درس القرآن و تفسير الوجه السادس من إبراهيم.
::::::::::::::::::::::::::::::::::::::::::::::::::::::::::::::::
أسماء إبراهيم :
شرح لنا سيدي و حبيبي يوسف بن المسيح ﷺ أثناء جلسة التلاوة المباركة من أحكام التلاوة ؛ الوقف و السكت , ثم قام بقراءة الوجه السادس من أوجه سورة إبراهيم ، و أجاب على أسئلتنا بهذا الوجه ، و أنهى نبي الله الحبيب الجلسة بأن صحح لنا تلاوتنا .
بدأ نبي الله جلسة التلاوة المباركة بقوله :
الحمد لله ، الحمد لله وحده ، الحمد لله وحده و الصلاة و السلام على محمد و من تبعه من أنبياء عهده و بعد ، لدينا اليوم الوجه السادس من أوجه سورة إبراهيم ، و نبدأ بأحكام التلاوة و أحمد :
الوقف :
ج (وقف جائز) , قلي (الوقف أفضل لكن الوصل جائز) , صلي (الوصل أفضل لكن الوقف جائز) ,
لا (ممنوع الوقف) , مـ (وقف لازم) , وقف التعانق و هو لو وقفتَ عند العلامة الأولى فلا تقف عند العلامة الثانية و لو وقفتَ عند الثانية لا تقف عند الأولى) .
و السكت :
هو حرف السين ، و هو وقف لطيف دون أخذ النفس ، مثل : من راق ، بل ران .
و بعد أحمد قال الأحكام مروان ثم رفيدة ثم أرسلان .
__
○ و ثم طلب سيدي يوسف بن المسيح ﷺ من أحمد قراءة سورة قريش ، و صحح له قراءته .
__
و ثم تابع نبي الله يوسف الثاني ﷺ الجلسة بشرح الوجه لنا فقال :
{وَإِذْ قَالَ إِبْرَاهِيمُ رَبِّ اجْعَلْ هَذَا الْبَلَدَ آمِنًا وَاجْنُبْنِي وَبَنِيَّ أَن نَّعْبُدَ الأَصْنَامَ} :
(و إذ قال إبراهيم رب اجعل هذا البلد آمناً و اجنبني و بني أن نعبد الأصنام) هنا دعاء عام ، مش شرط مكة بس ، لأن إبراهيم رأى مكة في الكشف ، لم يذهب إليها و لم يذهب إليها إسماعيل ، بل ذهب إليها الأحناف ، ذرية إسماعيل من إبنه قيدار ، أول إبن لإسماعيل كان إسمه نبايوت ، تاني إبن كان إسمه قيدار ، قيدار ده بقى ، من سلالته العرب ، و من نبايوت برضو ، بس أصل الحجاز و أهل مكة من العرب من قيدار لذلك قال الله نبوءة عن انتصار الرسول محمد ( في سنة كسنة الأجير يفنى مجد قيدار ) أي تهلك قوة و مجد قريش !!!!!!! ، و اللي ذهب لمكة أصلاً و بنى البيت في مكة ، بيت العبادة يعني ، اللي كانت قبلته متوجهة إلى فلسطين ، مجموعة من الأحناف ، اللي هم على الحنيفية ، على توحيد إبراهيم -عليه السلام- ، اللي هم أصلاً كان معظمهم من ذرية إسماعيل ، هؤلاء اللي بنوا البيت ، و بعد كده ورث البيت ده مين؟ مجموعة من اليهود ، اللي هم كانوا بيتحدثوا باللغة الآرامية ، لذلك سميت مكة : ماكورابا ، و هي إيه؟ كلمة آرامية تعني بيت الرب ، و هم موحدين ، و لما أن بُعِثَ عيسى آمنوا به نبياً و رسولاً ، فكانوا فرقة الفقراء أو الإبيونيين من الموحدين ، اللي هم كانوا يهود و بقوا مسيحيين موحدين ، هم دول/هؤلاء اللي ورثوا البيت ، طبعاً إيه ، الشيطان شغال ، الشيطان شغال بيغوي الناس بالتدريج و بيستزلهم بالتدريج ، لأن دي شغلته ، تمام ، في واحد إيه ، من الوثنيين أو من قريش ، ذهب إلى الشام في رحلة الشتاء و الصيف ، اللي قرأها أحمد من قليل ، سورة قريش ، في إحدى الرحلات رجع ببعض الأصنام الصغيرة من الشام ، كان إسمه عمرو بن لُحَيّ ، واحد إسمه عمرو بن لحي ، و الناس استحسنوها في مكة كده و حطوها للزينة في الأول ، و بعد كده بدأوا يقولوا إيه؟ دي تُقرب إلى الله و شفعاء و ما إلى ذلك من المبررات التي تبرر الشرك عندهم يعني ، فبدأ الأمر بالتدريج يحدث تنازع ما بين الموحدين اللي هم عبارة عن الأحناف و الإبيونيين الموحدين اللي هم كانوا يهود آراميين و بعد كده لما بعث عيسى بالتدريج و آمنوا به نبياً و رسولاً ، يعني كانت الطائفة المنصورة ، يعني كانت الطائفة اللي معها كثير من الحق أو أغلب الحق ، فحصل تنازع ما بين الإتنين دول ، اللي هم الموحدين من جهة و الوثنيين من جهة أخرى اللي هم إيه؟ دخّلوا الوثنية في مكة ، كان النزاع ده إيه؟ يطلع و ينزل ، يخبو و يشتعل ، مع الزمان بالتدريج ، حتى سيطر الوثنيون على الكعبة و هدموا محراب الكعبة اللي هو كان متوجه إلى الشمال ناحية فلسطين ، لذلك سُمي بالحطيم ، و يُسمى خطأً حِجْر إسماعيل ، لكنه يُسمى إيه؟ الحطيم ، و الحطيم ده اللي هو المحراب ده ، اللي الرسول ﷺ كان نايم فيه ليلة الإسراء ، صح؟ الإسراء ده كشف عظيم جداً ، كان نايم في اليوم ده ، تمام ، في الحطيم ، و أُسرِي به من المسجد الحرام اللي هو مكة إلى المسجد الأقصى ، مسجد الأقصى بقى ده إيه؟ في الكشف ، في عالم السماوات ، إلتقى بالأنبياء ، تمام ، و تَبَرُكَاً إحنا بنقول المسجد الأقصى اللي هي إيه؟ فلسطين ، أو ربوات القدس ، اللي هي عليها الآن إيه؟ مسجد قبة الصخرة و المسجد الأقصى ، تمام ، طيب ، لكن هو كان إيه؟ كان مسجد في عالم السماء ، و إلتقى به الأنبياء ، طبعاً عارفين المعراج حصل في سنة إيه؟إثنين للبعثة/السنة الثانية ، اللي عُرِجَ فيها إلى السماء ، و فرضت الصلوات الخمسة ، و دي كانت كشف برضو ، خلاص؟ فهمتوا بقى قصة الكعبة كانت عاملة إزاي؟ طبعاً مكة دي مذكورة في كتب الإغريق القديمة ، خلاص ، مذكورة إسمها و هي معروفة ، و هي كانت ممر للقبائل ، و كان دايماً في صراع ما بين الإبيونيين الموحدين في مكة و المشركين في الحبشة اللي هم على المذهب الأرثوذكسي ، و المشركين اللي في الحبشة كان منهم ملك إسمه أبرهة ، أبرهة الحبشي ، كان يحكم اليمن كوالي من ولاة المملكة الفارسية ، يعني هو كان خاضع للفرس ، مع إن الفرس مجوس ، لكن هو كان خاضع لهم سياسياً يعني ، كأنه ولي من ولاتهم ، المهم عمل إيه؟ بيت للنصارى ، كنيسة في اليمن ، إسمها القُليس ، شبه الكعبة برضو ، حاجة كده بناء مكعب برضو بس مكنش له محراب ، المهم ، فأحب أن أهل مكة أو الجزيرة إيه؟ يحجوا للبيت اللي عمله أو يعظموا البيت اللي هو عمله ، فحاول يروح يهدم بيت مكة ، بيت الموحدين في مكة ، خلاص؟ ، اللي هو كان إستزله بعض الشرك ، يعني إستزل المنطقة دي بعض الأصنام ، و لكن كان في أحناف و في موحدين طبعاً و إيه و إبيونيين موحدين ، المهم حصلت الحادثة المشهورة ، اللي هي إصابة أبرهة و جيشه بالجُدري ، اللي هم طير أبابيل ، طير من النار ، أُصيبوا بالجدري و الحمى و ماتوا ، و لم يصل أبرهة و لا الفيل اللي كان معه و لا الجيش ، و لم يصيبوا الكعبة بأذى ، خلاص كده؟ ، ده مختصر لتاريخ إيه؟ لتاريخ مكة أو تاريخ الكعبة ، ماشي؟ ، طبعاً الحجر الأسود ده عبارة عن نيزك نزل من السماء و الأحناف حطوه/وضعوه زينة في أحد أركان الكعبة ، عشان يبقى مفتاح للطواف ، يعني بداية الطواف تبقى منه ، علامة بس ، و بعد كده الرسول ﷺ لما أتى ، بارك هذا الحجر و أقر هذا الأمر ، و هو يعلم أنه حجر لا يضر و لا ينفع و لكن هو فقط إيه؟ يُستفتح به الطواف ، طبعاً الطواف ده إيه؟ تلف/تدور حولين الكعبة عكس عقارب الساعة سبع مرات ، و هكذا كان الموحدين من الطائفة الإبيونية يطوفون حول بيوت العبادة بعد الإعتكاف سبع لفات ، فربنا أقر هذا الأمر ، و جعل شعائر في مكة سماها بمسميات إيه؟ ماضية ، في الزمان الماضي لكي تكون هناك بركة و لكي يكون هناك إستذكار و أخذ للعِبرة ، العِبرة يأخذوها الموحدون أو المسلمين اللي هم إيه؟ ورثوا بقى البيت ، ورثوا الموحدين ، اللي هم الموحدين الجدد ، اللي هم المسلمين بقى ، أتباع الرسول محمد ﷺ ، تمام؟ ماشي ، اللي عاوز تفاصيل ، يقرأ إيه؟ مقالة إسمها (ماكو-رابا) على المدونة ، فيها تفاصيل كثيرة جداً ، مُفصلة ، ماشي؟ طيب .
(و إذ قال إبراهيم رب اجعل هذا البلد آمناً) اللي هو فلسطين ، تمام ، و إيه تاني؟ و ماكورابا اللي هي مكة ، اللي هو رأها في الكشف ، و علم أن من ذريته يخرج نبي في هذا المكان ، (و إذ قال إبراهيم رب اجعل هذا البلد آمناً) (البلد آمناً) هنا معناه فلسطين و مكة ، الإتنين ، (و اجنبني و بني أن نعبد الأصنام) ده دعاء طبعاً ، طب هل كل بَنِيه اجتنبوا عبادة الأصنام؟؟ ماحصلش ، طب هل فلسطين و مكة كانوا في معظم الأيام و كل الأيام كانت آمنة؟؟ ماحصلش ، يبقى ربنا إستجاب دعاءه جزئياً ، لأن ربنا قال إيه؟ (و آتاكم من كل ما سألتموه) يعني إستجاب بعض أدعيتكم ، مش كلها ، صح؟؟ طيب ، و قال إيه ربنا عن الإنسان؟ (إن الإنسان لظلوم كفار) دايماً كده تلاقي البشر ، فيهم صفة الظلم أو يميلون إلى الظلم و كذلك يميلون إلى كُفران النعمة يعني إنكار الجميل ، و البطر و ينسى الخير اللي إنت عملته معه ، و كده ظلوم كفار ، عياذاً بالله ، و ده إبتلاء ، ربنا إبتلى البشر بهذين الصفتين ، لذلك يجب إن الإنسان يُحارب الظلم اللي في نفسه أولاً ، و اللي في غيره ، و يُحارب الكفران و إنكار الجميل و البطر ، و هي دي الصفتين اللي لازم الإنسان بإستمرار يحاربهم أو يحاربهما .
