بس ضد إسرائيل اللي بتعملو ، جرائم إسرائيل بترتكبها الآن، طبعا ده ملايين الناس زيي , إنما الإتهام يظهر للقائمة، أنا بقول ليه كده ؟ لأن البعض للأسف أنا بتابع طبعا ، بعض الشيوخ اللي هم يعني يرددون كلاما الحقيقه يعني في منتهى السخافة بصراحة ، يعني طلع شيوخ مسلمين بيقولوا إحنا بنحارب اليهود ،و قصص بقى إن إحنا حنفضل نحارب اليهود وهذا الكلام ، الفيديوهات دي بتتاخذ وبتعملها ترجمة عبري وانجليزي، وبتستعمل في الدعاية ضد القضية الفلسطينية، وإحنا في لحظة تحول نوعي ، في فهم العالم كلو للقضية الفلسطينية، أظن أن هذا الدعم للقضية الفلسطينية لم يحدث من قبل قط ، فيجب أن نكون واضحين ، لا يجوز ان إحنا وما عتقدش إن فيه حد ضد ديانة اليهودية ما فيش كده ، التاريخ بيقول أن اليهود زي ما قلت قبل كده ، لم يتم اضطهادهم في العالم العربي إطلاقا ، اليهود تم اضطهادهم في الغرب لأسباب دينية في المقام الأول ،كان عندنا يهود زي ما قلت وكررت ، كان عندنا يهود مشاركون في مصر في الحياة العامة من أول السينما والمسرح والبرلمان والثورة ضد بريطانيا كل ده اليهود اشتركوا فيه لأن هم كانوا ، كانوا مصريين حدث أنهم يهود يعني ما كانش تعريفهم على أنهم يهود ، وبالتالي لا يجوز إطلاقا أن نخلط بين رافضين لجرائم اسرائيل وان احنا نعادي أصحاب ديانه معينه ، طبعا بالاضافه ان لازم نفهم ان عدد اليهود في العالم 15,7 مليون دول/ هؤلاء في العالم كلو ، منهم 7,2مليون في إسرائيل بس ، يعني فيه أكثر من نصف اليهود مش موجودين في إسرائيل ، اذا اضفنا كدا انو اليهود في أمريكا 6,3 مليون، يعني تقريبا عدد اليهود الموجودين في الولايات المتحده يقارب عدد اليهود الموجودين في اسرائيل ، المعلومات دي لازم يبقى عارفينها، هناك أيضا شخصيات عامة يهودية كثيرة جدا تناصر القضية الفلسطينية ، يعني ده مهم قوي/ جدا أن احنا نعرفو، يعني انا حقول أربع أسامي بسرعة كده ، أستاذ جامعي شريف جدا في أمريكا اسمه Norman Finkelstein ده مشهور جدا بمناصرة القضيه الفلسطينيه ومعارضتو للسياسات الإسرائيلية وللاحتلال الإسرائيلي ، Bruno kreisky كان مستشار النمسا ، مستشار النمسا يعني زي رئيس وزراء النمسا، ويهودي وكان مشهورا برفضو لكل السياسات الإسرائيلية ، Noam Chomsky المفكر الكبير معروف بموقفو الحاد ضد الإحتلال الإسرائيلي وضد الدعم الأمريكي لإسرائيل ،Bernie Sanders ده موجود ومشهور جدا أحد أقطاب الحزب الديمقراطي الامريكي وهو يهودي وهو يرفض كل سياسات إسرائيل، بالإضافه إلى أن يعني دول/ هؤلاء أربعة كده فيه كثير جدا ، إحنا شفنا مظاهرات اليهود الأمريكيين ضد المذبحة بتاعة غزة ، يعني شفنا مظاهرات كبيرة من اليهود الأمريكيين حوالي ثلاث أو أربعة مظاهرات منهم مظاهرة قفلوا المحطة الرئيسية للقطر في نيويورك ومظاهرة أخرى راحوا للكونجرس وفضلوا قاعدين علشان كانوا رافعين شعارات المذبحة ، أوقفوا المذبحة، أو المذبحة لا تتم باسمي ، يعني انا يهودي أمريكي أرفض هذه المذبحة، فعلينا أن نكون واضحين أننا مع أنفسنا أولا، أننا نرفض جرائم إسرائيل، بينما نحن لسنا في حالة عداء مع اليهود ، أو مع الديانة اليهودية . النقطة الثانية: وطبعا دي متكررة جدا في الخطاب الإسلامي السياسي للأسف، اللي هو يعني خطاب منعزل عن الواقع هل الغرب يعادي الاسلام ؟ طبعا دي فكره شائعة جدا في أوساط الجماعات الإسلامي السياسي من أول بقى تنظيم القاعده لداعش اللي هو فيه فسطاط الإيمان وفسطاط الكفر ، وطبعا كل غير المسلمين في فسطاط الكفر ، ولازم نحاربهم، طبعا ده داعش وقاعده ، بس الحقيقة أن بقية جماعات الاسلام السياسي ليست بعيدة عن هذه الفكرة ، يعني ولا الإخوان مسلمين بعيدين ولا السلفيين ولا الوهابيين، فكرة أن الغرب يعادي الإسلام، الحقيقة هل الغرب يعادي الإسلام؟ السؤال غلط أصلا، السؤال أصلا غلط ، لأن الغرب مش حاجة واحدة ، يعني زي ده ما تقول مثلا : هل المسلمون مثلا يفتقرون إلى النظافة الشخصية ؟ سؤال غبي جدا لأن المسلمون دول / هؤلاء يعني ملايين الملايين فماتقدرش تعمم إذا كان هم نظاف كلهم ولا مش نظاف كلهم. نفس الموضوع الغرب ليس شيء واحد يعني الغرب أولا فيه حكومات غربيه والحكومات الغربيه اليمينية بالذات هي حكومات استعمارية، ودي شفناها في المذبحة اللي حاصلة دلوقتي أن بعض الحكومات الغربية كشفت عن وجهها الإستعماري ، الإستعمار يعني إيه؟ يعني انت الشعوب التي يتم استعمارها بلا قيمة ، حياتها بلا قيمة ، يعني هذا ليس جديدا، يعني تقديم فكرة أن بعض الدول أو بعض الحكومات الغربية بتدعم إسرائيل في المذبحة على أنو الغرب يعادي الإسلام ، الحقيقة ده غير صحيح خالص ، دي يعني ارجو لمن يعني يفكر بهذه الطريقة أنو يخش على غوغل ويكتب " مذابح الإستعمار الفرنسي" أو " مذابح الإستعمار البريطاني" وحيجد ليستا قائمه طويله بجرائم الإستعمار البريطاني ، سواء في الهند أو في مصر وجرائم الإستعمار الفرنسي بالذات في الجزائر ، وبالتالي فكرة الإستعمار أن هناك بعض الدول أو الحكومات اللي هي استعمارية، ده لا يعني أن الغرب ضد الإسلام لأن الغرب ليس فقط هذه الحكومات ، الغرب فيه حكومات، وفيه رأي العام ، وفيه جامعات ، وفيه مثقفون ، وفيه إعلام ، وفيه جمعيات غير الحكوميه ، زي مثلاAmnesty internationale و زي .... وبالتالي ده تعميم غلط جدا ، وبنشوف النهارده انو مئات الألوف من الناس بتنزل في الشارع ، ضد المذبحة اللي عملاها إسرائيل، طب ما دول/ هؤلاء غربيين ، يعني لو رحت مثلا وزارة من الوزارات اللي بتطالب بوقف إطلاق النار وإيقاف المذبحة، حتجد أن المشاركون في المظاهرة ، البيض اللي احنا بنقول عنهم خواجات ربما يكونوا أكثر من اللي أصلهم عربي أو المسلمين ، وبالتالي الفكرة دي فكرة غلط ، هم الحكومات الاستعمارية لا هي يهمها الحقيقة و لا الإسلام ولا المسيحية ولا اليهودية ، ولا يهمها أي حاجة، هي مهتمية بالارباح ، بالفلوس ، اللي يجيب لها الفلوس حتبقى معايا ، وعندنا نماذج ، يعني السعودية هي أكبر حليف للولايات المتحدة من سنة من عقود طويلة ، طب السعودية دي بتقدم نفسها على أنها يعني قائدة الإسلام السني ولا يفرق مع أمريكا خالص ،ولو السعودية تحولت للمذهب الشيعي ، طالما البترول شغال و فيه فلوس كثيرة وشركات الأمريكان بتاعة البترول بتكسب وبتشتغل ، وفيه استثمارات سعودية موجوده في أمريكا ، ولا يفرق معها الحكومات الغربية خالص أنت ايه مليتك ولا دينك، كل دي أوهام عملها الإسلام السياسي للأسف وعشناها ، وبعض الناس صدقتها ، وبالتالي الغرب ليس شيئا واحدا ، الغرب حاجات كثيره ومؤسسات كثيرة ، و هناك حكومات يمنية استعمارية زي ما كانت دائما موجوده ، إنما ده لا يعني أن هناك على الغرب عموما عدوا لنا ، فرنسا زي ما قلت لحضرتكم الإستعمار الفرنساوي ارتكب جرائم ومذابح في حق إخواننا الجزائريين ، بس ده لم يمنع طه حسين ومئات المصريين أنهم يروحوا من ضمنهم شاكر الأصغر الحالي بالمناسبة يروحوا يتعلموا في Sorbonne وياخذوا دكتوراه ويرجعوا ينشرون الثقافة و ينشرون العلم نفس الموضوع في بريطانيا ، بريطانيا ناس كثيره جدا أثناء الإحتلال البريطاني كانت بتروح تتعلم في oxford في cambridge وترجع تفيد مصر, المشكله هنا أن الإستعمار والثقافة والعلم والنموذج الديمقراطي جميعا يأتون من مكان واحد ، يعني الاستعمار والثقافه والعلم والنموذج الديمقراطي بيجوا من حته واحدة، اللي عرف يحل هذه المعادلة لأول مرة هو حزب الوفد، ليه حزب الوفد ؟ طبعا ده مالوش علاقة بحزب الوفد بتاع السيد يمامة اللي موجود دلوقتي ، أنا بتكلم عن حزب الوفد التاريخي اللي تكون في ثورة 19 ، لانو كان يقود الكفاح ضد الإستعمار البريطاني، وفي نفس الوقت كان يتخذ الديمقراطية البريطانية كنموذج ، عايز تبقى مصر ديمقراطية زي بريطانيا، وهو يفهم تماما أن بريطانيا اللي بتقدم النموذج الديمقراطي عندها استعمار بيحتل بلادنا، ولم تختل أمامو المفاهيم ، يعني لا قال والله الإستعمار حاجة عظيمة لأنو جاي من بريطانيا العظيمة الديمقراطية، ولا قال لا انا حرفض الديمقراطية لأنها جاية من عند الإستعمار، دي نقطة مهمة جدا أن حزب الوفد إستطاع أن يعمل هذا التمييز بين الإستعمار وقيم الحضارة الغربية، وقاد كثيرون من قادة حزب الوفد متعلمين في بريطانيا ، كثيرون من قادة حزب الوفد متعلمين في بريطانيا يعني بيروح يتعلم في oxford وفيcambridge ويرجع يقود النضال ضد الإستعمار البريطاني ، فلابد أن نميز ، لأن ده موضوع مهم جدا يعني ويستعمل ضدنا، ارجع لاعلام السيساوي دلوقتي/الآن للأسف يعني ، هتلاقي الخطاب مش هي دي الديمقراطيه؟ مش هي دي حقوق الانسان اللي وجعته دماغنا بها ؟ مش هي ؟ هذا الكلام خبيث وهيستعمل ضدنا ليه ؟ لأنو بعد كده حيقولك ما أنت شفت لما يطلع تقرير بالانتهاكات الجسيمة اللي بيعملها النظام السيسي ضد الأبرياء في السجون حنقولك أنت لسا بتتكلم على حقوق الإنسان متشوف اللي حصل، لاء يا فندم انت دي حكومات استعمارية زي الإستعمار اللي قبل كده ولكن نظام الرأي العام زي ما احنا شايفيين ينااصر أي قضية عادلة ، وتضل حقوق الإنسان مكفولة ، وتضل الديمقراطية هي الحل الحقيقي للحضيض الذي وصلنا إليه بسبب الحكم العسكري ، طيب . حنشوف مجرد نمودج ازاي اللي احنا بنعملوا كمصريين، أنا بتكلم عن مصر منتهى الإخلاص للقضية الفلسطينية يعني الناس متضايقة فعلا ، و الناس نفسها تعمل حاجة ، ولكن خلينا نسأل هل الغرض من موقف اللي عايزين ناخذو تضامنا مع فلسطين، هل الغرض منو تغيير الواقع أم تسجيل الموقف ، دي نقطة مهمة يعني انت عايز أو انا عايز ننزل مظاهرة تضامنا مع أهلنا في غزة ، عشان نسجل أن احنا نزلنا المظاهرة، ولا المظاهرة دي ممكن تغير أو تدفع أو تضغط على صانع القرار اللي هو في مصر رئيس الجمهورية، الحقيقة في النضم الديمقراطية التضامن والمواقف العامة بتؤدي لتغير القرار ، يعني بتؤدي لما تنزل المظاهرات الكثيرة أوي / جدا ، وبتضغط على أعضاء البرلمان اللي بيمثلونك ، وهم يضغطوا على الحكومة ، الحكومة في الغالب في دول الغربية حتغير موقفها طبقا للرأي العام ، في الدول الديكتاتورية زينا ، انت انا آسف يعني ، بس هو ده الواقع وأنا طبعا ضمن الوضع اللي حقول عليه يعني ، المواطن أو رأي المواطن أو رغبة المواطن بلا قيمة ، أنت وأنا والناس كلها في مصر بلا قيمة عند صانع القرار، ملكش اي يعني هو لما السيسي حب يعمل المظاهرات نزل المظاهرات علشان تعمل تفاوض تفوض السيسي و تقول ده رئيسنا وبتاع كان غرضو انو يدي الرسالة للغرب علشان ما يضغطوش عليه ، يعني كان ليه غرض ، لما بعض الشبان في المظاهرات قالوا عش حرية عدالة اجتماعية .. الثورة اتقبض عليهم ، بعد كده ما فيش مظاهرات خالص نهائيا ، يعني ألا يستوقفنا أنو يبقى فيه مظاهرة في واشنطن 350 الف واحد وفي لندن 350 الف واحد و مافيش مظاهرة في مصر خالص ! نهائيا ! لأنك ممنوع من المظاهرة ليه ؟ لأن أنت النظام يعتبرك بلا قيمة، طيب احنا شايفين انو معبر رفح ده في بلدنا مش في إسرائيل، في بلدنا وعندنا اثنين مليون ونصف بني آدم من أهلنا مقطوع عليهم الميه والأكل والكهرباء وكل شيء ، وبينضربوا وبيتم قصفهم باجرام . طيب ما نفتح معبر رفح و ندخل مساعدات ، ندخل دكاترة حيتقصفوا ، إسرائيل تقصفهم يعني هم حيتحملوا ده اللي حيخش يساعد الفلسطنيين عارف أنو ممكن يموت ، وانا لا أشك أن مئات الألوف من المصريين يخشوا عارفين انهم حيموتوا، بس انت المعبر مابيتفتحش، طب حد يقول لك معبر ما يتفتحش ليه؟ فيه إشاعات ان مصر ماضية سنه 2005 اتفاقيه اسمها اتفاقيه "فيلادلفيا" واتفاقيه دي تخلي مصر غير مسيطره على معبر إلا بعد استئذان إسرائيل، طب حد سالنا قلنا الإتفاقية دي نمضيها ولا لاء ؟ طب مجلس الشعب ناقش الإتفاقية؟ حد قال لنا أي حاجة ما حدش قال لنا اي حاجة؟ لأن إحنا في نظر من يحكمنا بلا قيمه ، خالص ، ولا لك اي، عز ما أنت عايز ، وأنا هقبض عليك وحارميك في السجن اربع خمس سنين بس ، هو ده اللي في دماغو ، وبالتالي الفكرة بتاعت أن الرأي العام يضغط على صانع القرار مش موجودة عندنا ، لأنها محتاجة نظام ديمقراطي ، علشان تبقى موجوده ، هي مش موجوده عندنا ، وبالتالي بقى ده يقودنا لنقطة ثانية ، اللي هو الذي يعني يرددو ملايين العرب يعني بإخلاص يعني وبحزن ، أين حكام العرب ؟ طب إحنا سمعنا الكلام ده كثير جدا ، الحكام بتوعنا فين؟ و فيه أغاني عن الحكاية يعني أغاني على وين الحكام ؟ حاجات زي كده ، و اللي بيسال سؤال ده فين الحاكم ؟ في انتظار حاكم عربي قوي يحارب إسرائيل ويفتح ويبقى قوي ويبقى بيناصر القضية وكلام ده ، فكرة انتظار البطل يعني فكرة انتظار البطل ، لدرجة أن الناس من أول العقليه بتاعتنا ، اللي انا طبعا أنتمي ليها يعني مش يعني أنا بس انا بقول فكرة ، أن العقلية بتاعتنا بتنتظر البطل ، لدرجة لما ما بيجيش البطل هو ما جناش بطل اساسا يعني ، بيجيبوا ديكتاتور ويعملوه بطل ، يعني فيه ناس دلوقتي حالا ، دلوقتي بيقولوا فين صدام حسين؟ مع أن صدام حسين ما عملش أي حاجة؟ يعني صدام حسين ده لما ضرب الشعب العراقي بالأسلحة الكيماوية، يعني مش عارف إنما احنا عايزين بطل، وبالتالي طبعا كل الحكام دول مش حينفع يعني ما بيعملوش اي حاجه ، طب ممكن نفهم الحكاية دي ؟ يعني ممكن نفهم يعني الحكام العرب في منتهى العجز أمام القوه الكبرى وأمام إسرائيل، عندنا تفسيرين يا إما هم نفسهم شخصيتهم ضعيفة كلها ، يعني المشكلة أنو فلان وفلان حكام عرب شخصيتهم مهزوزة وضعيفة ، يا إما فيه حاجة ثانية ، الحقيقة أن شخصيتهم مش مهزوزه على شعوبهم، يعني هي شخصيتهم بتبقى مهزوزه على القوى الكبرى على أمريكا على إسرائيل، طبعا باعتبار أن أمريكا هي اللي بتدعم إسرائيل انما لما بيجي بيتعمل مع شعبة بيتعمل بمنتهى القسوة ، ما فيش رحمة مع الشعب بتاعو، يعني سموم و وضرب واعتقالات و تعذيب وخراب بيوت وتكسير وهدم بيوت زي اللي بتعملوا إسرائيل اتعامل في سيناء ضد مواطنين مصريين ، بواسطة السلطات المصرية طيب . يبقى أنتم مش موضوع ان احنا عندنا مشكلة في أن شخصياتهم ضعيفة ، طب هم ليه مهزوزين قدام امريكا وكده و قدام إسرائيل و قدام القوى؟ الإجابة: طريقه الوصول إلى السلطه تحدد سلوك الحاكم ، دي نقطة مهمة جدا عشان ما نقعدش نستنى البطل ، لسبب بسيط ، البطل مش حيجي أبدا ، ليه ؟ لأن الموضوع مش أنا عايز حد شخصيتو قوية لأن كل الحكام دول/ هؤلاء مجرمين على شعوبهم ، لاء ، طريقة الوصول إلى السلطة تحدد سلوك الحاكم، ذي قاعدة ذهبية ، يعني يعني حضرتك حاكم منتخب ، منتخب أنت أملك إرضاء الآخرين، املك يعني إحنا شفنا بايدن ، بايدن طبعا في أسوء يعني شعبية دي نتيجة لموقفو الداعم لهذه المذبحة، و بعدين المشكلة انتقلت من بايدن للحزب الديمقراطي ، أن الناس العرب والمسلمين اللي هم تقليديا يصوتون للحزب الديمقراطي اعلنواعن طريق جمعياتهم أنهم مش حيصوتوا ، وبالتالي كان لا بد من إصلاح هذا الموضوع ، مع خضوع الكامل طبعا للوبي المناصر لإسرائيل، إنما كده الحزب بيتأثر فالسيدة نائبة بايدن السيدة "كامالا هاريس" طلعت وقالت احنا بنعمل مبادرة ضد اسلامفوبيا عشان ندعم مسلمين الأمريكان، وبعدين فجأة طلع أوباما بكل ما هو ما يملكه من كاريزما و شعبية عشان يعدل الكفة، فعمل اللقاء في شيكاغو، وتكلم فيه عن أن اللي بيحصل في إسرائيل يعني حاول أن يقدم رؤية متوازنة، طيب . طبعا الصوت العربي أو المسلم في أمريكا ليس حاسما ، ولكن لا يمكن تجاهله في نفس الوقت ، وده بفضل شباب عظيم جدا اللي هم الجيل الثاني للمهاجرين ، اللي هم أمريكان وتعلموا كويس ، فبقى قدرتهم على طرح القضية العربية والقضية الفلسطينية أقوى من جيل الآباء اللي هم هجروا من العالم العربي ، أو من مصر لأمريكا، طيب . بالاضافه طبعا لسوشيال ميديا ، لأن السوشيال ميديال دي عملت فرق كبير جدا لانو خلت الإعلام التقليدي عاجزا عن التضليل، يعني الإعلام التقليدي ممكن يضلك ويقول لك حاجة، أنت بتفتح التليفون يجيلك على طول 400 صورة عن الحقيقة، يبقى طريقة الوصول إلى السلطة تحدد سلوك الحاكم ، يبقى المشكلة مش السيسي ولا ابن سلمان ولا أمير الكويت أنهم شخصيتهم ضعيفة و خايفين من إسرائيل لاء ، هو غير منتخب ، وبالتالي ما يهموش رأي الناس ، هو يهمو أنو يفضل في الكرسي يفضل في السلطة وهو يعلم قبل كده ، أن تحدي الولايات المتحدة أدى بأن حكام يتم انتزاعهم من السلطة، وبالتالي كل ما هو ميخشش في صدام مع القوى الكبرى ، عشان يحافظ على الكرسي ، بينما المنتخب يعني هو الحكام دول/هؤلاء بيشتغلوا عند أمريكا وإسرائيل عمليا ، الحاكم المنتخب بيشتغل عندنا إحنا اللي بنشغلو ، وبالتالي حيسمع الكلام ده ، وبالتالي عندما يبقى عندنا رأي عام حنفرضو على صانع القرار ، إنما إحنا الحقيقة ما عندناش لأن إحنا عايشين في الدكتاتورية وهي أسوء طبعا من الديكتاتورية العسكرية منذ 52. بنعمل إيه؟ بقى ودي نقطة أرجو أن يتسع يعني صدر حضرتكم ليها ، إن إحنا بنعمل إستبدال، يعني بدل احنا مشكلتنا وصراعنا يجب أن يكون ضد النظام السيسي، وهتاف فيه هتاف كان عظيم انا عملتو عنوان هذه الندوة " يا فلسطين..يا فلسطين..احنا كمان محتلين " في منتهى العمق " يا فلسطين..يا فلسطين" يعني ده حب لفلسطين اهو إنما بيقول الحقيقة "احنا كمان محتلين " احنا تحت الإحتلال أيضا، وبالتالي صراعك الحقيقي هو مع الديكتاتورية ، طبعا الناس لها أسباب كثيرة متنوعة لا تخوض هذا الصراع وبتؤجله تقوم تعمل إيه بقى ؟ السوشيال ميديا و التليفزيون والإعلام وطبعا الإعلام السياسوي بيستعمل الحكاية دي لأنها بتلهي الناس بنفضل بقى إيه؟ الناس تخبط في بعض ، ده فيه ممثل اعتذر وقال مش عارف إيه؟ ومالو موقف محترم وبتاع، بس ايه ؟ واحد ثاني قال لاء انا اروح امثل وكده ، وواحدة قالت انا حاعمل تبرعات لغزة ، ونقعداحنا نقول إيه بقى ؟ لاء ده ده أكثر وطنية من ده ، ده ده لازم نقاطعو وده مش عارف إيه؟ الحقيقة كل ده هو إستبدال، أنت صراعك الحقيقي مع الديكتاتور الذي يحكمك، اللي حطنا في الوضع ده ، اللي خلى مصر تتضرب والناس بتستشهد وما نقدرش نفتح بقنا/فمنا، اللي خلى معبر على أرض مصرية بتديرو إسرائيل ، اللي ادى تيرار وصنافير هدية لبلد ثانية وقبض ثمنها ، اللي ضيع حقوق مصر باتفاق عجيب مريب ، مضى مع اثيوبيا في 2015 هو ده اللي مفروض نناضل ضدو ، مش نقعد نعمل معارك بديلة يعني مش هي باستثناء المقاطعة، المقاطعه دي برضو عايز اقول عليها كلمة ، المقاطعه دي سلاح متحضر جدا جدا ، موجود في العالم كله ، وشيء طبيعي ان لما أنت تشارك في هذه المذبحة كعلامة تجارية أو كمطعم او كده ، انا أدعو لمقاطعتك إيه؟ إيه المشكلة يعني ؟ ايه ده موجود في العالم كله ، إيه المشكلة ؟ يقول لك أصل ده بيشغل المصريين ، طب ما أنت بدل المقاطعة رايح يبقى فيه بديل والبديل ده ممكن بيشغل الناس اللي مش حتشغل ، بيقول لك لاء ده المقاطعة ما تجيبش النتيجة. لاء بتجيب النتيجة . لأن المطاعم اللي تمت مقاطعتها ، طلعت بيانات بتبرئ نفسها وما تعملش كده غير لو فعلا هي تأثرت، طب هم ليه الحكومة و الارقوزات بتوع الإعلام اللي مشغلاهم المخابرات ضد المقاطعة ؟ لأن هم ضد العمل الجماعي ، موضوع بقى مش ساندويتش ولا فنجان قهوة لاء ، ده انت مصر ، الشعب المصري بيعمل عمل جماعي ، وعمل جماعي مؤثر ، وعمل جماعي لا يعرضو للخطر ، و طبعا ده حيبقى جذاب أكثر، يعني انا مش بقولك أنزل تظاهر فتتمسك و تتحبس خمس سنين لاء ، أنا بقولك ماتشتريش من مطعم ده ، ليه بقى ؟ الحكومة المصرية أو النظام المصري والاروقوزات بتوعو متضايقين قوي / جدا من المقاطعة دي ، لأنها بروفه للعصيان المدني ، عرفت الزاي؟ يعني النهار ده قطعنا المطعم ده والمطعم ده ، وبتاع القهوة ده اللي هم بيشتركوا وبيدعموا إسرائيل في هذه المذبحة، بكره بقى في الإنتخابات نفس الناس بتوع المقاطعة دول /هؤلاء حتقوم ما تنزلش من البيت ، ماحدش حينزل لأن تعملت شبكة ، تعمل نت وورك( Network) هناك من يفهم هذا الموضوع في النظام المصري، فهو لا خايف على بيشتغلوا في المطاعم العالمية، و ولا كلام ده خالص، هو خايف منك أنت، أيها المواطن ، أيها المقاطع ، ليه ؟ لأن دي بروفة دانت تتكلم عن ملايين الناس ، فملايين الناس قررت ان ده ما حدش يشتري منو ، نفس ملايين الناس بعد كده حتقول لاء ما حدش بينزل لجان الإنتخابات، خلاص ، ده عصيان مدني والعصيان المدني ده مش حاجه قليلة ، يعني ده العصيان المدني ده يعني هزموا الإمبراطورية التي لا تغرب عنها الشمس الإمبراطورية البريطانيه ، فدي حاجه مهمه جدا ، فأنا بس باقول لحضراتكم ليه متضايقين هم قوي/جدا من مش عشان خوفا على الساندويتشات يعني ، هو خوفا من العصيان المدني . " يا فلسطين.... يا فلسطين إحنا كمان محتلين " الديمقراطية هي الحل.
=============
================================================
يا فلسطين .. يا فلسطين .. احنا كمان محتلين .
ندوة د . علاء الأسواني .
