درس القرآن و تفسير الوجه الرابع من الزخرف .
::::::::::::::::::::::::::::::::::::::::::
أسماء أمة البر الحسيب :
الوجه 21 نساء 23 يناير 2018 .
========================
الحمد لله وحده ، الحمد لله وحده والصلاة والسلام على محمد ومن تبعه من أنبياء عهده وبعد ، لدينا اليوم الوجه الحادي والعشرون من أوجه سورة النساء، ونبدأ بأحكام التلاوة رفيدة .
رفيدة : أحكام الميم إدغام متماثلين صغير أي اذا اتى بعد الميم الساكنة ميما اخرى فتدغم الأولى في الثانية وتنطق ميما واحدة مثل " كنتم مؤمنين " .
الإظهار : اي اذا أتى بعد الميم الساكنة جميع حروف الهجاء عدى الميم والباء مثل " لم يكن "
الإخفاء : اي إذا أتى بعد الميم الساكنة جميع حروف الهجاء عدى الباء مثل " ما انتم بمعجزين " .
ثم سمع مروان وارسلان الاحكام ثم تلى سيدنا يوسف بن المسيح عليه الصلاة والسلام الوجه المبارك ثم قال: في حد عنده سؤال في وجه ؟ مريدا (( ماشي مريدا وإيه تاني؟ )) ليبكتن (( إيه تاني؟ )) لأمنينهم (( إيه تاني؟ )) خسرانا ؟ (( تمام )) محيصا (( تمام ، ماشي؟ ( لا خير في كثير من نجواهم ) النجوى هي إيه ؟ الحديث السري الحديث الخفي السري هذه هي النجوى تمام ؟ لذلك لما إيه إحنا بنقول إيه؟ تدعو الله عز وجل أو تناجيه؟ لأن مناجاة هي الدعاء سرا وبشكل خفي بينك وبين الله عز وجل . إذن كلمة نجوى أي الحديث الخفي أو السري . الله سبحانه وتعالى بيقول إيه؟ ( لا خير في كثير من نجواهم ) يعني كثير من كلامهم الخافي إللي ما بينهم وأسرارهم لا خير فيها إلا ( من أمر بصدقة أو معروف أو إصلاح بين الناس ) يعني معظم كلام الناس مع بعض لغو، لغو، كلام فاضي ، مش كلام حقيقي ، مش كلام ربنا بيرضى عنه معظمه غيبة ونميمة وكذب وزور وبهتان . تضييع وقت. إذن لا خير في كثير من نجواهم، وهم هنا تعود على إيه؟ كافة البشر مثلا تمام ( إلا من أمر بصدقة ) يعني إيه؟ نصح أخوه ان هو يتصدق على فقير أو معروف أمر معروف من أمور الدين أو الدنيا أو إصلاح بين الناس، التصالح بين الناس، ده من أعظم الأمور، لأن الرسول صلى الله عليه وسلم قال إيه؟ فساد ذات البين هي الحالقة لما يكون في خصومة بين إيه؟ مجموعتين بين الناس أو بين شخصين. تمام ؟ هذه الخصومة تأتي بمشاكل عظيمة جدا، تمام ؟ فتحلق الخير ولا تبقي إلا الشر، تمام ؟ إذن ( لا خير في كثير من نجواهم إلا بأمر بصدقة أو معروف أو إصلاح بين الناس ومن يفعل ذلك ابتغاء مرضاة الله ) اللي هي إيه ؟ الأمر بالصدقة أو المعروف أو الإصلاح بين الناس ( من يفعل ذلك ابتغاء مرضاة الله ) يعني نيته صالحة خالصة لله عز وجل، إللي هيحصل ؟ ( فسوف نؤتيه أجرا عظيما ) الله سبحانه وتعالى سوف يؤتيه الأجر العظيم في الدنيا والآخرة، طيب.