____
{رَبِّ إِنَّهُنَّ أَضْلَلْنَ كَثِيرًا مِّنَ النَّاسِ فَمَن تَبِعَنِي فَإِنَّهُ مِنِّي وَمَنْ عَصَانِي فَإِنَّكَ غَفُورٌ رَّحِيمٌ} :
(رب إنهن أضللن كثيراً من الناس) اللي هي إيه؟ الأصنام ، اللي هي إيه؟ منهج الشيطان ، الشرك يعني ، (فمن تبعني فإنه مني) اللي استمع وصيتي ده من إبراهيم ، يعني إيه؟ من الموحدين يعني ، (و من عصاني فإنك غفور رحيم) اللي يعصيني إذا تاب ، اغفر له يا رب و ارحمه .
___
{رَّبَّنَا إِنِّي أَسْكَنتُ مِن ذُرِّيَّتِي بِوَادٍ غَيْرِ ذِي زَرْعٍ عِندَ بَيْتِكَ الْمُحَرَّمِ رَبَّنَا لِيُقِيمُواْ الصَّلاةَ فَاجْعَلْ أَفْئِدَةً مِّنَ النَّاسِ تَهْوِي إِلَيْهِمْ وَارْزُقْهُم مِّنَ الثَّمَرَاتِ لَعَلَّهُمْ يَشْكُرُونَ} :
(ربنا إني أسكنت من ذريتي بواد غير ذي زرع عند بيتك المحرم ربنا ليقيموا الصلاة فاجعل أفئدة من الناس تهوي إليهم و ارزقهم من الثمرات لعلهم يشكرون) الدعاء هنا برضو على إتنين : على فلسطين ؛ برية بئر سبع و برية فاران في سيناء ، و كذلك على إيه؟ على مكة ، الكلام على الإتنين ، (ربنا إني أسكنت من ذريتي بواد غير ذي زرع) طيب ، بئر سبع ، كان مين؟ هاجر و إسماعيل ، كان إسماعيل يافع ، كده شاب يعني زي أرسلان كده ، آآه راح هو و والدته و قعدوا في برية بئر سبع بأمر من إبراهيم ، و بعد كده إسماعيل -عليه السلام- تزوج و تناسل في برية فاران ، هي جنب بئر سبع برضو ، ملاصقة لبئر سبع ، لكنها في جزء سيناء ، و بئر سبع هي برية في جزء فلسطين ، إنتو عارفين إن فلسطين و سيناء متلاصقتان ، فهي دي منطقة واحدة يعني ، في أمكنة كثيرة جداً مباركة في سيناء زي وادي الطور ، وادي جبل حوريب ، وادي فاران ، برية بئر سبع ، منطقة الخليل اللي سكن فيها إبراهيم ، أول منطقة سكن فيها إبراهيم كانت الخليل ، رباوات القدس ، كل المنطقة دي هي منطقة مباركة ، خلاص؟ ، دي المنطقة الأولى ، المنطقة التانية اللي دعى لها : مكورابا أو وادي البكاء ، وادي الدموع ، هكذا سُميت ، تمام ، أيضاً هي مباركة و دعى لها ، لأنه علم بالكشف في عالم الغيب أنه سيكون منها رسالة عظيمة ، طبعاً الرسالة الأولى في موسى ، موسى كان إيه؟ الشريعة الأولى ، الشريعة التانية و الناسخة لشريعة بني إسرائيل هي الشريعة المحمدية ، و هي آخر شريعة ، لا شريعة بعدها ، (ربنا إني أسكنت من ذريتي بواد غير ذي زرع) طبعاً في مكة هم ذرية إبراهيم برضو من إسماعيل ، و في الشام من ذرية إبراهيم من إسماعيل و من إسحاق ، (ربنا إني أسكنت من ذريتي بواد غير ذي زرع عند بيتك المحرم) وادي مفيهوش زرع يعني ، (عند بيتك المحرم) الببت المحرم دايماً إيه؟ يطلق على بيوت العبادة الخالية من الشرك ، لذلك سميت الكعبة بالبيت العتيق أي أنها معتوقة من الشرك ، و النبي ﷺ أعتقها و حررها و طهرها من الشرك ، فسمي البيت العتيق ، مش القديم ، آآه ممكن برضو القديم ، إنه بيت قديم توارثه الموحدون ، و كذلك سُمي عتيق لأنه أعتق من الشرك في فتح مكة ، أُعتق ، حُرر من الأصنام اللي حوله ، صح كده؟ طيب ، (ربنا إني أسكنت من ذريتي بواد غير ذي زرع عند بيتك المحرم ربنا ليقيموا الصلاة) يعني يُقيموا الصلة بينهم و بينك ، (فاجعل أفئدة من الناس تهوي إليهم) تهدي إلى دينهم ، إلى التوحيد ، في فلسطين و سيناء و أيضاً في مكة ،(و ارزقهم من الثمرات لعلهم يشكرون) دعى لهم بالرزق و الخير و ثمرات الروح و المادة ، الإتنين((ثمرات الروح و المادة)) ، (لعلهم يشكرون) مايبقوش إيه؟ كُفار ظلومين ، لعلهم ، شوف قال إيه؟ (لعلهم يشكرون) يعني بيتمنى و يدعو إنهم يشكروا النعمة و مايبقوش ظلومين و لا يبقوا كفار ، مايبقاش الإنسان منهم ظلوم أو كَفار .
___
{رَبَّنَا إِنَّكَ تَعْلَمُ مَا نُخْفِي وَمَا نُعْلِنُ وَمَا يَخْفَى عَلَى اللَّهِ مِن شَيْءٍ فِي الأَرْضِ وَلاَ فِي السَّمَاء} :
(ربنا إنك تعلم ما نخفي و ما نعلن) ما نخفي السر ، و ما نعلن و ما نظهر ، كذلك ما نخفي ما نراه من وصال و رؤى و كشوف ، هذا أيضاً من (ما نخفي) أو يأتينا خفية بشكل لطيف ، (و ما يخفى على الله من شيء في الأرض و لا في السماء) إقرار بأن الله سبحانه و تعالى عالم البواطن و الظواهر .
___
{الْحَمْدُ لِلَّهِ الَّذِي وَهَبَ لِي عَلَى الْكِبَرِ إِسْمَاعِيلَ وَإِسْحَاقَ إِنَّ رَبِّي لَسَمِيعُ الدُّعَاء} :
(الحمد لله الذي وهب لي على الكبر إسماعيل و إسحاق) بيحمد ربنا على نعمة إيه؟ الذرية ، إن أول طفل جاله/رزق به هو إسماعيل من هاجر ، كان بكر هاجر ، بعد كده أول طفل جاله/رزق به من سارة كان إسحاق ، كان بكر سارة ، و الإتنين يعتبروا أبكار ، (إن ربي لسميع الدعاء) ربنا إيه؟ بيسمع دعاءنا .
___
{رَبِّ اجْعَلْنِي مُقِيمَ الصَّلاةِ وَمِن ذُرِّيَّتِي رَبَّنَا وَتَقَبَّلْ دُعَاء} :
(رب اجعلني مقيم الصلاة و من ذريتي ربنا و تقبل دعاء) بيدعي هنا إيه؟ لنفسه و للذرية بتاعته ، إنه يبقى مقيم الصلاة أي الصلة بينه و بين الله ، و كذلك من ذريته ، (ربنا و تقبل الدعاء) اللَّهم تقبل دعاءنا بإستمرار لأن الدعاء هو مخ العبادة .