===========================
مساء الخير وأهلا وسهلا بيكم في الندوة الأسبوعية طبعا مش ممكن نتكلم عن أي موضوع غير اللي بيحصل في غزة ، يعني قلوبنا ودعمنا كاملا مع أهلينا في غزة الذين يتعرضون إلى واحدة من أسوء المذابح منذ قرون ، كل اللي ارتكبته إسرائيل هو جرائم حرب ، من أول ما وزير الدفاع قال دول/هؤلاء حيوانات ، شيء يعني مقزز جدا بيوصف شعب بأنه حيوانات ، وبيقول هنقطع المية/الماء والنور الكهرباء والوقود كل دي جرائم حرب ، بالإضافة بقى لقتل المدنيين ، بالإضافة لتدمير المستشفيات هدم البيوت على رؤوس سكانها ، كل دي جرائم حرب إلى أن اتضحت الصورة أن نحن أمام genocide يعني تطهير عرقي يعني في قرار متاخد/متخذ أنو يقتل أكبر قدر من الفلسطينيين ، وبيعمل أشياء أنو هو يقولهم أنزلوا الجنوب عشان تبقو في أمان وبعدين هما ونازلين يتم قصفهم ، عربيات الإسعاف بيتم قصفها ، الكلام ده كلنا شفناه ، وشيء يعني محزن جدا جدا ، واللي يمكن بيخلينا يعني عندنا ألم أكبر ان احنا اللي نقدر نعمله لمساعدة أهلنا في غزة قليل جدا ، وهنتكلم في هذا الموضوع في شيء إيجابي وسط هذه الأحزان أن هناك تعاطف دولي مع القضية الفلسطينية غير مسبوق ، غير مسبوق في كل مكان في العالم يعني التركيبة بتاعت سيطرت إسرائيل على الإعلام وعلى السياسة في العالم الحقيقة بتختلّ وبتترّنح بشدة والمعادلة بتتغير واحنا شوفنا اد إيه مئات الألوف من الناس في كل مكان بتدعّم القضية الفلسطينية والشعب الفلسطيني في في وسط هذه المأساة أنا رأيي أن احنا من واجبنا أن نحنا نفكر يعني ما نخليش/لا نسمح الغضب بتاعنا يمنعنا عن التفكير ، أنا هطرح ثلاثة أفكار الأفكار دي ممكن زي كل الأفكار اللي بطرحها في الندوة ، ممكن بعض الاصدقاء يختلفون معي حولين/حول هذه الأفكار ولكن كل ما اطلبه من حضراتكم أن انتو تفكروا في الأفكار اللي هطرحها .
أول فكرة : هل نحن في عداء مع اليهود ؟ يعني هل نحن في عداء مع اليهود أم أننا نعادي سياسات إسرائيل الإجرامية ؟ ربما بعض الناس تقول ده حاجة واحدة ، لاء هي مش حاجة واحدة خالص . يعني لا يجوز أن نكون في عداء مع اليهود عموما على الإطلاق لأنه لا يجوز أن نكون في عداء مع ديانة معينة ، اليهودية دي ديانة ، اليهودية دي ديانة ما ينفعش/لاينفع نبقى ضد اليهود ، نبقى ضد جرائم إسرائيل ماحناش/لسنا ضد اليهود ، وطبعا ده لأسباب كتيرة/كثيرة أولا لايجوز أنك تبقى ضد ديانة اي ديانة ، ثانيا ان احنا بنمكّن اسرائيل من استمرار لما نقول احنا في عداء مع اليهود الحقيقة أن إسرائيل بتستعمل هذا السلاح منذ فتره طويلة ايه هو السلاح ؟ ان انت لو وجهت نقدا لإسرائيل وطبعا الكلام ده للعايشين في الغرب اللي موجودين في مصر يمكن على حماسهم ماتبقاش/لاتبقى الصورة دي واضحة أوي/جيدا انما كل من يعيش في الغرب او عاش في الغرب ، يعلم تماما ما أقوله انك لو توجهت باي نقد لسياسة اسرائيلية فالإتهام جاهز ، أنك معادي للسامية AntiSemitic يعني أنت ضد اليهود ، مع أن أنا مش ضد اليهود . بس ضد اللي إسرائيل بتعملوا جرائم إسرائيل بترتكبها الآن طبعا ده ملايين الناس زيي/مثلي إنما الإتهام يظل قائما ، انا بقول ليه كدا لأن بعض للأسف انا بتابع طبعا بعض الشيوخ اللي هم يعني يرددون كلاما الحقيقة يعني في منتهى السخافة بصراحة يعني طلع شيوخ مسلمين بيقولوا احنا بنحارب اليهود وقصص بقى إن نحنا هنفضل/هنبقى نحارب اليهود ، هذا الكلام الفيديوهات دي بتتاخذ/تؤخذ وبينعملها ترجمة عربي وانكليزي ، وبتستعمل في الدعاية ضد القضية الفلسطينية ، واحنا في لحظة تحول نوعي في فهم العالم كله للقضية الفلسطينية ، اظن أن هذا الدعم للقضية الفلسطينية لم يحدث من قبل قط فيجب أن نكون واضحين لا يجوز أن احنا ومعتقدش/لا اعتقد ان في حد ضد ديانة ضد الديانة اليهودية مافيش كده التاريخ بيقول أن اليهود زي ما قلت قبل كده لم يتم اضطهادهم في العالم العربي اطلاقا اليهود تم اضطهادهم في الغرب لأسباب دينية في المقام الأول ، كان عندنا يهود زي ما قلت وكررت كان عندنا يهود مشاركون في مصر في الحياة العامة من أول السينما والمسرح والبرلمان والثورة ضد بريطانيا كل ده اليهود اشتركوا فيه لأن هم كانوا كانوا مصريين حدث أنهم يهود يعني ماكانش/لم يكن تعريفهم على انهم يهود ، وبالتالي لا يجوز اطلاقا ان نخلط بين رفضنا لجرائم اسرائيل وان نحنا نعادي أصحاب ديانة معينة . طبعا بالاضافة لأن لازم نفهم أن عدد اليهود في العالم 15,7 مليون ، دول/هؤلاء في العالم كله منهم 7,2 مليون في إسرائيل بس يعني في أكثر من نصف اليهود ، مش موجودين في إسرائيل ، إذا اضفنا لكدا أنو اليهود في امريكا 6,3 مليون يعني تقريبا عدد اليهود الموجودين في الولايات المتحدة يقارب عدد اليهود الموجودين في إسرائيل ، المعلومات دي لازم نبقى عارفينها . هناك أيضا شخصيات عامة يهودية كثيرة جدا ، تناصر القضية الفلسطينية يعني ده مهم اوي/جدا ان نحنا نعرفه ، يعني انا هقول أربع اسامي/أسماء بسرعة كدا ، استاذ جامعي شهير جدا في امريكا اسمه : ( Norman Finkelstein ) ده مشهور جدا بمناصرته للقضية الفلسطينية ، ومعارضته للسياسات الإسرائيلية وللاحتلال الإسرائيلي . ( Bruno Kreisky ) كان مستشار النمسا مستشار النمسا يعني زي رئيس وزراء النمسا ، وكان ويهودي وكان مشهورا برفضه لكل السياسات الاسرائيلية . ( Noam Chomsky ) المفكر الكبير معروف بموقفه الحاد ضد الاحتلال الإسرائيلي وضد الدعم الأمريكي الاسرائيلي .( Bernie Sanders ) ده موجود ومشهور جدا ده أحد أقطاب الحزب الديمقراطي الأمريكي وهو يهودي وهو يرفض كل سياسات إسرائيل ، بالإضافة إلى أن يعني دول/هؤلاء اربعة كدا في كثير جدا ، احنا شوفنا مظاهرات اليهود الامريكيين ضد المذبحة بتاعة غزة ، يعني شوفنا مظاهرات كبيرة من اليهود الامريكيين ، هقول ثلاثة او اربعة مظاهرات منهم مظاهرة قفلوا المحطة الرئيسية للقطر/للقطار في نيويورك ومظاهرة أخرى راحوا الكونغرس وفضلو/وبقو قاعدين علشان كانوا رافعين شعارات للمذبحة اوققوا المذبحة ، او المذبحة لاتتم باسمي ، يعني انا يهودي أمريكي ارفض هذه المذبحة ، فعلينا ان نكون واضحين أننا مع انفسنا اولا أننا نرفض جرائم إسرائيل ، بينما نحن لسنا في حالة عداء مع اليهود أو مع الديانة اليهودية .