( ومن يشاقق الرسول من بعد ما تبين له الهدى ) يشاقق يعني ايه ؟ ينازع يعني ايه ؟ يضع رأيه، يضع رأيه أو إيه ؟ يضع إيه كلامه أمام كلام الرسول، وأمام رأي الرسول تمام ينازعه، يشاققه تمام؟ ميرضاش بأمره . من يشاقق الرسول ( ومن يشاقق الرسول من بعد ما تبين له الهدى ويتبع غير سبيل المؤمنين نوله ما تولى ) مش إحنا قلنا إمبارح هنا هو . ولا تكن للخائنين خصيما، وهنا ولا تجادل عن الذين يختانون أنفسهم، إللي بيخون نفسه ويبعد عن النبي، هيحصل إيه بقى؟ربنا هيعملو إيه؟ نوليه؟ ما تولى يخون نفسه يعني ايه ؟ يخون دينه يخون ربنا تمام ؟ (نوله ما تولى )ربنا يخليه يتولى في الخيانة بتاعته دي، هيحصل بعد كده في آخر الزمان، إيه في يوم القيامة، ونصليه جهنم، نصليه جهنم نصليه من إيه؟ أنه سوف يصلى أي يصطلي، أي سيتصل بالنار وسيصلى بالنار تمام ؟ أن يستعر بها.ويتصل بها، ويحترق بها . إذن (نوله ما تولى ونصليه جهنم ) إيه بقى؟ وساءت مصيرا مصير سيء جدا. ( إن الله لا يغفر أي يشرك به، ويغفر ما دون ذلك لمن يشاء ) خلي بالك ربنا سبحانه وتعالى ممكن يغفر أي شيء ، بعد الموت. لو إنسان عمل ذنب ممكن بعد الموت، إيه؟ ربنا يغفر له يوم القيامة، إلا الشرك بالله عز وجل، الله سبحانه وتعالى لايغفره ، والله أعلم المراد بالشرك هنا هو الشرك الأكبر، وليس الشرك الأصغر الشرك الأكبر إللي هو إيه؟ السجود للأوثان، السجود للأوثان و عبادة غير الله عز وجل عبادة صريحة، تمام ؟ هو ده الشرك الأكبر، اللي الله سبحانه وتعالى لا يغفره ابدا، أما الشرك الخفي زي إيه؟ مثلا الكذب شرك خفي ، الرياء شرك خفي، تمام ، العجب
شرك خفي، اتباع الهوى شرك خفي، وهو إيه خفي، وهو الذي حذر منه النبي صلى الله عليه وسلم، وقال أخوف ما أخاف عليكم الشرك الخفي، تمام كده ؟ أه الإنسان يحسن صلاته عشان الناس تقول عليه يا سلام ده تقي، ده شرك برضه خفي، دي إن شاء الله ربنا يغفرها، ولكن الشرك الأكبر هو الذي لا يغفر وعرفتوا ايه يعني شرك الأكبر تمام ؟ إللي هو الإنسان يسجد لوثن يعبد مع الله أحدا آخر بشكل صريح .تمام ؟ هو ده الشرك الأكبر، لكن الشرك الأصغر الخفي هو أنا بقولك عليه ده الكذب، الرياء، العجب بالنفس، تحسين صلاته عشان الناس تقول عليه تقي تمام ؟ أه اتباع الهوى ، كل ده اسمو الشرك الخفي تمام ؟ طيب.
( إن الله لا يغفر ان يشرك به ويغفر مادون ذلك لمن يشاء ومن يشرك بالله فقد ضل ضلالا بعيدا ) طبعا. ( إن يدعون من دونه إلا إناث وإن يدعون إلا شيطانا مريدا ) يعني إيه؟ هما زمان كانت العرب بيقولو إيه عن الملائكة؟ إن هما إيه؟ بنات ، بنات الله أو إناث كانوا بيعبدوا فيه طائفة منهم بتعبد الملائكة مع الله وده شرك بالله عز وجل شرك ، شرك أكبر.
لأء ، الملائكة ليست بإناث وليست بذكور. تمام؟
( وإن يدعون إلا شيطانا مريدا ) تمام ؟
إللي هما بيعملوه ده دعوة أو اتباع لشيطانهم شيطان هنا بقى لفظ عام يطلق على الشيطان اللي هو الشبحي ده إللي هو من أبناء إبليس الذي يوسوس بالمعصية، ممكن الشيطان يعني النفس الشريرة أو الخاطر السيء كل دي يطلق عليها إيه؟ الشيطان، و كلمة شيطان أي شطن، أي بعد عن رحمة الله عز وجل . تمام ؟ مريدا أي متمردا غير طائع المريد هو إيه؟ المتمرد غير الطائع؟ لعنه الله ربنا بيقول ، ربنا لعن الشيطان و الشيطان قال ايه تاني ؟ (وقال لأتخذن من عبادك نصيبا مفروضا ) يعني أنا هاخد من عبادك إللي إنت خلقتهم، ناس سأضلهم بيقول إيه؟ ( ولأضلنهم ولأمنينهم ولآمرنهم فليبتكن آذان الأنعام ولآمرنهم فليغيرن خلق الله )
أول حاجة لأضلنهم دي معروفة ، لأمنينهم يعني خليهم إيه؟ يتمنو أشياء إيه؟ ليست في إيه؟في إمكانياتهم تمام، واجعلهم إيه؟ إيه يتشبثوا بالدنيا الدنية تمام؟ ولآمرنهم فليبتكن آذان الأنعام، زمان كان عند العرب عادة إن هما إيه؟بيقطعو ايه أذان الأبقار بتاعتهم دي؟ كانت عادو وثنية لتغيير خلق الله، ولأمرنهم فليغيرن خلق الله، كانت واحدة زمان تحلق حواجبها خالص بتقوم حاطة مكانها خط وده إيه؟ من تغيير خلق الله عز وجل، وده حرام، وده من أوامر الشيطان تمام؟ طيب . ( ومن يتخذ الشيطان وليا من دون الله فقد خسر خسرانا مبينا ) إللي يتخذ الشيطان ولي وصديق من دون الله عز وجل، خسر في الدنيا والآخرة.
(يعدهم ويمنيهم ) ده صفة الشيطان يعد و يمني (وما يعدهم الشيطان إلا غرورا ) الغرور هو الكذب والأوهام (يعدهم ويمنيهم ) وما يعدهم الشيطان إلا غرورا (أولئك مأواهم ) يعني مصيرهم بعد كده جهنم (ولا يجدون عنها محيصا ) محيصا أي مفرا، لا يجدون إيه؟ لا يجدون عنها، إيه مفر ومهرب ومنجا، تمام ؟ طيب.
حد عنده أي سؤال تاني؟اغلق الفيديو يا مروان .
ليست هناك تعليقات:
إرسال تعليق