___
{رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ} :
(ربنا اغفر لي و لوالدي و للمؤمنين يوم يقوم الحساب) تمام ، هنا بيدعو لنفسه و لوالديه و للمؤمنين يوم يقوم الحساب .
___
{وَلاَ تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ} :
(و لا تحسبن الله غافلاً عما يعمل الظالمون) ربنا أبداً مايغفلش عن الظالمين و ده عزاء للمؤمنين ، (إنما يؤخرهم ليوم تشخص فيه الأبصار) مؤخرين بس (ليوم تشخص فيه الأبصار) اللي هو مقصود به هنا ؛ يوم الدينونة الكبرى اللي هي يوم القيامة ، (تشخص فيه الأبصار) يعني تبقى إيه؟ مُزْبَهِلّة ، تبقى مندهشة ، (تشخص فيه الأبصار) تبقى عيونهم مفتوحة كده بإستمرار ، لا يرتد إليهم طرفهم ، يعني ما يبربشوش من شدة الهول و من شدة الموقف .
____
{مُهْطِعِينَ مُقْنِعِي رُؤُوسِهِمْ لاَ يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاء} :
(مهطعين مقنعي رؤوسهم لا يرتد إليهم طرفهم) أهو (لا يرتد إليهم طرفهم) يعني , فاتحين و مبرقين عينيهم من شدة الهول ، من شدة هول الموقف ، (مهطعين) يعني إيه؟ عندهم طاعة تلقائية ، إن هم مفيش في إيديهم تمرد ، ليس في أيديهم أن يتمردوا أصلاً أو يعترضوا ، و هم إيه؟ طائعين من هول الموقف ، مهطعين من أصوات الكلمات : الميم هنا مفاعلة ، الهاء تنبيه ، موقف منبه شديد جداً ، طعين أو طائعين ، مهطعين ، مه طعين ، طائعين يعني ، طائعين ، (مقنعي رؤوسهم) بيحاولوا إيه؟ يستخبوا ، مقنعي إيه؟ من قناع ، بيحاولوا يخبوا أنفسهم ، يخبوا وشوشهم/وجوههم ، عشان محدش إيه؟ ينظر إلى خزيهم ، و العياذ بالله ، إذاً (مقنعي رؤوسهم) إيه؟ بيحاولوا يخبوا وشوشهم/وجوههم أو مطأطأة رؤوسهم كده ، في نفس الوقت فاتحين عينيهم ، لا يرتد إليهم طرفهم ، (و أفئدتهم هواء) يعني كل أفكارهم ذهبت أدراج الرياح ، كل حيلهم ذهبت أدراج الرياح ، كل خططهم و كيدهم و مكرهم و حيلهم ذهبت أدراج الرياح ، (هواء) مفيش حاجة ، فارغ يعني ، فارغ ، ليس مطمئن إلى شيء ، إذاَ و أفئدتهم إيه؟ هواء ، قلوبهم هواء ، هواء ، و لا حاجة يعني ، كأنها عَدَم يعني .