النقطة الثانية : وطبعا دي متكررة جدا في خطاب الإسلام السياسي للأسف اللي هو يعني خطاب منعزل عن الواقع هل الغرب يعادي الإسلام ؟ طبعا دي فكرة شائعة جدا في أوساط جماعات الإسلام السياسي من أول بقى لتنظيم القاعدة لداعش للهو في فسطاط الإيمان وفسطاط الكفر ، وطبعا كل غير المسلمين في فساط الكفر ولازم نحاربهم ، وطبعا ده داعش والقاعدة بس الحقيقة أنو بقية جماعات الإسلام السياسي ليست بعيدة عن هذه الفكرة يعني ولا الإخوان المسلمين بعيديين ، ولا السلفيين ولا الوهابيين ، فكرة أن الغرب يعادي الإسلام ، الحقيقة هل الغرب يعادي الإسلام ؟ السؤال غلط أصلا ، السؤال أصلا غلط لأنه الغرب مش حاجة واحدة يعني زي ده انت ما تقول مثلا حال المسلمون مثلا يفتقرون إلى النظافة الشخصية سؤال غبي جدا ، لأن المسلمون دول/هؤلاء يعني ملايين الملايين فمتقدرش/لاتقدر تعمم اذا كانوا هم نظاف كلهم واللا مش نظاف كلهم ، نفس الموضوع الغرب ليس شيئا واحدا يعني الغرب ، أولا في الحكومات الغربية و الحكومات الغربية اليمينية بالذات هي حكومات استعمارية ، ودي شفناه في المذبحة اللي حاصلة دلوقتي ان بعض الحكومات الغربية كشفت عن وجهها الإستعماري ، الإستعمار يعني ايه ؟ يعني انت الشعوب التي يتم استعمارها بلا قيمة حياتها بلا قيمة يعني هذا ليس جديدا يعني تقديم فكرة أنو بعض الدول أو بعض الحكومات الغربية بدعم إسرائيل في المذبحة على أنو الغرب يعادي الإسلام ولا الحياة ده غير صحيح خالص ، دي يعني ارجوا لمن يعني يفكر بهذه الطريقة أنو يخش على جوجل ويكتب مذابح الإستعمار الفرنسي أو مذابح الإستعمار البريطاني وحيجد/سيجد ليسته قائمة طويلة بجرائم الإستعمار البريطاني سواء في الهند أو في مصر و جرائم الإستعمار الفرنسي بالذات في الجزائر وبالتالي فكرة الإستعمار أن هناك بعض الدول أو الحكومات اللي هي استعمارية ده لا يعني أن الغرب ضد الإسلام ، لأن الغرب ليس فقط هذه الحكومات الغرب في حكومات وفي الرأي العام وفي جامعات وفي مثقفون وفي الإعلام في الجمعيات غير الحكومية زي مثلا Amnesty International وزي Human Rights Watch وبالتالي ده تعمييم غلط جدا وبنشوف النهاردة أنو مئات الألوف من الناس بتنزل في الشوارع ضد المذبحة اللي عاملاها إسرائيل ، طيب مدول/مهؤلاء غربيين ، يعني لو رحت مثلا مظاهرة من المظاهرات اللي بتطالب بوقف إطلاق النار وإيقاف المذبحة حتجد/ستجد أنو المشاركون في المظاهرة البيض اللي إحنا بنقول عليهم خواجات ربما يكونوا أكثر من اللي أصلهم عربي أو المسلمين وبالتالي الفكرة دي فكرة غلط أمال الحكومات الاستعمارية لا يهمها الحقيقة ولا الإسلام ولا المسيحية ، ولا اليهودية ولا يهمها أي حاجة هي مهتمية بالأرباح بالفلوس اللي يجيب لها فلوس هتبقى معاه ، وعندنا نمازج يعني السعودية هي اكبر حليف للولايات المتحدة من سنة من عقود طويلة ، طيب ما السعودية دي بتقدم نفسها على أنها يعني قاعدة الإسلام السني ، ولا يفرق مع أمريكا خالص ، ولو السعودية تحولت للمذهب الشيعي طالما البترول شغال وفي فلوس كتييرة وشركات الأمريكان بتاعت البترول بتكسب و بتشتغل وفي استثمارات سعودية موجودة في أمريكا ولا يفرق معاها الحكومات الغربية خالص أنت ايه ملّتك واللا دينك كل دي أوهام عملها الإسلام السياسي للأسف وعشناها وبعض الناس صدقتها ، وبالتالي الغرب ليس شيئا واحدا الغرب حاجات كثيرة ومؤسسات كثيرة وهناك حكومات يمينية استعمارية زي ما كانت دائما موجودة إنما دائم لا يعني أنو نجعل الغرب عموما عدوا لنا ، فرنسا زي ما قلت لحضراتكو/لحضراتكم ، الاستعمار الفرنسي ارتكب جرائم ومذابح في حق إخواننا الجزائريين بس ده لم يمنع طه حسين ومئات المصريين أنهم يروحوا - من ضمنهم شيخ الأزهر الحالي بالمناسبة - يروحوا يتعلموا في Sorbonne وياخذوا دكتوراة و يرجعوا ينشرون الثقافة و ينشرون العلم نفس الموضوع في بريطانيا ، بريطانيا ناس كثيرة جدا أثناء الإحتلال البريطاني كانت بتروح تتعلم في Oxford و Cambridge وترجع تفيد مصر ، المشكلة هنا أن الإستعمار أن الإستعمار والثقافة والعلم والنموذج الديمقراطي جميعا يأتون من مكان واحد ، يعني الإستعمار والثقافة والعلم والنموذج الديمقراطي بيجيو/يأتو من حتة/مكان واحدة ، اللي عرف يحل هذه المعادلة لأول مرة هو حزب الوفد ليه حزب الوفد ؟ طبعا ده مالوش/ليس له اي علاقة بحزب الوفد بتاع السيد يمامة الموجود دالوقتي أنا بتكلم على حزب الوفد التاريخي اللي تكون في ثورة 19 لأنو كان يقود الكفاح ضد الإستعمار البريطاني وفي نفس الوقت كان يتخذ الديمقراطية البريطانيا كنموذج ، عايز تبقى مصر ديمقراطية زي بريطانيا وهو يفهم تماما أن بريطانيا اللي بتقدم نموذج ديمقراطي عندها استعمار بيحتل بلادنا ولم تختل أمامه المفاهيم ، يعني لاقال والله الإستعمار ده حاجة عظيمة لأنو جاي من بريطانيا العظيمة الديمقراطية ، ولا قال لاء انا هرفض الديمقراطية لأنها جاي من عند الاستعمار ، يعني دي نقطة مهمة جدا أن حزب الوفد استطاع أن يعمل هذا التمييز بين الإستعمار وقيم الحضارة الغربية ، وقاد كثيرون من قادة حزب الوفد المتعلمين في بريطانيا كثيرون من قاده حزب الوفد متعلمين في بريطانيا يعني بيروح يتعلم في Oxford و Cambridge يرجع يقود النضال ضد الإستعمار البريطاني. فلا بد أن نميز لأن ده موضوع مهم جدا يعني ويستعمل ضدنا ، ارجع لإعلام السيساوي دلوقتي للأسف يعني هتلاقي الخطاب مش هي دي الديمقراطية ، مش هي دي حقوق الإنسان اللي انتوا وجعتوا دماغنا بيها ، مش هي دي ؟ هذا الكلام خبيث وهيستعمل ضدنا ليه ؟ لأن بعد كده هيقولك ما انت شوفت لما يطلع تقرير بالانتهاكات الجسيمة اللي بيعملها نظام السيسي ضد الأبرياء في السجون هيقولك انت لسا بتتكلم عن حقوق الإنسان ، متشوف اللي حصل ؟ لاء يفندم ، انت دي حكومات استعمارية زي الإستعمار اللي قبل كدا ، ولكن يظل الرأي العام زي ما احنا شايفين يناصر اي قضية عادلة وتظل حقوق الإنسان مكفولة وتظل الديمقراطية هي الحل الحقيقي للحضيض الذي وصلنا إليه بسبب الحكم العسكري. طيب هنشوف مجرد نموذج الزاي اللي احنا بنعمله كمصريين ، انا بتكلم على مصر ، بمنتهى الإخلاص القضية الفلسطينية يعني الناس مدايقة فعلا ، الناس نفسها تعمل حاجة ولكن خلينا نسأل : هل الغرض من موقف اللي عايزين نأخذه تضامنا مع فلسطين ، هل الغرض منه تغيير الواقع أم تسجيل الموقف ؟ دي نقطة مهمة يعني أنت عايز أو أنا عايز ننزل مظاهرة تضامنا مع أهلنا في غزة عشان نسجل أن احنا نزلنا المظاهرة واللا لأن المظاهرة دي ممكن تغير أو تدفع أو تضغط على صانع القرار اللي هو في مصر رئيس الجمهورية ؟ الحقيقة في النُظم الديمقراطية التضامن والمواقف العامة بتؤدي لتغير القرار يعني يعني بتؤدي لما تنزل مظاهرات كتييرة أوي/جدا وتضغط على أعضاء البرلمان اللي بيمثلونك وهم يضغطوا على الحكومة ، الحكومة في الغالب في الدول الغربية هتغير موقفها طبقا للرأي العام ، في الدول الدكتاتورية زيينا أنا أسف يعني بس هو ده الواقع وأنا طبعا ضمن الوضع اللي هقول عليه يعني. المواطن أو رأي المواطن أو رغبة المواطن بلاقيمة ، أنت وأنا والناس كلها في مصر بلا قيمة عند صانع القرار مالكش يعني هو لما السيسي حب يعمل مظاهرات نزّل المظاهرات علشان تعمل تفوّض السيسي وتقول ده رئيسنا وبتاع وكان غرضوه أنو يدي/يعطي رسالة للغرب علشان ما يضغطوش/يضغطوا عليه يعني كان ليه/له غرض ، لما بعض الشبان في المظاهرات قالوا عيش حرية عدالة اجتماعية ، اللي هي شعارات الثورة اتقبض/تم القبض عليهم ، بعد كده مافيش مظاهرات خالص نهائيا يعني آلا يعني آلا يستوقفنا أن يبقى في مظاهرة في واشنطن 350 ألف واحد ، وفي لندن 350 ألف واحد ومافيش/لايوجد مظاهرة في مصر خالص نهائيا ، لأنك ممنوع من المظاهرة ليه ؟ لأن أنت النظام بيعتبرك بلا قيمة . طيب إحنا شايفين أنو معبر رفح ده في بلدنا ؟! مش في إسرائيل في بلدنا ؟! وعندنا إثنين مليون ونص بني آدم من أهلنا مقطوع عليهم الماء والأكل والكهرباء وكل شيء وبينضربوا يتم قصفهم بإجرام ، طيب مانفتح معبر رفح وندخل مساعدات ، ندخل دكاترة ، حيتقصفوا إسرائيل تقصفهم ، يعني هم هيتحملوا ده اللي هيخش/يدخل يساعد الفلسطيني عارف إنه ممكن يموت وأنا لا أشك أنو مئات الألوف من المصريين يخشوا/يدخلوا وعارفين أنهم هيموتوا مابينفتحش/يفتح ، طيب حد هيقولك المعبر ما بينفتحش/لايفتح ليه ؟ طيب في إشاعات أن مصر ماضية سنة 2005 اتفاقية اسمها اتفاقية فلاديفا وأن الاتفاقية دي تخلي مصر غير مسيطرة على المعبر إلا بعد استأذان إسرائيل ! طيب حد سألنا قال لنا الإتفاقية نمضيها واللا لاء ؟ طيب مجلس الشعب ناقش الاتفاقية ؟ طيب حد قال لنا اي حاجة ؟ ماحدش قال لنا اي حاجة ! لأن نحنا في نظر من يحكمنا بلا قيمة خالص ، ولا ليك اي عوز ما انت عايز وانا هأقبض عليك وهارميك في السجن أربع خمس سنين بس هو ده اللي في دماغه ، وبالتالي الفكرة بتاعت أن الرأي العام يضغك على صانع القرار مش موجودة عندنا ، لأنها محتاجة نظام ديمقراطي عشان تبقى موجودة ، هي مش موجودة عندنا ، وبالتالي بقى ده يقودنا لنقطة ثانية اللي هو الذي يردده ملايين العرب يعني بإخلاص يعني وبحزن ، أين الحكام العرب ؟ طبعا نحنا سمعنا الكلام ده كثير جدا الحكام بتعونا فين ؟ وفي أغاني عن الحكاية يعني اغاني على وين الحكام وحاجات زي كده ، اللي بيسأل السؤال ده في انتظار حاكم عربي قوي يحارب اسرائيل ويفتح ، ويبقى قوي ويبقى بيناصر القضية والكلام ده فكرة انتظار البطل يعني فكرة انتظار البطل لدرجة أن الناس او العقلية بتاعتنا ، اللي انا طبعا انتمي ليها انا مش يعني انا بس بقول فكرة إن العقلية بتاعتنا تنتظر البطل لدرجة لما ما بيجيش/لايأتي بطل ، ما هو ما جالناش/لم يأتي بطل أساساً يعني بيجيبو دكتاتور ويعملوا بطل ، يعني في ناس دلوقتي حالا دلوقتي بيقولوا فينو صدام حسين ؟ مع أن صدام حسين ده ماعملش/لم يعمل اي حاجة يعني صدام حسين ده لما ضرب ضرب الشعب العراقي بالأسلحة الكيماوية يعني مش عارف ايه ؟ انما إحنا عايزين بطل وبالتالي طبعا كل الحكام دول/هؤلاء مش هينفع ما بيعملوش/لايعملوا اي حاجة طيب ممكن نفهم الحكاية دي ، ممكن نفهم يعني الحكام العرب في منتهى العجز أمام القوى الكبرى وأمام إسرائيل . عندنا تفسيريين يا أما هم نفسهم شخصياتهم ضعيفة كلها يعني مشكلة أن فلان وفلان وكحكام عرب شخصياتهم مهزوزة و ضعيفة ، يا أما في حاجة ثانية ؟ الحقيقة أن شخصياتهم مش مهزوزة على شعوبهم يعني هي شخصياتهم بتبقى مهزوزة على القوى الكبرى اه ، على أمريكا على إسرائيل ، طبعا باعتبار ان أميركا هي بدعم إسرائيل ، إنما لما بيجي بيتعامل مع شعبه بيتعامل بمنتهى القسوة ، مافيش رحمة مع الشعب بتاعه ، يعني سجون وضرب واعتقالات وتعذيب وخراب بيوت وتكسير وهدم بيوت زي اللي بتعمله اسرائيل اتعمل في سيناء ضد مواطنين مصريين بواسطة السلطات المصرية . طيب يبقى انتوا بقى مش موضوع أن إحنا عندنا مشكلة في ان شخصياتهم ضعيفة ، طيب هم ليه مهزوزين قدام امريكا كدا وقدام اسرائيل وقدام القوى اللي الإجابة طريقة الوصول إلى السلطة تحدد سلوك الحاكم . دي نقطة مهمة جدا عشان ما نقعدش/لانقعد نستنى البطل لسبب بسيط البطل مش هيجي أبدا ليه ؟ لان الموضوع مش ان أنا عايز حد شخصيته قوية لأن كل الحكام دول مجرمين على شعوبهم . لاء طريقة الوصول إلى السلطة تحدد سلوك الحاكم . دي قاعدة ذهبية يعني يعني حضرتك حاكم منتَخب منتَخب انت أملك إرضاء الناخبين أملك . يعني إحنا شوفنا بايدن ، بايدن طبعا في أسوء يعني شعبية ليه نتيجة لموقفه الداعم لهذه المذبحة ، وبعدين المشكلة انتقلت من بايدن للحزب الديمقراطي ان الناس العرب والمسلمين اللي هم تقليديا يصوتون للحزب الديمقراطي أعلنوا عن طريق جمعياتهم ان هم مش حيصوتوا ، وبالتالي كان لابد من إصلاح هذا الموضوع اه ، مع خضوعه الكامل طبعا للوبي المناصر لإسرائيل انما كده الحزب بيتأثر ، فنائبة بايدن السيدة Kamala Harris طلعت وقالت إحنا بنعمل مبادرة ضد الإسلام وفوبيا عشان ندعم المسلمين الامريكان ، وبعدين فجأة طلع أوباما بكل ما يملكه من كاريزما وشعبية عشان يعدل الكفة في عمل لقاء في شيكاغو وتكلم فيه على أن اللي حصل في إسرائيل يعني حاول أن يقدم رؤية متوازنة . طيب طبعاً الصوت العربي او المسلم في أمريكا ليس حاسما ولكن لا يمكن تجاهله في نفس الوقت ، وده بفضل شباب عظيم جدا اللي هم الجيل الثاني من المهاجرين ، اللي هم أمريكيان واتعلموا كويس ، فبقى قدراتهم على طرح القضية العربية والقضية الفلسطينية اقوى من الجيل الآباء اللي هم هاجروا من العالم العربي أو من مصر الى أمريكا . طيب بالاضافة طبعا للسوشل ميديا لأن السوشيال ميديا دي عملت فرق كبير جدا لأنو خلّت الاعلام التقليدي عاجزا عن التضليل ، يعني الاعلام التقليدي ممكن يضللك يقول لك حاجة أنت بتفتح التلفون يجي لك على طول 400 صورة عن الحقيقة ، يبقى طريقة الوصول إلى السلطة تحدد سلوك الحاكم يبقى المشكلة مش السيسي ولا بن سلمان ولا أمير الكويت ولا أنهم شخصياتهم ضعيفة أو خايفين من إسرائيل لاء . هو غير منتَخب وبالتالي مايهموش/لايهمه رأي الناس هو يهمه أنو يفضل في الكرسي ، يفضل في السلطة وهو يعلم قبل كدا أن تحدي الولايات المتحدة أدى بأن حكام يتم انتزاعهم من السلطة وبالتالي هو كل ما يهمه انو مايخشش/لايدخل في صدام مع القوى الكبرى ، عشان يحافظ على الكرسي بينما المنتخب يعني هو الحكام دول/هؤلاء بيشتغلوا عند أمريكا وإسرائيل عمليا الحاكم المنتَخب بيشتغل عندنا إحنا اللي منشغله ، وبالتالي هيسمع كلامنا ، وبالتالي لما يبقى عندنا رأي عام هنفرضه على صانع القرار ، إنما إحنا الحقيقة ما عندناش/ليس عندنا لأن نحما عايشين في دكتتوريا ، وهي أسوء طبعا من الدكتاتوريا العسكرية منذ 52 ، بنعمل ايه بقى ؟ ودي نقطة ارجوا أنو يتسع يعني صدر حضراتكم ليها ، أن إحنا منعمل استبدال يعني بدل إحنا مشكلتنا وصراعنا يجب أن يكون ضد نظام السيسي ، وهتاف في هتاف كان عظيم أنا عملته عنوان هذه الندوة : " يا فلسطين يا فلسطين إحنا كمان محتلّين " في منتهى العمق ، يا فلسطين يا فلسطين يعني ده حبي لفلسطين أهو إنما بقول الحقيقة إحنا كمان محتلّين ، إحنا تحت الإحتلال أيضاً ، وبالتالي صراعك الحقيقي هو مع الدكتاتوريا ، طبعا الناس لأسباب كتيرة/كثيرة متنوعة لاتخوض هذا الصراع او بتؤجله ، تقوم تعمل إيه بقى ؟ السوشل ميديا والتلفزيون والإعلام ، وطبعا الإعلام السيساوي بيستعمل الحكاية دي لأنها بتلهي الناس ، نفضل بقى ايه ؟ الناس تخبط/تضرب في بعض ، ده في ممثل اعتذر وقال مش عارف ايه ؟ عن ان ومالو موقف محترم وبتاع ، بس ايه ؟ واحد تاني قال لاء انا هروح امثل وكدا ، واحدة قالت انا هعمل تبرعات لغزة ، ونقعد نحنا نقول ايه بقى ؟ لاء ده اكثر وطنية من ده ، وده دا لازم نقاطعه ، وده مش عارف ايه ؟ الحقيقة كل ده هو استبدال انت صراعك الحقيقي مع الدكتاتور الذي يحكمك ، اللي حطنا في الوضع ده ، اللي خلى مصر تضرب وناس تستشهد وما نقدرش نفتح بؤنا/فمنا ، اللي خلّى معبر على أرض مصرية بتديره اسرائيل ، اللي ادى/اعطى تيران وسنافير هدية لبلد ثانية وقبض ثمنها ، اللي ضيّع حقوق مصر في باتفاق عجيب مريب مضاه/وقعه مع اثيوبيا 2015 هو ده المفروض نناضل ضده مش نقعد نعمل معارك بديلة يعني مش هي ، باستثناء المقاطعة ، المقاطعة دي برضوا عايز اقول عليها كلمة المقاطعة دي سلاح متحضر جدا جدا وموجود في العالم كله ، وشيء طبيعي ان لما انت تشارك في هذه المذبحة كعلامة تجارية أو كمطعم أو كده انا ادعوا لمقاطعتك اي ايه المشكلة ؟ ده موجود في العالم كله ايه المشكلة ؟ يقولك اصل ده بيشغل مصريين ، طيب ما انت بدل المقاطعة هيبقى في بديل والبديل ده ممكن يشغل الناس اللي مش هتشغل كده ، يقولك لاء المقاطعة بتجبش/لاتأتي نتيجة ، لاء بتجيب نتيجة لأن المطاعم اللي تمت مقاطعتها طلعت بيانات بتبرأ نفسها ، وماتعملش/لاتعمل كدا غير لو فعلا هي اتأثرت ، طيب امال ليه الحكومة والأرغوزات بتوع الإعلام اللي مشغلهم المخابرات ضد المقاطعة ؟ لأن هم ضد العمل الجماعي ، الموضوع بقى مش سندوتش ولا فنجان قهوة لاء ده انت مصر الشعب المصري بيعمل عمل جماعي وعمل جماعي مؤثر وعمل جماعي لايعرضه للخطر ، وطبعا ده هيبقى جذاب اكتر ، يعني انا مش بقولك انزل اتظاهر فتتمسك تتحبس خمس سنين ، لاء انا بقولك ما تشتريش من المطعم ده ، ليه بقى الحكومة المصرية أو النظام المصري والأرغوزات بتوعه مدايقين أوي/جدا من المقاطعة ليه ؟ لأنها بروفة للعصيان المدني ، عرفت الزاي ، يعني النهاردة قاطعنا المطعم ده والمطعم ده وبتاع القهوة ده اللي هم بيشتركوا وبيدعموا اسرائيل في هذه المذبحة ، بكرا بقى في الانتخابات نفس الناس بتوع المقاطعة دول/هؤلاء هنقول ما تنزلش من البيت ماحدش هينزل لأن اتعملت شبكة ، اتعمل نت وورك ، هناك من يفهم هذا الموضوع في النظام المصري فهو لاخايف على اللي بيشتغلوا في المطاعم العالمية ، ولا هو لا الكلام ده خالص ، هو خايف منك أنت أيها المواطن أيها المقاطع ليه ؟ لأن دي بروفا . دي انت بتتكلم عن ملايين الناس ، فملايين الناس قررت ان ده ماحدش/لااحد يشتري منو/منه ، نفس ملايين الناس بعد كده هتقول لاء ما حدش ينزل لجان الانتخابات خلاص . ده عصيان مدني ، العصيان المدني ده مش حاجة قليلة ، ده العصيان المدني ده هزم الإمبراطورية التي لا تغرب عنها الشمس ، الإمبراطورية البريطانية فده حاجة مهم جدا ، فأنا بس بقول لحضراتكم ليه مدايقين هم أوي من مش عشان خوفا على السندوتشات يعني هو خوفا من العصيان المدني .
يا فلسطين .. يا فلسطين .. احنا كمان محتلين .
الديمقراطية هي الحل .
وجه 23 نساء ، ٢٥ يناير ٢٠١٨ .
======================
يقول سيدنا يوسف بن المسيح عليه الصلاة والسلام: الحمد لله وحده ، الحمد لله وحده والصلاة والسلام على محمد ومن تبعه من أنبياء عهده وبعد : لدينا اليوم الوجه الثالث والعشرون من أوجه سورة النساء ، ونبدأ بأحكام التلاوة ، ورفيدة : احكام المد : مد اصلي طبيعي يمد بمقدار حركتين وحروفه الف و واو و ياء ، مد فرعي بسبب الهمزة ينقسم الى مد صلة صغرى يمد بمقدار حركتين ، مد صلة كبرى يمد بمقدار اربع الى خمس حركات جوازا ، مد متصل واجب يمد بمقدار اربع الى خمس حركات ، مد منفصل يمد بمقدار اربع الى خمس حركات جوازا (( وايه تاني ؟ صلة صغرى و صلة كبرى )) قلتهم (( قلتيهم ؟ طيب نقول امثلة كدا المد الطبيعي اللى هو الف وواو وياء ، ماشي "جناح " الالف هنا تمد هنا بمقدار حركتين ، تمام "بينهما"الياء هنا تمد بمقدار حركتين "تحسنوا " طيب مد متصل واجب يمد بمقدار اربع الى خمس حركات ده بسبب الهمزة طبعا ، المد الفرعي اللى هو بسبب الهمز تمام في منو ايه ؟ متصل واجب مثال على ذلك "اولئك " "يشاء " تمام ، طيب مثال على مد منفصل جائز يمد بمقدار اربع الى خمس حركات زي ايه مثلا ؟ "يا أيها " يا دي كلمة يعني ايه ؟ حرف نداء ، "ايها" دي كلمة ثانية ، يا أيها ده مد منفصل جائز ، ممكن تمد وممكن ما تمدوش ، لو مش هتمدوا تقول يا أيها علطول ، ولو هتمدوا هتقول يآ أيها الذين ، تمام كده ؟ طيب ، مد صلة صغرى ومد صلة كبرى ، الصلة الصغرى اللى هي ياء او واو صغيريين بين كلمتين وما فيش همزة ، تمد بمقدار حركتين مثال ؟ )) كان به عليما (( ايوة ، كان به عليما ، ده مثال الياء ، وممكن تيجي برضوا على الواو ، طيب ، مثال مد صلة كبرى بقى ؟ زي ايه ؟ اهو " في حديث غيرهٓ انكم " في الوجه ٢٤ اهو " في حديث غيرهٓ انكم "صلة كبرى بسبب الهمزة ، تمام ؟ بيبان اهو ، هو عاملك علامة ياء صغيرة وفيها مد يبقى دي صلة كبرى لو ياء بس صغيرة كدا بين كلمتين تبقى صلة صغرى ، لو واو صغيرة صلة صغرى لو واو صغيرة عليها مد حرف المد وبعديها همزة تبقى صلة كبرى تمام ؟ طيب ، قول يا مروان )) ثم سمع مروان وارسلان احكام التلاوة ثم تلى سيدنا يوسف بن المسيح عليه الصلاة والسلام الوجه المبارك ثم قال : في حد عندو سؤال في الوجه ؟
مروان : وكفى بالله وكيلا ، رفيدة : يعني ايه نشوزا ؟ ، ارسلان : الشح ، (( ماشي ايه تاني ؟ )) رفيدة : يعني ايه المعلقة ؟ ، ارسلان : يعني ايه يغني ؟ مروان : نشوزا . ماشي في حاجة تانية ؟ طيب : ( وان امراة خافت من بعلها نشوزا او اعراضا فلا جناح عليهما ان يصلحا بينهما صلحا والصلح خير ) يعني الاية دي بتتكلم عن الايه ؟ الرجال المتجوزين اكثر من واحدة ، يعني مثلا واحد متجوز واحدة لكن في شرع الاسلام يجوز انك تتجوز اربع زوجات تمام ؟ افرض واحد متجوز ثلاثة مثلا وبيميل بقلبه الى واحدة مثلا منهم أو اثنين ، والثانية ايه ؟ يعني ما بيملش قلبه اليها ، يعني بيحب واحدة اكثر من التانيين ، تمام ؟ طيب وهي الست الثانية دي خافت ان زوجها ايه ؟ يطلقها او ما يجيلها/لايأتيها خالص فتعمل ايه ؟ تتنازل له مثلا ايه ؟تقول له مثلا ايه ؟ احنا دلوقتي ثلاثة يبقى كل واحدة يومين في الاسبوع خلاص ، هديك انا يبقى يوم واحد في مقابل ان انت تجي عندي ايه ؟ تقعد معايا في البيت؟ ده اسمه ايه ؟ الصلح او يجي عادي اليومين بس النفقة بتاعته تبقى اقل شوي من نفقة ايه؟ الأزواج التانيين ، ليه بقى ربنا بيقول الكلام ده ليه ؟ هو قال ( وأُحضرت الأنفس الشح ) يعني طبيعة الإنسان انو بخيل كلمة الشح معناها البخل الشديد البخل ايه ؟ الشديد و قال النبي صلى الله عليه وسلم ، في الحديث في ما معنى الحديث الدنيا في تقدمها والايام لما بتيجي اكثر ، والسنين لما بتتقدم الناس بيكونوا اكثر شحا ، يعني لا تزيد الدنيا الا شحا ، الناس يكونوا اكثر شحا مع بعضهم تمام كده ؟ فكلمة الشح معناها البخل الشديد ، فربنا بيقول عشان انا عارف ان في بعض الأنفس فيها بخل شديد تمام ، من البشر ومش هتخليهم ايه ؟ ينفصلوا ، يعني مثلا ايه ؟ واحد متزوج ثلاث زوجات وحده منهم يعني مش بيحبها اوي ، غير زي الاثنين التانيين، فممكن بسبب الأمر ده يعرض عنها خلاص ، ما ينظرهاش/لاينظر لها ولا يروح لها ولا يكلمها وممكن يطلقها فبدل ما يطلقها يقلل نفقتها او يقلل ايام المبيت عندها تمام ؟ بدل ايه ؟ ما يطلقها ، هو ده الصلح الاتفاق اللي هيحصل ما بينهم ، خلاص .
طبعا الآية ده للي عنده كذا زوجة ، مش ايه ؟ زوجة واحدة ( وإن تحسنوا وتتقوا ) شوف ربنا بيقول ايه؟ لو هتحسن وتتقي الله عزوجل ، وتعدل في المبيت وفي النفقة تمام ؟ ( فإن الله كان بما تعملون خبيرا ) شوفت بقى الزاي ؟ اذن الآية دي بتتحدث عن الرجل الذي يتزوج أكثر من زوجة تمام طيب.