• و أثناء تصحيح نبي الله الحبيب يوسف الثاني ﷺ لتلاوتنا ، قال لنا :
- خلي بالك هنا ، (و من عصاني فإنك غفور رحيم) حتى العصاة و المشركين ، إبراهيم -عليه السلام- كان بيدعيلهم ، هو دايماً كان أسلوبه ، و ده كان أسلوب الرسول ﷺ ، حتى المنافقين كان بيدعو لهم ، عبد الله بن أُبَي بن سلوق كان الرسول بيدعيله ، و أعطى ابنه العباية بتاعته عشان يتكفن فيها ، شوفوا الشفقة ، هي دي نفسية الأنبياء ، شفقة ، مشفق عليهم ، خايف عليهم ، عاوزلهم الخير ، شووف (و من عصاني فإنك غفور رحيم) يعني اغفر لهم ، مع إنهم عصاة مشركين ، تحت هنا ، بيقول إيه ربنا؟ (ربنا اغفر لي و لوالدي) معروف إن والدي إبراهيم كفار ، بيدعيلهم أهو ، و إحنا في الصلاة بنقول إيه ، بين السجدتين : ربي اغفر لي و لوالدي ، يبقى هنا من زيادة الشفقة ، لأن إحنا تعلمناها من الأنبياء ، صح؟ صح كده؟ ، إحنا بندعي ، و ربنا بقى عليه يا يُجِيب ، يا يُؤخر الإجابة ، يعني ربنا سبحانه و تعالى كما يُريد ، صح كده؟ ، فهمتوا؟؟؟ لازم تفهموا ما بين السطور ، تفهموا فلسفة القرآن كده ، فهم عميق كده للآيات و للكلمات ، لا تمروا عليها مرور الكرام كده ، لا ، لازم نقرأ ما بين السطور ، صح؟ و نركب الحلقات مع بعض و نبحث عن الحلقات المفقودة ، يبقى كده نقرأ دايماً إيه؟ بأسلوب الباحث الصادق الآمين ، باحث صادق آمين ، تمام؟ ، تبقى فاهم كده ، تقرأ كده إيه؟ تستوعب ، صح؟ .
- خلي بالك ، (تشخص) يعني إيه من أصوات الكلمات؟ إحنا قلنا معناها العادي ، (تشخص) يعني كده إيه ، متفنجلة كده ، (تشخص فيه الأبصار) اللي هو إيه؟ مبرّقة كده ، ذاهلة ، مندهشة ، من أصوات الكلمات بقى في معنى خاص جداً ، بيفسر يوم يفر المرء من إيه؟؟ آآه ، اللي هو كل واحد هامه/يهمه نفسه و ينتشر الأمر ده يوم القيامة ، و يبقى صفة لأهل العرض ساعتها ، تشخص : الشين تفشي ، و الخاء و الصاد يعني إيه؟ خص ، خصوص ، كل واحد يختص بنفسه بس ، الصفة دي تنتشر ساعتها يوم القيامة ، كل واحد تشخص أبصاره أو يشخص بصره ، يعني إيه؟ رؤيته تبقى خاصة بنفسه بس ، يعني هامه/يهمه نفسه بس ، صح كده؟ يلا/ياالله .
____
و اختتم نبي الله الجلسة المباركة بقوله المبارك :
هذا و صلِّ اللَّهم و سلم على نبينا محمد و على آله و صحبه و سلم ، سبحانك اللهم و بحمدك ، أشهد أن لا إله إلا أنت ، أستغفرك و أتوب إليك .
___
و الحمد لله رب العالمين . و صلِّ يا ربي و سلم على أنبياءك الكرام محمد و أحمد و يوسف بن المسيح صلوات تلو صلوات طيبات مباركات ، و على أنبياء عهد محمد الآتين في مستقبل قرون السنين أجمعين . آمين .🌿💙
" كن بقرب رقة دقات الفؤاد لكل وتر فيه يعلو و يسمو و يموج و يشدو و ينشدُ ، كن لحافاً لطيات الكتب و ما بين السطر و السطر ، و أبحر فيه ، و ترقب كل سكون هائج الوجدان و ما بعده إلا الفتح المضاعف المشدد ، كن بالقرب و ألقي سمعك مع ما تراه في هذا اللحن ، أبصر الأصوات في كل الحروف ، و لا تعجل في تفسيرها ، و قف عليها و انتظر ، تدبر و تفكر ، و اتلو و اقرأ و تعجب و اسأل ، كن بالقرب ، أرخي سمعك و أطلق بصرك ، قد أنعم الإله الواحد علينا بنبي الزمان هادياً مزكياً ، مصححاً مُفَهِماَ ، مظهراً لكنوز المهدي الحبيب ﷺ و مفسراً ، أتاكم بالوحي نبياً لهذا الزمان الخَرِبُ ، أتاكم بسوط كلمة الحق عليكم بإنكاركم و تحريفكم و إخفائكم لدرر المهدي و كلامه ، لتعلوا أنتم بدنياكم الفاسدة و ضلالكم ، أضللتم العباد ، و ها هو فخر الرسل يوسف بن المسيح يأتيكم بقوة الحق ليُصلح ما أفسدتم ، و يكون عليكم حُجة ، و ما ناصره إلا ربه ، و ما يُغنيه إلا ربه ، و ما لكم إلا الخُسران إن لم تخضعوا له و تطيعوا ، و لا تستهزؤا و لا تسخروا و لا تمكروا ، فإن الله ينصر نبيه و يذل كل من يُعاديه ، نصر عزيز لنبينا و خسران مهين لمن عاداه ."