عرفنا يعني ايه الصلح ؟ ( ان يصلحا بينهما صلحا ) والصلح هو ايه ؟ في المبيت أو النفقة ، اذا كان متزوج اكثر من واحدة وبيحب واحدة اكتر من الثانية تمام ؟ خلاص ممكن مراته/زوجته الثانية دي تقول له في مقابل ذلك ان انت ما تطلقنيش /لاتطلقني خليني على ذمتك يعني ، خلاص تقلل أيام المبيت عندي وتقلل النفقة بتاعتي ، ده عادي يصلح بس ربنا طبعا بيقول ده مش هو ده الاكمل يعني ، مش هو ده الإحسان ، الاحسان والاكمل انه هو يعدل بين زوجاته في النفقه وفي المبيت تمام كده ؟ طيب ( ولن تستطيعوا ان تعدلوا بين النساء ولو حرصتم ) مش هتقدروا تعدلوا مابينهم ، في ايه ؟ في المحبة القلبية ، واحد متزوج ثلاثة مثلا او اربعة ، استحالة ان هو يحب الاربع زوجات دول بنفس القدر ، اكيد في واحدة يحبها اكتر من الثانية ، بس هو يحاول انو ما يقولش او ما يبينش عشان ما يغيروا من بعض ويعملوا مشاكل ، خلاص . ( ولن تستطيعوا ان تعدلوا بين النساء ولو حرصتم فلا تميلوا كل الميل فتذروها كالمعلقة ) يعني ما تميلوش/لاتميلوا كل الميل للي انت بتحبها ، يعني ما تميلش كل الميل للي انت بتحبها وتسيب الثانية اللي انت بتحبها اقل ، ما تزورهاش/لاتزورها ، ولا تروح لها ولا تنفق عليها ولا تبات معاها كده حرام لو عملت كده هتبقى كالمعلقة كأنها مش متزوجة ، وده حرام ، تمام. ( وان تصلحوا وتتقوا ) تصلحوا الصلح اللي فات ده ، تمام ؟ وتتقوا يعني تجعلوا بينكم وبين عذاب الله وقاية تمام ؟ ( فإن الله كان غفورا رحيما ) تمام ؟ طيب ( وان يفترقا ) خلاص العشرة ما بينهم أصبحت إيه ؟ مستحيلة تفرقا اما بطلاق او بخلع ، الطلاق ان هو يطلقها بشروط طبعا الطلاق ليه شروط احنا قلناها قبل كده ، فاكرين ؟ اللي هو ايه ؟ الطلاق الايه ؟ الصحيح مش الطلاق البدعي ، الطلاق الصحيح له شروط و قلناها قبل كده ، او خُلعا ايه؟ هتقوله ايه ؟ انا هخلع نفسي منك في مقابل ان انا هديك ايه ؟ المهر بتاعي واي حقوق ليا انا هديهالك/سأعطيها لك ده اسمه الخلع ،المرأة تخلع نفسها مش هي اللي تخلع جوزها/زوجها لاء مافيش الكلام ده ، هي تخلع نفسها او هو يطلقها ، تمام .( وان يتفرقا ) هيحصل ايه بقى ؟ ( يغني الله كلا من سعته ) يعني بعد المشاوير اللي فاتت دي كلها ، والحلول دي ، افرض برضو العشرة ما بينهم ايه ؟ مستحيلة ، لأي سبب من الأسباب يعني ، الناس طبعا مش زي بعض ، في ناس مش كويسة ، في ناس شحيحه النفس ، ناس بخيلة النفس ، بخيلة المشاعر تمام ؟ ما بيحصلش ايه ؟ الفة ما بين الازواج ساعتها (يغني الله كلا من سعته )ربنا هيغني كل واحد بقى ، ياللا كل واحد يشوف مصلحته ان شاء الله ربنا هيبعتلو/سيبعث له زوجة ثانية ،وانتي كمان ربنا ممكن يبعتلك زوج ثاني ( وكان الله واسعا حكيما ) طيب. ( ولله ما في السماوات وما في الارض ولقد وصينا الذين اوتوا الكتاب من قبلكم واياكم ان اتقوا الله وان تكفروا فإن لله ما في السماوات وما في الارض وكان الله غنيا حميدا ) بيؤكد ربنا في الايات دي ان هو مالك السماوات والارض وما فيهن ، مالك الاكوان تمام ؟ طيب.
( ولله ما في السماوات وما في الارض وكفى بالله وكيلا ) بيؤكدها تاني ، وكيلا يعني ايه ؟ (وكفى بالله وكيلا)يعني الانسان دلوقتي لما يكون في مصيبة تمام هو عنده مشكلة ، يوكل ربنا يقول حسبي الله ونعم الوكيل ، حسبي الله ( يعني ربنا ايه ؟ يعني ربنا هو ايه؟ حسبي ، هو اللي هيقوم بايه ؟ باعمالي او بمرادي تمام ؟ بدعائي ، ربنا هيقوم بمرادي بدعائي له ، (ونعم الوكيل ) نعم الشخص الذي وكلته ، ان الله سبحانه وتعالى كانه شخص يعني انسان ، من باب التشبييه يعني ، من باب الايه ؟ الكنايه والمجاز ، تمام ؟ لكن الله سبحانه وتعالى ليس كمثله شيء طبعا عارفين كدا ، ولكن هنا من باب التقريب يعني ، عشان نقرب كأن انسان وكلته يروح يعملي ايه ؟ يخلصلي مصلحة معينة ، كأن انت بتوكل ربنا يخلصلك مرادك ، فبتدعو الله عز وجل انو ايه ؟ يخلص المراد بتاعك ده وايه ؟ يحققلك أهدافك. ماشي ؟ ( ولله ما في السماوات وما في الارض وكفى بالله وكيلا ان يشأ ) يعني ان يشأ ربنا ( ان يشأ يذهبكم أيها الناس ويأتي بآخرين) لو مش هتسمعوا كلامه وتتقوه وتقيموا شرعه ، ممكن ايه ؟ يذهبكم خالص يفنيكم من على وجه الارض ، و يجيب ناس تانية ، تمام ؟ ناس تانية طبعا ايه ؟ هتعبده احسن منكم ، وهتسمع كلامه افضل منكم تمام ؟ ربنا بيقول ايه ؟ ( وان تتولوا يستبدل قوما غيركم ثم لا يكونوا امثالكم )
صح كده ؟ ( وكان الله على ذلك قدير ) ربنا قادر انو يفعل ذلك ( من كان يريد ثواب الدنيا فعند الله ثواب الدنيا والآخرة) اللي عاوز ثواب الدنيا بس ، يعرف ان ربنا عنده ثواب الدنيا والاخرة فإيه ؟ يتمسك بثواب الاخرة عشان ربنا يديله/يعطيه ثواب الدنيا ، ثواب الدنيا يعني ايه ؟ الاموال ، الزوجات ، العربيات ، البيوت ، الذهب ، الفضة ، الزروع ، الثمار ، كل دي متاع الدنيا ثواب الدنيا. ثواب الآخرة ايه بقى ؟ الجنة والقرب من الله عزوجل ، وتلقي الوحي من الله عزوجل والوصال ، ومناجاة الله ، وربنا يرد عليك ويبقى في ما بينك وبين الله وصال وعلاقة، هو ده ثواب الآخرة ، عاوز ده وتتمناه خلاص ربنا هيديك/سيعطيك دوت والدنيا كمان ، خلاص يبقى ربنا بيرغب هنا في ثواب الآخرة عشان يديك الدنيا والآخرة( من كان يريد ثواب الدنيا فعند الله ثواب الدنيا والآخرة) عاوز الدنيا خلاص تعوز الاخرة برضو عشان ربنا يديك الدنيا ويرضى عنك ، ويقبل عملك (وكان الله سميعا بصيرا ) رينا سامع وشايف خلي بالك يعني ايه ؟ سامع وشايف يعني عاوز يقولك ايه ؟ عاوز يقولك ترقى الى مرتبه الاحسان. مش احنا قلنا في إسلام وبعد كده ايمان وبعد كده احسان ، احسان دي اعلى مراتب الدين هنا بيقول لك ايه ؟ ( وكان الله سميعا بصيرا ) يعني ايه ؟ خليك محسن ، تمام ؟ حد عندو اي سؤال ؟ اغلق الفيديو يا مروان.
===================================
=================
==========
14 نوفمبر الساعة 7:58 م
خادم يوسف
آه يا حبيبي يا نبي الله كم احبك آه ، آه كم يشتاق لك قلبي ، اه والف اه يا من لا يغادر طيفه خاطري ، وذكراه لاتبرح فؤادي ، آه يامن كللتني نظراته بالامل ، واه يامن كلماته نفخت في كياني الحياة ، اه يامن حبه يجري في عروقي ، هو يوسف يوسف الطبيب وابن المهدي الحبيب .
14 نوفمبر الساعة 8:14 م
خادم يوسف
الحقيقة ان الحب شيء عظيم جدا وخاصة حب المؤمنين للنبيين فهو مميز جدا من حيث البركات الالهية ، وروح القدس الملائكية ، والتأييدات الربانية ، ولكم ان تتخيلوا انه لاجل هذا الحب الذي ينبثق من الارض من قلب المؤمن المحب يحرك تلك السحب الالهية الحاملة لامطار الوحي فتمطر على قلب المحب العاشق والتابع الصادق فتربد كياته المشتعل بالمحبة ، فيتبلل قلبه بنسمات الوحي المقدس ، فكونه انسان ارضي وبشري كالعوام من حيث الظاهر والنوازع النفسانية ، الا انه كالارض الخصبة يتلقى غيث السماء وبردها وثلجها ، فيمتلأ جوفه بالمياة الجوفية الصافية الصالحة للشرب ، فتخرج منه على شكل كلمات تسقى الكائنات وتروي العطشان . فكونه ارضي ولكنه بسبب صحبة النبي تصبح نفسه كالارض الخصبة صالحة للزراعة فيزرع فيه النبي افضل البذر وكما قال الامام المهدي الحبيب جئت لبذر البذرة ، هكذا نفس المؤمن تخرج المياة الصالحة بما تلقت من غيث السماء وتنبت فيه افضل النباتات الصالحة ببذر النبي عناية الله الاحد ، فقد تخرج تلك المياة على شكل كلمات او مشاعر او احاسيس او دعاء وهكذا كذلك تنبت تلك النباتات على شكل طاعة واتباع حسن وصحبة صالحة وهكذا ، فسبحان الله رب العالمين
17 نوفمبر الساعة 7:29 م
اليوم، الساعة 12:23 م
لقد قمت بالرد على خادم يوسف
لقد قمت بالرد على خادم يوسف
الحمد لله رب العالمين