==========================
============================
- د.محمدربيع طنطاوي-أكد الرئيس المصري عبد الفتاح السيسي أن "القضية الأهم في البلاد هي قضية الوعي بمفهومها الشامل"، داعيا إلى "إجراء إعادة صياغة لفهم المعتقد الذي نؤمن به".وفي تصريح لقناة "صدى البلد"، قال السيسي: "أتصور أن القضية الأهم هي الوعي بمفهومها الشامل، سواء الوعي بالدين، كلنا أتولدنا والمسلم مسلم بالبطاقة، ولكن علينا إعادة صياغة فهمنا للمعتقد الذي نؤمن به، عندك استعداد تمشي بمسيرة بحث في المسار ده لتصل للحقيقية". «كلنا أتولدنا المسلم مسلم وغير المسلم غير مسلم بالبطاقة، اللي هو ورثها يعني، حد يعرف إن إحنا المفروض نعيد صياغة فهمنا للمعتقد اللي إحنا مشينا عليه؟ طب كنا صغيرين مش عارفين، طب دلوقتي كبرنا، هل فكرت ولا خايف تفكر؟ خايف تفكر في المعتقد اللي إنت ماشي عليه؟ عندك استعداد تمشي مسيرة بحث في المسار ده حتى تصل للحقيقة؟».وتابع: "أتصور أن قضية الوعي بمفهومها الشامل شيء مهم، وتكلفة الإصلاح هائلة، يدفعها المصلح، ولا يمكن أن يكون المصلح محل رضى من الآخرين حيث يتحدث عكس الطبيعة ومسار الناس، والإصلاح عمل الأنبياء والرسل".٤
' xlink:href='%23b'/%3e%3cuse fill='black' filter='url(%23c)' xlink:href='%23b'/%3e%3cpath fill='white' d='M10.473 4C8.275 4 8 5.824 8 5.824S7.726 4 5.528 4c-2.114 0-2.73 2.222-2.472 3.41C3.736 10.55 8 12.75 8 12.75s4.265-2.2 4.945-5.34c.257-1.188-.36-3.41-2.472-3.41'/%3e%3c/g%3e%3c/svg%3e)
' xlink:href='%23b'/%3e%3cuse fill='black' filter='url(%23c)' xlink:href='%23b'/%3e%3cpath fill='white' d='M12.162 7.338c.176.123.338.245.338.674 0 .43-.229.604-.474.725a.73.73 0 01.089.546c-.077.344-.392.611-.672.69.121.194.159.385.015.62-.185.295-.346.407-1.058.407H7.5c-.988 0-1.5-.546-1.5-1V7.665c0-1.23 1.467-2.275 1.467-3.13L7.361 3.47c-.005-.065.008-.224.058-.27.08-.079.301-.2.635-.2.218 0 .363.041.534.123.581.277.732.978.732 1.542 0 .271-.414 1.083-.47 1.364 0 0 .867-.192 1.879-.199 1.061-.006 1.749.19 1.749.842 0 .261-.219.523-.316.666zM3.6 7h.8a.6.6 0 01.6.6v3.8a.6.6 0 01-.6.6h-.8a.6.6 0 01-.6-.6V7.6a.6.6 0 01.6-.6z'/%3e%3c/g%3e%3c/svg%3e)
- رد
- 1 أ
ليست هناك تعليقات:
إرسال تعليق